咕嚕米 2021-10-28 13:00
[b][u] 交友APPS的女孩（一）[/u][/b]
[b][u][img]https://www.instagram.com/p/CFSPdiwB0_x/?utm_source=ig_web_copy_link[/img][/u][/b]
大家好我叫陳家豪，今年已經35歲，高高大大身形都keep得幾好㗎，但同香港好多男士一樣，都係打份工儲唔到太多積蓄又買唔起樓，經過好多拜金女嘅洗禮，連女朋友都唔敢再去認識。
但係基於我係雄性動物嘅關係，我耐唔耐依然都會想同啲女仔傾吓計，flirt下。
呢一個年代有好多交友Apps，正正就合乎我嘅胃口，老土啲講句：flirt下又唔使錢嘅。
今日我打開呢個新下載交友Apps，填好曬自己擇偶嘅要求，佢就會開始幫我篩選一啲適合我嘅女仔，當然我打嘅要求都好高㗎，因為我都係諗住傾吓計都冇諗住真係會同佢地發展，咁就梗係最緊要啱本少爺心水。
請填上以下擇偶要求
年齡： 20至28歲
身高： 160cm至170 cm
體重： 45kg至55 kg
學歷：大學
工作：冇所謂
性格：開朗/平易近人/健談/會做運動/甜美動人
國籍：香港
備註：長頭髮，樣子中上
填好左我自己嘅資料同埋擇偶要求之後，我終於進入到最終嘅版面，終於有相睇啦。
估唔到呢一個交友Apps入邊嗰啲女仔全部都幾靚喎，我揀咗幾個我覺得最合乎我要求嘅，我就開始send咗個hi俾佢哋。
正當我等咗成半個鐘都冇人回覆我嘅時候，突然電話彈出一條訊息(Sabrina 想和你談天）。
當我一打開返呢個Apps，發現佢張相簡直就係平時你哋所見到嘅女神一樣，長頭髮大眼睛鼻高高，身材好明顯平時有keep開，應該有嘅野佢係正嘅，唔應該有嘅嘢佢完全冇，我只能夠用四個字黎形容［無可挑剔］。
咁大個仔都未試過有啲咁靚嘅女仔主動同我傾偈，我梗係唔會放過呢個機會啦，係我用甜蜜嘅攻勢不停進攻之後，不出四日佢竟然肯同我交換電話號碼，但係交換嘅方法就係，我比我個電話號碼佢，而我係冇佢電話號碼。
所以我哋依然都只能夠用呢一個Apps傾偈，冇得轉用WhatsApp傾。由於佢係做Model既，所以朝頭早同晏晝嘅時候成日都要拍野唔可以長期同我傾住計，所以多數我哋傾偈嘅時候都係夜晚。
過咗大約兩個星期後，有一日夜晚我瞓瞓下，電話突然響起，係一個冇來電嘅電話號碼，正當我想發脾氣用盡我畢生嘅言語辱罵佢嘅時候。
：喂 你瞓咗未啊？可唔可以陪我傾一陣計？我係Sabrina 啊
痴線！乜依家香港仲有女仔把聲咁溫柔嘅咩？嗰一刻我完全俾佢把聲融化咗，佢嗰一把柔弱嘅聲線簡直令我覺得全個世界都好似淨係得返佢一個咁。
就係咁樣，我同佢傾偈傾到朝頭早6:00am。。。。
（待續）
🔆 希望你地美麗既手指，可以幫我LIKE同SHARE
🔆［故事真假自己分］有D內容係咕嚕米我本人發生過，再改細節變成既故事…
Follow埋我IG : ttsz__________kiiu
FACEBOOK : 咕嚕米
[[i] 本帖最後由 咕嚕米 於 2021-10-29 03:02 PM 編輯 [/i]]
咕嚕米 2021-10-29 15:20
[u]交友Apps 的女孩（二）[/u]
果一晚係我哋第一次傾電話，但對話內容一啲都唔開心，佢打嚟嘅原因係因為佢同我講佢媽咪其實係有精神病，成日都會鬧佢同埋打佢，而我平時睇到佢IG上面開心嘅生活好靚嘅相，只不過係用嚟掩飾佢自己平時唔開心。
而係佢打嚟嘅嗰一晚，就係佢媽咪再次精神失常，用屋企嘅摺櫈打到佢頭同手腳都受咗傷。
當晚我好擔心，不停話同佢去睇醫生！
但係佢話佢比媽咪鎖咗喺房入邊依家出唔到嚟，話啲血已經停咗，而家已經唔痛。
嗰一刻佢簡直將我男人嘅保護慾激發左出嚟，我聽住佢柔弱溫柔嘅聲線，喊住咁樣同我講，佢受咗傷好唔開心，令到我嗰刻真係好想接佢返嚟自己屋企！
但係由於佢同我講佢媽咪而家仲係好嬲，所以佢唔想俾個地址我去接佢，因為佢擔心我都會受傷！
老實講我堂堂一個大男人聽到呢段說話，其實真係會覺得自己好冇用，我竟然連一個女仔都保護唔到仲要佢擔心我轉頭！
但係由於佢死都唔肯俾地址我，我只能夠喺電話陪咗佢一晚。
到咗第二朝早我因為要返工，所以就叫佢不如瞓一陣休息一下先，瞓醒嘅時候就再同我講。
唔知係咪因為佢太攰，不知不覺過咗十幾個鐘，去到大概 凌晨兩點 嘅時候，佢先至瞓醒，而佢同我講嘅第一句野就係：
「我媽咪出咗去啦，你可唔可以過嚟接我？」
我一見到呢個信息嘅時候，就叫佢等我 我依家即刻過去，嗰一刻淨係覺得去邊度都好，就算要我俾錢租酒店俾佢住都冇所謂，因為我覺得一個女仔唔應該再俾人虐打落去！
我跟住Sabrina比我嘅地址去到佢屋企門口，正當我諗住叫佢開門嘅時候，佢再次send訊息俾我：
「Sorry呀，我唔記得咗同你講，我仲比媽咪鎖住喺房，但係而家已經咁夜可能已經冇開鎖佬，不如你試吓打電話報警，話屋入邊可能有危險叫佢哋開門。」
咁講真凌晨兩點幾我真係唔知去邊度搵開鎖佬！所以我哋都係只有呢個辦法。
好快消防員同埋警察都嚟到，係警察一邊同我問話嘅時候，消防員好快已經爆開咗道門，我就即刻同佢哋講：「房啊，嗰個女仔係間房入面」
正當房門一爆開嗰一刻，一陣好刺鼻嘅氣味攻入我個鼻，我回一回神就知道呢一陣，係一陣強烈既血腥味，同埋好似啲飯餸放咗一個禮拜嘅味道，當時我嘅感覺係即刻想嘔，但係我更擔心嘅就係Sabina，因為我知道能夠擁有咁大陣血腥味，一定係因為佢留咗好多血。
正當我想行入去屋嘅時候，我見到警察同埋消防員個樣都好凝重，呢個時候其中一個警察轉過嚟同我講：「你係咪認識死者？」
我情緒激動：「佢仲未死㗎！佢啱啱先Send訊息俾我」
當我行到去房望入去嘅時候，呢一個畫面我呢一世都記得，我就係見到有一個披頭散髮身嘅女仔，坐咗喺房最入嘅角落頭，面部重創，就好似俾人用石頭磨咗好多次咁，滿佈地下嘅血已經開始乾。
但係佢手上面依然係拎住個電話....
最後警察都好快拉咗佢媽咪，法庭亦都因為佢媽咪嘅精神狀況判咗佢入青山。
根據驗屍官嘅說法：
Sabina已經死咗超過30個鐘，死因係因為失血過多，而致命傷就係頭部同面部既重創。
亦即係話叫佢第一次打俾我嘅時候其實佢已經過咗身，雖然我唔知道點解佢會選擇打俾一個素未謀面嘅我，可能呢啲就係緣份。
今世我可以為佢做嘅嘢淨係咁多，希望下一世再相見時，我哋可以正正式式去食一餐飯飲下咖啡。
自從個次之後我就冇再玩呢啲交友Apps....
[[i] 本帖最後由 劉金發作品 於 2021-10-30 09:11 AM 編輯 [/i]]
MING011 2021-11-3 15:02
看了你下一集了⋯果然是鬼故事
對本集有小小意見
不過你不介意我才說了
咕嚕米 2021-11-9 10:20
＠MING011
我當然不介意～你可以說啊:loveliness:
MING011 2021-11-9 21:13
[quote]原帖由 [i]咕嚕米[/i] 於 2021-11-9 10:20 AM 發表 [url=https://www.discuss.com.hk/redirect.php?goto=findpost&pid=542339442&ptid=30245596][img]https://www.discuss.com.hk/images/common/back.gif[/img][/url]
＠MING011
我當然不介意～你可以說啊:loveliness: [/quote]
我自己覺得，有時候…寫故事要劃公字劃出腸，
可以誇大，賣弄…去吸引我們讀者看下去
這是你寫的：
"(1) 我情緒激動：「佢仲未死㗎！佢啱啱先Send訊息俾我」
…
(2) 根據驗屍官嘅說法：
Sabina已經死咗超過30個鐘，死因係因為失血過多，而致命傷就係頭部同面部既重創。
(3) 亦即係話叫佢第一次打俾我嘅時候其實佢已經過咗身，雖然我唔知道點解佢會選擇打俾一個素未謀面嘅我，可能呢啲就係緣份。"
你寫的(1)和(2)，是一個矛盾點，當警察消防爆入屋時，你以為Sabina未死，但結果，驗屍官卻說Sabina已死了超過30小時。寫這個矛盾點是好的，可以為我們讀者帶來疑問，讓我們因為想找到答案而繼續看下去。所以，你寫了跟著的(3)，去說明一下上面(1)和(2)的矛盾…但就是，這句(3)，可以有好大進步空間。你寫得太冷靜了！！冷靜得把氣氛打沉了！大家不妨假設想想，如果自己真的遇到這個情況，一個"已經過咗身的人"，還在打電話給自己和自己對話…這是多麼恐怖！
所以我覺得就是，如上說…劃公字劃出腸，再誇大，賣弄…我們無需要扮勁，扮不驚慌…例如，接你的…
"Sabina已經死咗超過30個鐘，死因係因為失血過多，而致命傷就係頭部同面部既重創。"
我續寫一下給你參考…
"什麼！？太太太…不可能吧！！明明警察消防爆入屋前不到30分鐘…我還和Sabina通話，怎…怎麼可能發現Sabina時她已經死了超過30小時？？？那麼，當時和我通話的，是已經死去的Sabina？？…喃嘸阿彌陀佛…聖父聖子聖靈…
我當時真的好怕好怕，遇到這情況，有誰不怕？我上交友APPS只是和好多同齡男生一樣，想識下女仔，並不是想玩通靈…可是…
當時間到了晚上深夜…我慢慢冷靜下來時，我依然整夜難眠…
這不是因為我害怕Sabina會來找我…不管你們在看的這一刻是否相信我，當時我反而是想起，以往和Sabina通電話時候的點點滴滴。如果時間可以倒流…如果…我當時可以觀察力好一點，早一些從電話對話中發現Sabina當前危機，早兩天報警…如果…如果我當時可以更像一個負責任的男人早些把Sabina救出來…她沒有死…今天Sabina和我的狀況，又會是如何呢？
想到這一刻…我又想起…Sabina如果真的可以在死後還能和我通話！…那麼…我…我…
我就自己一個人走出露台，向著天說：Sabina，你是否還可以跟我通話！再次打給我吧！不管是什麼，我發誓我一定會幫助你！
不知是否就是我當時我這個行為…就跟著發生了以下故事…"