butbutbut 2021-10-1 16:50
請廣傳， 如果你隻寵物有病 或者唔舒服，千祈唔好去元朗維x利動物診所。 佢地在短時間內令到我隻狗狗醫死咗！仲用左萬幾蚊.
早兩個月，我隻狗狗又屙又嘔，完全食唔到野，我決定帶佢去元朗呢一間獸醫診所檢查。 檢查完之後，個醫生話應該係腸胃炎，就打咗支止屙嘔針，同埋開咗啲腸胃藥同抗生素。 咁呢次狗狗係好返晒無問題。
我跟住到上個月，我隻狗狗喺張1尺高矮凳仔跳落地後，行路柺下柺下，持續咗幾個字都係咁。 我擔心佢筋骨有事，就帶返佢去同一間獸醫診所檢查下啦。 個醫生檢查完之後，就話無乜事，應該係隻狗狗覺得痛啫，就打咗兩支止痛針同開咗啲止痛藥。 呢次就覺得有啲奇怪，我隻狗狗得8磅左右，但竟然打咗兩支止痛針，仲要開止痛藥… 不過狗狗過咗幾日就無事了。
最後到早個禮拜，朝早我隻狗狗嘔，完全食唔到野，屙得好少，淨係飲水，我諗住睇開就去返同一間獸醫診所啦。 個醫生檢查完之後，話應該腸胃炎，同埋話血糖低，就打咗一支止嘔針、一支葡萄糖針、開咗啲腸胃藥同抗生素。 咁我返到屋企 就比第一次藥狗狗食啦，點知下午狗狗突然抽筋，成身硬晒，眼睜大，4腳伸直係咁震，我就即刻抱返狗狗去嗰間診所度搶救，個醫生照晒X光、驗晒血，就話見到血紅素超標，應該因為抽筋發羊癎引起，跟住講講下 隻狗狗心臟突然停咗，個姑娘又問我加唔加錢打強心針同加錢做心外壓急救，要就擺低一萬蚊按金先，咁我梗係話要急救啦。 急救完之後 個心跳返，但就話得返心跳同呼吸，原因係已發羊癎一段時間，現在狗狗已經腦死亡狀態，仲話可能因為狗狗有啲潛在暗病，建議打安樂針比狗狗舒服咁走……
明明朝早仲好地地，打完針食完藥就無啦啦發羊癎！ 我質問個醫生同姑娘係咪朝早用藥份量太重，佢地又話唔關事…
大家千祈唔好去呢一間無良維x利獸醫診所睇呢個無良獸醫
[[i] 本帖最後由 butbutbut 於 2021-10-1 08:23 PM 編輯 [/i]]