咕嚕米 2021-11-3 13:22
[attach]12807260[/attach]
我係一個精神病患者 , 唔係 ! 唔係 ! 與其話我係精神病患者 , 到不如話其實係有多個人住左係我身體入面 。
唔知你地仲記唔記得上次我係交友APPS識個個女仔 (Sabina) … ... …
因為其實係自從個件事發生左之後 , 佢一直都住係我身體入面 。
亦因為呢個原因 , 我身邊所有人或醫生都認為我患上 :
【精 神 分 裂】
大概係一年前，即係嗰件事發生咗之後嘅半年，有一日係我如常返工嘅時候。
「 家豪，家豪，家豪，你聽唔聽到啊？」
本能反應我周圍望睇吓到底係邊個，但個一刻我唔知點解覺得佢就係Sadina…
老實講本身唔相信鬼神世界既我，自從嗰一次之後有陣時我都會見到一啲殘影，嗰陣我覺得呢啲可能係創傷後遺症，所以我都係諗住放鬆啲個人唔好諗太多。
但係呢一種聲音佢嘅遠近，就好似喺我耳邊叫咁樣。
所以我都係忍唔住驚慌咁周圍望，突然隔離嗰個阿姨好奇怪咁望住我，好似覺得我係痴線佬咁，所以我決定扮冇事發生繼續等車。
自從果次之後怪事就越來越多
我試過有陣時講講吓嘢突然之間把聲好似越嚟越嬌嗲，又試過不期然咁走咗入一啲女性時裝店喺度睇女性衣服，或者行咗入化妝品舖睇化妝品，呢啲都仲係小兒科。
我記得有一次夜晚，我坐喺我細妹嘅梳妝台前面，竟然不自覺地拎起咗佢嘅化妝品，茶都成面都係，我仲不停咁對住塊鏡微笑梳頭，我望住自己個笑容越黎詭異，個口越笑越大，我好想掙扎唔想咁做，但係我發覺我根本控制唔到自己，之後我仲開始唱歌…
「 CHEEP UP BABY ，ＣＨＥＥＰ ＵＰ ＢＡＢＹ.. 」
咩料啊 ? 痴線…到底係咩歌黎嫁 ? 我點會識呢D野嫁 ? 韓文 ? 日文 ? 我完全唔知咩歌，就係我既思想就黎爆炸之際。
［ 咔 咔 咔 ］ 係開門聲啊！有人返屋企啦，搵人黎啊！
我控制唔到自己啊！點解平時你地開門咁快，今日開咁耐嫁！！
當媽咪同細妹一入屋，我只係聽到佢地既尖叫聲，但正正因為呢一下，我成個人清醒曬！
佢地發現我成個痴線佬咁，著住一條淡黃色既碎花裙，仲要配搭清秀既化妝，佢地完全唔知俾咩反應好。
過左幾秒之後…
「家豪你做乜嘢啊 ! 你係度做乜嘢啊！ 」 媽媽
「痴線我啲化妝品好貴嫁，你搞咩啊哥！」
「我都唔知道啊，但係我越唔想咁做，唔知點解就越拎起啲化妝品黎畫。」
「條裙你邊到搵返黎嫁？唔係我嫁喎！你唔好嚇我啦哥，你唔係自己去買啊痲？」妹妹
「你係咪上次嗰件事令到你有啲咩後遺症啊！我要同你睇醫生先得」媽媽
講真我其實根本都唔知道，我係有創傷後遺症定係我根本就係見到所謂嘅鬼魂，但我內心都好驚，所以我好快就應承咗阿媽去睇醫生。
同醫生講解曬我之前發生既事，佢諗都唔洗諗，就話我係上次發現屍體既創傷後遺症造成既精神分裂症。
一開始我好乖咁食醫生比我嘅藥，但係我覺得好似根本就無用，甚至可以話情況更加嚴重，因為每一次食完嗰啲藥之後我成個人都會呆曬，之後個腦一片空白無曬力，就連坐係到，都會搖下搖下…
記得有一日我喺屋企食完藥，我瞓係張床到開始覺得四肢冇力，個人好頭暈好頭暈…
突然！！
我感覺到我既手手腳腳好似俾人用繩束住咁，之後我開始穩約聽到一堆嘈雜既聲音，但係好細聲，我聽唔清楚。
我好想好想掙扎，但係我發覺越掙扎，嗰一條繩就束得越緊，我巳經唔知道當刻發生緊既係我太驚既幻覺定係真係發生緊，因為我直頭覺得連張床都係到不停震…
我不停嘗試郁或大叫，亦根本無用。
而果一啲嘈雜既聲音亦都越來越大聲，我開始聽到原來係一個男人講嘢，但係佢到底講緊咩呢？
我好努力去聽，聲音亦越黎越近，張床都越黎越大力！
啲聲音逼到埋黎我耳邊，個一個震撼性，直頭好似有人將你既AirPods較到最大聲一樣。
最終…我終於聽到了，亦大概估到係咩聲…
個一種聲…
就係平時我地去廟宇聽到人哋念經文念得好快既聲音…
（ 待續… ）
如不知道 (Sabina) 係邊個既朋友仔 , 可以睇返 [ 交友APPS的女孩 ]
🔆 希望你地美麗既手指，可以幫我LIKE同SHARE
Follow埋我IG : ttsz__________kiiu
FACEBOOK : 咕嚕米
[[i] 本帖最後由 咕嚕米 於 2021-11-9 10:25 AM 編輯 [/i]]
咕嚕米 2021-11-9 10:24
[align=center][b][u]【精 神 分 裂】[/u][/b][/align]
[align=center][b][/b][/align]
[u][align=center][u]（二）[/u][/align]
[/u]
最終…我終於聽到了，亦大概估到係咩聲…
個一種聲…
就係平時我地去廟宇聽到人哋念經文念得好快既聲音…
念經既聲音越逼越近，我覺得我既思緒準備去到臨界點既時候。
突然！！！
所有聲音都無曬，床亦都無再震盪！
個一種寧靜就好似身處係廣闊既大海底中央，成個世界得返你一個，連空氣都彌漫住令人窒息既恐怖感覺。
個一刻我喺度諗，唔通呢啲就係傳說中嘅（俾鬼壓）。
當我諗住可以郁嘅時候，我覺得好似有人好大力想將我身體拉岀黎，我出盡力掙扎之後，我發現…
唔係啊 ! 我根本唔知佢想拉既係，我既身體定係我既靈魂！
個一刻既驚慌，巳經令我巳經進入瘋癲既狀態！！
再過左幾秒之後，我終於明白了。因為我感受到我既肉體依然係床上面，但係我成個感覺都係俾佢拉出左肉體，我就好似巳經離開左我既肉體不斷咁開始向上升，但下半身依然係未離開我既肉體。
我都未有時間思考到底發生緊咩事，我係咪巳經死鬼左？
突然！！我一下好大力咁跌返落床…
係！
係真係好大力，因為跌完落去之後我終於郁到，我即刻坐返起身。
係到諗到底係咪我發惡夢？
定係真係發生怪事？
但係我發現我個背脊真係痛痛地…
我再望一望我既手腳，的確係好似有俾繩束過既痕跡！
當我即時拎起個電話打算影底呢啲束痕，方便尋求真相既時候，個電話根本就影唔到紅左既地方，我不停來回咁望我既手腳同電話！「 點解！點解會無嫁！ 」
我完全安定唔到自己既心，我開始上網諗住搵下有無人同我一樣有經歷過呢種事。
打開左神聖既 ［ＧＯＯＧＬＥ］之後，我都唔知打咩字好。
所以我就打左［俾鬼壓及靈魂出竅］…
[ 安佛舍，解降…查日腳…等等…… ]
唔知點解，我既眼神就停留左係呢個位置…
所以我決定打電話去問下.
「 喂 ， 你好啊 我有事想問下」
對方一直都無出聲，當我諗住收線既時候。
一個聲音沙啞既男人終於講左一句說話，一句好普通但令我毛骨悚然既說話！
「 喂，你就係陳家豪？」
（待續。。。）
[url=https://www.instagram.com/explore/tags/%E6%95%A3%E6%96%87/]#散文[/url] [url=https://www.instagram.com/explore/tags/%E5%AF%AB%E4%BD%9C/]#寫作[/url] [url=https://www.instagram.com/explore/tags/%E5%AF%AB%E4%BD%9C%E4%BA%BA%E7%94%9F/]#寫作人生[/url] [url=https://www.instagram.com/explore/tags/%E9%A6%99%E6%B8%AF%E5%A5%B3%E5%AD%A9/]#香港女孩[/url] [url=https://www.instagram.com/explore/tags/hong/]#Hong[/url] Kong[url=https://www.instagram.com/explore/tags/%E6%96%87%E7%AB%A0/]#文章[/url] [url=https://www.instagram.com/explore/tags/%E6%96%87%E7%AB%A0%E5%88%86%E4%BA%AB/]#文章分享[/url] [url=https://www.instagram.com/explore/tags/%E6%96%87%E5%AD%97/]#文字[/url]
[url=https://www.instagram.com/explore/tags/%E6%96%87%E7%AB%A0/]#文章[/url] [url=https://www.instagram.com/explore/tags/%E6%96%87%E5%AD%97/]#文字[/url] [url=https://www.instagram.com/explore/tags/%E9%A6%99%E6%B8%AF/]#香港[/url] [url=https://www.instagram.com/explore/tags/%E6%B8%AF%E5%A5%B3/]#港女[/url] [url=https://www.instagram.com/explore/tags/%E6%96%87/]#文[/url]
[url=https://www.instagram.com/explore/tags/%E6%95%85%E4%BA%8B/]#故事[/url]
[url=https://www.instagram.com/explore/tags/hongkong/]#hongkong[/url] [url=https://www.instagram.com/explore/tags/iggirl/]#iggirl[/url] [url=https://www.instagram.com/explore/tags/tszkiu/]#tszkiu[/url]
[url=https://www.instagram.com/explore/tags/read/]#read[/url]
[url=https://www.instagram.com/explore/tags/%E9%AC%BC%E6%95%85%E4%BA%8B/]#鬼故事[/url] [url=https://www.instagram.com/explore/tags/%E9%AC%BC%E6%95%85%E4%BA%8B%E5%B0%88%E9%A1%8C%E6%99%82%E9%96%93/]#鬼故事專題時間[/url]
[url=https://www.instagram.com/explore/tags/%E9%9D%88%E7%95%B0/]#靈異[/url]