查看完整版本 : 那些年,我們一起追的桃花(上坪桃花節)

andylam3318 2021-4-8 02:11

很久沒有出現了,無得去旅行就自不然沒有遊記釋出,為左刷下存在感,努力之下,終於比我搵到呢堆幾年前既相片,決定分享一下,這些都是那些年的相片及記錄,當年可能覺得相片太過平實,怕吸引唔到大家既視線,所以沒有整理成遊記,但而家睇番,感覺上實在係好好既回憶,值得回味,由其係一整年都無得出門既環境下,希望大家會喜歡啦。各位世叔伯,記得多多捧場。




即刻將時間回撥到那一年:
[img]http://andylam3.vigorddns.com/travel/201703/FMap.jpg[/img]

來到三月份,好想搵個地方走走看看花花,上網睇過,連平有好大既桃花林,上網睇到人地既遊記,遊記入面有當地既旅館既相片,上面有聯系電話,就直接聯系一下,查問一下有關資料,地點,是否有桃花可以看?
得到好正面及詳細既回覆,佢屋企就係種桃花的,屋後面整個山頭都係桃花林,只要係佢地到住宿就唔駛門票,二月中至三月中都係合適季節。

詳細考慮過後,就決定三月中,搵個周末去走走吧,考慮好路線,就上官網買好火車票。

周五:香港→深圳布吉
放工後就收拾行李,一家三口出發,三個人兩個背包,先到羅湖坐地鐵,到老街轉雙龍線,去到布吉站,一出黎就係深圳東站,也是我們明天的始發站。
[img]http://andylam3.vigorddns.com/travel/201703/IMG_0001.jpg[/img]

即刻去售票窗口取票。
[img]http://andylam3.vigorddns.com/travel/201703/IMG_0272.jpg[/img]

貪方便就預訂火車站對面既呢間酒店,價格不貴。百幾元一晚。
[img]http://andylam3.vigorddns.com/travel/201703/IMG_0003.jpg[/img]

[img]http://andylam3.vigorddns.com/travel/201703/IMG_0007.jpg[/img]

放好行李,然後出去後街搵食,一眼就相中樓上呢個雞煲店。
[img]http://andylam3.vigorddns.com/travel/201703/IMG_0011.jpg[/img]

一份雞煲幾十元,風味一流,再加啲青菜,肉片,味道超正,埋單百幾銀。
[img]http://andylam3.vigorddns.com/travel/201703/IMG_0010.jpg[/img]

食得飽飽,行下街,查實十幾年都無來過布吉,呢度仍然係咁繁華,但相對乾淨左好多,環境好左,人流又多又興旺。
[img]http://andylam3.vigorddns.com/travel/201703/IMG_0012.jpg[/img]

順手飲杯奶茶,門口有部機可以免費印相,唔好執輸,即刻印番幾張相片先。
[img]http://andylam3.vigorddns.com/travel/201703/IMG_0014.jpg[/img]

[img]http://andylam3.vigorddns.com/travel/201703/IMG_0016.jpg[/img]

[[i] 本帖最後由 andylam3318 於 2021-4-8 02:14 AM 編輯 [/i]]

andylam3318 2021-4-8 02:11

周六:深圳→河源→連平→上坪
早早就要起床,收拾好行李物品,落樓下食個早餐先,樓下就有呢間「石磨腸粉」,而家諗番起都覺得美味。
[img]http://andylam3.vigorddns.com/travel/201703/IMG_0018.jpg[/img]

然後來到對面既深圳東站,準備排隊過安檢入閘候車。
[img]http://andylam3.vigorddns.com/travel/201703/IMG_0019.jpg[/img]

[img]http://andylam3.vigorddns.com/travel/201703/IMG_0022.jpg[/img]

[img]http://andylam3.vigorddns.com/travel/201703/IMG_0024.jpg[/img]

好準時就可以上車了,我地坐既係呢一班車。
[img]http://andylam3.vigorddns.com/travel/201703/IMG_0029.jpg[/img]

三個小時的車程,就來到河源。
[img]http://andylam3.vigorddns.com/travel/201703/IMG_0032.jpg[/img]

出站問人,原來要坐一程公車出去,係皇延大酒店站落車,係酒店門口等就得了。呢度有好多長途大客車停係度等客,等左一陣,見到呢架去連平既。
[img]http://andylam3.vigorddns.com/travel/201703/IMG_0037.jpg[/img]

車資四十元。車程兩個小時。
[img]http://andylam3.vigorddns.com/travel/201703/IMG_0273.jpg[/img]

去到連平縣城,按照佢地指引,落車後,順着路過埋條橋。
[img]http://andylam3.vigorddns.com/travel/201703/IMG_0039.jpg[/img]

再行前幾十米,就見到有中巴車去上坪。
[img]http://andylam3.vigorddns.com/travel/201703/IMG_0041.jpg[/img]

每位十元,車程一個幾鐘,就來到呢個山卡拉既地方,按照酒店指引,提前講比司機聽要係「順和農莊」落車。就係呢個路牌。
[img]http://andylam3.vigorddns.com/travel/201703/DSC06717.jpg[/img]

[img]http://andylam3.vigorddns.com/travel/201703/DSC06712.jpg[/img]

呢間就係我地今晚既住宿點。
[img]http://andylam3.vigorddns.com/travel/201703/DSC06716.jpg[/img]

來到放好行李,食碗面就即刻打獵去也。按照東家建議,今日先去呢個山頭,一片睇落好天然既環境,佢地叫呢個做『世外桃源』景區。
[img]http://andylam3.vigorddns.com/travel/201703/DSC06340.jpg[/img]

[img]http://andylam3.vigorddns.com/travel/201703/DSC06380.jpg[/img]

[img]http://andylam3.vigorddns.com/travel/201703/DSC06389.jpg[/img]

就咁睇,啲桃花真係好靚,不過朵朵都好細,有紅有粉有白,色彩幾豐富。不過真係幾考攝影眼,睇番啲相,點睇都覺得拍得唔靚。認真羞家。
[img]http://andylam3.vigorddns.com/travel/201703/DSC06346.jpg[/img]

[img]http://andylam3.vigorddns.com/travel/201703/DSC06351.jpg[/img]

[img]http://andylam3.vigorddns.com/travel/201703/DSC06445.jpg[/img]

[img]http://andylam3.vigorddns.com/travel/201703/DSC06459.jpg[/img]

[img]http://andylam3.vigorddns.com/travel/201703/DSC06480.jpg[/img]

[img]http://andylam3.vigorddns.com/travel/201703/DSC06508.jpg[/img]

呢度環境真係幾好,重起左個觀景平台係舊石上面,周圍又有奇石。
[img]http://andylam3.vigorddns.com/travel/201703/DSC06601.jpg[/img]

[img]http://andylam3.vigorddns.com/travel/201703/DSC06624.jpg[/img]

[img]http://andylam3.vigorddns.com/travel/201703/DSC06658.jpg[/img]

[img]http://andylam3.vigorddns.com/travel/201703/DSC06661.jpg[/img]

再後面,就係一個桃樹基地,種得好整齊,主產業係「水蜜桃」,要到夏天才有收成,東家說,到時桃李滿門,都係一度亮麗風景線。好值得過來吃的說。
[img]http://andylam3.vigorddns.com/travel/201703/DSC06673.jpg[/img]

[img]http://andylam3.vigorddns.com/travel/201703/DSC06679.jpg[/img]

桃樹除左出產水蜜桃,還有一樣附加產物:『桃膠』
[img]http://andylam3.vigorddns.com/travel/201703/DSC06514.jpg[/img]

[img]http://andylam3.vigorddns.com/travel/201703/DSC06743.jpg[/img]

網上節錄:桃膠是一種淺黃色透明固體天然樹脂,由桃樹樹皮中分泌而來,於夏秋採收,成分與阿拉伯樹膠大致相同。桃膠性味甘苦,平,無毒,是良好養生保健的食材及中藥,具有清熱止渴,緩解壓力,潤腸道等功效,由於桃膠本身無味,不少人用來煮糖水食。不過,由於桃膠高纖、高蛋白質,所以消化能力較弱的人士,如長者、小童等,不宜進食過量,否則會容易導致胃部不適。而攝取過多蛋白質會對腎臟造成負擔,因此患有腎病人士更加要注意。另外,桃膠為滋陰之物,因此虛寒體質者、孕婦、女士月經期間都不建議食用。
[img]http://andylam3.vigorddns.com/travel/201703/DSC06749.jpg[/img]

現在是雨季,產出來的桃膠雜質太多,不宜採收及食用。
我地之後呢幾年,都間中會通過佢地訂幾斤回來煲糖水。
[img]http://andylam3.vigorddns.com/travel/201703/DSC06751.jpg[/img]

天色已黑,拍不到照了,就回去旅館休息吃飯,是晚農家飯,飯有飯味,菜有菜味,豬肉無臊味,天然的農家味道,真係好好味。
[img]http://andylam3.vigorddns.com/travel/201703/IMG_0265.jpg[/img]

[img]http://andylam3.vigorddns.com/travel/201703/IMG_0270.jpg[/img]

andylam3318 2021-4-8 02:12

周日:上坪→小武當→河源
早早起來,到樓下由東家安排吃個面條。
吃飽後,按照他們建議,可以走一小段的山路,去到山上既桃花森林,會更加原生態。
[img]http://andylam3.vigorddns.com/travel/201703/DSC06718.jpg[/img]

這處位在半山之上,可以看到視野更加廣闊的桃花林。下面就是這個路邊不知名小村落。環境優美。
[img]http://andylam3.vigorddns.com/travel/201703/DSC06873.jpg[/img]

[img]http://andylam3.vigorddns.com/travel/201703/DSC06889.jpg[/img]

[img]http://andylam3.vigorddns.com/travel/201703/DSC06772.jpg[/img]

天然桃樹,還有一部份新移植的桃樹。混搭一齊,色彩豐富。
[img]http://andylam3.vigorddns.com/travel/201703/DSC06940.jpg[/img]

[img]http://andylam3.vigorddns.com/travel/201703/DSC06992.jpg[/img]

看得也差不多,也就時間要離開,看到地圖顯示不遠處,有個小武當風景區。個人十年前帶着幾個小伙一齊去過,景色小眾而又特別,印象深刻。可以看看當年拍的照片。
[img]http://andylam3.vigorddns.com/travel/201703/DSC08658.jpg[/img]

[img]http://andylam3.vigorddns.com/travel/201703/DSC08736.jpg[/img]

[img]http://andylam3.vigorddns.com/travel/201703/DSC08749.jpg[/img]

看地圖只有12公里的距離,就在路邊等過路車。

差不多還有一公里的距離,看到大片的油菜花田,就在這裡落車,拍拍照。
[img]http://andylam3.vigorddns.com/travel/201703/DSC06998.jpg[/img]

[img]http://andylam3.vigorddns.com/travel/201703/DSC07002.jpg[/img]

[img]http://andylam3.vigorddns.com/travel/201703/DSC07022.jpg[/img]

[img]http://andylam3.vigorddns.com/travel/201703/DSC07049.jpg[/img]

再慢慢走過去小武當風景區,可惜這兩天都下雨,景區一片的仙氣纏繞。
[img]http://andylam3.vigorddns.com/travel/201703/IMG_0415.jpg[/img]

[img]http://andylam3.vigorddns.com/travel/201703/DSC07085.jpg[/img]

[img]http://andylam3.vigorddns.com/travel/201703/DSC07147.jpg[/img]

門票唔貴,真係幾經濟實惠。
[img]http://andylam3.vigorddns.com/travel/201703/IMG_0414.jpg[/img]

[img]http://andylam3.vigorddns.com/travel/201703/Map.jpg[/img]

穿過這條長命梯級。
[img]http://andylam3.vigorddns.com/travel/201703/DSC07086.jpg[/img]

上到半山,一片濃霧,睇唔到果幾條芋頭。
[img]http://andylam3.vigorddns.com/travel/201703/DSC07088.jpg[/img]

只能看到奇石,一線天,實在可惜。
[img]http://andylam3.vigorddns.com/travel/201703/DSC07097.jpg[/img]

[img]http://andylam3.vigorddns.com/travel/201703/DSC07100.jpg[/img]

[img]http://andylam3.vigorddns.com/travel/201703/DSC07117.jpg[/img]

帶着失望心情,來到景點對出,等過路車回去連平。
[img]http://andylam3.vigorddns.com/travel/201703/IMG_0435.jpg[/img]

回到連平車站,旁邊就有車去河源,好方便。
[img]http://andylam3.vigorddns.com/travel/201703/IMG_0437.jpg[/img]

來到河源,上網預訂了火車站附近既如家酒店。就坐公車來到火車站,順便去取票,火車站外都幾有特色。
[img]http://andylam3.vigorddns.com/travel/201703/IMG_0442.jpg[/img]

火車站對面,就係義烏批發商場,可惜已經收工了,無野睇。
[img]http://andylam3.vigorddns.com/travel/201703/IMG_0450.jpg[/img]

先吃個晚飯,來到客家人既地頭,首選客家菜,我地選擇左呢間。
[img]http://andylam3.vigorddns.com/travel/201703/IMG_0454.jpg[/img]

再點左幾個客家菜,好回味。
[img]http://andylam3.vigorddns.com/travel/201703/IMG_0456.jpg[/img]

[img]http://andylam3.vigorddns.com/travel/201703/IMG_0458.jpg[/img]

[img]http://andylam3.vigorddns.com/travel/201703/IMG_0459.jpg[/img]

呢份真係好正宗既客家釀豆腐,豆腐好滑好嫩,好好味。好令人懷念既味道。
[img]http://andylam3.vigorddns.com/travel/201703/IMG_0455.jpg[/img]

坐公車來到新豐江邊,前方就有一座河上噴泉。位處珠河橋與河源大橋之間。建成當年曾經成為亞洲第一高噴泉。但事隔多年,光輝不再。
[img]http://andylam3.vigorddns.com/travel/201703/DSC07158.jpg[/img]

[img]http://andylam3.vigorddns.com/travel/201703/DSC07192.jpg[/img]

八時正,表演開始,最高水位達169米高,旁邊的幾條不同的燈光映照,幻化效果不錯,值得看看。
[img]http://andylam3.vigorddns.com/travel/201703/DSC07167.jpg[/img]

[img]http://andylam3.vigorddns.com/travel/201703/DSC07168.jpg[/img]

[img]http://andylam3.vigorddns.com/travel/201703/DSC07177.jpg[/img]

睇完就來到步行街走走。
[img]http://andylam3.vigorddns.com/travel/201703/DSC07202.jpg[/img]

[img]http://andylam3.vigorddns.com/travel/201703/DSC07207.jpg[/img]

[img]http://andylam3.vigorddns.com/travel/201703/DSC07211.jpg[/img]

[img]http://andylam3.vigorddns.com/travel/201703/DSC07214.jpg[/img]

[img]http://andylam3.vigorddns.com/travel/201703/DSC07220.jpg[/img]
仨口子,一人一杯皇茶,各有自己口味。
[img]http://andylam3.vigorddns.com/travel/201703/IMG_0500.jpg[/img]

andylam3318 2021-4-8 02:13

周一:
來到河源,當然要去恐龍博物館。
[img]http://andylam3.vigorddns.com/travel/201703/DSC07273.jpg[/img]

[img]http://andylam3.vigorddns.com/travel/201703/DSC07224.jpg[/img]

[img]http://andylam3.vigorddns.com/travel/201703/DSC07268.jpg[/img]

[img]http://andylam3.vigorddns.com/travel/201703/DSC07269.jpg[/img]

河源恐龍蛋成功申報“館藏恐龍蛋化石數量世界第一”,亦入了健力仕世界紀錄大全。約有一萬多枚的恐龍蛋化石。自從1996年恐龍蛋首度現身河源之後,河源已經成為全球範圍內的恐龍蛋化石主要出土地和館藏地,也是世界罕見的同時發現恐龍蛋化石、恐龍化石、恐龍腳印化石的地方。河源這裡的恐龍品種可能不是最豐富,但恐龍蛋既數量卻是世界第一,值得看看。
[img]http://andylam3.vigorddns.com/travel/201703/IMG_0510.jpg[/img]

[img]http://andylam3.vigorddns.com/travel/201703/DSC07245.jpg[/img]

有好多恐龍蛋既化石。
[img]http://andylam3.vigorddns.com/travel/201703/DSC07225.jpg[/img]

[img]http://andylam3.vigorddns.com/travel/201703/DSC07228.jpg[/img]

[img]http://andylam3.vigorddns.com/travel/201703/DSC07238.jpg[/img]

亦有好多被海關查封,想偷運出口既走私貨。
[img]http://andylam3.vigorddns.com/travel/201703/DSC07239.jpg[/img]

呢隻本地特有品種,“黃氏河源龍”化石。會係咩呢?
[img]http://andylam3.vigorddns.com/travel/201703/DSC07254.jpg[/img]

[img]http://andylam3.vigorddns.com/travel/201703/DSC07261.jpg[/img]

經專家分析後制作既原型,就係呢隻始祖鳥,似唔似Final Fantasy入面果隻陸行鳥呢?真係好鬼得意。
[img]http://andylam3.vigorddns.com/travel/201703/DSC07259.jpg[/img]

恐龍館旁邊既呢座塔,都好有歷史,值得睇下。
[img]http://andylam3.vigorddns.com/travel/201703/DSC07281.jpg[/img]

[img]http://andylam3.vigorddns.com/travel/201703/DSC07276.jpg[/img]

還有少少時間,決定再去埋旁邊既係河源市博物館。
[img]http://andylam3.vigorddns.com/travel/201703/IMG_0540.jpg[/img]

[img]http://andylam3.vigorddns.com/travel/201703/DSC07291.jpg[/img]

順路快速地睇睇有咩館藏。
[img]http://andylam3.vigorddns.com/travel/201703/DSC07295.jpg[/img]

[img]http://andylam3.vigorddns.com/travel/201703/DSC07296.jpg[/img]

[img]http://andylam3.vigorddns.com/travel/201703/DSC07305.jpg[/img]

[img]http://andylam3.vigorddns.com/travel/201703/DSC07312.jpg[/img]

睇完,就快快打車去到火車站,坐火車回去深圳東。結束了這個桃花源記。
[img]http://andylam3.vigorddns.com/travel/201703/IMG_0544.jpg[/img]

[img]http://andylam3.vigorddns.com/travel/201703/IMG_0545.jpg[/img]




全文完,多謝大家的收看,意見接受中。

金光大盜 2021-4-8 09:38

Andy兄真係好耐無出現,希望早日通關,而家只能望梅止渴

野生的名車 2021-4-9 07:18

謝謝分享

andylam3318 2021-4-11 00:59

[quote]原帖由 [i]金光大盜[/i] 於 2021-4-8 09:38 發表 [url=https://www.discuss.com.hk/redirect.php?goto=findpost&pid=533865022&ptid=29815051][img]https://www.discuss.com.hk/images/common/back.gif[/img][/url]
Andy兄真係好耐無出現,希望早日通關,而家只能望梅止渴 [/quote]
多謝支持,希望今年十月可以返到國內啦。



觀呼呢區而家好似無乜人氣咁,可惜了。  :smile_45:

canon123 2021-4-11 03:12

雖然係舊事,但內容豐承。
謝謝分享。
頁: [1]
查看完整版本: 那些年,我們一起追的桃花(上坪桃花節)