查看完整版本 : 唔想咁樣就一世呀😭

小弟今年33，有焦慮驚恐應該有廿年有多，只係細個果陣仲未知呢d叫焦慮症驚恐症，焦慮d乜？
1.好怕去醫院住醫院，行街見到d老人院公公婆婆，長期病患，或者去醫院或入左急症室，見到d老人家病人，或者聽到某某有cancer，住icu，就算人好地地會突然諗到呢d畫面，感覺真係好驚好慌
p. s 我係知每個人都會有生老病死每個人都會經歷避唔到，諗咁多都冇用，但驚既感覺就是控制唔到
2. 一有事發生左，個人又會好驚好焦慮唔知點算，試過返工有解決唔到做唔黎既工作，個人即刻好驚好緊張唔知點算，感覺好似就死咁，又試過踩單車比車撞，之後車主話返我撞佢，報警去醫院警署落口供，其間又係果種感覺啦😔亦試過係屋企湊小朋友，感覺好煩好焦慮，好攰
3. 個腦1日24小時長期係咁轉，熄唔到機，好多冇關連既野係咁諗，可以係一首歌係咁replay，可以係一件事係咁諗，就連訓覺都多夢人崩緊，第二朝好似冇訓咁
4. 身體感覺長期處於崩緊狀態，成日好攰頭痛，有次因工事過度焦慮，放工入2左急症室，醫生比左粒2mg既鎮靜食，果次，嘩。。真係從來未試過咁靜咁舒服，係急症觀察室見到公公婆婆，竟然都唔識驚
5. 講比屋企人知，佢地就覺得我9唔搭8，焦咩慮症呀，唔好成日扮野，總知就係覺得我冇事，就冇啦啦自己走去睇精神科
6. 仲有就係由19歲到31歲時，伴有焦慮性反胃，發生過十幾次，每次一嘔就10一12粒鍾其中，有一次我記得好辛苦，打曬止嘔針都停唔到，醫生話冇野可以做咁就放我走，當時我感覺連醫生都幫我唔到，唔通成世都要久唔久咁嘔？最後輕生念頭出現，好彩最後關頭家人救了，好彩既係31歲最後一次病發時，醫生終於要我入院，因為太多次了，最後先定斷為焦慮性反胃
最後總結。。
我唔想就咁就一世呀，可以點呀😭😭
Srri食過 專思達食過 都冇用
反而利痛抑同立舒定鎮靜劑就對我有幫助

[quote]原帖由 [i]最愛食朱古力[/i] 於 2021-6-16 12:21 AM 發表 [url=https://www.discuss.com.hk/redirect.php?goto=findpost&pid=536712291&ptid=29976865][img]https://www.discuss.com.hk/images/common/back.gif[/img][/url]
小弟今年33，有焦慮驚恐應該有廿年有多，只係細個果陣仲未知呢d叫焦慮症驚恐症，焦慮d乜？
1.好怕去醫院住醫院，行街見到d老人院公公婆婆，長期病患，或者去醫院或入左急症室，見到d老人家病人，或者聽到某某有cancer，住icu，就算人好地地會突然諗到呢d畫面，感覺真係好驚好慌
p. s 我係知每個人都會有生老病死每個人都會經歷避唔到，諗咁多都冇用，但驚既感覺就是控制唔到
2. 一有事發生左， ... [/quote]
樓主試下放鬆啲,當你發覺你諗好多負面嘢嘅時候,轉移一下你嘅諗法,做一啲你鍾意做嘅事,打下機,聽下啲療癒音樂,或者上網睇下其他人嘅經歷,佢哋點樣走出呢個困局,以作參考.睇下幫唔幫到
我未必有你咁嚴重,但係都好明白你感受.

[[i] 本帖最後由 love1616 於 2021-6-16 01:20 AM 編輯 [/i]]

[quote]原帖由 [i]love1616[/i] 於 2021-6-16 01:14 AM 發表 [url=https://www.discuss.com.hk/redirect.php?goto=findpost&pid=536713504&ptid=29976865][img]https://www.discuss.com.hk/images/common/back.gif[/img][/url]

樓主試下放鬆啲,當你發覺你諗好多負面嘢嘅時候,轉移一下你嘅諗法,做一啲你鍾意做嘅事,打下機,聽下啲療癒音樂,或者上網睇下其他人嘅經歷,佢哋點樣走出呢個困局,以作參考.睇下幫唔幫到
我未必有你咁嚴重,但係都好明白你感受. [/quote]
有呀 成日都會心入面叫自己放鬆放鬆，不過治標得一時，無法根治

[quote]原帖由 [i]最愛食朱古力[/i] 於 2021-6-16 06:49 PM 發表 [url=https://www.discuss.com.hk/redirect.php?goto=findpost&pid=536742464&ptid=29976865][img]https://www.discuss.com.hk/images/common/back.gif[/img][/url]

有呀 成日都會心入面叫自己放鬆放鬆，不過治標得一時，無法根治 [/quote]
嘗試做一啲嘢（你嘅興趣）係同放鬆呢個感覺聯繫埋一齊.
慢慢練習
有唔開心就搵適當嘅人去傾訴下,畀啲認同你自己
加油呀！

嘗試諗多d開心事，睇下搞笑電影，做下運動，唔好放棄呀，加油💪

*** 作者被禁止或刪除 內容自動屏蔽 ***

我而家既身體狀況就係下圖咁款
我d驚恐焦慮 都係因為腦疲勞 個腦熄唔到機 睇左十年政府專科都冇效

另類療法：不問原因，常唸「南無阿彌陀佛」

試下一兩個星期，看看有沒有用

[quote]原帖由 [i]aidan2013[/i] 於 2021-6-17 04:51 PM 發表 [url=https://www.discuss.com.hk/redirect.php?goto=findpost&pid=536778825&ptid=29976865][img]https://www.discuss.com.hk/images/common/back.gif[/img][/url]
另類療法：不問原因，常唸「南無阿彌陀佛」

試下一兩個星期，看看有沒有用 [/quote]
好 試下 謝謝👍

[quote]原帖由 [i]最愛食朱古力[/i] 於 2021-6-18 12:46 PM 發表 [url=https://www.discuss.com.hk/redirect.php?goto=findpost&pid=536812423&ptid=29976865][img]https://www.discuss.com.hk/images/common/back.gif[/img][/url]

好 試下 謝謝👍 [/quote]

提提你，又是不要問原因（不是宗教爭論的時候）唸誦完記得做迴向。

以下迴向文可供參考。

眾生○○○，願持誦 「南無阿彌陀佛」XXX遍之功德迴向 我累生累世的冤親債主，
祈請菩薩調解病我和所有業主菩薩的恩怨，
令我解冤釋結，身心健康，福慧增長，
助我減輕病痛折磨之苦，得以早日康復。

*請留意「阿彌陀佛」的「阿」是「阿/呀」不是「柯」*

[[i] 本帖最後由 aidan2013 於 2021-6-18 02:15 PM 編輯 [/i]]

[quote]原帖由 [i]最愛食朱古力[/i] 於 2021-6-16 12:21 AM 發表 [url=https://www.discuss.com.hk/redirect.php?goto=findpost&pid=536712291&ptid=29976865][img]https://www.discuss.com.hk/images/common/back.gif[/img][/url]
小弟今年33，有焦慮驚恐應該有廿年有多，只係細個果陣仲未知呢d叫焦慮症驚恐症，焦慮d乜？
1.好怕去醫院住醫院，行街見到d老人院公公婆婆，長期病患，或者去醫院或入左急症室，見到d老人家病人，或者聽到某某有cancer，住icu，就算人好地地會突然諗到呢d畫面，感覺真係好驚好慌
p. s 我係知每個人都會有生老病死每個人都會經歷避唔到，諗咁多都冇用，但驚既感覺就是控制唔到
2. 一有事發生左， ... [/quote]
樓主，從你的分享好想關心下，你是從小幾時開始發現有呢種情況和感覺？係咪睇過醫生去證實嘅？因為聽你分享，我自己會諗，會唔會生活中有好多時候你比自己好大壓力，以及過多負責的思想去影響了你？定係樓主你曾經有過類似呢啲經歷，從而影響到你內心和思想轉變？介唔介意可以分享下？

我好明白呢種感覺，的確唔好受，就好似每日都活在恐慌中，食不安坐不樂……。但真心想你凡事放輕鬆，唔好把所有事情都往負面的去想去看，相信留意給你的網友都是一樣，想你多找正能量的事……如聽音樂，睇有關開心和治癒嘅書，打下機，睇下笑片，同啲朋友傾計，聽下多啲人嘅經歷，或者你了解並感受到好多人生活中應該比你更不幸的，所以你唔好自我否定……。好多事情的出現和發生並唔一定係壞事，嘗試一下從不同角度去睇去諗，總有日會發現並會有到美好的事發生係你身上的……加油。

雖然不能幫到你什麼，但我也想透過呢到的分享可以給你一點的關心，鼓勵和支持。對你來說，縱使天在灰暗，但也有晴天的時候。

唔好因為自己唔好經歷就盲了心眼，忽略了會遇到好的人和好的事喔～。:smile_40:

[quote]原帖由 [i]海邊宇宙的信箱[/i] 於 2021-6-18 06:40 PM 發表 [url=https://www.discuss.com.hk/redirect.php?goto=findpost&pid=536826745&ptid=29976865][img]https://www.discuss.com.hk/images/common/back.gif[/img][/url]

樓主，從你的分享好想關心下，你是從小幾時開始發現有呢種情況和感覺？係咪睇過醫生去證實嘅？因為聽你分享，我自己會諗，會唔會生活中有好多時候你比自己好大壓力，以及過多負責的思想去影響了你？定係樓主你曾經有過類似呢啲經歷，從而影響到你內心和思想轉變？介唔介意可以分享下？

我好明白呢種感覺，的確唔好受，就好似每日都活在恐慌中，食不安坐不樂……。但真心想你凡事放輕鬆，唔好把所有事情都往負面的去想去看，相 ... [/quote]
真心多謝你打咁多字去關心我 縱使大家只係平水相逢的網友 先答下問題
我已經睇左十年政府 已經正實了症狀
其實減少負面思想睇開心野等等既野我全部都知 就係控制唔到個感覺 就似個主機24小時係咁run 熄唔到機
岩岩睇到一種叫做gaba既物質 盡備試下 
聽講係可以減少焦慮令到個腦冇咁活躍

[quote]原帖由 [i]最愛食朱古力[/i] 於 2021/6/16 04:21 發表 [url=https://www.discuss.com.hk/redirect.php?goto=findpost&pid=536712291&ptid=29976865][img]https://www.discuss.com.hk/images/common/back.gif[/img][/url]
小弟今年33，有焦慮驚恐應該有廿年有多，只係細個果陣仲未知呢d叫焦慮症驚恐症，焦慮d乜？
1.好怕去醫院住醫院，行街見到d老人院公公婆婆，長期病患，或者去醫院或入左急症室，見到d老人家病人，或者聽到某某有cancer，住icu，就算人好地地會突然諗到呢d畫面，感覺真係好驚好慌
p. s 我係知每個人都會有生老病死每個人都會經歷避唔到，諗咁多都冇用，但驚既感覺就是控制唔到
2. 一有事發生左， ... [/quote]
可以找心理治療師治療下. 他們的角色跟醫院裡的醫生不同.

有研究指, 一星期至少要有半小時以上, 看到綠色植物, 有助放鬆心情, 調整思緒. 得閑出外走走, 日子會易過D.

仲有每日可以做5至20分鐘靜坐 (跟宗教無關), 你只要找個位置(公司也可以做), 坐得舒服就可以, 不一定要盤腿坐 (但個人覺得盤腿坐效果好些); 然後進行5-10次深呼吸, 再把注意力集中在腹部, 感應一呼一吸時腹部的起伏. 期間, 腦內一定會有很多想法, 一有其他想法就馬上集中番去腹部的呼吸.

以上靜坐需要時間去適應, 期間可能你會聽過有人說可以播音樂幫助靜坐, 我個人認為咩都唔播, 播了會讓人分心的. 當你習慣了可以增加靜坐時間, 假以時日, 你會發現靜坐帶給你內心的平靜和對身體微妙的好處:loveliness:

加油

[[i] 本帖最後由 林珍兒 於 2021-6-24 06:48 AM 編輯 [/i]]

樓主，小弟都有焦慮症，亦比佢搞到冇咗事業、朋友、愛情，仲差啲連命都冇。自己亦睇過政府私家精神科，食藥、催眠治療、人生導師、興趣班乜都試過。最後結論都係靠自己。

食藥，除非你有好重要好重要好重要（因為好重要所以講三次）嘅事情要做，否則我真係唔建議食藥，呢啲精神科藥物除咗維他命B雜外，其實對腦同身體係有傷害，初初唔覺，但耐咗就會知，例如腦根冇以前咁靈敏，肥胖，皮膚過敏等，我明白果種食完藥後腦輕鬆嘅感覺，但當你想到斷藥，又或者伴隨住一世嘅後遺症，仲值唔值得呢？

正向治療，好多人會話我地負面，諗野要正面，其實真係難聽過粗口，如果我正面，就唔會乜都驚，你估我好想驚呢樣果樣？所以講到尾都係自己諗方法解決。最好嘅方法就係改變環境，日日家嘈屋閉，住唔夠一百呎嘅劏房，返工日日俾人插，乜正向深呼吸都死啦！所以搬家轉工移民是好方法。

但移民搬屋，那有錢？所以又係行唔通，於是自己試咗過萬試萬靈方法，既然無法改變，就唯有接受，最多輸少啲，亦即係死都死得好睇啲！例如，我好怕人多時同人搭枱食飯，咪早啲或遲啲去餐廳，避開繁忙時候。驚俾老細插，咪做啲唔好咁有挑戰性重複性高嘅工作。

另外，最重要最重要最重要就係儲錢，當你有番咁上下積蓄，望到身邊嘅表面風光，實際捱生捱死，荷包刮沙都冇錢時，自自然然就乜病都冇。你焦慮，都係擔心後路，當你知道自己有路可行可控，自然就淡定得多。

[quote]原帖由 [i]最愛食朱古力[/i] 於 2021-6-18 06:55 PM 發表 [url=https://www.discuss.com.hk/redirect.php?goto=findpost&pid=536827381&ptid=29976865][img]https://www.discuss.com.hk/images/common/back.gif[/img][/url]

真心多謝你打咁多字去關心我 縱使大家只係平水相逢的網友 先答下問題
我已經睇左十年政府 已經正實了症狀
其實減少負面思想睇開心野等等既野我全部都知 就係控制唔到個感覺 就似個主機24小時係咁run 熄唔到機
岩岩睇到一種叫做gaba既物質 盡備試下 
聽講係可以減少焦慮令到個腦冇咁活躍 [/quote]
試下做一D簡單的事,你知道自己必定可以完成而又會令你咁到開心(有存在價值)的事.
我自己就係去幫下人,番工,照顧好自己,適當時獎勵下自己.
我感覺好WORK. 好多時都可以自己走出這個霧霾.

[quote]原帖由 [i]最愛食朱古力[/i] 於 2021-6-16 12:21 AM 發表 [url=https://www.discuss.com.hk/redirect.php?goto=findpost&pid=536712291&ptid=29976865][img]https://www.discuss.com.hk/images/common/back.gif[/img][/url]
小弟今年33，有焦慮驚恐應該有廿年有多，只係細個果陣仲未知呢d叫焦慮症驚恐症，焦慮d乜？
1.好怕去醫院住醫院，行街見到d老人院公公婆婆，長期病患，或者去醫院或入左急症室，見到d老人家病人，或者聽到某某有cancer，住icu，就算人好地地會突然諗到呢d畫面，感覺真係好驚好慌
p. s 我係知每個人都會有生老病死每個人都會經歷避唔到，諗咁多都冇用，但驚既感覺就是控制唔到
2. 一有事發生左， ... [/quote]
有幫助的藥，你同醫生講，KEEP 住開呢D藥給你，藥都要不斷試到啱為止，你試到了，就繼續食呢幾隻。

[quote]原帖由 [i]最愛食朱古力[/i] 於 2021-6-16 06:49 PM 發表 [url=https://www.discuss.com.hk/redirect.php?goto=findpost&pid=536742464&ptid=29976865][img]https://www.discuss.com.hk/images/common/back.gif[/img][/url]

有呀 成日都會心入面叫自己放鬆放鬆，不過治標得一時，無法根治 [/quote]
好多時情緒病都是一世的，強求復完根本不切實際，只能與它共存，能舒緩就很好。
我試過連續三日，每日一醒左都抑鬱驚恐狀態。當沒有延續咁長時，就已經好感恩，好好享受沒有受襲的時光。

仲有我見你的網名叫"最愛食朱古力", 甜食、煙、酒、咖啡都係我地有情緒病的人不能沾口的。

[quote]原帖由 [i]陳芻狗[/i] 於 2021-6-21 01:55 PM 發表 [url=https://www.discuss.com.hk/redirect.php?goto=findpost&pid=536941343&ptid=29976865][img]https://www.discuss.com.hk/images/common/back.gif[/img][/url]

有幫助的藥，你同醫生講，KEEP 住開呢D藥給你，藥都要不斷試到啱為止，你試到了，就繼續食呢幾隻。 [/quote]
暫時仲未試到未隻藥岩 徐左立舒定鎮靜劑 食完有時會有兩三個鍾 靜左

[quote]原帖由 [i]陳芻狗[/i] 於 2021-6-21 02:10 PM 發表 [url=https://www.discuss.com.hk/redirect.php?goto=findpost&pid=536941805&ptid=29976865][img]https://www.discuss.com.hk/images/common/back.gif[/img][/url]
仲有我見你的網名叫"最愛食朱古力", 甜食、煙、酒、咖啡都係我地有情緒病的人不能沾口的。 [/quote]
咖啡都介左啦 朱古力不是可以令人開的嗎🤔

[quote]原帖由 [i]最愛食朱古力[/i] 於 2021-6-21 06:02 PM 發表 [url=https://www.discuss.com.hk/redirect.php?goto=findpost&pid=536951465&ptid=29976865][img]https://www.discuss.com.hk/images/common/back.gif[/img][/url]

咖啡都介左啦 朱古力不是可以令人開的嗎🤔 [/quote]
除非係黑朱古力就無問題, 但愈甜的食品愈不好.

[quote]原帖由 [i]陳芻狗[/i] 於 2021-6-21 08:44 PM 發表 [url=https://www.discuss.com.hk/redirect.php?goto=findpost&pid=536958863&ptid=29976865][img]https://www.discuss.com.hk/images/common/back.gif[/img][/url]

除非係黑朱古力就無問題, 但愈甜的食品愈不好. [/quote]
明白 謝謝你

[quote]原帖由 [i]最愛食朱古力[/i] 於 2021-6-22 12:22 AM 發表 [url=https://www.discuss.com.hk/redirect.php?goto=findpost&pid=536966399&ptid=29976865][img]https://www.discuss.com.hk/images/common/back.gif[/img][/url]

明白 謝謝你 [/quote]
:handshake大家都係病友（雖然不相同,但都係情緒病）, 互相支持, 有咩心情、資訊都可以上黎分享。雖然網上平水相逢，但知道有同行者感覺好少少。

做運動、針灸，按眉骨位，用暖毛巾敷面。

人生就係有起有跌先精彩，同多d正能量既人一齊，可能對你有幫助

[quote]原帖由 [i]陳芻狗[/i] 於 2021-6-22 10:22 AM 發表 [url=https://www.discuss.com.hk/redirect.php?goto=findpost&pid=536976976&ptid=29976865][img]https://www.discuss.com.hk/images/common/back.gif[/img][/url]

:handshake大家都係病友（雖然不相同,但都係情緒病）, 互相支持, 有咩心情、資訊都可以上黎分享。雖然網上平水相逢，但知道有同行者感覺好少少。 [/quote]
係呀 感覺唔孤單

[quote]原帖由 [i]最愛食朱古力[/i] 於 2021-6-16 12:21 AM 發表 [url=https://www.discuss.com.hk/redirect.php?goto=findpost&pid=536712291&ptid=29976865][img]https://www.discuss.com.hk/images/common/back.gif[/img][/url]
小弟今年33，有焦慮驚恐應該有廿年有多，只係細個果陣仲未知呢d叫焦慮症驚恐症，焦慮d乜？
1.好怕去醫院住醫院，行街見到d老人院公公婆婆，長期病患，或者去醫院或入左急症室，見到d老人家病人，或者聽到某某有cancer，住icu，就算人好地地會突然諗到呢d畫面，感覺真係好驚好慌
p. s 我係知每個人都會有生老病死每個人都會經歷避唔到，諗咁多都冇用，但驚既感覺就是控制唔到
2. 一有事發生左， ... [/quote]
我咪同你一樣，一樣驚死，不過更加驚人，人際關係，好怕同人傾計接觸，由細到大都係咁。 讀書時唔敢同同學仔傾計，搞到好痛苦，得自己一個，最後好唔開心， 有一次諗人際關係問題諗到個頭好痛，攪到個腦傷左，記性突然變差，讀書一落千丈，影響到之後出來打工打份牛工，而家成40歲人，無前途無希望，試過工作長期處於緊張狀態成廿年，日日做13個鐘，最後因突然透唔到氣，成身無力麻痹，以為自己中風就死，即打電話call白車入院，係醫院坐住輪椅對住護士喊左出嚟話唔想死，我咁大個仔從未試過對住外人甚至家人喊過，有嘢都收收埋埋唔會比人知，今次真係初嘗死亡滋味，第一次情不自禁對人喊， 醫生話我過度緊張，換氣過度，攪到血管收縮缺血，以致透唔到氣麻痹，一連幾次因咁call白車，試過行行下街發作，就咁瞓係街等白車，出街要包到實一實用帽笠住個頭先能夠舒緩。最近因為某些原因又煩緊自己係咪有胃癌或腸癌，我老豆就係胰臟癌痛苦而死幾年前，我本身又有肝炎，心臟又耐唔耐痛，又有腰患周身有問題，三年前，醫生話我係糖尿病前期，而家都唔敢再bodycheck，日日打份牛工，就嚟頂唔順，好慘好苦人生😭我唔想一世咁呀

[quote]原帖由 [i]GreatMeatFat[/i] 於 2021-6-29 11:17 PM 發表 [url=https://www.discuss.com.hk/redirect.php?goto=findpost&pid=537302161&ptid=29976865][img]https://www.discuss.com.hk/images/common/back.gif[/img][/url]

我咪同你一樣，一樣驚死，不過更加驚人，人際關係，好怕同人傾計接觸，由細到大都係咁。 讀書時唔敢同同學仔傾計，搞到好痛苦，得自己一個，最後好唔開心， 有一次諗人際關係問題諗到個頭好痛，攪到個腦傷左，記性突然變差，讀書一落千丈，影響到之後出來打工打份牛工，而家成40歲人，無前途無希望，試過工作長期處於緊張狀態成廿年，日日做13個鐘，最後因突然透唔到氣，成身無力麻痹，以為自己中風就死，即打電話cal ... [/quote]
打曬出黎有冇覺得舒服d 呢度好多師兄好好人 我而家都努力叫自己放鬆緊

[quote]原帖由 [i]最愛食朱古力[/i] 於 2021-6-16 12:21 AM 發表 [url=https://www.discuss.com.hk/redirect.php?goto=findpost&pid=536712291&ptid=29976865][img]https://www.discuss.com.hk/images/common/back.gif[/img][/url]
小弟今年33，有焦慮驚恐應該有廿年有多，只係細個果陣仲未知呢d叫焦慮症驚恐症，焦慮d乜？
1.好怕去醫院住醫院，行街見到d老人院公公婆婆，長期病患，或者去醫院或入左急症室，見到d老人家病人，或者聽到某某有cancer，住icu，就算人好地地會突然諗到呢d畫面，感覺真係好驚好慌
p. s 我係知每個人都會有生老病死每個人都會經歷避唔到，諗咁多都冇用，但驚既感覺就是控制唔到
2. 一有事發生左， ... [/quote]
多搵人傾傾啦  個人老系咁肯定會出問題