查看完整版本 : 曾三分天下佔其一 . 之 . 大成帝國 !!! (#13 短暫的大漢帝國)

門閥政治 2021-6-7 08:00

公元296年 , 匈奴  羌  氐係關中作亂 , 流民就逃到川蜀 ,
其中氐人李特仲係當地平亂有功  開始壯大 ... 地方官見此就想借勢消滅李氏
結果李特聯合關中流民起義 , 後來李特與長子戰死 ,
由次子李雄接過反抗大旗 ...

李雄與天師道範長生結盟 , 建立左軍教二元政權 , 由李雄流民軍來保境安民 ,
天師道則助其安撫民心 ... 之後 , 范長生以宗教名義神化李雄 ,
稱其為授命於天既天子 , 李雄稱帝 , 亦以天師道為國教

因為晉朝忙於八王之亂  永嘉之亂 , 加上晉朝主管荊梁既羅尚病故 ,
其轄區部下忙於爭權而被李雄大肆擴張 , 基本統一川蜀 ... 而係大成帝國內 ,
官僚多屬流民中既大族 , 蜀川本地豪強少為官者 ,
李雄就以減免賦稅以予安撫 , 結果令豪強勢力大增 , 國內法治衰亡

後來仇池降而復叛 , 準承繼人大侄李含戰死 , 李雄被迫以三侄李班為太子 ...
而大將李壽先後攻破巴東  建平 , 打通荊州江漢平原門戶 ;
後再收復仇池  平定南中 , 一下成為與東晉  後趙三足鼎立之勢 !!!

[url=https://www.bilibili.com/video/BV1xy4y1b7dG]https://www.bilibili.com/video/BV1xy4y1b7dG[/url]

[[i] 本帖最後由 門閥政治 於 2021-6-9 08:10 AM 編輯 [/i]]

門閥政治 2021-6-7 13:10

好多人都好忽視成漢政權 , 只覺得佢係十六國其中一個國家 ...

但係個人認為 , 十六國都可以分好幾個LEVEL ,
好似曾統一北方既後趙  前秦 , 獨據關東關中既前後燕  胡夏 ,
或者只算小割據政權既諸涼  諸燕 ...

我覺得成漢至少都有前後燕既程度 , 當然南北由東晉  後趙對峙
如果成漢都係只有諸涼  諸燕既實力 , 都一早被吞拉 ,
點可能與之鼎立30幾年???

復活高貝利

*** 作者被禁止或刪除 內容自動屏蔽 ***

門閥政治 2021-6-7 19:42

[quote]原帖由 [i]復活高貝利[/i] 於 2021-6-7 02:20 PM 發表 [url=https://www.discuss.com.hk/redirect.php?goto=findpost&pid=536382600&ptid=29955662][img]https://www.discuss.com.hk/images/common/back.gif[/img][/url]

也許與氐人在西南的勢力有關,
氐人人數不算多,但在西南卻歷史很久,可算半個土著,兼且以擅戰著名,
北宋大理國大凡有戰爭都會請這些山區的氐人作僱傭兵,
還有一點很特別,氐人與漢人一般相處都較他少民好,亦比較易得到支持,這點匈奴做不到,漢匈差別太大,
甚至羌藏亦做不到,
氐人似乎可能在很久遠時期曾與華夏混處過一段長時間,
有說氐人羌人文化非常相近,但對羌人了解甚深的周人卻清楚地分開了羌 ... [/quote]
其實高兄唔講我都覺得 ...

大成帝國由建國前既武帝李特開始 , 其背後支持力量就係流民 ,
而唔係好似諸涼  諸燕  諸秦咁以民族為核心 ,
感覺上佢地同漢人分別不大 , 都算係除前涼  西涼等漢人政權外
比較特別既存在

朱仔成.... 2021-6-7 23:57

有趣既係, 劉淵and李壽 都以「漢」做招牌
即係當時既人仲對 漢朝有懷念??:smile_41:

令我諗起一個笑話
諸葛亮在天堂....... 見到 一個姓劉既人, 帶住漢軍攻入長安, 所以好開心......
呢個是諸葛亮 一直既夢想

但後來發現, 呢個姓劉既人, 竟然是匈奴人, 而漢軍全部都是匈奴士兵................:smile_19::smile_19:

門閥政治 2021-6-8 08:09

[quote]原帖由 [i]朱仔成....[/i] 於 2021-6-7 11:57 PM 發表 [url=https://www.discuss.com.hk/redirect.php?goto=findpost&pid=536404232&ptid=29955662][img]https://www.discuss.com.hk/images/common/back.gif[/img][/url]
有趣既係, 劉淵and李壽 都以「漢」做招牌
即係當時既人仲對 漢朝有懷念??:smile_41:

令我諗起一個笑話
諸葛亮在天堂....... 見到 一個姓劉既人, 帶住漢軍攻入長安, 所以好開心......
呢個是諸葛亮 一直既夢想

但後來發現, 呢個姓劉既人, 竟然是匈奴人, 而漢軍全部都是匈奴士兵................:smile_19::smile_19: [/quote]
李壽果個關係不大 ... 因為佢係大成帝國時期 ,
就係被封為 "漢王" , 佢以漢王身份稱帝 , 所以先改國號為漢

yin848 2021-6-8 09:05

[quote]原帖由 [i]門閥政治[/i] 於 2021-6-7 01:10 PM 發表 [url=https://www.discuss.com.hk/redirect.php?goto=findpost&pid=536380408&ptid=29955662][img]https://www.discuss.com.hk/images/common/back.gif[/img][/url]
好多人都好忽視成漢政權 , 只覺得佢係十六國其中一個國家 ...

但係個人認為 , 十六國都可以分好幾個LEVEL ,
好似曾統一北方既後趙  前秦 , 獨據關東關中既前後燕  胡夏 ,
或者只算小割據政權既諸涼  諸燕 ...

我覺得成漢至少都有前後燕既程度 , 當然南北由東晉  後趙對峙
如果成漢都係只有諸涼  諸燕既實力 , 都一早被吞拉 ,
點可能與之鼎立30幾年?? ... [/quote]
四川的地型易守難攻

門閥政治 2021-6-8 14:13

[quote]原帖由 [i]yin848[/i] 於 2021-6-8 09:05 AM 發表 [url=https://www.discuss.com.hk/redirect.php?goto=findpost&pid=536411225&ptid=29955662][img]https://www.discuss.com.hk/images/common/back.gif[/img][/url]

四川的地型易守難攻 [/quote]
其實我一直覺得 , 川蜀天險並唔係咁神話級 ...

秦國入古蜀 , 光武入蜀 , 鄧艾入蜀 , 北周入蜀 , 後唐入蜀 ,
其實入蜀唔係真係話咁難 ...

yin848 2021-6-8 15:19

[quote]原帖由 [i]門閥政治[/i] 於 2021-6-8 02:13 PM 發表 [url=https://www.discuss.com.hk/redirect.php?goto=findpost&pid=536420828&ptid=29955662][img]https://www.discuss.com.hk/images/common/back.gif[/img][/url]

其實我一直覺得 , 川蜀天險並唔係咁神話級 ...

秦國入古蜀 , 光武入蜀 , 鄧艾入蜀 , 北周入蜀 , 後唐入蜀 ,
其實入蜀唔係真係話咁難 ... [/quote]
還有蒙古人入侵 屠殺了很多人

yin848 2021-6-8 15:21

[quote]原帖由 [i]門閥政治[/i] 於 2021-6-8 02:13 PM 發表 [url=https://www.discuss.com.hk/redirect.php?goto=findpost&pid=536420828&ptid=29955662][img]https://www.discuss.com.hk/images/common/back.gif[/img][/url]

其實我一直覺得 , 川蜀天險並唔係咁神話級 ...

秦國入古蜀 , 光武入蜀 , 鄧艾入蜀 , 北周入蜀 , 後唐入蜀 ,
其實入蜀唔係真係話咁難 ... [/quote]
南宋在川南建立的山城守了很久

門閥政治 2021-6-8 20:36

[quote]原帖由 [i]yin848[/i] 於 2021-6-8 03:21 PM 發表 [url=https://www.discuss.com.hk/redirect.php?goto=findpost&pid=536423115&ptid=29955662][img]https://www.discuss.com.hk/images/common/back.gif[/img][/url]

南宋在川南建立的山城守了很久 [/quote]
呢個其實唔關事 ...

南宋守得住四川 , 係因為佢參考左楊氏播州既 "海龍屯" 防禦系統 ,
係川南建立左綿連幾百里既 "釣魚城山城" ...

事實上 , 元軍其實一直無攻破到川南 , 只係忽必烈借道大理入侵湖南
四川宋軍先被迫投降 ...
呢種防禦水準 , 根本唔係成家  蜀漢  成漢  前後蜀可以相比 !!!

yin848 2021-6-9 00:11

[quote]原帖由 [i]門閥政治[/i] 於 2021-6-8 08:36 PM 發表 [url=https://www.discuss.com.hk/redirect.php?goto=findpost&pid=536434587&ptid=29955662][img]https://www.discuss.com.hk/images/common/back.gif[/img][/url]

呢個其實唔關事 ...

南宋守得住四川 , 係因為佢參考左楊氏播州既 "海龍屯" 防禦系統 ,
係川南建立左綿連幾百里既 "釣魚城山城" ...

事實上 , 元軍其實一直無攻破到川南 , 只係忽必烈借道大理入侵湖南
四川宋軍先被迫投降 ...
呢種防禦水準 , 根本唔係成家  蜀漢  成漢  前後蜀可以相比 !!! [/quote]
成漢被桓溫用了一年時間就滅掉了

門閥政治 2021-6-9 08:09

後來李雄去世 , 由侄子李班繼位 , 卻係喪禮中為李雄長子李越所殺 ,
後由李雄另一個兒子李期登基稱帝 ... 李期本想誅殺大伯一支既李玝以絕後患 ,
又由怕為人所恥 , 就下令由大將李壽下手 , 李壽則勸李玝投奔東晉 ,
既解國主之憂 , 又可救堂侄一命

後來 , 出現李班舅舅勾結漢王(李壽)國相造反 , 可見李期同李壽之間己出現矛盾
但李壽統兵在外  不好對付 , 就先血腥清洗建國主力既流民大族 ...
而李壽亦怕李期會害佢 , 就以東晉威脅 , 一直避免回朝覲見 , 李期就人監示佢 ,
李壽見再此下去 , 最終都會被害死 , 就直接舉兵 "清君側"

李壽攻入成都後 , 縱兵搶掠  癈李期為縣公 , 後來李期自殺 ,
李壽又諸殺李雄一脈 , 並以自己 "漢王" 封號 , 改國號為漢 ...
此時大伯  李雄兩脈斷絕 , 流民大族之前己被打壓 , 統治層己經只李壽自己一脈
下面由流民大族  川蜀大族  南中豪帥治理地方 , 而事實上漢國建立 ,
其實依賴川蜀大族支持 , 但佢地卻勸告李壽向東晉稱藩 , 希望為東晉立功 ...

李壽於是將國內寬鬆法律加以收緊 , 以威權統治 ; 又分割南中各郡  派軍隊駐守
令川蜀大族  南中豪帥不滿 ... 李壽在位5年去世 , 兒子李勢繼位 ,
因應否立皇太弟一事 , 殺左建言既川蜀大族解思明 , 就流放左自己弟弟李廣 ,
令到統治層  管理層皆離心離德 , 最後為東晉桓溫所滅

[url]https://www.bilibili.com/video/BV1KX4y1g7Ec[/url]
頁: [1]
查看完整版本: 曾三分天下佔其一 . 之 . 大成帝國 !!! (#13 短暫的大漢帝國)