查看完整版本 : 𝗚𝗶𝘃𝗲 𝗨𝗽

YY_131470 2021-1-24 01:24 AM

我一直認為自己要求不高,正想公一份婆一份,有自己的家,大家一齊放下假有個𝗙𝗮𝗺𝗶𝗹𝘆 𝗗𝗮𝘆。但原來是好難

以前有一個小朋友的時候,的確公一份婆一份,仲有個工人姐姐,但每到星期六我就會帶小朋友返外家,至於點解?星期日姐姐放假,避免爭執,唯有我抵唸啲,逢星期六日帶返外家湊。
直到現在有第二個小朋友,更加難有𝗙𝗮𝗺𝗶𝗹𝘆 𝗗𝗮𝘆,你星期六有個前妻的大女要探視,而星期日?一如既往,我都係帶返外家,自己一打二
原來我要求真係過高,有時好後悔點解我咁貪心,不甘平淡?難道現在好刺激?
最對唔住是啲小朋友,我身為一個母親,我用生命去生出嚟,生仔痛,男人無可能會明白,口口聲聲話多謝身邊另一半嘅付出,但多謝在哪?就嗰一刻感動?
我真係無用,我第一胎你不在港,我自己一個產房生,痛咗30個鐘。第二胎你在港,卻遇上疫情。你不會知道我的痛,我產後的復原有幾難
痛事小,復原事大
之後嘅甩頭髮,簡直係惡夢,你仲怪責我為什麼在家去到邊都見到頭髮,要我執,我想話你知,我有執,難道我不清楚你潔癖嘅習慣嗎?但你從不知道,我有執,你一味覺得我在家湊小朋友好舒服,又不用工作,又冇壓力
我多次唸過死,因為我真係唔想同個有潔癖嘅人同住
我好大壓力,每晚瞓覺手都不自覺用手梳頭,甩頭髮
我不捨我嘅小朋友,帶埋佢哋走?我又做唔出,如果真有輪迴,排咁耐隊,佢哋想生存。
你每天收工回到家,都黑口黑面,覺得個屋企好污糟,每天都啫啫聲,其實好無禮貌。
每次講好幾點前出門,你總會遲幾個鐘
好累,不斷無限重複吵交
想離開,但我可以去邊?
一個女人連離開勇氣都冇,倒不如唔好做人
頁: [1]
查看完整版本: 𝗚𝗶𝘃𝗲 𝗨𝗽