查看完整版本 : 【父親節請爸爸飲咖啡】一人一句留言分享「爸爸趣怪事」贏取咖啡店現金券☕ (得獎名單已公布)

飲一杯咖啡嘅時間有幾長？:smile_41: 有時候生活忙碌，未必會抽時間同爸爸坐低傾吓偈，享受相處時光！

父親節就到喇，把握呢個機會，好好答謝爸爸嘅付出，一齊去飲杯咖啡啦！:loveliness: 香討將送出 Pacific Coffee $50 現金券(共10份)，讓大家同屋企人輕輕鬆鬆去咖啡店嘆吓咖啡！

[attach]12413038[/attach]

☕ [b][color=Blue]參加辦法：[/color][/b]
1. 由現在起至2021年6月17日(四)活動期間，於此活動帖留言分享一件爸爸曾經做過嘅趣怪事
2. 最趣怪嘅10個留言將獲得 Pacific Coffee $50 現金券！

[b]留言示範：[/b]
有一次飲茶，我爸爸見到碟炒飯好肥膩，將啲飯浸落碗水度，成碗粥咁，十分趣怪... :smile_44:

☕ [b][color=Blue]活動條款及細則：[/color][/b]
1. 每個會員帳號可發布多於一次留言，惟只有一次獲獎機會。
2. 活動期間由現在起至2021年6月17日(四)截止，得獎結果將於2021年6月18日(五)於此活動帖公佈。
3. 得獎會員將於當天下午收到由[url=https://www.discuss.com.hk/space.php?action=viewpro&uid=3953581]Discuss活動大使[/url]以短消息發出的獲獎通知，若會員在2021年6月20日(日)前未有回覆，將視為放棄。
4. 獎品將以平郵方式寄出，只限於香港地區。如因郵遞失誤而遺失，Discuss概不負責。
5. 參加帖必須遵守版規，詳情請參閱[url=https://www.discuss.com.hk/viewthread.php?tid=25885900]節日盛事版版規[/url]。
6. Discuss保留修改所有條款及細則或終止活動之權利，而毋須事先通知。
7. Discuss之員工及其家屬均不能參與此項活動，以示公允。
8. 徵集之個人資料，會遵守香港法例第486章《個人資料（私隱）條例》的要求作維護及使用。
9. 如有任何爭議，Discuss將保留最終決定權。
10. 如有查詢，歡迎[url=https://www.discuss.com.hk/contactus.php]聯絡客服[/url]。

[b][u]得獎名單已公佈，入嚟睇吓呢班爸爸有幾「趣怪」！[/u][/b]👨🏻
[url=https://www.discuss.com.hk/viewthread.php?tid=29983803]https://www.discuss.com.hk/viewthread.php?tid=29983803[/url]

我有次約呀爸出街, 見到佢著住屋企拖鞋, 佢話舒服所以著出街, 真係唔想同佢一齊行:smile_19:

佢拎我的刺身級帶子去炒西蘭花:')

有次收到個message 不知名電話，問我「sweetheart今日忙唔忙」我問佢邊位佢答「I am your father」Star War?!有個口花花既老豆真係日日新鮮, 鑊鑊趣怪

[img]https://media.tenor.com/images/6d12d158874cf09ea5530bbd8a97b095/tenor.gif[/img]

爸爸同我講d香蕉買返黎之後要掛起佢,因為可以令到條蕉覺得自己仲係樹上面,冇咁快變壞:lol :lol :lol :lol 

爸爸成日話唔眼訓 但係3秒之後就聽到佢訓到打晒鼻鼾;P;P

去Salon叫人幫佢剪到好似朴敘俊咁

有一日返返下工, 阿爸打電話俾我問: 岩岩個天跌左條魚落花園, 仲郁緊問我點算
我答佢: 你想養定係蒸左佢? 


:smile_30:

明明已經畢左業半年，我老豆仲走黎問我，依家讀緊咩系？:smile_45:

買智能手機比佢唔識用成日屌部手機壞:smile_22:

我老豆貪新鮮，用左幾千蚊買部好新款既智能電話返嚟，但點知搞左成個星期，都唔識得用入面既功能，只係識得用部電話打出打入，仲有係，唔夠一個月，唔見左部電話，以為跌左响街，落樓下揾左大半日，結果响洗衣機度揾番，但成部機已濕晒，要攞去維修......:smile_42:

[quote]原帖由 [i]lttsang888[/i] 於 2021-6-11 03:56 PM 發表 [url=https://www.discuss.com.hk/redirect.php?goto=findpost&pid=536541122&ptid=29959204][img]https://www.discuss.com.hk/images/common/back.gif[/img][/url]
買智能手機比佢唔識用成日屌部手機壞:smile_22: [/quote]
我家兩老都係咁:smile_30::smile_30:

答返先:
以為八達通卡後面個電話號碼係佢張八達通number :smile_30::smile_30::smile_30:

[quote]原帖由 [i]薯條工廠[/i] 於 2021-6-11 05:29 PM 發表 [url=https://www.discuss.com.hk/redirect.php?goto=findpost&pid=536545083&ptid=29959204][img]https://www.discuss.com.hk/images/common/back.gif[/img][/url]

我家兩老都係咁:smile_30::smile_30:

答返先:
以為八達通卡後面個電話號碼係佢張八達通number :smile_30::smile_30::smile_30: [/quote]
都係八個字可以接受;P我老母好精靈乜都識用，我老豆後生嗰套用到老，唔識就係人地錯:smile_30:

我阿爸好鍾意睇旅遊書，睇到對個國家好熟，仲熟過成日去嗰個國家嘅人，有次人地以為佢去過個國家好多次，點知原來佢一次都冇去過🤣

*** 作者被禁止或刪除 內容自動屏蔽 ***

[quote]原帖由 [i]核心珍貴的鼓手[/i] 於 2021-6-11 09:02 PM 發表 [url=https://www.discuss.com.hk/redirect.php?goto=findpost&pid=536552397&ptid=29959204][img]https://www.discuss.com.hk/images/common/back.gif[/img][/url]
小時同爸爸行百貨公司因人多爸爸想拖緊我行到下層,點知爸爸把別人小孩帶到下層😂😂😂 [/quote]
🤣🤣🤣 我爸都試過咁樣

我都有請爸爸去飲咖啡
有啲嘢係兩仔爺，阿媽不在場先暢所欲言嘅
可惜，已經再無咁嘅機會了:')

我爸上個月仲同我地講佢想買部手提式收音機黎聽，話行左去附近商場睇要三百幾蚊一部. 我即O 左咀，細佬聽到即話"邊有人依家仲買收音機架?你電話咪有電台app囉." 爸爸話"我電話冇上網，出街冇wifi 就聽唔到"
佢以前一向用月費plan, 但佢覺得唔抵用,某日自己一個去cut 左.自己去買左張儲值電話卡用,話咁先抵,之後我地同佢買左張有得上網嘅儲值卡俾佢用,佢又話電話號碼唔同唔用. 看似好精明,但三百幾蚊收音機又... 傻得可愛

雖然老豆已經唔係到
但仲會成日諗返起細個跟佢去飲茶
例牌要幫佢買報紙(東方)
之後就會自己靜靜雞抽起男極圈同女豪情黎睇🤭

阿爸好鍾意睇戲, 有一年阿媽生日, 阿媽叫阿爸請全家睇套出名戲慶祝下
結果......我哋一家三口喺阿媽生日正日去咗睇「恐懼鬥室」, 完美地令阿媽當晚無哂食慾, 食都省翻:smile_42:

爸爸喺我細個時已唔喺身邊喇，從來無慶祝父親節，只記得爸爸好愛護我 🥰

有次買咗件女裝鬆身衫唔好睇，跟住攞咗比我亞媽著，點知第二日竟然見到老豆著咗，件衫被佢著到變短款，仲露咗小小肚腩出嚟🤣🤣🤣

有一次，喺香討刨完帖然後食飯，同老豆討論一個香討入面嘅話題。

由於大家嘅觀景同立場唔同，所以你一句，我一句咁辯論。

最後，老豆話兩父子唔好傷感情，食飯後上香討暱名再爭論。🤣

原來我老豆同我差唔多時間已經喺香討開咗個account .

同女朋友食飽飯，就叫老豆車我哋返屋企。點知佢揸架兩座位出嚟 😑

之後佢車我女朋友返屋企，而我就自己搭車 😑😑😑

類似事件仲係發生過唔止一次😑😑😑😑😑

老豆想將辛苦儲起既2 萬積分電話過比我，點知襟襟下變左捐贈比d 機構做善事😳😳😂

中學時有朋友在我家做project，我地喺房，
客廳傳來「呠～呠呠～」幾聲巨響，
然後聽到爸爸大聲講：「我係臭屁大王！」
佢跟手走左入我房：「你聽唔聽到我放屁呀？！」
我班同學一齊講：「我哋都聽到呀！Uncle你好勁！」
我爸爸面有難色，頭也不回衝返入自己房，同學走左先敢再出嚟！

題外話，點解個響屁可以放到全間屋都聽到？

話說我前排入坑做左鏡粉，之前演唱會完左我日日係屋企翻睇Mirror Go，然後有一次食完飯我又睇緊Mirror Go個陣，坐我後面嘅老豆無啦啦好proud咁同我講:「我認得哂佢地12個啦！」仲同番我介紹Frankie叫皮皮，Alton以前係PT，Ian以前打排球，個刻我先發現原來我老豆先係真正嘅鏡粉
 下次追星帶埋佢啦咁:D

*** 作者被禁止或刪除 內容自動屏蔽 ***

我老豆話親生仔生出黎係要用來打的！皮二仔係用來錫的！

爸爸偷偷去打科興疫苗:smile_30: