查看完整版本 : 獨資無限公司問題 !

山邊進擊的羊羊 2021-10-7 17:17

本人有返緊正職, 同時有秘撈搵緊一D外快, 因為個人戶口收款點都係有D不便, 唔係個個客都OK, 所以最近開咗間無限
公司, 準備緊開銀行戶口, 有以下幾個問題想請教下各位師兄, THX !

1, 公司戶口裡面的錢, 可唔可以直接提現金或過數到私人戶口(公司持有人), 如果唔得, 一般可以以咩形式來做?
數目唔大, 每個月大概2-3萬.

2, 聽講每年唔過200萬, 可以唔使搵人做數, 自己簡單報下收入和支出就OK, 咁呢200萬係指純利潤定係純收入?

3, 份全職本身每年都要申報個人薪俸稅, 咁到時又以無限公司持有人身份去報稅, 兩者會唔會有咩衝突?

yanhonleung 2021-10-7 19:06

建議開間有限公司, 風險同責任冇咁大, 我都係少過二百萬自己填報稅表

1=1234 2021-10-10 08:49

[quote]原帖由 [i]yanhonleung[/i] 於 2021-10-7 07:06 PM 發表 [url=https://www.discuss.com.hk/redirect.php?goto=findpost&pid=541201598&ptid=30207693][img]https://www.discuss.com.hk/images/common/back.gif[/img][/url]
建議開間有限公司, 風險同責任冇咁大, 我都係少過二百萬自己填報稅表 [/quote]
有限公司要兩人以上,如得一人,要找出面d公司做秘書,要洗幾千蚊,又要每年洗錢做audit
一人無間公司就唔洗依d支出

1=1234 2021-10-10 08:51

咩客唔肯入數去個人戶口?好多公司agent入數都係某人某戶口架咋

山邊進擊的羊羊 2021-10-11 11:44

好多時都會遇到呢D客,佢地公司要求, 所以私人戶口點都係唔太方便.

山邊進擊的羊羊 2021-10-11 11:47

有限公司, 開銀行戶口難D, 又要搵會計做數, 每年都多唔少雜費. 最主要係目的都係收下錢, 唔想咁麻煩

iixmm 2021-10-11 14:19

[quote]原帖由 [i]山邊進擊的羊羊[/i] 於 2021-10-7 05:17 PM 發表 [url=https://finance.discuss.com.hk/redirect.php?goto=findpost&pid=541197943&ptid=30207693][img]https://finance.discuss.com.hk/images/common/back.gif[/img][/url]
本人有返緊正職, 同時有秘撈搵緊一D外快, 因為個人戶口收款點都係有D不便, 唔係個個客都OK, 所以最近開咗間無限
公司, 準備緊開銀行戶口, 有以下幾個問題想請教下各位師兄, THX !

1, 公司戶口裡面的錢, 可唔可以直接提現金或過數到私人戶口(公司持有人), 如果唔得, 一般可以以咩形式來做?
數目唔大, 每個月大概2-3萬.

2, 聽講每年唔過200萬, 可以唔使搵 ... [/quote]
1, 無限公司戶口裡面的錢, 可以直接提現金或過數到私人戶口(公司持有人),當作東主提款。

2, 無限公司, 本來就唔使搵人做數, 自己簡單報下收入和支出就OK。問題係如稅局懷疑有人瞞報收入,佢自會向銀行查哂東主私人及公司戶口,有問題就一次過問納稅人過去七年內嘅數。所以必須保留七年內單據,冇業務單據嘅話就由稅局斷估東主賺幾多。佢只會高估,不會估少。要反對就由納稅提出證據來。

3, 份全職本身每年申報個人薪俸稅, 無限公司持有人可以在同一份內另一欄去報埋利潤並申請個人評稅, 兩者唔會有咩衝突。

Retired2019 2021-10-11 14:26

真係做生意做咩開無限公司?

muchampion 2021-11-2 02:09

樓主嘅問題有人答左啦,我反而有興趣想了解一下,樓主你有冇開實體舖架? 有冇商業登記? 冇嘅話理論上好難開到公司戶口架喎。
頁: [1]
查看完整版本: 獨資無限公司問題 !