查看完整版本 : 水果進口香港問題交流

老實的農民 2020-12-15 07:53 PM

水果進口香港問題交流

我有多年水果國際採購經驗,主要是做批發到東南亞市場。因為量大,所以一向都是委託清關公司搞。
因為市場同定位問題,從未試過發香港。
甘岩身邊朋友講起都想在香港吃到高質量水果,所以突然有想法想搞下高質水果來香港零售(電商模式)
但未試過進口空運車里子來香港。
大約了解是consignee 寫反香港間公司,整個電子印for 文件用,跟手找架車去機場提貨?
不知道要咩手續或牌照?
有沒有人有經驗可以分享下或交流一下
原本都想找清關一條龍搞的。
但因為是零售好少量加上怕成本太高,想回饋多一點比客戶,不想增加太多成本在客戶身上
因為剛開始客戶都是身邊朋友或朋友朋友
希望互相交流學習一下

pp1123 2020-12-16 10:20 AM

要同食環署申請,登記做食物進口商及食物分銷商,呢兩樣嘢清關既公司(報關行)唔會代辦。

首先要你個供應商搞清楚,佢啲貨係咪可以出口香港,去得一個國家唔代表一定去得另一個,好可能要搞過啲出口批文。出口供應商搞清楚晒手續,佢搵嗰間forwarder你亦要留意,有啲forwarder香港呢邊唔熟做生果,咁就你自己要執生。

「consignee 寫反香港間公司,整個電子印for文件用,跟手找架車去機場提貨」<- 大致係咁,最緊要係你俾晒錢,多數係帶公司印&支票去forwarder櫃台,贖返份提單去提貨。你亦可以叫供應商cy/door甚至door/door,等forwarder香港呢邊送過嚟俾你。比自己叫車貴少少,但就少啲麻煩。

入口除咗做清關,仲要貨物到港後十四日內做報關。你以前搵得報關行做,佢哋通常包埋做清關及報關,如果你自己做晒,食物/生果飛機貨既清關手續,可以去問forwarder(所以唔好搵間forwarder香港呢邊唔熟做生果既,邊啲情況或邊類貨要「授權書/銀行背書/進口許可證/進口牌照」,你可以問寄貨前問定),搵提慣飛機生果貨既熟手貨車一樣得。如果啲生果由中國用陸路入嚟,清關手續又唔同,中國供應商要搵報關員去關口做出口,入口商(或報關行)要預先做CCRN俾上去既司機。
報關就用政府網上系統,網上登記就開通就報得。

清關&報關話難唔難,話易唔易,搵報關行方便在唔使自己搵人手做,又唔使去登記咁多個網站/系統,各項費用唔使俾完東又要去俾西,一嚿錢俾晒報關行就得。至於俾錢報關行做值唔值,睇人手囉,識用嗰堆系統幾分鐘搞掂,唔識就連個網址都搵唔到,到登記好又要玩幾個鐘先做完一份。

[[i] 本帖最後由 pp1123 於 2020-12-16 11:22 AM 編輯 [/i]]

老實的農民 2020-12-17 12:25 AM

[quote]原帖由 [i]pp1123[/i] 於 2020-12-16 10:20 AM 發表 [url=https://www.discuss.com.hk/redirect.php?goto=findpost&pid=529035001&ptid=29602528][img]https://www.discuss.com.hk/images/common/back.gif[/img][/url]
要同食環署申請,登記做食物進口商及食物分銷商,呢兩樣嘢清關既公司(報關行)唔會代辦。

首先要你個供應商搞清楚,佢啲貨係咪可以出口香港,去得一個國家唔代表一定去得另一個,好可能要搞過啲出口批文。出口供應商搞清楚晒手續,佢搵嗰間forwarder你亦要留意,有啲forwarder香港呢邊唔熟做生果,咁就你自己要執生。

「consignee 寫反香港間公司,整個電子印for文件用,跟手找架車 ... [/quote]
師兄感謝你的回答,十分詳細
一般出口香港水果比出口中國或其他國家水果操作是簡單好多。因為香港好多方面既野都唔洗,中國或其他國家反而要。e.g 冷處理
出口方面我有專業人士做一套文件 for 出口同入口的

但事實都岩邊行就要找反果行的專業人士去搞,所以甘耐以來我都是找當地的清關公司清關及報關。

只是甘岩自己係香港,想緊香港操作上會不會比較簡單一些。

當然如果最後決定都是找報關公司搞,我都會找反做開水果報關負責

謝謝你的回覆
頁: [1]
查看完整版本: 水果進口香港問題交流