查看完整版本 : 香港歷史悠久運動 - 賽馬

sinnet00 2021-1-19 12:17

賽馬在本港有悠長及光輝歷史,是香港市民一個集體運動,娛樂活動。回歸前亦以舞照跳,「馬照跑」作為一國兩制,五十年不變宣傳口號,可見其重要性/標誌性。每年香港賽馬會由收益撥出鉅額款項捐予慈善機構作支持慈善,公益活動。
於1841年,英國人將賽馬運動帶來香港,首個賽馬場 - 跑馬地馬場正式於1845年落成,由此展開了光輝的香港賽馬歷史,而當時「入馬場」亦被視為高尚的社交活動。

香港賽馬會於1884年正式成立,專責本地賽事的行政事務。
於1971年,香港賽馬會發展成為一家職業賽馬機構,將賽馬運動職業化。為應付對賽馬活動持續增加的需求,馬會在1978年於沙田興建第二個馬場,並先後將兩個馬場重建及擴充,增設多項先進設施以配合其長遠發展,香港馬場更被譽為世界最完善的馬場之一。同時,馬會亦聘用一流的管理人才及優秀的服務員,舉辦及管理高水準的賽事、嚴格執行規例、公平投注和保持透明度,令香港賽馬運動達到世界級水平,而馬會亦在國際賽馬機構間享有前領地位。

賽馬常有意外發生, 幸而多是有驚無險。但曾有多宗騎師發生意外, 墮馬身亡事件。其中一宗印象較深刻, 八十年代一宗賽馬意外中騎師不幸墮馬身亡:
一位英國著名/世界級經驗豐富騎師戴萊(最為人熟悉, 此君喜咬煙斗), 策騎賽駒銀星一號, 衝過終點後, 馬匹突然低頭, 將騎師戴萊摔下。戴萊猝不及防, 頭部首先著地, 嚴重受傷(可能頸骨折斷), 送院留醫數日後不治。之前曾見過兩, 三次戴萊墮馬, 都因為經驗豐富, 懂得保護自己而化險為夷。可能今次在終點前全力催策, 衝過終點後, 稍一鬆懈, 即為賽駒所乘而墮馬罹難。(該場賽事可能戴萊奪冠, 因事隔太久, 不能肯定)。
其實銀星一號早有前科。早在晨操時已表現具壞脾氣(或壞心腸), 數度將騎馬人/策騎員/馬匹訓練員摔下受傷。戴萊事件發生前數週, 晨操時將法藉騎師畢奇擦欄摔下, 畢奇下肢受傷殘廢(後離婚, 其太太琵琶別抱改嫁另一名騎師李森)。資深馬評家驃叔(董驃)曾講過此匹灰馬銀星一號生得一對翻白眼, 鬼鼠, 壞心腸, 騎者稍有不慎, 隨時中招, 不適合作賽駒。小道消息, 有馬會中人建議銀星一號退役或人道毀滅, 以免繼續害人, 惜為馬會所拒。戴萊墮馬身亡後, 馬會被指摘罔顧人命, 不採取措施保護騎師及馬匹訓練員。記憶所及, 銀星一號最終難逃人道毀滅命運。
行船跑馬三分險, 此言非虛!

[[i] 本帖最後由 sinnet00 於 2021-1-19 12:23 PM 編輯 [/i]]

sinnet00 2021-1-20 12:58

馬圈傑出人物 董驃
如要撰寫在賽馬領域, 行業, 出類拔萃及有驕人成就/成績人物, 不能不提一位專業及表現傑出, 令人欽佩馬圈奇人, 人稱驃叔 - 董驃(已歿)。
驃叔, 一位廣為馬迷認識賽馬專家, 驃叔對馬匹, 賽馬極其了解, 乃專家中之専家。即使並非馬迷或對賽馬不感興趣, 對驃叔亦不會陌生。如此一位人物, 前無古人, 相信亦後無來者。
驃叔 - 紅褲子出身, 自小在馬圈長大。戰後開始在馬圈由低做起, 任何崗位都曾擔任過。包括馬房雜工, 馬伕, 騎馬人/策騎員/訓練員, 騎師, 練馬師, 更曾在澳門獲得冠軍練馬師榮銜。
驃叔亦是影視界藝人。最為人熟悉當然是在麗的/亞視擔任賽馬節目主播, 成為該電視台最受歡迎及最長壽節目。驃叔不單是評馬, 相馬精準之專業評馬人, 專家中專家。筆者亦是在其身上學習賽馬知識, 彷似攻讀遙距課程, 惟學費不菲, 由馬會代收。
驃叔喜在節目中暢論馬圈軼事, 說古論今, 圈中人生百態。是唯一有資歷,閱歷賽馬教授, 可說是馬圈百科全書。且人生閱歷豐富, 對人性了解甚深, 固亦會談論人生, 人性, 古今中外人物, 成為賽馬娛樂節目, 即使並非馬迷, 亦喜追看。其獨特風格, 至今無人能及。驃叔在節目中屢屢勸告馬迷, 不要沉迷賭馬。賽馬專家如驃叔, 亦輸到仆街, 多次在鏡頭前呼籲馬迷離場, 切戒沉迷賭博。在現場評述馬匹質素, 長相, 狀態, 表現獨到, 詳盡。如屁股有白印, 疴爛屎等, 顯示馬匹健康有問題; 臨場不斷冒大汗(尤其在冬季), 即顯示馬匹心理緊張; 馬匹行圈之動態, 身體語言亦可閱讀到, 其他種種馬匹動態不能盡錄。
驃叔在賽後評述中, 能精準道出賽事出現之問題。騎師所犯錯誤, 如走位或判斷失誤。未盡全力, 蠱惑騎師動作, 一一用鏡頭捕捉播出。醜態無所遁形, 難逃驃叔法眼, 令馬迷佩服不已。惟賽果不能改變, 馬迷徒嘆奈何。
驃叔 - 誰人代替你地位?

vicky-chan 2021-1-20 13:06

董驃先生確是香港賽馬界奇人
雖然我不懂賭馬,但看他講馬也是樂趣之一

前往橙色的神童 2021-1-21 16:32

80後唔識跑馬,但細細個就睇驃叔做戲😂

sinnet00 2021-1-21 18:55

筆者可說是資深馬迷,六,七十年代郭子猷,鄭棣池叱咤風雲業餘賽馬年代已投注賽馬。有幸曾入馬場近距離瞻望兩大叱吒馬壇頂級騎師郭,鄭風采(如現時莫雷拉,潘頓)。尤幸筆者算是理性賭徒,一向奉行輕注怡情,否則早已不在人世,輸死咗!
八,九十年代對賽馬頗有研究,曾用甚多時間鑽研賽馬,對馬匹血統,擅長路程,晨操狀態等等十分熟悉; 至於馬匹臨場表現,狀態,相馬則師承驃叔; 練馬師博殺動態,手法,博殺賠率等等都有記錄,幾乎所有賽馬資料都有研究,頗有心得,自以為是賽馬專家。逢賽馬日都有朋友,同事致電索取賽馬貼士,間有斬獲,自己則輸多贏少,皆因磨爛席,場場賭及缺乏投注策略,如果每個賽馬日只選擇一或兩場心水投注,戰果可能改寫。即使筆者肯花大量時間研究,但並非一分耕耘一分收獲,皆因賽事進行中有太多不能預計情況發生,尤其是練馬師,騎師鬥志/心意及其他蠱惑招數(回歸後因馬會監察得宜,此情況逐漸減少)。
驃叔退出螢幕後,如將軍一去,大樹飄零,已無名師模彷,學習,頓失所依; 所熟悉練馬師,騎師相繼退役/退休或退出香港馬壇,之前所累積博殺手法資料已無價值,投注頓失方向; 加上當時運氣久佳(其實任何賭博,運氣,幸運佔最重要因素),全季連場敗北而信心盡失,對賽馬興味索然,決心戒除賭馬陋習。廿多年來甚少接觸,對賽馬已全無認識。
筆者曾有一代表作, 從驃叔所學到賽馬知識, 評估一匹初出, 插入第四班PPG(自購新馬)具頂班馬質素/級數, 果然此良駒由第四班以無敵姿態殺上第一班, 被稱為馬王, 此匹佳駟 - 翠河。

sinnet00 2021-2-2 15:20

馬王 翠河

筆者曾有一代表作, 從驃叔(董驃)遙距授課所學到賽馬知識, 評估一匹初出, 插入第四班PPG(自購新馬)具頂班馬質素/級數, 果然此良駒由第四班以無敵姿態殺上第一班, 被選為馬王, 此匹佳駟是 - 翠河。

翠河是筆者相馬最好成績之一匹佳駟。首場賽事在沙圈亮相,眼前一亮,驚為天人(馬),見此駒型格極佳,神駿,靚仔馬。初插第四班出賽,已斷言此良駒質素必屬第一班,且有機會晉身馬王之列。果然翠河以無敵姿態連勝六場升上一班(事隔太久,可能記錯)。

翠河曾是1991年香港打吡大賽冠軍。香港打吡大賽 Hong Kong Derby 簡稱「香港打吡」,是香港賽馬其中一項重要錦標,由香港賽馬會舉辦。是香港賽馬會四歲馬系列尾關賽事。此賽事祇限在港受訓四歲馬參與,草地途程為2000米,每年3月於沙田馬場舉行,2020/2021馬季總獎金為2400萬港元,是香港賽馬最高獎金的表列賽。雄馬及閹馬負126磅,雌馬負122磅。

翠河海外出賽首仗是6歲(可能記錯),可說盛年已過。一般而言,香港賽駒當打之年是4 - 5歲。至於海外作賽屢戰屢敗,原因甚多,例如:
1. 練馬師是否操練至最高作戰水平?
2. 騎師陣上能否發揮最高水準?
3. 路程適應性(香港最長途只是2400M而海外有3200M賽事),會否太長?
4. 盛年已過或賽事太頻密,已毋復當年勇;
5. 陣上形勢瞬息萬變,騎師未能取得最佳位置。

筆者愚見翠河之敗,非戰之罪,礙於客觀因素,複雜環境,情況而已。

翠河 River Verdon,1987年出生,馬主為張奧偉與夏佳理,曾經於1990/1991、1991/1992和1993/1994馬季成為香港馬王。香港賽馬史上唯一的香港三冠大賽三冠馬王(董事盃、香港金盃、香港冠軍暨遮打盃)榮銜。1996年退役,一代馬王「翠河」於2005年6月18日於澳洲墨爾本的Carbine Thoroughbred Stud Farm逝世,現被製成標本永久安放於香港賽馬博物館。

vicky-chan 2021-2-3 03:48

我吾識賭馬,但記得有隻馬皇叫“祿怡”

sinnet00 2021-2-3 21:26

[quote]原帖由 [i]vicky-chan[/i] 於 2021-2-3 03:48 AM 發表 [url=https://www.discuss.com.hk/redirect.php?goto=findpost&pid=531135492&ptid=29670229][img]https://www.discuss.com.hk/images/common/back.gif[/img][/url]
我吾識賭馬,但記得有隻馬皇叫“祿怡” [/quote]
祿怡是一匹澳洲生產的純種競賽馬匹,1977年以高價馬身份來港,曾為三屆香港馬王(1977/78、78/79及80/81年度)。祿怡出賽成績斐然,共獲十五次冠軍,是香港賽馬歷史上,首匹總獎金突破一百萬的香港賽駒。七十年代一百萬是天文數字,擁有一百萬被稱為百萬富翁。

sinnet00 2021-2-4 12:51

對賽馬頗有研究
賽馬原本是運動及高尚娛樂活動,後來變質成為賭博工具,活動。筆者一貫堅守輕注怡情原則,賭馬只為考驗眼光,運氣及作為觀賞賽馬娛樂費。至於何謂「輕注」?並無標準/準則,重要是對生活,經濟無做成影響。
筆者可說是資深馬迷,六,七十年代郭子猷,鄭棣池叱咤風雲業餘賽馬年代已投注賽馬。有幸曾入馬場近距離觀看當年兩大叱吒馬壇頂級騎師郭,鄭風采(如現時莫雷拉,潘頓)。尤幸筆者算是理性賭徒,一向奉行輕注怡情,否則早已不在人間,輸死咗!
八,九十年代對賽馬頗有研究,曾用甚多時間鑽研賽馬,對馬匹血統,擅長路程,晨操狀態等等可說暸如指掌,如數家珍; 至於馬匹臨場表現,狀態,相馬則師承驃叔; 練馬師博殺動態,手法,博殺賠率等等都有詳盡記錄,幾乎所有賽馬資料都有研究,頗有心得,彷似修讀遙距課程畢業,自以為是賽馬專家。惟學費不菲, 由馬會代收。
逢賽馬日都有朋友,同事致電索取賽馬貼士,間有斬獲,自己則輸多贏少,皆因場場賭,磨爛席及缺乏投注策略,如果每個賽馬日只選擇一,兩或三場心水投注,戰果可能改寫。即使筆者肯花大量時間研究,但並非一分耕耘一分收獲,皆因賽事進行中有太多不能預計情況發生,尤其是練馬師,騎師鬥志/心意及其他蠱惑招數(回歸後因馬會監察得宜,此情況逐漸減少)。

當年練馬師搏殺有跡可尋(曾花頗長時間尋蹤跟跡) :
例如食力簡(簡炳墀)搏馬,必由主帥雷誠(後期是高雅志)在最後操練快跳末段。
飛機陳(陳毓麟)搏馬,必由徐貴良一手一腳操練,最後一課快操。通常賠率在10至15倍之間,筆者多次捕捉得手中彩。
外藉練馬師以大摩較為易捉手影,如兩匹馬同場競賽,必然底出,屢試不爽。其實練馬師皆喜冷惡熱,都喜以底出此招,只是大摩較為明顯,突出。
岳頓搏殺必定在最後一課試閘。
筆者憑筆記資料記錄,根據練馬師搏殺手法/手影經常有斬獲。

驃叔退出螢幕後,如將軍一去,大樹飄零,已無名師指導,模彷,學習,頓失所依; 所熟悉練馬師,騎師相繼退役/退休或退出香港馬壇,之前所累積博殺動態,手法資料已無價值,投注頓失方向; 加上當時運氣久佳(其實任何賭博,運氣,幸運佔最重要因素),全季連場敗北而信心盡失,對賽馬興味索然,決心戒除賭馬陋習。廿多年來甚少接觸,對賽馬已全無認識。現時只會買多少雞仔注,都係買冧把,騎師(大多以外號雷神莫雷拉作重心投注),作為觀賞賽馬娛樂費而已。

sinnet00 2021-2-5 13:27

沉迷賭馬 後果嚴重

耳聞目賭不少人因賭馬而經濟, 生活受嚴重影響, 有傾家蕩產;負債累累;有家庭破碎;甚至走上絕路, 喪失生命。報章多年來報導此種新聞數不勝數, 其中當年轟動一時因賭馬而走上自殺絕路兩宗個案:

個案一
發生於八十年代初, 偵緝總督察黃世煜呑槍自殺案轟動全港。報章報導黃世煜總督察提取警署夾萬內證物現金三十萬賭馬, 賣大熱單Q (連贏)。結果一隻跑第一, 另一隻跑第三, 就此以自轟告終。記憶中該兩匹馬 - 馬王同德跑第一, 錫山跑第三。真真正正輸死人!

個案二
因賭博輸掉性命另外一人, 比黃世煜階級更高, 已故馮健民總警司。
馮健民科班出身, 畢業於有“警察搖籃”之稱皇家香港少年警察訓練學校 RHKPCS Royal Hong Kong Police Cadet School 為第一屆學員, 後投身警隊。經多年努力, 由普通警員逐步晉升至總警司。不幸染上炒樓, 投資(投機), 賭馬惡習, 不能自拔, 債臺高築而走上絕路。多年努力艱苦奮鬥, 晉身警隊高層, 最後化為烏有, 於2006年跳樓身亡。令人扼腕慨歎!

此種因賭馬走上絕路,自殺身亡新聞只是冰山一角,上述個案因傳媒廣泛報導,哄動一時而受到公眾注意而已。

vicky-chan 2021-2-6 19:53

沉迷任何賭博皆後果嚴重!
過去了的幾十年,我見盡不少因賭而走上絕路的例子
1969年,我隔離住的一位珠寶店職員X先生
在葡京贏得超過10萬元(當年1萬元可買一層兩房一廳)
威盡一時,但不足一個月後,輸清不止還欠下貴利
最終走上絕路....................

wahdeeleung 2021-2-6 19:55

唔識賭馬 但印象中最記得有隻馬叫 大印銀紙

sinnet00 2021-2-10 16:11

[quote]原帖由 [i]wahdeeleung[/i] 於 2021-2-6 07:55 PM 發表 [url=https://www.discuss.com.hk/redirect.php?goto=findpost&pid=531297496&ptid=29670229][img]https://www.discuss.com.hk/images/common/back.gif[/img][/url]
唔識賭馬 但印象中最記得有隻馬叫 大印銀紙 [/quote]
對,有此馬名賽駒。大印銀紙Giant Treasure
不是頂級佳駟,只係第二班馬,成績未算突出。
翻查資料賽績:
27戰3冠2亞4季
獎金 : $17,443,200港元
(獎金不俗,可能係贏咗三場獎金豐厚國際賽事)

另外重有一匹馬名銀紙,成績平平。
翻查資料:
班次:第三班
賽績:18戰5冠1亞4季
獎金 : $4,441,650

[b]唔識賭馬[/b]
[b]恭喜你,不賭是贏錢![/b]

wahdeeleung 2021-2-10 22:29

[quote]原帖由 [i]sinnet00[/i] 於 2021-2-10 04:11 PM 發表 [url=https://www.discuss.com.hk/redirect.php?goto=findpost&pid=531454357&ptid=29670229][img]https://www.discuss.com.hk/images/common/back.gif[/img][/url]

對,有此馬名賽駒。大印銀紙Giant Treasure
不是頂級佳駟,只係第二班馬,成績未算突出。
翻查資料賽績:
27戰3冠2亞4季
獎金 : $17,443,200港元
(獎金不俗,可能係贏咗三場獎金豐厚國際賽事)

另外重有一匹馬名銀紙,成績平平。
翻查資料:
班次:第三班
賽績:18戰5冠1亞4季
獎金 : $4,441,650

唔識賭馬
恭喜你,不賭是贏 ... [/quote]
聽過後輩既一句說話 輸錢皆因贏錢起 就算賭要有輸得起既心態 係我賭局唔係局賭我!

cannycandy 2021-3-16 23:50

記得70年代獨嬴位置是5蚊一注, 連羸就十蚊注, 在當時來講不是打工仔可以個個娛樂得起, 賭狗就可一蚊注比較易負擔, 外圍狗馬最為猖獗, 但隨住賽馬日及彩池漸多加上有直播, 賽狗就漸漸式微, 記得有句話投注站多過米舖, 一個旺區最少有兩三間投注站營業, 諗起以前填張六合彩真係要填成五分鐘, 張彩票半張A4紙咁大:smile_30:

sinnet00 2021-3-18 12:17

[quote]原帖由 [i]cannycandy[/i] 於 2021-3-16 11:50 PM 發表 [url=https://www.discuss.com.hk/redirect.php?goto=findpost&pid=532963251&ptid=29670229][img]https://www.discuss.com.hk/images/common/back.gif[/img][/url]
記得70年代獨嬴位置是5蚊一注, 連羸就十蚊注, 在當時來講不是打工仔可以個個娛樂得起, 賭狗就可一蚊注比較易負擔, 外圍狗馬最為猖獗, 但隨住賽馬日及彩池漸多加上有直播, 賽狗就漸漸式微, 記得有句話投注站多過米舖, 一個旺區最少有兩三間投注站營業, 諗起以前填張六合彩真係要填成五分鐘, 張彩票半張A4紙咁大:smile_30: [/quote]
賭外圍十分猖獗

六十年代末至七十年代初,當時收受外圍馬十分猖獗。不單場外多人賭外圍,即使入馬場(當時只有跑馬地馬場),有部分馬迷投注不會去投注櫃台counter 落注,會向現場收受外圍馬䌫艇仔/拆家落注。並無收據或彩票証明,只在投注人帶來報紙/馬經上寫下投注馬匹號碼,投注銀碼等等。艇仔/拆家各有不同顏色筆或特別書寫方法/方式以作式別。賽事跑完,中彩者即向收䌫艇仔/拆家收錢。有規有距,雙方講個信字,好少有拗撬。至於因何賭仔馬迷不向投注櫃台落注?相信是因有折扣;貪方便(不用排隊投注,可全程坐著觀賽);相熟賭仔更可記數,不須現金落注。(註:當時投注櫃台counter 馬會職員發放彩金予中彩者時,會自動自覺扣起零錢作打賞,一如澳門賭場荷官。)

[[i] 本帖最後由 sinnet00 於 2021-5-21 06:58 PM 編輯 [/i]]

cannycandy 2021-3-19 00:15

[quote]原帖由 [i]sinnet00[/i] 於 2021-3-18 12:17 PM 發表 [url=https://www.discuss.com.hk/redirect.php?goto=findpost&pid=533027036&ptid=29670229][img]https://www.discuss.com.hk/images/common/back.gif[/img][/url]

六十年代末至七十年代初,當時收受外圍狗馬十分猖獗。不單場外多人賭外圍,即使入馬場(當時只有跑馬地馬場),有部分馬迷投注不會去投注櫃台counter 落注,會向現場收受外圍馬䌫艇仔/拆家落注。並無收據或彩票証明,只在投注人帶來報紙/馬經上寫下投注馬匹號碼,投注銀碼等等。艇仔/拆家各有不同顏色筆或特別書寫方法/方式以作式別。賽事跑完,中彩者即向收䌫艇仔/拆家收錢。有規有距,雙方講個信字,好少有拗撬 ... [/quote]
記得以前入馬場多數會有幾個艇仔徘徊系只接收500或1000元一注大額窗口, 一到開跑前就邊排邊等指示買咩馬, 其實係做緊補飛動作, 一收到指示即成疊大鈔推入櫃檯落注, 當時只有場內櫃檯有大額專櫃同截止投注時間比較遲一些,可以口講比職員聽買咩馬不需填飛 (記憶中投注站系開跑時間前兩分鐘截, 場內系馬匹差不多入哂閘先截, 眼見班艇仔好跨張成疊紙推入櫃位叫職員盡打飛, 打得幾多就買幾多, 而做大注櫃台既馬會職員係受過訓練同資歷較深, 因為係當生意咁做越多越好

sinnet00 2021-3-19 10:45

[quote]原帖由 [i]cannycandy[/i] 於 2021-3-19 12:15 AM 發表 [url=https://www.discuss.com.hk/redirect.php?goto=findpost&pid=533054875&ptid=29670229][img]https://www.discuss.com.hk/images/common/back.gif[/img][/url]

記得以前入馬場多數會有幾個艇仔徘徊系只接收500或1000元一注大額窗口, 一到開跑前就邊排邊等指示買咩馬, 其實係做緊補飛動作, 一收到指示即成疊大鈔推入櫃檯落注, 當時只有場內櫃檯有大額專櫃同截止投注時間比較遲一些,可以口講比職員聽買咩馬不需填飛 (記憶中投注站系開跑時間前兩分鐘截, 場內系馬匹差不多入哂閘先截, 眼見班艇仔好跨張成疊紙推入櫃位叫職員盡打飛, 打得幾多就買幾多, 而做大注櫃 ... [/quote]
的確如此!亦有賭仔馬迷貼身追蹤補飛艇仔,希望分一杯羹。更多馬迷全神貫注睇實屏幕賠率情況,開跑前短時間內大戶落注令賠率變動大,立即跟風。數位朋友謂用此良方可搵到食。亦有朋友合資埋練馬師,騎師及馬房堆揾食,形形色色,真係八仙過海,各顯神通。結果絕大部份人都係 - 輸到扑街。

sinnet00 2021-3-19 10:48

[quote]原帖由 [i]sinnet00[/i] 於 2021-3-19 10:45 AM 發表 [url=https://www.discuss.com.hk/redirect.php?goto=findpost&pid=533066547&ptid=29670229][img]https://www.discuss.com.hk/images/common/back.gif[/img][/url]

的確如此!亦有賭仔馬迷貼身追蹤補飛艇仔,希望分一杯羹。更多馬迷全神貫注睇實屏幕賠率情況,開跑前短時間內大戶落注令賠率變動大,立即跟風。數位朋友謂用此良方可搵到食。亦有朋友合資埋練馬師,騎師及馬房堆揾食,形形色色,真係八仙過海,各顯神通。結果絕大部份人都係 - 輸到扑街。 [/quote]
人生百態,可在馬場內見到。

cannycandy 2021-3-19 11:57

[quote]原帖由 [i]sinnet00[/i] 於 2021-3-19 10:45 AM 發表 [url=https://www.discuss.com.hk/redirect.php?goto=findpost&pid=533066547&ptid=29670229][img]https://www.discuss.com.hk/images/common/back.gif[/img][/url]

的確如此!亦有賭仔馬迷貼身追蹤補飛艇仔,希望分一杯羹。更多馬迷全神貫注睇實屏幕賠率情況,開跑前短時間內大戶落注令賠率變動大,立即跟風。數位朋友謂用此良方可搵到食。亦有朋友合資埋練馬師,騎師及馬房堆揾食,形形色色,真係八仙過海,各顯神通。結果絕大部份人都係 - 輸到扑街。 [/quote]
先前識一位朋友系80年代做馬會會員棚做中菜樓面, 聽佢講有D同事見到某馬主預定一圍貴價菜系賽馬日歡宴, 就以為當日一定入場拉頭馬叫親朋好友幫自己落注, 結果又系影都冇, 其實做得馬主食一圍幾仟蚊菜視作等閒何必諗太多, 我自己先前打份工老闆係馬主, 佢自己都好坦白講自己都唔知自己隻馬幾時贏到, 問親練馬司都係話盡力, 其實每次都係敷衍你,, 叫你入去捧場以為有頭馬拉結果咪輸埋, 最衰就系自己隻馬贏左身邊朋友不停問佢買左幾多贏左幾多, 實情斗零都冇買過贏左都唔知:lol

sinnet00 2021-3-19 12:52

[quote]原帖由 [i]cannycandy[/i] 於 2021-3-19 11:57 AM 發表 [url=https://www.discuss.com.hk/redirect.php?goto=findpost&pid=533069570&ptid=29670229][img]https://www.discuss.com.hk/images/common/back.gif[/img][/url]

先前識一位朋友系80年代做馬會會員棚做中菜樓面, 聽佢講有D同事見到某馬主預定一圍貴價菜系賽馬日歡宴, 就以為當日一定入場拉頭馬叫親朋好友幫自己落注, 結果又系影都冇, 其實做得馬主食一圍幾仟蚊菜視作等閒何必諗太多, 我自己先前打份工老闆係馬主, 佢自己都好坦白講自己都唔知自己隻馬幾時贏到, 問親練馬司都係話盡力, 其實每次都係敷衍你,, 叫你入去捧場以為有頭馬拉結果咪輸埋, 最衰就系自己隻馬 ... [/quote]
馬主俾練馬師點到暈比比皆是。賽馬除了是上流社會社交活動外,馬圈亦是金錢世界。食力簡(簡炳墀)曾講過天寒地凍,你哋攬住張棉胎笠笠暖,練馬師,騎師3點幾4點要起身操馬,為了什麼?答案不言而喻。

其實馬匹報名參賽,能否取勝?贏唔贏到?當然最清楚係練馬師。一如行軍打仗大將軍,運籌帷幄,準確出擊。要訓練馬匹取勝,須充分了解馬匹質素如何,擅長路程,如何循序漸進訓練至參賽時達至最佳狀態 top fit,須要什麼配備以幫助馬匹發揮,評估有何對手,如何給予騎師策騎指示。好的練馬師。一流練馬師一切了然於胸,部署在一場賽事中取勝,絕不簡單。但並不一定如願,皆因陣上常有預計不到意外,陣上變化多端,難以準確預測。

驀然回首 2021-3-22 10:01

港人對賽馬,只熱衷在賭,倘不設投注,保證冷淡如足球,又如果香港開設賭場,相信賽馬可休。

cannycandy 2021-3-22 21:16

[quote]原帖由 [i]sinnet00[/i] 於 2021-1-19 12:17 PM 發表 [url=https://www.discuss.com.hk/redirect.php?goto=findpost&pid=530508017&ptid=29670229][img]https://www.discuss.com.hk/images/common/back.gif[/img][/url]
賽馬在本港有悠長及光輝歷史,是香港市民一個集體運動,娛樂活動。回歸前亦以舞照跳,「馬照跑」作為一國兩制,五十年不變宣傳口號,可見其重要性/標誌性。每年香港賽馬會由收益撥出鉅額款項捐予慈善機構作支持慈善,公益活動。
於1841年,英國人將賽馬運動帶來香港,首個賽馬場 - 跑馬地馬場正式於1845年落成,由此展開了光輝的香港賽馬歷史,而當時「入馬場」亦被視為高尚的社交活動。

香港賽馬會於188 ... [/quote]
其實銀星一號不單為戴萊及畢奇帶來厄運, 當時訓練佢既練馬司同樣沒有好下場, 鄭棣池可算在香港馬壇吒叱吒風雲,但因涉及造馬案最終牌照不保, 而他兒子鄭仲謀亦犯下官非成階下囚, 當然佢地犯了錯受到懲罰無話可說, 但此馬好多馬迷都覺得掂親隻馬都行衰運

sinnet00 2021-3-22 22:30

驃叔在戴萊未出事之前,已提出警告:
[b]資深馬評家驃叔(董驃)曾講過此匹灰馬銀星一號生得一對翻白眼, 鬼鼠, 壞心腸, 騎者稍有不慎, 隨時中招, 不適合作賽駒。小道消息, 有馬會中人建議銀星一號退役或人道毀滅, 以免繼續害人, 惜為馬會所拒。[/b]

模糊記憶畢奇出事之前,銀星一號曾經在晨操時將騎馬人拋下,幸而受傷不重。當時練馬師(是否鄭棣池? 不能肯定)已接報,為何不建議此馬退役,鄭係大馬房,少一匹馬應該無影響,可能係太有自信,認為可將衰馬練成良駒。

sinnet00 2021-3-22 23:59

[quote]原帖由 [i]cannycandy[/i] 於 2021-3-22 09:16 PM 發表 [url=https://www.discuss.com.hk/redirect.php?goto=findpost&pid=533223048&ptid=29670229][img]https://www.discuss.com.hk/images/common/back.gif[/img][/url]

其實銀星一號不單為戴萊及畢奇帶來厄運, 當時訓練佢既練馬司同樣沒有好下場, 鄭棣池可算在香港馬壇吒叱吒風雲,但因涉及造馬案最終牌照不保, 而他兒子鄭仲謀亦犯下官非成階下囚, 當然佢地犯了錯受到懲罰無話可說, 但此馬好多馬迷都覺得掂親隻馬都行衰運 [/quote]
莫非馬匹都有掃把星?
另一位繼鄭棣池之後行衰運之人 - 羅國洲。洲官退役騎師後,頗長時間跟隨鄭棣池習藝練馬,相信曾接觸過銀星一號。1986年廉政公署取締上海幫造馬集團,鄭棣池因而被停牌,馬房管理改由羅國洲負責。當時以28歲之齡做練馬師,係當時香港最年輕嘅練馬師。可能因壓力太大,要take嘢減壓。1993年被發現屋企藏有大麻同可卡因,之後被法庭判罪名不成立。2004年因為健康問題向馬會交還練馬師牌。

2007年喺屋企沖完涼踏出沖涼房跣倒,後腦撞向啞鈴,被送往灣仔律敦治醫院,縫咗8針,因為後腦有血塊被轉送去瑪麗醫院,第日朝早做腦部手術,但手術失敗,喺同日下午死亡。

cannycandy 2021-3-23 00:00

[quote]原帖由 [i]sinnet00[/i] 於 2021-3-22 10:30 PM 發表 [url=https://www.discuss.com.hk/redirect.php?goto=findpost&pid=533225635&ptid=29670229][img]https://www.discuss.com.hk/images/common/back.gif[/img][/url]
驃叔在戴萊未出事之前,已提出警告:
資深馬評家驃叔(董驃)曾講過此匹灰馬銀星一號生得一對翻白眼, 鬼鼠, 壞心腸, 騎者稍有不慎, 隨時中招, 不適合作賽駒。小道消息, 有馬會中人建議銀星一號退役或人道毀滅, 以免繼續害人, 惜為馬會所拒。

模糊記憶畢奇出事之前,銀星一號曾經在晨操時將騎馬人拋下,幸而受傷不重。當時練馬師(是否鄭棣池? 不能肯定)已接報,為何不建議此馬退役,鄭係大馬房,少一 ... [/quote]
一直都係池哥訓練, 當年係徐貴良坐騎操都係徐自己主巒, 因跑左兩季都未出頭池哥想換外籍騎師一試, 點知畢奇一試操就出事:smile_39:

至於池哥點解唔安排銀星一號退役, 有評馬人就說可能此馬與金星一號同主, 而金星一號已跑多季及每季都有頭馬交代, 與馬主交情甚篤沒有左右決定, 但亦有馬迷不忿既然金星一號有安排鄭仲謀主騎但銀星一號就沒有, 莫非知道此馬有古怪不讓兒子冒險?

[[i] 本帖最後由 cannycandy 於 2021-3-23 12:25 AM 編輯 [/i]]

sinnet00 2021-3-23 13:00

[quote]原帖由 [i]cannycandy[/i] 於 2021-3-23 12:00 AM 發表 [url=https://www.discuss.com.hk/redirect.php?goto=findpost&pid=533228378&ptid=29670229][img]https://www.discuss.com.hk/images/common/back.gif[/img][/url]

一直都係池哥訓練, 當年係徐貴良坐騎操都係徐自己主巒, 因跑左兩季都未出頭池哥想換外籍騎師一試, 點知畢奇一試操就出事:smile_39:

至於池哥點解唔安排銀星一號退役, 有評馬人就說可能此馬與金星一號同主, 而金星一號已跑多季及每季都有頭馬交代, 與馬主交情甚篤沒有左右決定, 但亦有馬迷不忿既然金星一號有安排鄭仲謀主騎但銀星一號就沒有, 莫非知道此馬有古怪不讓兒子冒險? [/quote]
多謝分享池哥與銀星一號秘聞!

[b]當年係徐貴良坐騎操都係徐自己主巒[/b]
論騎功馬迷公認本地薑首屈一指是告東尼。但筆者最喜歡徐貴良,喜歡原因係徐貴良騎功好,留放有度,且曾經帶挈過筆者有過一陣歡愉,收過多次彩金(當然賭馬最後下埸都係要斬手指)。話說當時佢係飛機陳(陳毓麟)愛將時,中過多次WPQ,獨贏賠率一定係10-15倍,幾乎必中。

之前拙文 (本版區 #9)
當年練馬師搏殺有跡可尋(曾花頗長時間尋蹤跟跡) :
例如食力簡(簡炳墀)搏馬,必由主帥雷誠(後期是高雅志)在最後操練快跳末段。
[b]飛機陳([/b][b]陳毓麟)[/b][b]搏馬,必由徐貴良一手一腳操練,最後一課快操。通常賠率在10[/b][b]至15[/b][b]倍之間,筆者多次捕捉得手中彩。[/b]
外藉練馬師以大摩較為易捉手影,如兩匹馬同場競賽,必然底出,屢試不爽。其實練馬師皆喜冷惡熱,都喜以底出此招,只是大摩較為明顯,突出。
岳頓搏殺必定在最後一課試閘。
筆者憑筆記資料記錄,根據練馬師搏殺手法/手影經常有斬獲。

[[i] 本帖最後由 sinnet00 於 2021-3-23 01:02 PM 編輯 [/i]]

cannycandy 2021-3-23 19:28

[quote]原帖由 [i]sinnet00[/i] 於 2021-3-23 01:00 PM 發表 [url=https://www.discuss.com.hk/redirect.php?goto=findpost&pid=533243311&ptid=29670229][img]https://www.discuss.com.hk/images/common/back.gif[/img][/url]

多謝分享池哥與銀星一號秘聞!

當年係徐貴良坐騎操都係徐自己主巒
論騎功馬迷公認本地薑首屈一指是告東尼。但筆者最喜歡徐貴良,喜歡原因係徐貴良騎功好,留放有度,且曾經帶挈過筆者有過一陣歡愉,收過多次彩金(當然賭馬最後下埸都係要斬手指)。話說當時佢係飛機陳(陳毓麟)愛將時,中過多次WPQ,獨贏賠率一定係10-15倍,幾乎必中。

之前拙文 (本版區 #9)
當年練馬師搏殺有跡可尋(曾花 ... [/quote]
當年華藉騎師比較被動,因澳洲幫可統領天下,老摩除用摩加利做主力外,亦喜歡用女婿李森做其後備殺手作底出之用,華藉小將常被利用有讓磅優勢作爆冷殺手,飛機陳王兆旦吳子林都喜歡用見習生做放鳶戰術燒乾重磅馬,但一旦升做大師傅就好似畢業等於失業,座騎大減只有較小型馬房會支持,小告得以王登平大馬房作後盾才可與澳系抗衡,初入馬場時快活谷還有沙地賽事,當時入中場席睇跑馬一跑1575米就會系終點前起步,當一起步就粗口橫飛,大師傅常喝罵見習生阻擋去路叫他死埋一邊,我見有外籍騎師甚至揮鞭扮誤打個別騎師得以取得空位免食沙,利益所在就會用好多茅招

sinnet00 2021-3-23 19:48

[quote]原帖由 [i]cannycandy[/i] 於 2021-3-23 07:28 PM 發表 [url=https://www.discuss.com.hk/redirect.php?goto=findpost&pid=533257601&ptid=29670229][img]https://www.discuss.com.hk/images/common/back.gif[/img][/url]

當年華藉騎師比較被動,因澳洲幫可統領天下,老摩除用摩加利做主力外,亦喜歡用女婿李森做其後備殺手作底出之用,華藉小將常被利用有讓磅優勢作爆冷殺手,飛機陳王兆旦吳子林都喜歡用見習生做放鳶戰術燒乾重磅馬,但一旦升做大師傅就好似畢業等於失業,座騎大減只有較小型馬房會支持,小告得以王登平大馬房作後盾才可與澳系抗衡,初入馬場時快活谷還有沙地賽事,當時入中場席睇跑馬一跑1575米就會系終點前起步,當一起步就粗 ... [/quote]
當年現實情況的確如此。
更早之前業餘時代曾耳聞目睹郭子猷大聲喝罵紅牌仔“XX老母,死開啲喇!”
言畢,揮鞭打在紅牌仔身上,可能返更衣室加料狂插該紅牌仔。
曾閱報謂騎師更衣室內有大師傅狂毆紅牌生事故。

[[i] 本帖最後由 sinnet00 於 2021-3-23 07:50 PM 編輯 [/i]]

cannycandy 2021-3-23 23:45

[quote]原帖由 [i]sinnet00[/i] 於 2021-3-23 07:48 PM 發表 [url=https://www.discuss.com.hk/redirect.php?goto=findpost&pid=533258396&ptid=29670229][img]https://www.discuss.com.hk/images/common/back.gif[/img][/url]

當年現實情況的確如此。
更早之前業餘時代曾耳聞目睹郭子猷大聲喝罵紅牌仔“XX老母,死開啲喇!”
言畢,揮鞭打在紅牌仔身上,可能返更衣室加料狂插該紅牌仔。
曾閱報謂騎師更衣室內有大師傅狂毆紅牌生事故。 [/quote]
業餘時代未經歷過, 但聽老爸講當時出古惑甚離譜, 最常用招數就系把韁繩或馬肚帶整鬆令途中難以推騎出現滑鞍或滑韁現像, 亦有馬伕故意把鉛袋弄穿, 在途中跌下鉛塊令入圍馬匹覆磅時未能有效把原有名次取消, 最哄動是一位騎師出策一匹大熱超班馬轉入最後直路一百碼時已贏出4,5個馬位待過終點, 但最後50碼居然墮馬, 賽後騎師報稱馬踏折斷令他失平衡跌下, 當時馬迷質疑馬踏是否做了手腳, 為何是斷右邊腳踏而不是左邊, 因向右跌大多碌入內欄免被後面馬匹踢傷, 是否有此事真很難查證. 另外在60年代何偉航墮馬身亡亦是很震撼

不過老爸曾說馬場大火後不斷出現鬧鬼事件, 有觀操者曾見無頭騎師出操, 亦有騎馬人見有一群馬突然逆時針方向衝過來令人馬一齊受驚嚇導致人仰馬翻, 要找高僧到馬場做法事
頁: [1]
查看完整版本: 香港歷史悠久運動 - 賽馬