查看完整版本 : [靈異] [愛情] [毒L敦倫外傳]我屋企養左隻女鬼…

霸氣文哥 2022-5-1 17:03

第七十四章:迪士尼一日遊(上)


最後我地排左好一陣子先迫到入去,入面嘅情境當然唔洗多估,係多人到爆。


但Chlole姐就好似冇俾呢樣野影響,佢入到黎表現到好開心、好雀躍咁周圍望周圍影相,仲戴上一個米奇老味耳仔嘅頭箍,然後佢走到城堡面前同我自拍。


「笑下啦,唔好好似死老母咁。」


說罷我就微笑左一下。


因為我太耐冇同女仔自拍過,以致我一時間好緊張唔識笑,呆呆滯滯咁,搞到我成個毒撚咁。


然後佢仲影唔夠,佢話自拍影唔晒個城堡,想搵人幫我地影,港女真係港女,影相仲多過去玩,務求影到一張靚相,


就算影100張相到最後可以都只係得一張啱佢心意,所以港男學好影相都好重要。


說時遲那時快,佢已經搵左個女仔過黎影,搵女仔影嘅原因係咪因為佢都覺得女仔影係影得特別好睇?


我地揀好位置企後,佢企我右手邊,左手撓住我手臂、頭微微向我膊頭側落黎,但冇掂到,


佢竟然會撓住我隻手?佢竟然會同我咁Close?充滿疑問之中我心跳不斷加速…


然後影出黎張相真係幾好睇,後面個城堡完整呈現出黎係我地後面、至於我地就顯得有啲細粒,因為距離有啲遠,可見緊張嘅我只有一絲微笑、完全冇任何動作。


但Chole姐係充滿笑容、笑得好靚…係發自內心笑出黎嘅笑容,佢仲要撓住我手,顯得好有愛咁…咪亂諗啦…


「黎,我地玩Antman先,我同你鬥高分,等我射爆你。」


「射乜鳩,係都我射爆你啦。」


過左一陣後,佢就拉我手去Marvel嗰邊嘅區域玩Antman,因為我太耐冇黎關係,我唔知嗰度係玩乜,


但佢又再次拉住我?點解佢會想親近我?係咪代表佢都對我有啲意思…?屌咪亂諗啦,會有咩意思,佢簡單抓住我咋嘛,mk妹成日都同男仔玩得埋架啦。


排左半個鐘隊後終於玩到第一個game,排隊期間見到有唔同嘅說明,我大概知佢玩咩,我同佢登上一部兩人坐位嘅‘車’,


然後佢慢慢開動,我倆拎起車上面嘅激光槍開始瞄準唔同嘅光點射,佢反應好鬼快,佢射到個光點盞燈熄左好快捕到下一個要射嘅光點,仲要射得好準、仲要射啲好細嘅光點,真係神槍手,


反觀我反應好遲鈍,我見邊度光點大啲就射邊度,即揀啲最容易嘅黎射,當射熄左一個光點我要搵左陣先決定射第二個光點,但佢係可以射熄下一秒唔洗諗就可以轉換光點。


隨著時間過去,我手已經射到攰,自然速度都會慢左好多,但佢好醒,佢識得換手射,仲要一時用食指一時用中指射,咁就可以俾隻手休息,表現非常熟練,呢點不得不佩服佢,可能呢啲就係玩呢隻game嘅技巧…


「哇屌,我拎到90萬分!」


又過左一陣我地終於玩完部車移到出外面,Chole姐見到個分數感到好振奮,而我就只得20幾萬分,少佢4倍有多。


「哈哈柒頭你先得20幾萬分,咁廢架你。」


佢見到呢個反差後立即拎部機出黎影低我有幾柒。


「屌你啦,我未發力咋,唔好睇小我。」


「咁我地晏啲再玩囉,但你仲點撚樣賴。」


睇黎Chole姐好勝心都幾強,咁鐘意同人挑機,但亦都可以係我唔服輸嘅心挑起左佢舖癮,我同佢嘅實力天同地之差,真係好難贏架喎師傅。


「好…好啊黎咪黎,驚你有牙呀。」


「但見你玩得咁熟手,你似係成日黎玩咁喎。」


「我買左年票就緊係成日黎啦,唔係買黎托咩,邊好似你咁on9直接俾五舊水入黎。」


我只係讚左佢一句竟然都有位俾佢入到串我。


「只係多數都係我一個人黎玩姐…」


Chole姐講呢一句嘅時候聲線明顯慢慢收細,好似有咩難言之隱咁。


「一個人?你啲fd呢?」


我感到好奇,正常黎親迪士尼唔係一啤啤情侶咁黎就一定係同幾個fd黎,但佢一個人黎玩?仲要係多數,究竟係點解?


「咪撚理啦,我地玩過山車。」


突然佢又大聲返講野且變得興奮,直接迴避左我問佢嘅野,睇得出佢係有啲唔開心嘅事係收埋左唔想提…


然後我地行出Antman館後,我地行到前方唔遠處嘅黑暗過山車,寫住‘飛越太空山’,好似好刺激咁,我多年前玩過一次,又真係幾快下。


「嗱,我次次黎都唔敢玩過山車,我見你今次係度先想try try、好似好爽咁,你唔好笑鳩我啊,我打柒你架。」


「得得得,唔笑你。」


但我講完呢句已經有啲想笑,心諗終於有樣你驚嘅野,呢個過山車雖然快,但離心力唔大且冇倒轉我冇咁驚。


「屌你話口未完你就笑鳩我。」


佢見我好似有啲想笑就打我一野先。


「冇啊,邊度有笑,你睇錯姐。」


我扮無知咁唔認帳…


接著我地又排左半個多鐘,終於排到我地,我地登上一卡過山車,佢坐入面我出面,


慢慢地部車開動進入一片漆黑嘅位置,黑嘅程度係伸手不見五指,然後就進入緩慢向上移動嘅軌道。


「屌你好撚驚啊喂,你要護住我啊,唔會跌鳩左落去架呵?」


Chole姐個驚青樣出晒黎,即時冇晒平時惡嗰種威勢,佢驚嘅樣我亦都係第一次見,睇唔出佢會咁驚坐過山車,


但佢叫我護住佢,即係佢依靠我,我即刻覺得自己好似孭起左一份使命感。

霸氣文哥 2022-5-2 13:14

第七十五章:迪士尼一日遊(下)


「小姐,呢度啲設施好安全架,咁易跌落去嘅一早上晒新聞啦下話。」


車慢慢進入軌道開始落斜,周圍傳黎好嘈吵嘅音效,音效越大聲車速越快,快到一個點嘅時候,Chole姐突然撓住我隻手挨埋我手臂尖叫左出黎,而且仲撓得好實,睇得出佢真係好驚,


我心跳隨即亦加快,唔知係咪我嘅保護慾上身,呢個時候我另一隻手好自然地掂住佢塊臉,做出一個一個保護佢嘅姿態,直至玩完嗰下我先放返低,我第一次掂佢塊臉…


「癡線佢真係開得好撚快,嚇撚死,心血少啲都唔得。」


「證明你老啦,啱先睇住你個驚青樣笑撚死哈哈!」


「屌你老味叫你咪撚笑鳩我你係都笑,你條撚樣真係欠打。」


說罷佢大大巴咁打左我幾下,呢刻嘅佢又變返惡。


仆街唔記得玩前應承左佢話唔笑佢但依家我竟然笑到仆街,我真係抵俾佢打…


之後我地仲玩左好多機動遊戲,U型、降傘、灰熊山等等,呢啲佢都有撓住我隻手,我暗地裡個心覺得好甜;再之後我地玩多幾次Antman,但結果我都係咁輸俾佢、唔係佢對手。


靜方面我地去左迷離莊園、係森林坐左下船、仲有小小世界,呢啲佢冇覺得驚當然亦都冇撓住我,


證明佢會撓住我純粹係因為下意識覺得驚想搵野攬住有安全感先會咁樣,所以我都係唔好諗多左啦…


「呢隻豬仔好得意呀,可唔可以買俾我?」


時間唔早,已經開始入夜,就係我地臨走之時,佢帶我入左一個舖頭睇公仔,咁啱睇中左一隻粉紅色嘅豬仔想我買俾佢。


「你有冇鐘意粉紅色鐘意到咁,你屋企已經全部粉紅色野架啦喎,公仔都唔少。」


「但佢真係好得意喎,你就買一次俾我咁多啦好嘛。」


黎到迪士尼嘅佢真係少女心左好多,依家仲要用我從來未聽過嘅一把嗲嘅聲線黎墾求我,我心都溶化晒,完全冇晒平時嗰種惡,可能嗲呢一招都係女人嘅絕招。


「好啦怕左你,買啦買啦,得今次咋。」


「多謝晒,呢度話買兩隻85折,咁你就買埋隻跳跳虎俾我啦,一對襯晒~」


「哇乜你咁得一想二嘅。」


「你應承左我話一次架嘛,依家都係一次過買姐,你唔係反口下話。」


頂佢佢咁樣抓字失都得?咁佢咪買幾多都得?但眼見好難得佢咁樣嗲我法我又唔忍心唔買俾佢啦,更何況佢都係買呢兩隻公仔姐。


「咁買囉,一對係好睇啲嘅。」


「你都覺呢,同埋呢排佢出左個新款杯好靚我想要埋,唔該你!」


屌你可唔可以惡啲對返我呀,我唔想係咁對你心軟啊。


「買啦買啦,你仲想要乜。」


我已經俾佢嗲到對於買野麻木左…


最後佢買左6-7樣野,用左我四舊幾水,不過可能都正常嘅,黎得迪士尼呢啲地方都應該要預返咁上下洗費去買野,但我唔係買俾自己,而係買俾Chole姐。


見到我買完俾佢佢咁開心,我見到佢咁開心後我都開心,起碼我唔會內疚先,簡單啲講,值得。


然後我地開始散場閃人,大批人亦都朝著同一方向湧往出口離開樂園。


「點啊我買左咁多野俾你,可唔可以送隻跳跳虎俾我,我自己都鐘意架喎。」


其實跳跳虎我由細到大就好鐘意,佢係老虎,聽落應該好有威勢,但原來佢唔單止好玩得,仲識得用條尾會彈下彈下好鬼得意,


就好似眼前嘅Chole姐,表面好惡死,但其他佢都有少女心、得意同柔弱嘅一面。


「唔制喎,你要買咪自己去買囉,咪撚搶我個公仔。」


當然最後都係俾佢一下拒絕我。


「好囉,獨食難肥啊,唔怪得你瘦到成棚骨咁。」


說罷我借啲意串佢,佢又打左我一下。


「屌你你照下塊鏡啦,你條撚樣就真係成棚骨啦。」


呢一日迪士尼一日遊就咁結束,天空已經變成暗淡嘅深藍色,夜色降臨,我陪同Chole姐雙雙搭地鐵返屋企,


今日同佢玩得好開心,我見多左佢好多面,亦都接觸多左,就好似同佢close左,但我相信呢啲都係錯覺黎姐,


最真實嘅感覺存在於我內心,究竟我係咪真係一啲都唔鐘意佢?
.
.
.
兩個禮拜過去,我同佢更加熟絡,打我凶我呢啲已經係正常不過嘅事,唔知係咪我被虐嚴重左,我竟然越黎越鐘意俾佢打嘅感覺,感覺佢係著緊我先會打我、先會咁主動接觸我,我仲要係俾一個mk妹女神打我喎。


至於凶我,呢啲佢都係同我玩下姐,佢一定係覺得同我好相處先咁敢於展視佢真實一面俾我睇,而且咁樣仲可以鬥下嘴添,可以間接增加我地之間嘅‘溝通’,一切都俾我睇穿了。


雖然佢好似好惡咁,但佢都有對我好嘅一面,佢每一個對我嘅微細舉動我都覺得好窩心,就好似有一次佢細心地幫我掹左一條白頭髮,我已經心跳加速,可謂一啖砂糖一啖屎。


但我始終都覺得一定係我太耐冇同其他女仔相處過先會咁,依家仲要有個mk妹女神對我咁好,我緊會覺得窩心架!我…我一定唔係鐘意佢,相信再過耐一排我就唔會有呢啲感覺。

霸氣文哥 2022-5-3 12:06

第七十六章:放飛機


另外佢呢排已經考晒試,經過呢兩個禮拜我差唔多都每日登門拜訪教佢功課同為佢不斷罐輸中史嘅野,佢已經由本身合格邊緣拉返佢去合格以上位置,


而生物亦有進步趨勢,證明我呢種洗腦方式嘅方法係work,但生物我始終要透過阿盈幫助黎洗佢腦,


我呢個所謂嘅補習老師見到咁都好滿足、好有成功感,心諗呢個mk妹懶得黎又有啲資質架喎,我不得不敬佩佢。


當然我仲有默默地熬夜幫佢做一啲佢做唔晒嘅生物功課,務求令佢唔會欠交功課,我呢個所謂補習老師都算唔話得啦,都唔知點解佢會咁懶成日都趕唔切啲功課,


我覺得最大原因係佢晚晚6點幾就會叫我走佢要出去,但我並唔知佢去邊,佢亦唔肯講,呢點我好好奇。


唔好以為咁簡單我淨係燒腦教佢,我仲不斷燒緊自己銀包…啲錢,呢兩個禮拜佢每次都叫我買定個下午茶餐俾佢,因為咁我已經買到熟晒,佢鐘意食啲咩我都知得一清二楚。


另一方面嘅出血就係佢繼續時不時向我借錢,每次借親都一兩舊水,而佢依然唔肯講個原因我知,明明佢屋企得佢一個照計都唔係家庭因素,究竟佢背後收埋啲咩不可告人嘅秘物?


仲有我覺得我真係變得好鬼死好人,事關上個禮拜佢冇啦啦攝親病病地,佢嗰排係考緊試,於是從嗰日起我每朝都會打電話叫佢起身,驚死佢會唔知醒,仲會提佢食藥、落雨嗰陣叫佢帶定把遮,


話晒佢都係我‘學生’,我點可以俾佢因為咁而耽誤,呢個試係學期末嘅一個試,對佢黎講都幾重要,但我呢啲關心同著緊係咪正常?


亦因為咁我竟然會慢慢咁鐘意左聽到佢把聲,由其係朝早,每朝我都可以聽到佢嗰把好攰未瞓醒嘅聲,感覺好真實好幸福,


齋聽到佢把聲我就已經幻想到佢未瞓醒嘅可愛樣,就好似一隻未瞓醒嘅老虎,但點解我會覺得咁回味,唔通我係一個‘聲腔’?


之後我仲陪佢去睇醫生,醫生開左啲藥俾佢叫佢唔好飲咁多凍野同盡量少係冷氣位下俾風吹,所以自此之後嘅每次起身morning call我唔單止叫佢食藥帶遮,


仲會提佢唔好飲凍野、提佢帶多件衫上堂唔好凍親,依家嘅我猶如貼身保姆,驚死佢身子會再次出事…


「方伯 我冇帶遮 你可唔可以拎把遮出黎遮我 我呢度落好大雨走唔到」


今日係禮拜日,啱先起身冇耐嘅我突然收到Chole姐嘅wts。


「做咩咁大懵 咪提左你帶遮 你之前攝親仲未好得晒架」


「你係邊?我即刻過黎」


聽到佢冇帶遮我顯得有啲緊張,事關出面真係落好大雨。


「旺角間H&M。」


又係間公廁H&M?點解個個女仔都鐘意去嗰間公廁H&M行?我同阿盈行一次已經行到厭厭地。


「做咩冇啦啦去左嗰度?你冇其他fd係度咩?」


「我俾人放飛機…(流眼淚表情)」


原來係俾人放左飛機,咁嗰條友都幾衰喎,襯落大雨先約佢出黎放飛機,更何況佢唔知Chole姐佢未好晒架咩?再病返嘅話點算?


呢一刻我睇得出佢有幾傷心、幾失望,同平時惡死嘅佢截然不同,仲有我未見過佢喊架。


「條友咁仆街嘅 你留係度先唔好淋濕 我依家即刻過黎」


唔講咁多,我即刻落樓飛10蚊小巴出旺角,只需20分鐘就衝到出去,


落車後,我開遮淋住大雨趕往H&M,因為落太大雨關係,把遮遮唔晒我自己都淋濕左少少。


經過幾條橫街窄巷後我終於黎到間H&M門口,但眼前並唔見Chole姐係門口等緊我,仆街你唔會淋住雨走左掛…?


然後我打俾佢,但得到嘅回應係…


「你的電話暫時未能接通,請遲啲再打過黎…」


做咩唔聽我電話,我更加著急,我嘗試入去搵佢係唔係入面,行到去女裝嘅時候終於見到個熟悉嘅身影,一個冇著褲look(即件T-shirt長到遮住條短褲嘅look)。


冇錯,係Chole姐,佢係度好悠閑咁睇緊衫,一啲都睇唔出佢有傷心。


「喂點解你唔係門口等我?電話又唔聽,知唔知我有幾心急,以為你直接淋雨衝走左,你再病過點算?」


我見到Chole姐後立即激動上前理論,但總算鬆一口氣。


「你理閪得我做咩姐,咁你話黎遮我我唔通半粒鐘企定定等你咩柒頭,我緊係入黎睇下衫,同埋出面落咁撚大雨我都走唔到又點會衝走,你用你個閪腦諗下啦。」


「我唔聽電話係因為我教左靜音聽唔到,洗唔撚洗我依家打返俾你啊。」


原來係咁,一切都係我過度緊張諗多左,依家佢冇事就好。


「都唔知你咁閪激動做咩,又冇人得罪你,我依家咪成個人棟撚住係你面前。」


「咁你又話俾fd放飛機?冇事嘛?」


「放飛機好閒姐,我會有乜撚野事?既然你依家都出左黎咪你同我睇下衫,等陣先遮我返去。」


「屌你我…我見你wts講到好sad咁以為你會諗唔開先即刻趕出黎咋。」


「哈哈傻閪你唔係信下話,我玩你咋,如果我唔講到咁你又點會出黎陪我睇衫。」


頂佢個肺,呢刻先知原來我中計了,枉我仲即刻衝出黎陪佢驚佢有咩事,都唔知點解我要咁著緊佢。


「仲有你出撚左黎我先有人遮到我返去架嘛。」

霸氣文哥 2022-5-4 12:30

第七十七章:內心最真實感受 


「屌你你當我阿四呀俾你點黎點去仲要呃我出黎,我出左黎依家都大可以走人。」


我知道佢原來係呃我出黎後我嬲嬲地。


「你老味依家你可以陪我行H&M你執到啦,平時我行開LV、Gucci嗰啲舖架,就連我呢個袋都係LV黎。」


「今日見出面落晒雨走唔到先黎呢啲cheap舖咋,你有幸見到我行呢啲cheap舖你應該要開心。」


我望一望佢個袋,細心一望先發覺真係LV袋黎,乜佢咁有米架咩,的確高貴。


「知你有品味有錢啦,但我冇興趣陪你行你所謂cheap舖,你自己慢慢行飽佢啦。」


說罷我就好決絕咁調頭行走。


「方伯洋!」


突然佢從後叫左我一聲,然後抓住我右手對準我手腕上啲嘅位大大力咬左一口。


「啊!你做乜野?」


我發出一下痛苦嘅叫聲。


好快Chole姐咬完鬆開嘴巴,我可以見到一道清晰嘅牙印深深刻係手腕之上,上面仲留有佢嘅口水,我竟然可以沾有女神嘅口水?係一個親密嘅接觸!


「點解…點解你地個撚個都要掉低我、離棄我…?」


正當佢抬返起頭之時,赫然見到佢眼有淚光地喊左出黎,我第一次見佢喊,唔通我今次真係hurt親佢?


「做…做咩事?」


見到呢個陌生嘅情境我一時俾唔到任何反應。


「點解我想搵人陪我睇個衫都咁難,我係咪注定要得一個人?」


其實佢係好在意俾人放飛機,個傻女就一直扮堅強話冇事,到我話走佢終於都忍唔住喊左出黎,外表惡死堅強嘅一面,內在原來係如此柔弱。


「好啦好啦冇人陪你行,我陪你行,唔好再喊,我唔走啦。」


說罷我拎出紙巾為佢抹眼淚,然後再轉肽話陪佢行,男人係一種易心軟嘅動物呢句真係講得冇錯。


「你唔係話唔撚鐘意陪我睇衫咩?」


佢聽到我陪佢後,佢開始慢慢平復情緒。


「邊…邊個話我唔鐘意睇,我不知幾鐘意睇衫,你依家睇下我仲可以幫你揀下,我…我頭先玩你咋,你唔係信下話哈哈。」


其實我係因為心軟,但我都為自己兜,學佢咁玩返佢自己,以其人之道還治其人之身。


「你收皮啦,學鳩我講野,同埋你照下塊鏡先啦,你著到成個毒撚咁應該我幫你揀衫至啱幾時輪到你幫我揀。」


Chole姐終於回復返佢個爛口性格,咁即係佢冇事啦,咁就好,但頭先我咁樣整喊佢我都有少少內疚。


但我有冇聽錯!?佢幫我揀衫?一個女神幫我揀衫喎,點解佢對我咁好,佢應該講笑架姐下話。


「你好似又啱,毒撚切忌過於自信嘛。」


我嘗試配合佢踩低自己換取佢開心,見到佢開心我都會開心。


「哈哈你知就好啦柒頭。」


然後佢就開始同我周圍睇衫,睇完女裝嗰邊就同我睇男裝呢邊。


「我覺得你著得文青少少會幾好睇,等老娘我幫你改造下你條毒撚啦,咁樣先有女埋身溝到女架嘛。」


Wtf?佢真係諗住幫我揀衫?佢唔係對我好惡架咩點解冇啦啦對我咁好?


但當佢講完幫我改造係可以溝到女之後,我唔知點解內心有啲痛,我竟然第一時間個對象係諗到Chole姐,我並唔想溝其他女。


「就好似呢件衫咁,你睇下你幾撚有文青feel,再襯埋呢條卡其色褲靚仔晒啦屌,你呢條毒撚唔愁溝唔到女啦。」


好快Chole姐拎左一件淺藍色長袖綿麻恤衫同一條卡其色長褲俾我,佢將套衫貼住我就咁幫我試衫睇下個look係點,而佢呢個咁窩心嘅舉止又令我不斷心跳加速。


點解你對我咁好但要將我讓俾其他人,你一直以黎對我嘅微細舉莫非對我一啲意思都冇?難到就只有我對你有種特別嘅感覺?


由唔識變成認識、由陌生變成朋友、由普通一個mk妹變成我嘅女神、由淨係得惡死一面變成我見到你唔同嘅一面、由淨係屌我變成依家會對我好,


呢段日子我唔知點解會慢慢變得著緊你同好留意你,我發覺已經俾你深深吸引左,甚至第一日已經俾你吸引住,認識多左你發覺你都唔係咁衰姐,因為咁我亦慢慢對你呢個mk妹改觀,


以為日子耐左我唔會再對你有呢啲感覺,但相反感覺越黎越深,我越黎越鐘意你打我鬧我,


不知不覺我覺得你同我有咁多接觸係對我有意思,所以會好想見到你開心、我鐘意同你相處、鐘意為你付出、你想做乜我都想陪住你、會更想你係我面前咩秘物都冇,


可能呢啲感覺已經超出左朋友關係,直至呢一刻你同我講幫我打造可以出面溝到女、你推走我,我心終於感到了痛楚,我就知道呢一切感覺都唔係假,


唔係dry、唔係因為內疚,係因為我鐘意你…我唔可以再逃避呢個事實,因為我真係鐘意你,我冇得再否認自己唔會鐘意你呢個mk妹,


原來當自己鐘意左一個人真係冇得控制自己唔去鐘意佢、唔去諗佢,最終都要面對內心最真實嘅一面,如果你話著得文青啲可以溝到女嘅,我希望溝到嗰條女…係你。


「點解你咁想我溝到女?我溝左女就唔會再成日陪到你。」

霸氣文哥 2022-5-5 13:12

第七十八章:接放學


「屌睇你條毒撚都dry左好耐啦,仲唔撚想快啲搵返條女出pool咩,依家我幫你執好個look包你好快溝到女。」


「你放心喎,你陪唔到我咪算鳩數,我又唔係得你一個fd,你溝到女我鄧你條毒撚開心添啦。」


聽到呢番說話我心更痛,果然佢不斷推開我,我係佢眼中亦唔係矜貴嘅一個人,有冇我都冇所謂,即係我個look就算執得幾好都唔會得到你歡心?但世界咁大,我淨係想要你一個…


「孔樂兒!」


我忍唔住啦,我實在按捺唔住內心嘅情緒,我要爆啦!


「做咩?」


Chole姐一臉疑惑望住我。


「我…其實我…其實我鐘意…」


但到左危急關頭我又變得戰戰兢兢唔敢講出口,只知道我心跳得好快好緊張、手心都出晒汗。


「我鐘意呢套衫,我就買呢套啦。」


最後我都係唔敢講出口兜走左,覺得如果真係講左出黎俾佢拒絕會好柒,其次講完如果佢連朋友都唔想同我做咪仆街…


「哦,想買呢套衫咪講出聲囉,做咩變到咁撚緊張咁大反應。」


「屌我都話呢套衫啱你架啦,你都覺呢,你今日呢一下大翻身包你好快溝死女。」


我竟然咁簡單嘅一句說話都講唔出口,我真係冇膽、我正一廢柴。


「冇計啦,因為我實在太鐘意呢套衫我太興奮,估唔到可以咁文青,我一定可以好快溝到條女俾你睇,到時你唔好掛住我。」


我按捺住內心嘅痛講出呢一堆假話,其實只係想激下佢,但佢應該都唔會有咩反應,


睇黎我之後都只可以咁樣暗戀佢、默默為佢付出,但當講完後我眼框就冇啦啦湧出淚水。


「你做咩流眼淚?」


仆街俾Chole姐見到我喊添。


「冇…冇啊,我興奮得濟興奮到忍唔住流眼淚咋嘛,多謝你今日幫我大改造,我終於唔洗再做毒撚。」


「屌你有套新衫姐唔洗興奮到喊掛,同埋唔撚洗多謝我喎,咪當報答你教我功課。」


「不過講起靚衫,我啱先都睇中左件衫幾靚,頂但最撚衰我今日又帶唔夠錢出街買唔到,唉so鳩sad。」


「你鐘意邊件,我買埋俾你啦。」


只要你開心就好,我鐘意嘅係你,我唔買俾你唔通買俾其他人咩,我默默地付出就得。


「咁撚好,多謝晒喎。」


說罷我就同Chole姐行返去女裝嗰邊揀衫,佢顯得好雀躍,睇得出佢呢刻嘅興奮係發自內心嘅興奮而唔係假…


當我地大家都買完衫後,我就遮住佢一齊去搭車返屋企,期間遮住佢嗰邊多於我,所以我最後都係淋濕左的。


返到屋企後,我每次都會同阿盈分享返嗰日同Chole姐做過乜,當然我冇講我鐘意佢,然而佢知道chole姐今日突然喊總覺得佢有啲野收埋。
.
.
.
「今日放學可唔可以黎接我放學?」


又兩日過去,呢日我晏晝起身冇耐就收到Chole姐send俾我嘅wts叫我接佢放學,女神今日竟然主動邀請我接佢放學?身為暗戀佢嘅我感到一陣興奮。


「好啊 但點解今日咁突然想我接你?」


好奇之下我都想問下佢點解想我接。


「屌你唔好問啦 叫你黎接就黎接。」


當然佢都係冇答我,究竟點解佢會想我黎接佢?


「Ok 我晏啲黎接你。」


到左差唔多4點嘅時候,我獨自黎到佢學校門口等佢放學,我著住前日我買嗰套文青裝黎到呢度,心諗如果我係佢男朋友就好,


身為一個男朋友黎接佢會好有一種保護感,亦都會好有愛,可惜我咩都唔係,就只係佢嘅一個朋友。


冇耐裡面嘅鐘聲響起,學生逐漸地一個個行出校門,期間有啲女仔望住係門口隔離等候嘅我,


唔知係覺得我靚仔定見成條街得我一個係度等人覺得奇怪,總之有少少老尷。


再過左一陣,前方出現一個熟悉嘅身影,佢孭住一個粉紅色嘅書包、側邊扣住一個之前去迪士尼我買俾佢嘅豬仔公仔,正一搖一擺地行緊出黎,


但奇怪嘅係,後面仲尾隨住幾個女仔疑似不斷指責佢,Chole姐冇理佢地,我隱約聽到班女仔叫佢還錢。


「bb你到左啦?」


Chole姐一步出校門見到我就即刻感到好雀躍地撓住我隻手,佢…佢仲叫左我一聲bb?究竟咩事?我一時無言以對,而後面幾個女仔亦止住了腳步暫時冇再指責住。


「呢個係我男朋友,有咩問題你搵佢啦。」


佢…佢講咩話,我係佢男朋友?佢直接當左我係佢男朋友?係咪意料著我要出pool啦?我一時間變得好緊張。


「係…我係佢男朋友,你地幾個做咩係度指責佢?」


「唔係下話,你條臭雞幾時又冇啦啦多條仔?」


臭雞?其中一個女仔竟然話Chole姐係臭雞,我感到有少少嬲。


「你地講乜撚野呀,做咩話我條女係臭雞?」


因為佢地出言太無禮,一黎就聽到佢污辱Chole姐,所以我咩都冇理直接當左Chole姐係我女朋友,我立即躍身成一位護花使者。


「傻仔你唔係信佢真係當你係佢條仔下話,佢當你係兵咋,你俾條臭雞玩鳩左啦。」


另一個女仔接著駁我。


佢地講呢啲野真係好難聽,我內心亦有少少難受,兵?冇可能,佢對我咁好又幫我唧暗瘡又幫我試衫又剩,點會當我係兵,佢都會著緊我關心我架,只係我付出比佢多姐…

霸氣文哥 2022-5-6 11:20

第七十九章:女神的惡行


總之我唔信,你班女仔無非想離間我地姐,我唔會中你地計,Chole姐呢刻都開得口當我係佢男朋友仲點會係假!


「阿洋你唔好聽佢地亂講,我真係當你係我男朋友。」


Chole姐變得好陰聲細氣咁同我講,同平時惡死嘅佢完全唔同,呢一刻我已經俾佢對我嘅愛衝昏左頭腦,估唔到我會有機會真係做到佢男朋友,我內心裡心如鹿撞。


「係囉你地班八婆咪撚亂講喎,我不知幾愛我條女,你地做咩事係咁煩住我條女。」


呢刻嘅我全身充滿保護慾,我已經唔理咁多盡一切可能唔俾佢地接近Chole姐。


「佢呢刻當你係仔,轉過頭都可以當返你係隻兵咋,佢淨係會利用你,我地呢幾個本身都係佢好姊妹,之前見佢好慘咁問我地借錢所以借錢俾佢。」


「佢向我地逐個借,借完一次又一次,但之後有借冇還,次次叫佢還錢都話冇錢還淨係識得拖。」


「屌你冇錢還又去買名牌包包著新衫買新公仔?分明唔撚想還錢想拖數想賴帳啦條仆街。」


佢講到啲新衫同公仔,其實都係我買俾佢,根本唔係用佢嘅錢。


「拖數都不特止,最嬲係佢仲係度著到靚一靚咁姣埋我地條仔借錢,屌你如果唔係我地條仔講返俾我地聽,實俾呢條臭雞姣撚埋上床啦。」


「成撚日話自己幾慘幾慘,其實就姣撚到出晒汁,仲話好姊妹喎,好姊妹係佢眼中條仔都係攞黎俾佢執兩劑架咋。」


「正一犯眾憎,依家個個知道佢拖數唔還仲要周圍姣仔都已經個個疏遠佢同佢絕交。」


佢地你一句我一句不斷數Chole姐啲惡行出黎,聽完後真係刷新我三觀,乜平時我識Chole姐係咁衰咁姣架咩…?冇可能,佢一定唔係呢啲人、我唔信,當中一定有啲咩誤會。


「總之你條仆街今日一定要還錢啊,條數已經拖左好耐,我就700、Yuki就1500、Cherry就1400、Tracy就500,仲有我地條仔每個都幾舊。」


佢地講到言之鑿鑿咁,照咁講如果係真嘅話爭落接近5000蚊啦喎…對我地學生黎講都真係一個頗大嘅金額。


「係咪真架…?」


我驚訝地望住Chole姐反問一句。


「唔係真架,我冇姣佢地條仔,係佢地老作講衰我,同埋我邊撚度爭佢地咁多錢,假架。」


當佢對住我講緊野之時,我仔細留意佢個樣同身體後,我發覺佢塊臉瘀左兩撻、兩隻手亦有唔同大小嘅瘀痕,咁多瘀傷一定係俾人打到咁,邊個咁大膽將你打到咁?


「咦,點解你塊臉同手瘀晒,邊個搞成你咁?」


「咪…咪佢地打鳩到我咁,佢地係學校迫我還錢。」


身為以前俾人恰嘅我,我聽到後心中十分氣憤,我明白俾人恰有咩感受,佢地為左叫Chole姐還錢竟然打到佢咁?


還錢姐,洗唔洗郁手郁腳,咁同欺凌有咩分別、同我以前又有咩分別?仲要身邊嘅係我一個重要嘅人,佢地竟然敢打到我條女瘀晒…


「喂你唔好老屈我地喎,我地幾時有打過你,今朝返黎你已經瘀晒。」


「你唔好諗住屈鳩我地唔還錢喎,總之今日你一定要還錢,呢條數已經拖左好耐架啦,你唔好諗住繼續拖。」


呢刻嘅我已經俾怒火衝昏左頭腦,咩說話都聽唔入耳,淨係凝住佢地將我條女打到咁傷,成班人圍住一個打好開心?


「你老味我地家下就唔還呀你吹咩,你地打我條女在先就係你地唔啱,點解仲要還俾你地,你不仁,我地就不義!」


「同埋食屎啦你班八婆,依家我條女借到錢係佢嘅能力、係你地心甘情願借,還唔到都預撚左啦。」


「仲有好心你班豬扒照下你地塊鏡啦,你地條仔咁易俾人姣到借錢係因為你地柒唔夠吸引咋,用你地個豬腦諗下啦!」


我終於忍唔住我要爆啦,因為Chole姐俾佢地打到咁我已經理唔上咩欠債還錢天經地義呢啲道理,我呢刻淨係知我要屌柒佢地、我要保護Chole姐還返俾佢一個公道。


「乜撚野呀你兩條仆街,唔還錢仲大條道理咁屌柒人?仲要你同條臭雞夾埋唔還錢,你兩個正一狗男女。」


「咪撚理佢地我地走。」


說罷我就帶住Chole姐調頭準備離去。


「喂你地咪撚諗住走呀,你地還錢啊!」


然後佢地4個女仔見狀當然都即刻走上前追諗住抓住我地,但我唔打女仔,同女仔打交一定係佢地佔優,呢個時候唯有召喚一個「人」出黎幫我。


「周雪盈!」


我大叫一聲,Chole姐感到一下愕然地望住我,佢一定覺得好奇怪,佢已經第二次聽到我大叫呢個名。


冇耐阿盈就出現左係我面前,正當佢地就黎抓住我地之時,阿盈見狀亦知咩事,佢隨即走到我身後。


「你班仆街走乜撚野,還錢啦…」


說罷下一秒阿盈伸直雙手做出一個推開佢地嘅姿勢,然後周圍就好似形成左一道強大嘅氣場咁將佢地紛紛向後推倒跌在地上。


「Chole姐,襯佢地跌低晒我地快啲跑返屋企。」


Chole姐見到身後嘅情況後感到不可思議地O晒嘴,一切都黎得太突然,佢一定唔知我咁勁有呢種能力,但要召喚到阿盈出黎幫手我都有少少覺得自己冇乜用。


「你啱先做咩黎…?點解你講左個名之後佢地會跌晒落地下?」


「你唔好理我啦,我地依家快啲返屋企先,費時佢地追上。」


當然佢地係唔會追上,因為阿盈會係後面保護住我地,我就咁拖住Chole姐隻手跑住帶住佢返屋企、好浪漫好有愛,第一次拖住佢隻手嘅我,我個心簡直溶化了…

[[i] 本帖最後由 霸氣文哥 於 2022-5-6 11:21 編輯 [/i]]

霸氣文哥 2022-5-7 13:48

第八十章:戲假成真


跑到返佢屋企後,我倆都喘晒氣,估唔到我會同佢會經歷到一啲類似俾人追殺嘅情景。


「好彩我地跑得快佢地冇追到上黎。」


「究竟你頭先係點撚樣做到,你係咪召喚左啲咩野出黎?」


乜佢咁八卦架,依家又再問返我頭先所做嘅事,不過關於阿盈嘅事我都係唔好俾咁多人知為妙,更何況Chole姐佢唔信鬼嘅講出黎咪得啖笑。


「你唔好理啦,最緊要我地可以平安返到黎,你依家塊臉瘀左,等我去濕啲熱水幫你敷下塊臉啦。」


說罷我就立即動身前往浴室拎毛巾,盡我呢個做男朋友嘅責任。


「唔洗啦,呢啲野我自己理。」


正當我準備動身之際,Chole姐抓住我隻手停住左我動作。


「多謝你頭先救左我,你啲演技真係好鬼好,演男朋友呢個角色演得似模似樣。」


「由其你屌柒佢地嗰陣,個表情同神緒發揮得淋漓盡致,仲要好霸道咁講到唔還錢都係應該,你真係好撚正囉。」


演男朋友?即係頭先只係扮佢男朋友?佢同我講嘅野全部都係假…?呢一刻嘅我心情由本身好甜蜜去到依家碎到一地都係、心痛欲絕,咁算唔算俾佢玩感情?


「呢一切都係演戲?」


「係啊,好彩你黎到之後肯配合我做戲先可以呃過班八婆,仲救埋我走,有你呢個朋友真係唔撚話得。」


佢叫我接佢放學嘅目的就只係為幫佢脫困?就只有咁多…?朋友…我做咁多野為你付出咁多就只係得到一個咁普通嘅名銜——朋友。


唔通頭先就只有我一個咁傻當真去做佢男朋友?我仲因為佢發左一次脾氣屌柒班八婆、我仲好瀟灑咁拖住佢走,


最重要係我第一次聽到佢親口同我講當我係男朋友,知唔知我嗰一刻有幾開心,點知原來一切都係假,瞬間由天堂將我掉返落地下、咩希望都冇晒…


唔會架…唔會係咁,呢個結果唔應該係咁…未己我忍唔住流下眼淚。


「你做咩喊?你唔會以為係真下話?」


冇錯,我真係咁傻地當左係真,我好想我真係你男朋友,我所展現嘅情緒都係發自內心,並非演技。


「緊…緊係唔會啦,我又點會鐘意你呢啲爛口妹,我係第一次聽到你識多謝我感動咋。」


心裡很誠實,口裡卻說不,我繼續用藉口避開我內心真實嘅感受。


「多句謝姐,洗唔洗咁感動,我份人就好公道嘅,你對我好,我就會多謝你;你對我差,我自然就屌柒你。」


我要振作,呢一切都唔可以怪佢,因為都係我心甘情願,邊個叫我咁傻明知佢呢個mk妹冇幾何認真仲咁易信左佢,佢又點會鐘意我,


呢啲咪叫條路自己揀仆街唔好喊,依家我喊都係應得,或者一直以黎都只係我嘅一廂情願。


「知你公道啦,所以你依家係咪要頒個獎表揚下我?」


我抹過眼淚後,繼續用返朋友嘅身份對佢。


「獎就冇啦,一巴掌你要唔要?」


「哇話晒我都救左你,乜你咁樣對你嘅恩人,因住俾雷劈。」


「你就俾雷劈,我不知幾撚福大命大。」


「不過經過今日先知原來你咁撚勁,有你係度我先可以得以解困,你之後可唔可以都黎接我放學?有你係度佢地之後放學就唔敢再煩住我。」


Chole姐突然叫我之後都叫我接佢放學,係咪即係覺得我俾到佢安全感?唔好亂諗啦,我只係好似朋友咁幫佢,


雖然佢唔鐘意我,但一諗到我可以繼續扮佢男朋友其實都開心、起碼我仲可以同佢有短暫親密嘅接觸,就用呢個麻藥暫時麻醉一下我心痛嘅內心吧…


「好啊,你係學校都要小心。」


「呢一層你同我定,我自己會小心。」


「你可唔可以同我講真話?其實你係咪真係爭佢地咁多錢?你又係咪真係有姣佢地條仔…?」


「屌你我緊係冇啦,你聽佢地廢up?錢方面我確實有爭佢地嘅,但冇咁撚多囉,佢地班仆街特登作咁多出黎想食多我一道錢姐,佢地諗乜我仲唔知咩。」


「仔方面我就緊係冇姣啦,佢地又唔係靚仔又唔係有錢仔姣佢地做乜鳩,佢地無非都係想屈鳩我。」


然後Chole姐好確鑿咁向我辨解,聽落唔似係假。


「不過話晒你都係爭佢地錢,多與少都還左俾佢地先啦。」


「你條撚樣頭先唔係好串咁同佢地講唔洗還架咩,做咩依家就掉撚轉晒槍頭。」


講返頭先班女仔叫佢還錢,Chole姐語氣變到少許激動。


「我頭先扮緊野,你又俾佢地打完黎,緊係要激動啲嚇走佢地先,但冷靜落黎諗,欠債還錢,真係天經地義。」


「得啦,呢層你唔撚洗理,錢方面我自會還,你做好你自己本分接我得啦。」


然後Chole姐一如既往咁叫我收皮。


「好啦我相信你,如果你遲下有需要嘅就問我借啦。」


「得啦,錢老娘我多的是,我會還唔起呢少少錢?」


「知你勁啦,唔洗係度曬自己有幾有米嘅,你還左佢地應該就唔會成日煩住你。」


「話說佢地話以前同你係好姊妹,你地真係好姊妹?」


「以前係,不過依家同佢地反撚左面啦,就因為呢少少錢。」


「你咪撚理咁多啦,都係嗰句,你做好你份內事就得。」


呢刻嘅Chole姐就好似當正我係下人咁吩咐,感覺我地始終有一段距離,佢有野收埋都唔想俾我知,猶如一個既陌生又普通嘅朋友,我就只係佢嘅工具,需要時先會拎出黎用。

霸氣文哥 2022-5-8 18:16

第八十一章:拒絕面對 


「好啦我唔問咁多,作為朋友你放學我會繼續好好保護你。」


「嗯多謝你,如果冇咩事嘅你走先啦,我晏啲要出去。」


佢又出去?究竟晚晚出去做咩?返part time?出去玩?一切我都無從得知,因為我並冇資格理咁多。


「你唔洗我教功課咩?」


如果可以的話,我想盡可能係度陪你耐啲、唔想同你分開,只要見到你我都會開心,儘管只係可以見多你一分鐘。


「依家都考晒試啦,仲有乜撚功課洗你教,你走先啦,遲下有需要自然會搵你。」


結果連教功課呢個藉口都冇埋,果然係用完即棄,好掛住以前教功課同你一齊搏鬥嘅日子,依家只能夠思念,唔可以再有得長時間咁陪住佢。


「好啦咁我走先,唔阻你。」


「咪住先!」


正當我準備離去,Chole姐突然叫停左我,係咪想我留係度陪佢了?


「走之前你可唔可借一舊水俾我,我急用。」


原來係想問我借錢而已,係我諗多左。


「冇問題,一舊水姐,你拎去洗啦。」


說罷我就好爽快地係銀包拎左100蚊俾佢,救急扶危嘛,應該嘅…


[b]喀啦喀啦~[/b]


好快我拉開鐵閘返到自己屋企,而阿盈見到我返黎第一時間過黎八卦我頭先接放學嘅事。


「阿洋你終於返黎啦,Wow~我見到你頭先同佢拖晒手咁英雄救美喎,你地進展都幾快,仲話冇鐘意人?」


平時八卦新聞又唔見你睇,依家我一返到黎就淨係八卦我。


「唉我認啦,我認我的確不知不覺咁鐘意左佢,其實由第一日去佢屋企開始已經有少少俾佢吸引住。」


「都估到你對人有野,平時咁著緊佢又咁肯幫佢,係你死口唔認咋嘛。」


我唔認,係因為我自己都唔知原來我已經鐘意左佢,鐘意一個人真係可以好突然。


「但你點解睇落好似好失望咁,你地唔係一齊左啦咩?」


阿盈知嘅野實在太少啦,我一直都冇同佢講過對Chole姐嘅感受。


「我同佢冇一齊,佢亦唔知我鐘意佢,佢當我係男朋友都係假,一切都只係一場戲,現實中我都只係佢嘅一個朋友,全部都係假架。」


我呢個時候終於可以抒發自己感受出黎,所以有少許激動。


「不過都要多謝你頭先救左我地,唔係你出現佢地一定會繼續追住我地。」


「洗咩多謝,你叫得我出黎見你有危險一定幫你架啦。」


「原來我頭先見到嘅只係煙幕,但你對佢付出咁多,佢就只係不斷利用你搵你著數,我覺得…我覺得佢似當你係兵。」


「兵?點會係兵?冇可能!佢係真係有事先搵我幫手,而我只係出於朋友嘅義氣咁去幫佢…係囉我地朋友黎嘛,佢一定係當我好朋友所以先不斷搵我幫手,一定係咁。」


「佢有時仲會對我好好架,幫我襯衫又幫我唧暗瘡,試問佢如果真係當我兵又點會幫我做埋啲咁核突嘅野,佢都有關心過我…」


正當我辨解緊嗰陣,種種佢點樣不斷利用我搵我著數嘅畫面截住左我呢個正面嘅想法,的確佢又真係對我冇付出過任何野,就只有我一個不斷付出…


但我絕對唔會接受呢個事實,Chole姐又點會咁樣對我,佢一定係當我朋友先咁放心係咁搵我幫手,咁朋友間自然都唔會計較咁多架啦。


「你係因為出於愛佢先咁著緊佢、一直幫佢為佢付出,但冇諗過佢竟然當你係兵、佢只係利用你,你一時接受唔到係正常架,因為你自己都未過到自己嗰關去面對。」


雖然佢地大家都係女人,理應佢最明白女人係點諗,但我呢次都唔能夠buy佢。


「冇可能…佢明明同我咁close點會當我係兵,佢唔係啲會收兵嘅人,我唔信!你當初都話佢心地好架唔係咩?」


「對唔住…睇黎我應該睇錯人,當初我覺得佢好係因為表裡不一,表面佢流露真性情好爽快應該好多fd,但內心就偏偏存在著一絲寂寞。」


「理應應該會珍惜朋友同重感情,但佢依家根本唔係咁,佢淨係識去利用人、拎著數,一啲都唔見佢珍惜。」


「所以我當初應該感受錯,佢嗰絲寂寞可以係因為屋企得佢一個住先有,並唔係啲咩大事。」


呢刻嘅阿盈竟然都覺得Chole姐係唔好,就連佢以前支持佢係好嘅說話都收返,究竟佢係咪真係咁衰…?


「冇可能架,唔通佢當初點都要同我做朋友就係為收兵?點解會咁…」


聽到連阿盈都唔再buy佢之後,我諗返一直以黎同佢做過嘅事,諗諗下眼框中又流露出一絲淚光。


「雖然係咁,但頭先我出黎幫你嗰陣我留意到啲野,係關於佢嘅野。」


「係咩野?」


當我一聽到係關於佢嘅野後,我就好似充滿希望咁目光專注望住阿盈。


「我本來唔想講俾你聽架,但見你喊晒咁都唔忍心唔講俾你聽。」


「嗯?」


「就係頭先我出黎見你拖住走嗰陣,我感受到佢內心有一種憂傷嘅感覺。」


「憂傷嘅感覺?明明頭先同佢擺脫左班女仔應該係開心至係,又何來憂傷?佢一定有野收埋!我就知道佢冇你諗嘅咁衰。」


我聽到呢個好消息後,我心情猶如撥去雲霧見青天,終於見返啲希望,我就知道佢冇咁衰,佢一定係有啲咩苦衷同困難先不斷搵我幫手,並唔係收兵。


「睇下你即刻開心到,都唔知佢係咪真係有野收埋先咁。」


「咁究竟你今日搞咩俾成班女仔追住你地?」


阿盈終於問起關於今日嘅野,然後我一五一十咁講晒俾佢聽…

霸氣文哥 2022-5-9 11:40

第八十二章:後巷的鬼魂


又兩個禮拜過去,我已經放左榜,結果同我諗嘅一樣,啱啱好5科2,亦如我所願咁可以去報讀ive做個ive仔。


而我呢兩個禮拜我都有每日接Chole姐放學,就係事發後嘅第二日放學班女仔同樣有跟埋出黎追數,嗰次佢地仲帶埋條仔出黎對質,但最後都係傾唔掂數要走,我再叫阿盈出黎幫手,Chole姐見到亦對呢件事加深左好奇。


另外我仲時不時會問下佢係咪有野收埋,佢當然一直都話冇,當然都唔少得叫我收皮咪撚理咁多,


但奇怪嘅係佢瘀嗰啲位好完冇耐又會有新嘅位瘀,可以話係有增無減,


問佢點解又瘀左佢都係話係班八婆打佢搞成咁,明明叫佢係學校小心架嘛,做咩仲成日俾佢地打?


出於擔心嘅原因,我委派左阿盈去Chole姐間中學,幫我全日睇住佢唔好俾班八婆恰,


唔好以為好簡單就請得阿盈出山,我要花左好多時間同口水先說服到阿盈幫我,畢竟日日好似返學咁都幾悶。


經過一段時間嘅監察,結果出人意料,班八婆竟然冇恰到佢,最多都就只係背後講下佢壞話篤下佢背脊咁,並冇打佢嘅情況出現,我心諗應該係呢幾日咁好彩冇動靜姐。


直至有一日我如常地去接佢放學,佢隻手又多左幾道瘀痕,而嗰日阿盈根本冇見到佢俾人打,


啲瘀痕係由佢返學開始就已經有,我就知佢原來一直都講緊大話,班八婆根本就冇打到佢,我更加肯定佢一定係有啲野收埋…


除左呢啲咁凝重嘅野,我同Chole姐佢都有開心嘅時候嘅,我繼續以朋友同暗戀嘅身份同佢相處,佢繼續時不時對我有啲小舉動令我心動,因為佢依家放半日有時佢放學會同我去玩。


就好似佢放學我地去睇戲,我其實幾鐘意同佢睇戲,由其係鬼片,因為睇親鬼片佢都會俾套戲嚇到不自覺地撓住我隻手,我就可以借啲意同佢有接觸,


你知佢之前去迪士尼已經係咁啦,一驚就即刻撓住我,每次佢咁樣撓住我我都會心跳加速、感覺好滋味。


除左睇戲我地仲會去唱K,當佢一開唱腔先知,原來佢擁有一把「天籟之音」,佢走晒音都唔單止,仲好多時唱錯歌詞,我笑到碌地,嗰刻先知原來唔係靚女唱歌就一定好聽。


我笑鳩佢嘅後果相信大家都知,就係俾佢打,佢打左我好多下先識收聲,當然到我唱嗰陣都唔好得佢去邊,


一開口唱我首飲歌‘浮誇’嘅時候,好快就走晒音,隨即就到佢笑到碌地,仲俾佢串返我轉頭,其實我地都係一擔擔。


「死柒頭你都唔係唱得好好聽咋嘛,笑鳩我笑得咁撚開心,你唱好啲啦,咪撚唱衰晒我偶像Eason啲歌…」


同埋唔知係咪因為嗰兩日Chole姐見到我召喚阿盈出黎令佢對靈異嘅野大感好奇,


呢排佢都鐘意去啲陰暗嘅地方睇下,佢話想睇下呢個世界係咪真係會有鬼,雖然我冇講個事實出黎,但佢大概應該都估到係關靈異野事。


例如當入夜嗰陣佢都鐘意去下啲後巷睇下,甚至行埋入去,可能佢陽氣唔算少、時運亦相對高,所以佢咩都見唔到,只有漆黑一片。


當然有陰陽眼嘅我就見到有啲遊魂野鬼係度,見慣呢啲野嘅我已經唔覺得佢地可怕,只要我地唔搞佢佢地正常都唔會搞我地。


而沿途仲有全日係學校監察住Chole姐嘅阿盈在旁陪住我地,佢地更加唔敢搞我地,可以話萬無一失,我就當導賞導咁陪佢遊歷下黑暗中嘅後巷囉。


「咦,呢度擺左個神主位嘅?係咪死過人?」


當我地到某一條後巷時,見到前方不遠處地下有個神主牌、插住幾枝香係度、而隔離仲坐住個表情猙獰嘅阿伯係度潑扇,睇黎的確死過人。


「冇錯,通常死左人先會有神主牌係度俾人拜祭,其次就係土地公。」


「你又知?你好似好熟喎。」


「冇,係我鐘意睇意睇靈異野姐,唔多唔少都學到啲返黎。」


「其實係得後巷死啲人都唔撚好得去邊,唔係跳樓死就俾人殺,我覺得佢地呢啲人真係好撚自私,死咪死囉,係屋企死嘛。」


「你跳落黎搞到條街邊度都污糟晒、公眾地方黎喎,咁樣真係好咩,仲會影響到人,一個唔覺意跳落黎澤死多件咪一屍兩命?都on99嘅。」


仆街你個爛口妹偏偏呢個時候係度口出狂言,人地係度架,你講埋呢啲野會得罪死者!


「死𡃁妹,我點樣死關你撚事啊!」


未幾個阿伯真係擰左個頭過黎兇狠咁望住Chole姐,佢仲起身行過黎想郁手。


「呢度死過人架,你可唔可尊重下啲死者唔好亂講野,會得罪亡魂架。」


我語氣重地提醒Chole姐。


「做乜撚野姐,我地依家咪好地地咁企係度冇事,邊忽有得罪,根本咩事都冇,你唔好自己嚇自己啦。」


說罷就有一陣寒風吹過,我倆雙雙打左個冷震,見到阿伯繼續行緊過黎步步迫近,證明佢已經對我地發出左怨氣。


「死仆街,我生前已經爭落周身債搞到妻離子散,點解我死後仲俾你地指責?我要你地不得好死!」


果然佢留露出兇狠嘅眼神誓要致Chole姐於死地,係一隻充滿恨意嘅亡魂。


「點解突然凍左咁撚多,係咪有鬼出現啦?」


「咪你囉仲好講,你亂講野得罪左隻鬼啦。」


「我就係想用激將法睇下係咪真係有鬼,點知真係有動靜,呢招work。」


「你冇撚野下話,用呢啲野黎試?」


「有危險,你地走先,呢度等我拖住佢。」


說罷阿盈見勢色唔對路就上前擋住嘗試說服佢。

霸氣文哥 2022-5-10 13:32

第八十三章:呼救


「阿伯你冷靜啲先,佢細路女唔識世界架姐,你俾次機會放過佢啦。」


「你死開,呢度唔關你事!」


阿盈客氣地說服佢,估唔到竟然俾個阿伯一野推開撞左埋牆繼續怒氣沖沖咁行埋黎,睇黎佢力氣都唔少,


但阿盈只釋出左少量嘅煙,可見實力懸殊,個阿伯仲未知自己得罪左邊個。


「你條死老坑我叫你放過佢地啊,聽!唔!聽!到!?」


「你夠薑掂佢地一條頭髮,我即刻打到你煙銷魂散!」


說罷阿盈突然發威從後抓住佢胸口位然後黎個270度轉身將佢大力地撞左埋牆再用另一隻手好似白骨爪咁爪住佢成塊臉,顯然呢下衝擊佢釋出左好多煙,佢露出痛苦嘅表情,阿盈靈力高左好多。


然後將聲線同個樣變到極度兇狠地對住阿伯叫佢放過我地,同頭先客氣嘅佢180度改變,既然佢軟嗰套唔受就俾套硬嘅佢受,


我第一次見到阿盈咁兇狠地對付一個鬼魂,我呢一刻頓時覺得好有安全感,多得有阿盈係度我地先唔會受到傷害;


但另一方面亦有少許感到自己無能,覺得咩都要靠阿盈幫手先得,自己就咩都做唔到,就好似大雄成日都要搵多拉A夢幫手一樣。 


「聽…聽到,我唔再搞佢地,你放過我啦…啊…好痛…」


「知驚啦係咪?見你有悔意,今日就放過你。」


說罷阿盈就抓住佢胸口同爪住佢塊臉抬高轉身掉左佢入後巷裡。


而係佢地搏鬥期間,Chole姐只感到周圍好大風咁吹住佢、咩都見唔到。


「點解啲風一直吹住我地,仲越吹越大?」


「你一定係得罪左隻鬼佢好嬲你咪咁大風囉。」


我求其作個大話避開佢,唔通周你講阿盈已經幫我地打低左佢啦咩。


說罷後巷裡突然傳出眾多嘅鬼魂聲,我地見到後巷深處有好多鬼魂湧緊出黎。


「阿洋快啲走,唔好再企係度食花生,一定係頭先我搏鬥太大動作挑起左其他鬼魂嘅怨氣,我地快啲走。」


「我地快啲走,隻鬼追出黎殺你架啦。」


然後我地3個立即拔足逃跑,期間我不自覺地拖住Chole姐隻手跑,跑左一段距離後,鬼魂已經冇追過黎,但Chole姐顯然為佢今日終於見到嘅少少動靜而感到興奮,


佢之後仲因為我地跑走而質疑我係感受到佢地存在先咁緊張,我當然唔認啦,我淨係知佢自呢日起又再進一步地對靈異野提高興趣、亦開始相信有鬼嘅存在…


時間黎到兩個禮拜後嘅今日,依家Chole姐已經放緊暑假,自從佢放暑假之後,佢每日就更加早就出去,但佢仍然唔肯講佢出去做咩,到依家都係一個迷。


今日係星期日,平時嘅星期日佢會搵我出去玩,但今日竟然一啲動靜都冇,有啲奇怪,我有試過主動去佢門口搵佢,但㩒門鐘冇人開門。


但佢wts係有keep住上線,即係佢冇事啦,究竟佢今日搞咩?我好是著緊佢,好想佢會同我報備,可惜我並冇呢個權去管佢… 


算啦唔好亂咁多啦,佢應該係同啲fd去玩架姐,同fd出去玩又點會成日上線、又點會仲留係屋企…


時間到黎夜晚差唔多11點,我同阿盈好似以前咁食完飯做左陣運動跟住就係度睇電視,


我再睇一睇Chole姐嘅wts,佢最後上線時間:7:52分,即係都有成3個鐘冇上線,佢今日究竟去左邊一啲音訊都冇?


正當我擺低手機嗰下,手機突然響起傳來一個訊息,係Chole姐wts我。


「救命」


Chole姐send左個位置過黎示意救命,就只有呢兩個字,冇其他野,呢一個呼救令我立即緊張起黎。


「做咩事?你出左事?」


我嘗試覆返佢,但就只顯示單tick,即佢wts完我救命佢就斷左網…


然後我嘗試打埋俾佢,都係冇人聽,呢次同叫我出旺角嗰次唔同,呢次係向我求救,之後就冇左音訊,直覺話我知一定唔會係手機冇電咁簡單。


「阿盈,Chole姐佢唔知出左咩事同我講救命,我要即刻去搵佢。」


「我打唔通俾佢,再wts佢都係單tick,佢一定出左大事。」


我好慌張地立即換衫執野準備出門。


「冷靜啲先,佢出左事?你知佢係邊咩?」


「佢send左個位置俾我,係粉嶺嗰邊啲村屋。」


「佢冇啦啦去粉嶺嗰邊咁遠做咩?嗰邊冇咩行架喎。」


「唔知,我淨係知佢呢刻搵得我求救一定要大件事,好大可能會危及性命。」


「既然係咁我同你一齊去啦,多個保障嘛。」


「…又要勞煩你黎幫我,我覺得自己真係好冇用,自己鐘意嘅人出左事都唔可以靠我自己黎守護。」


「傻嘅,你係我阿哥黎嘛,話過有咩事都一齊面對,你依家去做啲有危險嘅野我又點可以俾你一個面對,人命好單薄架咋,出左事就係咁,我唔可以再睇到你有咩三長兩短。」


「況且你唔係一啲用都冇囉,你唔記得你教佢功課令到佢成績有進步啦咩?你有學識;你接佢放學夠膽幫佢趕走班女仔,你有膽量;」


「仲有一樣就係你識驅鬼,唔知你仲記唔記得,嗰陣我地合力消滅左隻厲鬼,我相信日後就算萬一我唔係度你都可以好似我係後巷嗰日咁驅鬼。」


「驅鬼?嗰陣我只係唔知點解會識驅架咋,我真係一啲驅鬼知識都冇,同埋你點會唔係度,你以後都會陪住我架嘛。」


「我話萬一姐,驅鬼有機會係你本能,危急起上黎自然用得著。」


「總之你要信你自己,但依家唔係自卑嘅時候,我地要快啲去搵到佢。」
 
「係喎,我地快啲出發!」


今晚阿盈點醒我先知原來自己都仲有啲用處,未至於咩用都冇,如果我呢一晚救唔到Chole姐就真係冇用啦。

霸氣文哥 2022-5-11 13:08

第八十四章:營救行動(上)


「司機,我要去粉嶺XXX村。」


「哇,嗰度好偏僻好少人住架咋喎,多數都係啲荒廢房屋,估唔到依家仲有人去嗰度。」


「係啊,人命關天。」


我地好快出門由屋企飛的到粉嶺啲村屋嗰個位,聽完司機咁講,我更加奇怪Chole姐去嗰度做咩,照計BBQ都唔會去到咁僻啦。


沿途我地經龍翔道入大老山出到沙田大埔嗰邊,最後到達粉嶺再開入一啲少車行嘅道路轉入村屋,由本身繁囂嘅市區慢慢地入到一個人煙稀少且寧靜嘅郊外,


開往村屋嘅道路上顯得周圍都格外陰深,只有兩旁泛黃嘅街燈照住條道路;沿路亦毫無人煙,只得間中一兩架車駛過、仿佛方圓幾里內一個人都冇,佢點會黎埋啲咁荒無嘅地方?


大約一個鐘車程,我地終於去到Chole姐位置所示嘅地方附近,因為前面部車已經駛唔入去,需要我地徒步行入去,我俾左幾舊水司機就落左車開始行入去。


呢度周圍真係好陰深,的士走後就淨低我一個…同阿盈係度,前方有一排排3層高嘅村屋,有啲仲要係瓦屋,而每排之間只隔著一條好窄嘅通道,


可能依家已經凌晨,每一間屋都唔見有燈著住,係每一間都冇燈!一啲人煙都冇,就算凌晨、村屋嘅人早瞓都好,但照計呢度咁多間屋點都有一間係著住燈掛…?


唔通真係如司機所講好多都廢置嘅?咁就解釋到點解會每一間屋都係冇燈。


因為冇燈嘅關係,除左馬路嘅位置入面基本上一盞燈都冇,十分陰深恐怖,唔似得其他有人煙嘅村屋村內點都會有啲照明設施,所以我係需要開啟手機照明。


我順便睇下wts,Chole姐到依家仲係單tick,佢一句我嘅訊息都收唔到,我亦嘗試打俾佢亦都打唔通,呢刻嘅佢猶如失左蹤一樣。


我心中嘅疑問又再浮現出黎,究竟佢黎呢度做咩?簡單啲講呢度根本就係廢墟;呢度咁多間屋究竟佢係邊間屋?究竟佢發生咩事?


我地沿住啲四通八達嘅通道向住Chole姐嘅位置前進,沿途見到啲遊魂野鬼,有男有女,睇黎都係以前住係呢度嘅居民。


「阿盈,其實我好驚。」


「唔洗驚喎,周圍嗰啲遊魂野鬼黎姐,我係度佢地唔敢搞你。」


「我唔係驚鬼,我係驚有怪物,你都見呢度人都冇個,真係咩奇珍異獸都有機會有。」


「哈哈傻嘅放心啦,有咩攻擊我地我都幫你擋走佢~」 


有佢呢句就放心,呢個時候有阿盈係度真係特別有安全感,周圍冇人、但仲有我身邊呢個「人」陪住我…


慢慢地我地黎到一個空礦嘅地方,前面有道大鐵閘打開左,而Chole姐所示嘅位置就係前面呢棟建築物。


前面呢棟建築物好大,並唔係一般村屋,而係好似一間學校咁,前面一個操場,操場周圍係一層層走廊,好似我地依家啲中學,因為太黑我並睇唔清有幾多層,睇落個地方好殘舊,似荒廢左嘅學校。


我同阿盈繼續小心咁行入去,行到入去操場,呢度咁大點樣搵佢…?成間學校咁大每一層又咁多間房唔通真係要每一間房去搵?


「Cho…」


正當我想大叫Chole姐嗰陣,阿盈突然㩒住左我口。


「Shu…有軍人係附近巡緊,我地靜靜地行。」


我見到係建築物嘅地下,有幾個著黃色衫、戴住頂軍帽嘅軍人拎住盞燈正係度行緊,似係巡更。


「佢地係鬼魂黎,係日本皇家軍。」


「日本皇家軍?唔通…唔通呢度係軍營?」


「睇個建築似,你快啲睇下位置啦。」


說罷我再次拎起手機睇,發現呢度訊號好差,得返一格,但我勉強仲睇到位置嘅,佢係左側嗰邊建築物。


「佢係左邊嗰棟建築物,但呢度訊號好差,我得返一格。」


「我地去睇下,可能呢度太過僻,同埋係殺氣重嘅地方。」


「殺氣重?」


「嗯,呢度以前應該死左好多人,我feel到呢度周圍啲建築都散發出一種好重嘅殺氣。」


「咁你會唔會唔夠佢地打?畢竟佢地已經死左咁耐。」


「唔會,因為呢度人煙稀少,佢地就算死去多年但所吸收到嘅陽氣係極少,加上佢地只係遊魂野鬼,佢地唔會係我對手。」


「放心喎,依家你阿妹我靈力咁勁冇咁易俾啲小鬼抽低。」


「咁就放心。」


「不過…」


「不過?」


「如果佢地數量太多嘅就唔係咁講,佢地數量多嘅以我一己之力都好難抵擋得晒,所以嗰日係後巷成班鬼魂湧出黎我先叫你地要走。」 


「咁我地要盡量保持低調唔好俾佢地知我地存在,我估入面應該都會幾多皇軍。」


然後我地小心翼翼咁避過皇軍走到左側間建築物,我地已經行到Chole姐所示嘅位置。


但呢度有條樓梯,有上有落究竟行邊邊好?但呢度已經係地下仲有得落?唔通有地牢?


我再諗返既然Chole姐所在位置係冇訊號嘅,地牢係大機會收唔到訊號,相反樓上會冇訊號嘅機會就冇咁大,始終可以對住個窗,因為咁我地決定往下走。


我地沿住昏暗嘅樓梯一直落,呢條樓梯都幾深,落左大約3層樓嘅位置先落到底,當我再攞手機出黎睇啲時候,呢度的確完全冇左訊號,我有預感呢度就係Chole姐嘅所在地。

霸氣文哥 2022-5-12 11:18

第八十五章:營救行動(中)


我環顧一下四週,呢度磚頭散落一地、成個廢墟咁,而牆壁都係用紅磚所砌成,


然後前方隱約出現左一條走廊,走廊入面牆上都好有規律地燃點著一枝枝蠟燭、而蠟燭同蠟燭之間都係一間間嘅牢房,猶如監禁犯人嘅地方;


而走廊裡嘅牆亦都係用紅磚築成,有一種復古嘅感覺,與其話走廊不如話係一個山洞…


點解我會覺得呢度有種熟悉嘅感覺,呢個場景我好似係邊度見過,但明明我未黎過呢個地方。


「阿盈,唔知點解我覺得呢度有似陳相識嘅感覺,但又唔記得幾時見過呢度。」


「其實…其實呢度咪就係我係夢入面差啲殺死你嘅地方嘻嘻…」


阿盈難以啟齒且感到罪疚地講出呢個我咁熟悉嘅地方係邊度,當講出黎後,我立即就記起呢度係邊度,


我覺得好神奇,以為夢入面啲場景係假,原來現實真係有呢個地方…


「我記起啦,嗰陣我好驚咁行左入去後,你就係我後面出現,跟住就用好悽涼嘅叫聲叫我還返條命你添,嚇到我。」


我斜望住阿盈講返啲舊事,夢入面我同阿盈係敵人;當現實同佢黎到呢度時,我地已經係兄妹,有一種化敵為友嘅感覺。


「估唔到你仲記得咁清楚,咁嗰陣嘅我仲未俾你喚醒嘛,sorry囉。」


「但你係點樣係夢入面做到有呢個場景?」


「我好似冇同你講過,其實夢入面個場景係我塑造出黎架,就好似你係電腦P圖咁,為嘅就係營造一個恐怖嘅氣氛。」


「而呢個場景我係生前上網見人去呢度探險睇返黎,我將佢copy放左係夢,然後牢房入面嘅女仔都係我加插落去,其實啲女仔全部都係我黎。」


我依家先知原來當初夢入面幕後嘅製作過程係咁,一切都盡在佢嘅掌控之中。


「怪唔得我嗰陣就算點跑都走唔甩,原來全部都係你嘅局。」


「但就奇怪,夢入面場景你就話可以佈置,咁依家呢度著住嘅蠟燭係邊個佈置?唔通有人?」


我突破盲腸地問出左一個就算睇電影都唔會在意到嘅細節。


「我以前上網搵返黎幅圖嘅場景就有點燃住蠟燭,我估呢啲蠟燭應該係鬼魂點著,而唔係人為。」


「即嗰啲皇軍?」


「冇錯,依家我都係第一次親身黎到呢個地方。」


「唔講咁多住,襯依家冇皇軍係度,我地快啲搵下Chole係邊度。」


說罷阿盈就帶住我係前方搜索,我地每經過每一間牢房都會望一望入去,


然而每一間牢房裡都牢禁住一個衣衫襤褸嘅犯人,有啲甚至係死狀恐怖嘅屍體呈現眼前,今次所見到嘅野唔再係一個‘P圖’嘅場景,佢地應該都係鬼魂,我地靜悄悄地行過盡量唔好騷到佢。


「呢間牢房我感應到有少少陽氣!」


我地繼續小心咁深入地牢,去到一間牢房面前阿盈竟然feel到呢度有人嘅氣息,我向裡面一望,場面當場嚇我一跳,


係一具被人劈左個頭落黎嘅屍體,地面、以至牆身全染上了一片片血漬,但除左得具屍體其餘嘅就只有一張床、一張被同一個裝住屎嘅屎塔,並冇其他人係度。


「你確定佢係呢度?我見唔到有其他人係度。」


然後阿盈行前幾步再返返黎答我。


「嗯,前面同後面我都再感應唔到陽氣,只有呢度有少少。」


說罷我就再留意一下入面,好快我就將目光放左係張床,唔通Chole姐匿左係床下底?


「我可唔可以叫下佢?我覺得佢可能係床下底匿埋。」


「你細細聲叫下啦,佢呢具鬼魂屍體冇咁快復原、對你冇影響。」


「Chole姐、Chole姐你係唔係度?」


然後我就細細聲咁叫左Chole姐幾聲。


叫完幾聲後床下底慢慢地探出一個頭,係Chole姐!


「方...方伯…真係你…?你終於黎啦?我好驚…嗚嗚…」


Chole姐一見到我第一時間激動到喊左出黎,而我都好滾動,我終於搵到佢!睇黎個傻妹頭先一定係經歷左啲野所以先咁驚。


「Chole姐你真係係度,你唔洗驚,我依家即刻入黎救你!」


然後我推左推道鐵門就開左,原來佢並冇上鎖,但點解佢唔出黎?


「方伯,我拗柴行唔郁,我真係好驚…呢度真係好恐怖嗚嗚…」


「依家唔係驚嘅時候,快啲俾隻手我,我拉你出黎。」


道罷我將Chole姐拉出黎,我同佢搭住大家膊頭經過具屍體慢慢咁行出去。


「巴架呀路…」


當我地出到去後,後方突然傳黎一下呼喝聲然後就係一堆日文,原來係有幾個皇軍發現左我救人,佢地即刻衝上黎試圖抓住我地,但我搭住Chole姐膊頭根本行唔快。


「快、快啲跳上黎,唔好望後面,我孭住你!」


見勢色不對,我唯有轉陣孭住佢加速走,我叫佢唔好望後面,以免俾佢發現阿盈,因為阿盈正正就係後方護住我,


當皇軍接近時,阿盈展現出佢對爪,好快咁將佢地一個又一個擊倒,周圍都散發出好多皇軍嘅煙,但數量並冇因此減少,反而從裡面湧出黎嘅數量越黎越多,


不論阿盈用爪、用氣場嘅衝擊波將一個個皇軍擊倒,但皇軍仍然源源不絕咁湧出黎…

霸氣文哥 2022-5-13 11:43

第八十六章:營救行動(下)


呢刻嘅阿盈正苦苦地抵抗住呢一班數量龐大嘅皇軍、孤軍作戰,佢地嘅數量之多已經掩蓋成條走廊,目測起碼有數百個皇軍。



雖則佢地只係一班嘍囉,但因為數量多嘅關係,阿盈已經俾佢地用刀劈左幾下,可謂積少成多,呢個一刀嗰個一刀,阿盈嘅煙亦開始不斷散發出黎。


至於我就一直孭住Chole姐向前跑,好彩佢唔算太重,所以我唔算太辛苦,佢雙手撓住我條頸撓到實一實、甚至將頭挨埋落我度,我深深感受到佢嘅體溫。


「點解後面會咁嘈,係咪班皇軍就黎追到上黎?定係有人幫緊我地?」


佢知皇軍嘅事?即佢都見到過呢班皇軍?


「你唔好理啦,我地依家最緊要快啲離開呢度,同埋唔好望後面,你一望佢地就可以即刻上你身。」


我特登講個大話嚇下佢好等佢唔好向後望。


「咁得人驚?我唔會向後望,我唔想佢地上我呢副身軀。」


「不過真係多謝你今晚捨命過黎相救,我以為今晚我會死係呢度…」


「傻嘅唔好咁咒自己,有咩出到去先講,你係我朋友、亦係我一個好重要嘅人,我點可以唔黎救你。」


說罷我繼續用盡全力向前跑,然後去到樓梯口我用力撐上樓梯,呢個時候先係最辛苦,猶如一個負重訓練,但我要繼續撐上去,


我一定要帶Chole姐離開呢度,我唔可以辜負阿盈係後面幫我苦苦抵抗嘅心機,阿盈佢依家一定已經俾班皇軍劈左無數刀、傷痕累累…


當我撐到上地面後,我雙腳一軟連埋Chole姐一齊跌左落地下。


「方伯,如果你唔得嘅話,不如…不如你走先啦,你帶埋我走我會累左你…」


「唔得!要走一齊走,我唔會掉低你係度,我今晚一定要帶到你返出去。」


「方伯…但咁樣…」


說罷Chole姐再次眼濕濕咁望住我,佢應該覺得感動。


「唔好講咁多,快啲跳多次上黎,佢地殺到過黎架啦!」


好快我企返起身叫佢再跳上黎我背脊孭佢出去。


「巴架呀路,朵媽劣…」


當我孭起阿盈繼續向前跑後,係地面側邊嘅皇軍見狀都衝埋過黎想抓住我地。


「阿洋頂住呀,你出左呢個門口佢地就唔會追黎!」


阿盈亦跟隨我殺到上地面,我聽到佢咁講後,我再加快腳步向前衝,


此時此刻地面嘅皇軍都加入埋戰場,可謂四面受敵,雖然數量較少,但唔多唔少都會加重左佢負擔,我一定要快啲出到去!


我望住個門口,越黎越接近、終點在望,就黎到啦,要堅持住,好快就出到去。


「20米…」


「10米…」


「5米…」


好快我走到門前,我推開度門、左腳向前踏出一步,我地終於走出左呢個門口,


而阿盈一出黎後隨即閂埋門,皇軍立即停止了攻擊,我地正式‘封印’返呢個地方,標誌住呢場戰爭終於結束。


我回頭一望,見到皇軍早已擠滿整個操場,數量之多不敢相信,真係估唔到呢度會有咁多皇軍嘅亡魂。


阿盈呢個時候亦隨即露出疲態垂低腰咁鬆左一口氣,我微笑著向佢俾左個眼神點點頭,示意今晚辛苦晒佢,而佢亦都擺擺手向我示意繼續向前走。


「我地終於出左黎,皇軍唔會再追黎架啦,你落返黎我慢慢扶你返去啦。」


「今晚真係...真係多謝晒你,好彩有你呢個朋友係度,我好驚…我真係好驚…」


放返佢落黎後佢突然就喊住攬過黎,呢一刻我覺得世界好似停止左,除左孭佢我第一次同佢有咁親密嘅接觸,有佢係度我成個人都感到好溫暖。


「你真係好好,點解你要對我咁好,得你一個咁撚傻咁危險都黎救我…」


點解我咁傻?咪就係因為我愛你、我著緊你,我唔想你呢個mk妹從我嘅世界中消失,我寧願你以後繼續屌我、打我我都唔想你從此消失,冇左你嘅話我會好唔習慣。


「唔…唔講住啦,我地快啲返屋企,時間都唔早,你傷左架,有咩我地返到去再講啦。」


我因為唔識點答佢唯有轉移話題冀望快啲返去先,加上佢真係傷左要快啲返去搞搞佢,此地不宜久留。


然後我地搭住大家膊頭慢慢咁行出去,經過一排排漆黑且陰深嘅村屋,好快我地就出到馬路截的士返去…


話咁快時間已經深夜3點半,我地終於返到去,我略帶一絲倦意地扶Chole姐返入佢屋企坐低休息。


「今晚真係要多謝晒你,冇你嘅話我依家可能唔會有命坐係度。」


「得啦你今晚講左好多次多謝,我聽到耳仔都起枕。」


「話說點解你今晚會去左個軍營架?嗰度咁僻咁陰森又周圍都冇人,同埋又點解你會困左係個地牢度?究竟你今晚發生咩事?」


對今晚所發生嘅事我腦海中產生無數個疑問等唔切去問清楚Chole姐。


「唉,件事係咁…」


說罷佢就準備一五一十咁講返晒俾我聽。


「其實自從上次同你係後巷遇到嘅怪事之後,我對靈異野增加左唔少興趣。


「再加上你又古古怪怪咁,又唔撚肯講俾我聽你點解有種特殊嘅力量,我就諗你一定識召喚某啲野出黎、係一啲我見唔撚到嘅野,嗰陣開始我就相信係有靈體嘅存在。」


估唔到Chole姐咁聰明,只係見過兩次我叫阿盈出黎幫手佢就睇穿我識召喚,仲信埋有鬼嘅存在,其實你同我一樣都係鍾意尋根到底嘅人。


「正因為咁有一次我出面有幾個fd發起去探靈,佢問我join唔join埋我緊係話join,係一個大好機會俾我去見識下。」


「諗住有人帶住我應該會安全、唔洗驚,點知最後俾幾條仆街賣鳩左我…」


講到呢度,Chole姐突然一陣激動喊左出黎,都係我衰,如果唔係俾你見到我召喚,你就唔會對靈體有興趣、就唔會遇難…


「你慢慢講,佢地賣鳩你?」

霸氣文哥 2022-5-14 11:53

第八十七章:心底話


「嗰日我地日頭出街玩,去到夜晚我地先入粉嶺,佢地話嗰度有個日治時候嘅舊軍營好猛鬼入到去一定見到鬼、會好刺激,我當然都好撚興奮咁跟住佢地。」


「我地去到嗰陣,周圍都好黑,我地就淨係拎住手機電筒照路,嗰度好陰深好靜,我地好驚但又覺得好刺激,我地好小心咁係軍營每一層遊走。」


原來佢全日同fd玩,夜晚就全程拎手機電筒係軍營度探靈,咁就解釋到點解佢接近8點嘅時候wts就冇再上過線。


「我地係走廊觀察緊每一間房嘅時候,突然走廊盡頭傳黎一聲呼喝,我地望過去好清楚見到幾個日本皇軍,之後佢地好似癲撚左咁拎起把刀衝過黎想劈我地。」


「我心諗呢度點會冇啦啦有皇軍出現,佢地好大機會就係鬼魂,我就知道原來呢個世界真係好有鬼。」


「我地見到咁緊係即刻走,我地由頂層一直跑到底層,落到2樓嘅時候,樓梯隔離突然出現左個皇軍抓住我個fd劈左佢手一刀、啲血係咁流。」


「我地見狀即刻大力扯開個fd然後繼續走,嗰陣我地已經驚到想走,而係我驚慌失措嘅時候就即刻send左個位置俾你想搵你求救,因為見你對呢方面好似有啲認識。」


「我地落到地下後想走,點知又見到前面操場有幾個皇軍衝緊過黎,我地俾佢地前後夾攻,之後我地見到仲有條路,就係繼續向下走,然後我地就係咁落左地牢。」


「落左去之後,嗰度真係好恐怖,有好多死左嘅囚犯係牢房、好多血…而後面就越黎越多皇軍追住我地,我地好快咁係個地牢度不斷向前跑,根本就冇時間理呢啲囚犯,雖然我地唔知向前跑係通去邊度。」


「跑到某個位佢地話隱約見到前面盡頭有條樓梯可以上返去,但我就偏偏係呢個時候先黎拗柴仆街,佢地見我行唔得快會拖累佢地就將我掉左入去隔離間冇人嘅牢房閂埋門叫我避一避,跟住佢地走先。」


「我嗰刻真係好驚,我就算點樣叫佢地唔好掉低我但佢地都冇理我繼續走左、佢地賣低左我…嗰陣我就知我嘅朋友都只會大難臨頭各自飛。」


「我唔知點算好,眼見皇軍逐步迫近,我驚到喊左出黎,我覺得自己好撚冇用,冇左朋友幫助嘅我就只係識得喊。」


「之後我見到隔離有張床,就唯有係捐入床底避一避,呢個時候我想打俾你,但嗰陣先發現地牢度根本冇訊號打唔通俾你,連向外界求救嘅唯一希望都冇埋,我真係好驚,我已經打定晒輸數心諗睇怕今晚我要死係度…」


原來佢最後向我求救俾位置我嘅位係外面之後先落左地牢,唔怪得佢向我求救後我再都聯絡唔到佢,好彩佢有早啲向我求救,否則我可能真係會就此永遠失去佢。


「就係我匿係床底期間,部分皇軍停低左係牢房出面似係視察咁樣,一陣之後佢地就開始散去,而嘈吵聲都慢慢消失,出面開始靜返落黎。」


「又過左一陣,正當我以為安全可以出返黎嗰陣,牢房入面突然多左個囚犯係度大聲辱罵左一陣,我嚇左嚇,跟住就有個皇軍開門入左黎。」


「下一刻就見到個囚犯俾人一刀斬左個頭落黎、地下周圍都係血,跌左落地下嘅頭仲要死唔眼閉望住我,佢個眼神好恐怖…真係好恐怖、係死人嘅眼神。」


「我當場嚇到差啲叫撚左出黎,好彩我用手黯住左個嘴,亦都合埋眼唔敢直視,然後皇軍就行走左。」


「再過左唔知幾耐就聽到你叫我,我真係好感動,估唔到你會黎救我,你真係好好,然後你就救走左我。」


Chole姐將成個過程講晒俾我聽,唔怪得我見到佢嗰陣佢會咁驚,原來佢經歷左咁多野,仲要親眼睇住一個人俾人斬頭,正常人睇到啲咁殘忍嘅畫面,一定已經有陰影。


「原來你經歷左咁多野,好彩我及時救左你出去,要你受左咁耐驚真係辛苦晒,最緊要依家平安返返黎,你就當今晚發左場惡夢啦,唔好再諗住頭先啲野。」


「你講就容易,邊會咁易忘記到,我見到佢俾人斬頭嗰下真係歷歷在目…」


「你依家知道呢啲地方有幾得人驚啦,等你以後仲敢唔敢去埋啲咁猛嘅地方探靈。」


「唔敢啦,見過鬼仲唔怕黑咩,估唔到啲鬼係咁凶殘咁恐怖。」


並唔係所有鬼都壞,好似阿盈咁咪就係好經常幫我。


「但我真係好廢好冇用,做咩事都係靠朋友,冇朋友幫助嘅我根本咩都做唔到,就算有朋友,佢地都只係識得賣鳩我,根本冇一個係真心…」


「同埋我之前同你講我多朋友係呃你,我根本就冇咩朋友…佢地唔係走晒就係得返啲唔重視我嘅朋友。」


講起朋友,Chole姐又再次喊出黎,今晚嘅佢同平時惡死嘅佢好唔同,我第一次見到佢咁自卑咁自責咁驚,可能今次嘅經歷確實令佢太衝擊了,幾堅強嘅人都會有懦弱嘅一面。


「你邊度冇用邊度廢,你不知幾堅強,如果你係廢係冇用又點會識一個人匿係床下底、仲要見到啲咁殘忍嘅畫面你都好堅強咁面對忍住冇叫到出聲。」


「直至等到我黎救你,你可以生存到落去都係因為你夠堅強,一啲都唔廢囉!」


「你仲要好勇敢好有義氣,雖然你好驚,但你見我孭住你嘅時候仆街,為左唔拖累我竟然提出叫我走先你自己再匿埋,試問一個冇用嘅人會做得出呢啲事咩?」


見到Chole姐咁灰咁自卑,我即刻將頭先嘅所見所聞留意到嘅優點講返俾佢聽以安慰返佢。


「同埋我咪係你真心嘅朋友,就算你其他朋友離棄晒你都好,我都仲會留係你身邊陪住你。」


聽完後Chole姐心情睇落悄為平復。


「其實你點解要對我咁好?我平時對你咁衰,淨係識鬧你、點你做野、幫我手、仲成日問你借錢洗你錢,照計你唔係應該好憎我架咩?點解你仲會同我做朋友,我根本唔值得有你呢個咁好嘅朋友…」


「係架,我係唔鍾意你咁衰…初頭;但慢慢我接受到你呢啲性格,我仲越黎越鍾意你鬧我打我,證明你份人唔假夠真性情,你唔覺得我對你好特別架咩?」


問到點解對佢咁好呢方面,我控制唔到地講左少少內心感受俾佢聽,我心跳亦慢慢加速,因為我暗戀緊你啊傻妹。


「點解要對我咁特別?你變態架?」


「我唔係變態,係因為…因為我鍾意你!」

霸氣文哥 2022-5-15 14:22

第八十八章:陌路人


我終於控制唔住冒住一個可能會變為陌路人嘅風險講出左我一直埋藏在心裡已久嘅心底話,然後下一刻空氣都陷入了靜止狀態。


「你話…你鐘意我…?唔好講笑啦。」


「我唔係講笑,我係真心鐘意你!我唔想再呃自己。」


「由唔知幾時開始我就已經俾你吸引住,你真係好靚、好有氣質…初初我以為係錯覺,我以為我對你咁多付出咁著緊你係因為我hurt左你、我內疚,又或者係我毒撚耐冇同女仔相處;」


「我以為時間耐左呢啲感覺會消失,但並唔係,時間越耐我反而越鐘意同你相處同著緊你,你每次痴近我我都會好心動,我就知道原來呢一切都係因為我鐘意你、已經超出左朋友嘅關係…」


「孔樂兒,我真係好鐘意你!我鐘意陪住你嘅每一分每一刻;我鐘意見到你每一張面孔;我鐘意你嘅惡死、你嘅霸道、打我鬧我串我;


「我鐘意你痴近我、對我做出微細嘅舉動、溫柔咁嗲我…總之只要見到你我都好鐘意你,其實你好嗰陣真係好可愛架,一啲都唔惡死。」


「你知唔知我第一次接你放學嗰日,我嗰啲並唔係演技、我唔係扮,而係出自我真心,我真係當左我自己係你男朋友,拖住你嗰下我個心都溶化晒,我一直心諗如果我真係做到你男朋友就好。」


「不過其實嗰陣我都滿足架啦,我每日接你放學都可以做到你個幾鐘嘅‘男朋友’,所以我每日都好期待可以接你放學、享受呢個短暫嘅身份。」


「但慢慢咁我潛意識已經當左我自己真係你男朋友…我好想你咩都同我講、冇野瞞我,我想你有咩困難我都同你一齊渡過,我真係好鐘意你…」


我終於抒發晒我一直埋藏心入面已久嘅感受,內心舒服左好多,我唔洗再收埋收埋、亦俾佢知道我嘅感受、我嘅愛意,我覺得我今晚好勇敢,但換黎嘅代價唔知會唔會我地就此變成陌路人…


「…」


「方伯洋,你真係好好,但...但我唔配擁有你咁好嘅男朋友…」


Chole姐沉默一陣後講出一啲類似想拒絕我嘅說話,呢啲係咪就叫做‘派好人卡’?


「你點會唔配,你又靚又可愛,雖然你平時惡死,但你好嗰陣會對我貼心,其實你肯係我面前將你嘅真性情表露無遺已經好好,證明你信任我、對我毫無戒心。」


「嗯多謝你,其實我唔應該對你咁衰,又洗你錢又打你又鬧你又點你做野又剩,你係一個好人、我咁衰你都肯冒住生命危險都肯黎救我,要內疚嗰個應該係我、要講對唔住嗰個都應該係我,對唔住…」


呢刻嘅Chole姐垂低頭露出一個懺悔嘅表情,佢竟然會為佢以前做嘅事道歉,但我唔需要佢道歉,呢個根本唔係佢黎…佢咁講係咪代表住之後佢真係會當我做陌路人…?


「你唔衰、唔洗對唔住,呢一切都係我自願付出,因為我愛你所以先咁著緊你,所以…」


「嗯,我明架啦。」


我未講完之際佢突然就好決絕咁截停左我講野,且同平時嘅佢好唔同,唔通我地真係要變回陌路人?


「你之後都係叫我樂兒啦,我唔想再聽到姐前姐後,我根本冇你想像中咁堅強…」


佢冇啦啦好認真叫我改叫佢做樂兒,我未見過佢咁認真嘅一面,而改左個名就猶如一個新開始。


「樂兒…」


「同埋呢你後日可唔可再陪我去多次迪士尼?我想去散散心。」


佢呢一次約我去迪迪尼冇再好似第一次咁雀躍,我覺得一切已經開始變冷淡左。


「去迪士尼?但你隻腳…」


「我對腳嘅野你唔洗擔心,我只係輕輕咁拗左拗唔算好痛,後日應該好得七七八八,我淨係想你後日陪我。」


「好啦,既然你咁堅持,我後日就陪你去玩下散散心,但你呢兩日都要小心啲行路。」


「嗯我會小心,嗰日見啦。」


「時間都唔早,你快啲返去先啦,呢度我自己搞掂就得。」


說罷我就返左去自己屋企,平時睇落豪放嘅佢,呢一下竟然會變得咁矜持、一句起兩句止。


自從今晚表白後,Chole姐對我冷淡左,冇左表白前嘅咁多野講,佢亦冇俾答覆我,只有類似想拒絕我嘅說話,其實我今晚係咪唔應該咁衝動講左出黎…?


「返黎啦阿洋?佢點樣、有冇大礙?」


返到屋企後,阿阻盈即刻走上前八卦。


「佢就冇咩事嘅,後日仲約我去迪士尼,唉…」


「冇事咪好囉,佢仲約你去迪士尼,但點解你好似好愁咁,你唔係應該開心咩?」


「衰就衰在我同佢表白左,佢冇俾答覆我,家下仲對我冷淡左,都唔知仲做唔做得成朋友。」


「你唔好咁灰住啦,佢冇俾答覆你但仲會約你去玩即都仲有機嘅,你俾啲時間佢考慮。」


「嗯唯有係咁。」


「都係嗰句啦,我覺得佢係對你唔好,痴埋黎就只係攞著數同當你係兵,唔好放咁多心機落佢度啦。」


「唔會、一定唔會,今晚件事之後佢成個人同平時唔同晒,佢俾我見到左佢脆弱一面、仲成個人變得好自卑,我覺得佢一定有野收埋、佢一定唔會咁衰!」


「怕左你,我嘅說話你完全聽唔入耳,就睇下佢係咪如你眼中咁好啦。」


「但有一樣野好奇怪,明明之前後巷佢咩都見唔到,點解今次佢會見到晒班皇軍?」

霸氣文哥 2022-5-16 13:55

第八十九章:大變化


「因為佢本身陽氣唔多唔少,100分入面佢大約有70分,因為嗰次殺氣唔強,加上佢陽氣有返咁上下所以見佢唔到,但上次後巷同鬼行近左之後佢陽氣已經降左少少。」


「去到今次因為佢陽氣少左,加上軍營殺氣十分強,咁樣佢係一定會見到啲鬼。」


「但佢啲fd都見到又點解釋?」


「其實嗰度殺氣咁勁,陽氣稍為低少少都會見到佢地,我估佢啲fd陽氣睇怕都唔高得去邊。」


「原來係因為佢陽氣降低左仲去左一個殺氣咁重嘅地方先見到然後遇難。」


「都怪我,如果當初我唔帶佢周圍去後巷見識,佢仲點會對靈異野增加左興趣、跟住又點會同人地去軍營探靈,一切都係因為我佢先遇難。」


「你唔好咁怪自己啦,係佢一開頭死都要拉你行去啲後巷咋嘛,佢仲要對先人不敬先會咁。」


「總之都係我唔好啦。」


「你好好架啦,起碼佢一出事你即刻去搵佢救佢出黎,你已經盡左你嘅努力,先前係佢任性冇人管到。」


「同埋好彩陽氣少左俾佢見到班皇軍咋,咁樣佢都仲可以搵地方避開佢地,見唔到嘅話唔定已經有咩三長兩短。」


阿盈見我又開始內疚mode後即刻講啲野安慰返我。


「都係,最緊要佢依家冇咩事返到屋企。」


「後日我會應樂兒約陪佢去迪士尼散心,我要同唐生請個假先,話唔定嗰日佢諗清楚會確實咁俾答覆我。」


「啊…啊…啊。」


說罷我打左個喊露。


「你今日攰啦,時間亦都唔早,快啲去沖涼瞓教啦。」


唔講我都唔記得咁夜我仲未沖涼,呢刻我先聞到從件衫散發出黎嘅汗臭味,然後我就入左浴室沖涼。
.
.
.
好快過左兩日,呢日樂兒一早就約我出門一齊去,今日佢嘅造型令我眼前一亮,係完全換走左佢以往mk嘅形象,


佢著一件純白色T-shirt、一條黑色短皮裙配一對黑色短boot;腰間唔再孭𠝹波袋,而係換左做一個膊頭孭嘅手袋;髮型亦唔再係齊陰,而係整左做91分界,


呢一刻嘅佢靚左好多,可謂更上一層樓,性感得黎又成熟,仲十分有氣質;可能係佢件T-shirt太緊關係,顯得佢對波好浮凸、條腿亦十分白滑,想吸爆我對睛咩,但點解佢今日會有呢個大改造…?


去到迪士尼後,呢度一如概往咁多人,佢同樣係同我城堡下影完幅相就好雀躍地去Antman館度玩,而咁樣亦證明佢對腳真係冇晒事已經行得走得,


但唔知點解我覺得影相嗰陣佢好似想故意疏遠咁,雖然佢依然表現得好開心,但佢冇再好似上次咁撓住我手,感覺有一種距離感…


「頂我又低分過你添。」


係Antman館玩完一次後,我又發覺唔夠樂兒勁。


「哈哈唔緊要啦,你已經進步左開始追到我,等陣我地再玩過,你俾啲心機一定可以超越我。」


我係咪發緊夢?佢竟然冇對我爛口串鳩我?變相佢依家連言行舉止都好似好成熟、冇再少少事就嘈嘈閉,仲會鼓勵我,


聽落咁樣好似幾好,但就彷彿象徵住我地嘅關係疏遠,好唔慣、好唔慣佢突然對我好左咁多,佢啲mk妹特質呢、去晒邊?我想佢好似以前咁串我屌我打我…


然後我地再好似上次咁去玩左過山車、係一個上次同我有親密接觸嘅機動遊戲,可能期望越大,失望越大,一切並冇如我所料,


好奇怪,佢今次冇再覺得好驚地撓住我隻手、簡單啲講係冇任何接觸,只有一個緊緊地抓住扶手尖叫,可能佢已經克服左過山車嗰種驚,但我覺得佢對我已經變左,變得冇再之前咁Close…


之後玩嘅每一日樣機動遊戲就算佢驚都好都冇再撓住我手,迷離莊園、森林坐船等佢亦睇完笑下就算,對我並冇特別親密行為;


而談吐方面亦都冇左昔日嘅巴渣、霸道、爛口,佢一直都keep住禮貌斯文嘅形象、好是成熟,直到天色入夜我地準備離開,


雖然成熟嘅女仔係吸引,但我寧願佢變返以前嘅佢,我唔想依家同佢變得咁陌生,我好想佢繼續打我鬧我同我鬥嘴,我真係好鐘意佢,但依家睇黎一切都已經成為過去式…點解佢可以一下子180度改變左咁多…


呢一刻我真係好想佢再撓住我隻手、好想佢同我Close啲,但我並冇資格,我係佢眼中可能只係一個普通朋友;


自從我向佢表白後,我甚至可能連一個普通朋友都已經做唔到,所以我並冇呢個特權叫佢撓住我,見到呢個轉變但我又咩都做唔到呢個情景我真係好心痛…


「咦樂兒你睇下,呢隻豬仔嘅款新出架喎,你想唔想要?我買俾你。」


我地好似上次咁離開前係大街啲公仔舖度睇下公仔,我想繼續買下公仔俾佢令佢開心。


「唔洗啦,我屋企已經大把公仔唔洗再買,你嘅好意我心領,同埋我唔想再洗你嘅錢。」


「明明我去你屋企都唔算好多公仔咋嘛,邊度多公仔… 唔緊要架嗰少少錢算啲乜,你想要嘅我咪買俾你,最緊要你開心嘛~」


我呢刻知佢係想推開我,已經疏遠到連金錢上嘅付出都變得唔想,真係好陌生…


「同埋經過公仔店你之前唔係都會買啲野架咩,你話當手信嘛,仲要有新款好靚好得意喎,你俾我買俾你當禮物送俾你啦。」

霸氣文哥 2022-5-17 12:18

第九十章:閨房


我苦苦說服希望可以變返以前咁叫我買野俾佢、我好想脫離依家呢種距離感變回以前嗰種親密感,點解你就唔可以俾我付出下…?


「總之我今日唔想買,你可以慳返啲錢,我睇下就得架啦,你嘅好意我真係心領。」


結果佢依然好決絕地叫我唔洗買俾佢,果然依家連付出都唔再需要我,一切都變得陌生。


說罷好快我地睇完就搭車返去,我帶住一個失落嘅心情陪住佢。


「其實呢…點解你今日好似唔同左…你係咪唔再當我係朋友?」


返去之際我終於忍唔住對今日嘅事問左佢一下。


「um...傻啦,你係個好人,又冇做錯野,我點會唔當你朋友,我其實之前應該都對你咁樣,但我偏偏做左一個衰人。」


「唔係架,我鐘意之前嘅你,係咪因為我同你表白左…?」


「又或者係因為呢刻當我好人所以變成咁樣?如果係咁嘅話,我寧願你當返我係壞人,好似以前咁打我鬧我串我。」


樂兒靜左幾秒。


「啊,話說你今日第二次玩Antman真係勁左喎,同我分數好接近,我地之後再玩你可能已經超過我。」


最後佢直接迴避埋我問佢嘅野,我都希望仲有下一次可以陪你去迪士尼玩。


「嗯係架,我下次一定可以超越你,如果你仲肯俾我陪你去迪士尼的話…」


既然佢唔想答我,我都唔迫佢答,我諗我都知答案,但我今晚講埋呢啲野真係唔知仲會唔會有下一次黎迪士尼玩。


「唔知呢,總會有機會嘅…(聲線漸細)」


然後樂兒越講越細聲咁答我,好一句總會有機會,即係好多時都再冇機會再陪佢黎玩、象徵住下次將會變得稀罕,


我亦唔知佢講到咁嘅呢句係真係假,可能佢口就咁講純粹安慰我,但其實內心就唔再有機會…


「好啦,咁你下次得閒就再叫我陪你,我幾時都可以,唔好唔記得你仲有個好強嘅對手‘追’緊你。」


我特登強調個追字,唔知佢聽唔聽得明,希望藉此可以令佢心動。


「嗯,我記得架啦,我…得閒會再叫你陪。」


之後佢都係疾左一疾先講出口,我覺得呢啲都唔係佢嘅真心話,唔通呢次真係最後一次陪佢去玩…?我唔敢再諗落去,越諗越心痛,我唔想面對呢個事實…


「不過呢,之後就算我真係好耐都唔得閒叫你陪我去玩,而你又好想去玩嘅,你都可以約住你其他fd去住先、唔洗就我,相信你地都會玩得好開心。」


佢咁講即係咩意思,係咪想推走我…?種種跡像都顯示佢唔想再有下次,俾著以前嘅佢根本唔會咁講…


「其實我唔鐘意去玩,你去玩我先鐘意去玩、我亦淨係鐘意陪你去玩、陪你一齊癲,我唔需要其他人陪我,況且我本身都冇乜朋友,佢地冇人會想去迪士尼。」


然後樂兒又靜左兩秒。


「我…咁啱出面有啲fd去開迪士尼,我可以介紹俾你識,咁樣就可以有人陪你去玩唔驚冇fd陪。」


「你有冇聽清楚,我咪話我淨係鐘意陪你去玩去癲,我唔需要其他人陪我,因為其他人唔再見唔到你嘅影子,所以你唔洗介紹fd俾我去玩!」


就正如我鐘意你一樣,我只係鐘意你一個,其他人我一概唔接受、亦唔需要其他人取代你。


然而唔知佢係特登定真撞聾,我有少少激動地重覆返俾佢地聽。


「嗯,咁樣嘅話,就睇下我幾時得閒再叫你陪我去啦。」


說罷樂兒就死死氣地屈服我唔再話介紹朋友,但佢講得咁唔情願,睇怕都只係用黎安慰我嘅說話而已…


過左一段時間,我終於送到樂兒返屋企,過程中佢都冇咩同我講,而我內心亦只有隱隱作痛,以為今日去玩會係開心嘅一日,點知原來呢日只係想我睇到佢對我嘅改變,諗返我都覺得我真的太天真了。


「好啦返到屋企你好好休息下,今日都行到攰,冇咩事我…我走先。」


「唔好走住,我帶你去一個地方做啲野。」


正當我想走之際,樂兒突然叫停左我,然後佢就拖住左我隻手向前走,直到佢帶左我入佢間房閂埋門,我心跳突然又跳得好快。究竟佢叫我入黎做咩?


第一次入去間閨房發覺佢間房好靚,幅牆同樣都係粉粉地色,周圍啲野擺得好有條理好整潔,仲有著陣陣香薰嘅氣味,


一入到去已經俾佢呢個地方吸引住,估唔到我會有幸見到女神平時瞓教打理嘅地方,呢個機會好難得,


而佢間房一入去就係對住張床,隔離有張細枱同兩個櫃,細枱同櫃分別擺左盞床頭燈同擺滿公仔,佢真係好有少女心,


隔離仲黐左啲佢同fd影嘅相,相入面嘅佢地好開心、打扮好mk、好稚氣,唔知係幾耐之前了,而其中有幾個fd我認得係之前接樂兒放學嗰陣見過,


舊相果然係舊相,依家嘅佢地已經反晒面、大家已經唔再係朋友,就連對我都已經改變…相中只保留著佢地昔日嘅友誼、成為歷史。


「樂兒,你帶我入你間房做咩野…?」


入到黎觀察過環境後,我帶著疑問地問左佢一句,佢就唔知做咩地深深的凝望住我,


下一秒突然就錫左埋黎我嘴,左手撓住我條頸、右手不斷搓揉我心口、越搓越落,一切都黎得太突然,我已經唔識反應,只知道我心跳快到就黎彈出黎,究...究竟做咩事!?

霸氣文哥 2022-5-18 12:24

第九十一章:中出女神(甜)


佢隻手越搓越落,掃過我lin頭之時我十分敏感、有種觸電嘅感覺,好舒服、係我咁大個仔第一次感受到嘅舒服,講真我真係未試過有女仔咁樣搞我,簡單啲講其實我係青頭仔、處男,


而呢個時候我條龍根已經不自覺地直左,與其話唔識反應不如話我係享受緊呢個過程,我就只係企定定任佢搞,


見住我同眼前呢個著得咁靚嘅女神有著咁親密嘅接觸我莫明地興奮,因為咁我乜野疑問都已經將其拋諸腦後…


好快地,佢隻手已經由上身遊走到我下面褲頭位、不斷搓揉我條龍根,經過呢個特殊嘅‘雀仔按摩’,我下面變得更加硬,


可能佢feel到我下面硬晒,佢慢慢就將我褲頭帶鬆開、繼而成條褲連埋底褲除低,露出一條硬晒嘅龍根,我條珍貴嘅龍根係從未係女仔面前曝光過的,依家係我女神面前露出黎,點都有些少尷尬。


然後佢冇再錫我,而係屈身踎低將我條龍根塞入佢個口,二話不說就開始上下郁動發出sir sir聲,處男嘅我突然感到無比舒服,溫度、濕度集於一身,


諗起我條龍根竟然可以係女神濕潤嘅口腔入面含住擺動真係好興奮,仲要係佢主動幫我含,你諗下正常女仔都唔會將人地咁私密嘅地方塞入自己個口啦,呢啲係咪就叫做‘食棒棒’?


佢含都好啲,最抵死係佢仲要用隻手邊含邊Chok,搞到我慾仙慾死,十足啲AV女優嘅動作,好似好有技巧咁,點解佢會識咁多呢啲野?


佢含左一陣後,我feel到龍根開始有野湧緊上黎,正當我準備射出黎之際,佢就停低左,繼而起身將我推倒落佢將閨床,


然後佢騎上我度、主動地除左自己件白色T-shirt,見到佢著住個蕾絲bra、中間有條深坑,睇得出佢都算大波、好是誘惑,皮膚亦十分白晢,我第一次見到佢咁裸露嘅身體…


除左佢自己件衫後,佢就抓住我隻手觸摸佢個波,與其觸摸不如話係示意叫我揸佢,咁就唔客氣、樂兒你實在太正了…


接著我隻手就忍唔住地揸左佢個波一下、女神個波好軟熟好有手感,隨即我另一隻手亦都上馬揸住佢另一邊波,可謂雙龍出海。


我搓揉佢對波之際,佢突然將個bra除埋,隨著個bra嘅除下,兩顆粉紅色嘅乳頭盡顯我眼前、乳暈好完整地圍住乳頭,係女神赤裸嘅上身、好靚,果然人靚波靚。


之後佢就烏低身將身體連對波壓埋黎我個嘴俾我啜,我呢個時候已經興奮到失去理性係咁啜佢乳頭、另一隻手就不斷揸佢個波,呢一刻我覺得自己好有性福。


「啊…」


可能因為我啜佢乳頭佢覺得好舒服,佢不自覺地發出左幾聲呻吟、露出享受嘅表情。


好快到佢將頭移至我胸前除去我件衫後就啜我lin頭,我觸電嘅感覺一觸即發,佢條俐不斷係我lin頭度打轉、種感覺既濕潤又溫暖,比起齋用手摸,用口啜簡直係更上一層樓。


幫我啜左一陣後,佢起返身將佢條誘惑嘅黑色皮裙同蕾絲底褲都一並除去,佢個粉紅色‘鮑魚’顯露我眼前,


佢毛唔算多,所以唔算太黑森林,啱晒靚鮑嘅標準,唔多毛但亦唔係完全冇毛,好靚,見到呢個景像,我龍根已經硬到一個點,不斷地抽蓄嘗試變得更長。


除去底褲嘅佢,佢見我硬到咁,就事不宜遲地慢慢將佢個鮑魚對準我條龍根插入…


「啊…」


插入一瞬間,佢發出一聲高音嘅呻吟,而我呢個青頭仔亦宣告破處,我感到無比嘅舒服,佢入面真係好緊,係女神緊緻嘅陰道,


除左緊仲好濕潤,估唔到女神會咁多水,莫非佢都係一個大食嘅人?


樂兒騎住係我上面越un越快、雙手仲要摸住我lin頭、我已經爽到唔識形容,呻吟聲不斷,過左冇耐我龍根再次感到有野湧緊上黎,


「樂兒唔得啦我要射啦,快啲抽身!」


說罷我叫佢抽身,但佢並冇理會我繼續係我上面不停un。


「唔得啦,我要射啦!啊…」


最後我都係忍唔住就射左出黎,樂兒並冇抽身、繼續坐係我上面,我直接中出左佢…


佢起身掹出後,白色嘅精液隨即流晒出黎滴係我肚臍上,我感到啲精仲係溫暖的,之後估唔到佢仲好好咁幫我含乾淨,我龍根係佢口中繼續抽搐左幾下,


我見住佢幫我含得咁開心咁滋味嘅樣,覺得就好似我用下面支配住佢。


幫我含乾淨後我地就正式完事,然後佢幫我抹好啲精就著返衫,真係冇諗過樂兒今晚會主動同我扑野,仲要好有技巧好完整,


就好似出面一樓一啲全套服務,當然我相信佢一定唔係呢啲人,估唔到我嘅第一次就係俾左樂兒。


「樂兒,點解你今晚要咁做?你咁樣即係咩意思?點解我射嗰陣你唔掹出黎俾我中出?」


完事後我滿腦子疑問再次浮現出黎,第一時間即刻問返頭先嘅事。


「你今晚開唔開心、爽唔爽先?」


樂先並冇立即回答我反而係先反問我。


「開心啊、爽啊,你又靚搞得我又舒服,但點解…?」


「開心就好,最緊要可以令你開心。」


「你睇下你,之前又話我唔靚又話俾你都唔搞又剩,依家咪一樣肯搞,仲搞得好開心添。」


樂兒突然講起以前我作對佢講嘅說話。


「哈哈,咁以前慣左同你作對鬥嘴嘛,其實我由交友app直至見到你真人已經覺得你靚。」


「咁你今晚咁主動同我搞,係咪…係咪即係代表你諗通左答應做我女朋友…?」

霸氣文哥 2022-5-19 13:20

第九十二章:萬能兵


我係一個既天真又傳統嘅男仔,覺得同得自己扑野嘅人都一定係鐘意自己同當自己係男朋友,始終扑野係一個好親密嘅行為,唔會同一個陌生人做到呢啲野。


「今晚之後不如…不如我地唔好再見,你係好男仔,我一啲都唔配你,我覺得我唔應該耽誤你。」


我聽到佢講嘅呢一句,我猶如晴天霹靂受到一個沉重嘅打擊、將我由天堂掉返落地下,明明佢頭先同我做仲好開心點解會變得咁快?


「下,你咁講…係咩意思?點解我地唔好再見…?明明我地今日咁開心,點解冇啦啦變得咁快?係咪我做錯左啲咩?」


呢一下打擊深深地擊沉左我,我忍唔住地開始流下眼淚。


「你冇做錯,錯嘅係我,你係好人、你係真心鐘意我,我唔應該一直都玩你、對你咁衰,我唔配你,你嘅人生值得擁有更好…」


「你…你講咩?你都係當我朋友先玩下我姐,有邊度衰,同埋我都慣左你咁對我、我受架。」


「你仲係唔明,其實我一直以黎當你係兵咋!我唔單止打你鬧你,仲一味點你做野借錢俾我陪我保護我,呢一切我都只係利用緊你咋傻仔!」


兵?我地識左個幾月經歷左咁多野、由死對頭變好朋友、然後我再慢慢鐘意左佢、再同佢表白,但到頭來佢只係當我係兵?即係對我做咁多野其實一啲意思都冇?


唔通阿盈講嘅野真係真…?唔會架…唔會係真架,樂兒同我玩架姐,佢個心一定係有我…


「唔會架…你一定係講笑,你點會當我係兵,你當我係兵又點會錫我同我搞、平時你又點會對我咁Close?你一定都有鐘意我架!」


「阿洋,你真係好傻,依家呢個時代扑野唔一定只係同心愛嘅人先可以咁做架啦,同埋我同你Close我對其他男仔都係咁,會搭晒膊頭,冇諗過你會鐘意左我。」


「不過我又真係衰,我對你係特別Close、係有目的,目的係見你蠢蠢地毒毒地想撩你做我隻兵,結果你唔單止做左我隻兵你仲深深鐘意左我。」


「而就係上次你救左我我先知你鐘意我,我覺得你好好,我唔想你再做我隻兵、我唔想你再沉船落去、我想你離開我、我唔值得你對我咁好,我真係好仆街架…」


呢一刻佢講晒佢對我做嘅衰野,我覺得自己一直都俾佢呃左,我好蠢咁上釣做左樂兒隻兵,我仲要自作多情到佢對我Close啲我就好興奮,原來一切都有目的、一切都係煙幕,點解會咁…


依家諗返轉頭,其實我咩兵都做齊晒咁濟,哨兵、伙食兵、傘兵、後勤兵、水兵、醫護兵、人肉運輸兵我都做齊晒,我竟然不知不覺咁一人擔當左咁多兵種、我竟然一啲介意都冇、俾佢任勞任怨,


我真係好愛佢,愛到事事都為佢擔心著緊佢,既然我都身經百戰每個兵種都做過晒,點解就唔可以升我為大將軍…?


「假架,呢一切都係假嘅,我唔信…你想我離開嘅話又點會仲同我搞、點會同我去迪士尼?」


「其實我今日對你所做嘅一切都係想對你好返同贖罪,想同你過埋最後一次開心嘅一日,我今日迪士尼冇再對你咁close都係因為唔想你再沉船。」


「至於今晚同你扑野,我除左贖罪仲想俾你enjoy埋佢,我知你其實一直都想同我搞架,所以我俾你中出埋,希望今晚滿足到你之後會好好離開我、忘記我,我地唔好再見,亦俾你睇清楚我並唔係一個好人。」


我終於知道點解佢今晚會冇啦啦同我搞野,原來只係‘分手炮’,但我地係‘未開始已經結束’…


「唔會…我唔會離開你,我鐘意你根本唔係因為你靚想同你搞野,我係鐘意你個心、你個人,你點會覺得我淨係想同你搞野…?」


「係因為見你本身有啲毒,我對你close啲你臉會紅晒、第一次同你去迪士尼嗰陣,我仲見到你因為我著得正下面扯晒旗凸左起身。」


「我嗰陣就知你一定想同我扑野,我覺得自己好有魅力地成功吸引住你。」


原來我嗰陣對佢扯旗佢一早留意到,諗返起佢唔尷尬我都覺好尷尬。


「唔係架,扯旗個個見到靚女陪住自己都會,唔代表我鐘意你淨係想同你搞野。」


「總之唔理,今晚之後你就唔好再見我,我唔會應承你同你一齊…」


說罷樂兒都忍唔住開始眼濕濕。


「點解我就淨係有資格做兵冇資格做你嘅大將軍?你仲要今晚俾我中出埋…我係真心鐘意你架,你想做咩我都會陪住你、你有咩困難我地都好似軍營嗰晚咁一齊面對好冇?我愛你…」


「唔可以…真係唔可以…我唔配…你根本唔了解我,嗚嗚。」


「其實你係咪有咩瞞住我,你不妨講出黎睇下我可唔可以幫到你?」


「…」


「其實…其實我已經有男朋友…」


樂兒靜左幾秒後終於講出一個震驚嘅事實,我一時未能平復到自己俾到反應佢。


「對唔住,係我呃左你、係我一直呃左你咁耐都冇同你講…對唔住,我真係唔應該收你做兵…嗚嗚…我真係仆街黎,我唔值得你鐘意,嗚嗚…」


樂兒呢一刻已經哭成淚人,睇黎佢確實因為呢件事感到十分內疚,佢呢刻將個事實講出黎再次令我受打擊都冇面再見到我,


而呢個事實亦令我感到絕望,即係我絕對冇可能同到佢一齊,因為佢已經有另一個愛嘅人….

霸氣文哥 2022-5-20 13:19

第九十三章:謊言


「唔係你嘅錯,都怪我咁易鐘意人,係我自作多情、一廂情願,我…我自己鐘意得你就預左有呢個結果,一切都係我自己攞黎…」


我淚水繼續不停地流。


「但我今晚仲搞左你,咪即係綠左你男朋友…?」


我心痛同時仲感到少少罪惡感,因為我搞左人地個女朋友俾左頂綠帽人地戴…


「唔緊要,最緊要你開心,就當俾我贖一下罪,滿足到你就得,佢唔會理。」


「所以我真係一個仆街,我只係一個淨係識呃感情同滿口謊言嘅人。」


「我班fd講得啱,我真係一個姣閪,我淨係識利用同勾引男人黎攞著數,我應該嗰陣放學俾班fd打死就算,我點解仲要搵你出黎幫手利用埋你真感情,我真係好仆街嗚嗚…」


「你講緊我第一次接你放學嗰日?即嗰日你話你冇姣你班好姊妹嘅男朋友係假嘅…?」


「係啊,假架…乜野都係假架,就連我啲名牌手袋、名牌衫都係假架、淘寶野黎架咋,我冇朋友我寂寞連錢都冇,我買黎淨係為左呃自己開心下同威俾人地睇等人地唔好睇小自己。」


「但原來我買咁多A貨內心都係咁空虛咁寂寞,冇朋友我連威都威唔到,就算有得威佢地都唔會理唔會欣賞,反而仲俾人覺得我又mk又港女又高竇,佢地更加對我反感。」


「你平時見我咁任性咁惡死好似好堅強好有威勢咁都係假架,我一啲都唔堅強…就只係我扮出黎做個樣唔好俾人睇小,但其實我好懦弱、心一直都好寂寞。」


「因為寂寞所以我好仆街咁搵左你做水泡、做我隻兵,就因為你夠傻、你幾時都可以陪住我、隨傳隨到,又任我點又對我冇條件付出。」


「有你係我身邊我覺得有被寵上天嘅感覺,我會覺得好快樂,我已經好耐冇感受過呢種俾人著緊嘅友情。」


「而我一開頭迫你同我做朋友,係因為我好難得先識到一個朋友我唔想咁輕易放開、係交友app又好似幾啱傾,係我奈唔過自己嘅寂寞呢關,對唔住…」


我問完之後,樂兒好激動地講晒一切嘅真相出黎,估唔到平時買開咁多名牌野係假、就連平時對我霸道嘅態度都唔係真心,只係虛有其表,


我做到了男朋友會對佢做嘅事情,但就缺少左一個身份,我俾到佢幾多開心、快樂,我嘅身份都只係一隻兵、一個水泡,唔會有變…


而今次真係如阿盈所講,佢散發著一股寂寞嘅氣息,原來阿盈之前所感受到嘅寂寞就係源於佢冇朋友,我地都俾佢個表面呃左。


「咁之前你話冇向你啲姊妹借咁多錢莫非都係假嘅…?」


「嗯…假架嗚嗚…我的確爭佢地好多錢,對唔住我又呃左你嗚嗚…我好驚…好驚如果我講左個事實你聽你對我印象差左連你呢隻對我咁好嘅兵都會離開我。」


即原本我之前一直都怪錯左佢啲fd,佢地講嘅都係事實,我仲大條道理咁屌返佢地轉頭、仲要出手傷害左佢地,呢啲係咪就叫惡人先告狀…?我頓時對我之前做嘅事產生左罪疚感、我係一個壞人。


不過佢啲fd講得啱,呢頭當我係仔下一刻就當我係兵,而呢隻兵我就正正擔正左、一隻甘心為佢遮風擋雨嘅兵,我真係好蠢…


「咁你臉上嘅瘀傷…」


「都係假架,係我自己整傷,唔關佢地事…」


竟然連瘀傷都係假嘅,即係一切都真係出於自己衝動打錯好人,佢地根本冇傷害過樂兒,所以阿盈係學校監察咁耐都見唔到任何欺凌情況,咁就解釋到我感到奇怪嘅野,點解樂兒你會咁識做戲?


「對唔住,係我好自私咁利用左你感情去幫我,你真係好好、你唔應該咁樣俾我玩,諗返起其實換黎寂寞冇朋友嘅代價都係應得…」


「其實我以前同我班姊妹感情真係好好、我出面仲要有唔少fd,都係因為我,唔係我周圍問人借錢又唔還根本唔會搞到個個朋友都離開我,唔係我唔想還,係我真係還唔起…」


「我有時問到朋友唔想再借俾我但我真係急要錢嗰陣,我仲會姣埋佢地條仔借俾我,所以佢地唔止走晒仲一個個都憎我話我姣閪,留低嘅朋友都唔再係真心朋友,我係一個犯眾憎黎嗚嗚…」


「所以你就問埋我借錢,我就只係你嘅提款機…」


「對唔住嗚嗚,自從你嗰日幫我趕走左班姊妹,我個心真係好難受、我一啲開心都冇,我晚晚都夢見個個走晒、就連你都走埋,乜都冇晒,得返自己一個好孤獨咁坐係度。」


「我真係唔想對佢地咁衰,但我真係好需要錢,但我又還唔起,佢地纏住我都冇用,所以我先好自私咁叫你黎幫我。」


唔怪得阿盈嗰晚同我講佢感應到佢內心有種憂傷嘅感覺,原來佢嗰陣根本一啲開心都冇,果然係有野瞞住,佢表現得好開心都係假…


「其實你係咪有咩苦衷?點解你咁需要錢?如果你真係有咩苦衷點解唔同佢地講,我相信佢地會體諒你,你地關係就唔會搞到咁破裂、你亦都唔洗去姣仔借錢…」


我總係覺得樂兒有好多野瞞住我,雖然佢一直當我係兵,但我都好想襯住今晚了解清楚一切。


「其實佢地唔知我男朋友,得極少人知道,而嗰啲人係我出面更加要好嘅朋友。」


「冇錯我係有苦衷,但呢啲野我唔想俾咁多人知,我淨係有講俾知我有男朋友嗰啲朋友聽,其他人我都冇半句解釋。」


「可惜佢地知都冇用,佢地俾建議我我根本當佢地耳邊風、我繼續一再犯錯問佢地借錢,最後連佢地都對我冇晒耐性離我而去…」


「其實你嘅苦衷係咩…?可唔可以講俾我聽?我想同你一齊面對,我就知你一定唔會對啲朋友都衰。」

霸氣文哥 2022-5-21 13:26

第九十四章:永別


「…」


樂兒冇再答我。


「我見你平時好少同你男朋友聯繫,係咪關你男朋友事?」


我順藤摸瓜地諗起佢好少提及嘅男朋友,直覺同我講佢將佢男朋友收得咁埋肯定有啲野。


「冇,唔關佢事,我唔想講,我自己嘅問題黎…」


說罷樂兒一野落我閘拒絕回答,睇黎呢件事一定係十分秘物嘅野黎。


「你話唔關佢事,咁點解你有困難唔第一時間搵佢,作為你男朋友應該唔多唔少都會幫下你,你點會係得自己一個。」


我繼續尋根到底地問佢。


「…」


樂兒又靜左兩秒。


「得架啦,你唔好理我啦,時間唔早,你返去先,你今晚終於見到我真正一面,應該唔多唔少都解答左你疑問,我諗通架啦,我唔應該仲將你留係我身邊繼續呃你感情。」


「我唔值得你鐘意我,你應該係出面搵個更加好、真係愛你嘅女朋友,呢啲代價、呢啲寂寞我係應得,既然我承受得後果唔應該仲要求多多想人同我分擔寂寞。」


「多謝你呢段時間陪住我為我付出咁多,你係對我最好嘅朋友,但有啲野真係唔可以同你講,對唔住…」


「今晚之後你一定要快啲忘記我,以後自己一個要好好過活,我地…我地就當冇識過,相信第時做你嘅女朋友會好幸福。」


「唔會…我唔會忘記你,雖然我唔可以做你男朋友,但我識得你呢個朋友,呢一世都係朋友,我寧願繼續留係你身邊做你隻兵守護你為你付出都唔想以後冇得見你…」


係,我就係咁傻,明知佢一直以黎都只係利用我、呃我、呃我感情我都仲要中個頭埋去,


可能呢啲就係犯賤,但我真係唔捨得佢,你要我以後都冇得見到佢我真係唔知仲點過日子,我真係好鐘意佢、我死唔到心…


「唔可以…我唔可以再咁做,我唔會再受你,你係個好人,一定唔可以再痴埋我呢個仆街度,你快啲走!」


說罷樂兒喊住指住門口示意叫我走。


「樂兒,我忘記唔到你、我真係忘記唔到你…」


突然我有種衝動控制唔住自己上前攬住左佢,攬住佢後,空氣靜止左數秒,應該係佢未黎得切反應。


「嗚嗚…方伯洋你要走,你唔可以再痴住我,我唔想你繼續沉淪,你快啲走啊!」


說罷佢就慢慢將我推出門口,到達門口時,佢激動地用盡全力將我推埋出去,猶如俾佢推落懸崖,然後好快咁閂埋鐵閘。


「樂兒…」


呢個時候我地都已經隔住道鐵閘講野,仿佛我地中間都多左一層隔膜。


「唔好再叫我,我地以後唔再見,希望今晚之後你日日都可以好似今日咁開心,永別啦嗚嗚…」


「樂兒唔好咁…你就俾我繼續做你朋友…樂兒!」


說罷佢就閂埋裡面道門,樂兒正式消失係我眼前,我就算點叫佢佢都冇再睬我,我就只能夠坐係佢門前不斷淘哭…


過左一陣我就返左自己屋企,阿盈見我喊到咁即刻過黎問我搞咩,都係我呢個阿妹最好,然後我就一五一十將今日所有發生嘅事都同晒佢講。


阿盈聽完我講後,驚訝樂兒佢誘惑我破左處仲俾我中出埋嘅同時,佢覺得一切終於真相大白、終於解釋到佢內心嘅寂寞係點樣黎,


連佢都慨歎樂兒演技實在太好,連佢自己都呃埋,佢覺得今日樂兒態度有咁大轉變證明佢一開頭嘅推測係啱,佢本身嘅心地同本質係好,爛口同霸道只係一個表面,亦都直接證實佢真係有野收埋。


「佢唔將個苦衷講俾你聽,我諗佢係唔想你繼續擔心佢,話晒佢都唔想你再見到佢,佢又點會想你幫,同埋呢個苦衷一定係好大件事先咁秘密。」


「軍營嘅事我地都可以一齊捱過,究竟仲有咩事唔可以一齊捱過…嗚嗚,我真係唔想以後都見佢唔到,明明佢都唔想,點解一定要同我絕交…」


我一直喊住同阿盈訴苦,其實呢一刻我都覺得自己幾冇用,竟然會為左一個女人喊到要生要死。


「佢咁做其實係對你好,亦都係想贖罪,但我明白你一時間冇可能咁快放得低,你對佢中毒太深。」


說罷阿盈就攬住我邊掃我背脊邊安慰我,我就挨住係佢肩膀位一尾係咁喊,慶幸返到屋企仲有一位親人咁痛錫我。


「乖啦唔洗咁sad,你就算發生咩事都仲有我係你身邊陪住你,我係以後都唔會離開你~」


「始終都係我阿妹最好,你唔會好似其他女人咁呃我利用我,仲唔會話走就走。」


呢刻我與其話自己冇用不如話成個細路仔咁,一啲都唔似阿哥。


「洗乜講,有妹的孩子是個寶。」


「但我個心真係好痛、痛到心如刀割,我每一刻都諗起以前同佢相處呃畫面,我唔捨得佢…」


「明嘅明嘅乖下,好似當初我鐘意你咁我都係咁,估唔到依家就到輪到你感受到呢份心痛,一切都要等時間沖淡同靠自己諗通。」


「不過我覺得呢件事一定冇咁簡單,佢有苦衷都唔一定要將你hurt得咁深、仲要佢之前呃得你咁透,佢唔講俾你聽肯定有不可告人嘅秘密,件事一定有蹺蹊…」

霸氣文哥 2022-5-22 15:07

第九十五章:暗中調查


又一日,琴日喊完今日又要如常返工,我帶住一個沉重嘅心情返工,我到依家都唔敢相信我同樂兒關係竟然會變到咁,都係一晚之間發生嘅事。


唐生見到到我苦口苦面咁亦都留意到我有啲野過黎問我,我將大概嘅內容講左俾佢聽,佢感到驚訝然後予以安慰,我當然都冇咁快就平復到。


工作期間,我腦海中一直浮現出樂兒嘅畫面,係惠康入面每一個疑似樂兒嘅影子我都會望過去,我都會好奇究竟係咪佢,


但當然都唔係佢本人、每一個都只係‘似’,佢並冇再好似之前咁出現係我面前,以前嘅日子不再復返,我冇得再同佢鬥嘴、同佢去玩同埋見到佢…


時間怱怱過去,好快又到收工時間,我同以往一樣沿住一條冷清嘅街道行返屋企,沿途只有一啲靈界朋友陪住我,而其中有啲仲要係情侶黎,


佢地好恩愛咁係我附近行過,心諗依家連鬼都有拖拍、佢地死左都仲可以咁恩愛,反觀自己就乜都冇、繼續一支公毒撚一個,就只係跳級享受左‘敦倫之樂’而已,以為可以開始之際但正正就結束了…


經過一條後巷之時,又令我回憶起嗰陣同樂兒係嗰度嘅經歷,我可以拖住佢隻手走,真係好開心,但依家冇了,都係過去式…


返到屋企門口時,我望到昔日樂兒係門外屌我嘅日子,我嗰陣俾佢屌到狗血淋頭,而我只係當佢陌生人好平淡咁回應佢,


之後佢亦係呢個門口同我講想我同佢做朋友,再之後嘅每一次出街佢都係黎我門口等我…


唉,每次諗起都會好心酸,果然回憶都是美好的,依家想再經歷多次都冇可能。


望住不遠處樂兒屋企嘅門口,見到嗰日俾佢趕我出去嘅畫面,真係點都估唔到有呢一日,同第一次好開心我會黎佢度教功課形成一個好大嘅對比,我真係唔想以後都見佢唔到…


諗到呢度,我又忍唔住眼框充滿淚光。


我想上前去㩒佢門鐘問候下佢,但唔可以,佢講過唔想再見我我格硬咁做佢一定會反感更加唔理我。


唔好再諗唔好再妄想啦,諗咁多都改變唔到啲咩,返屋企先,離開呢個望到過去影子嘅地方…


返到去後,今晚阿盈竟然唔係度,佢去左邊?冇左阿盈係度嘅屋企,家中一片清靜、呢種感覺好空虛好孤獨,就好似每一個都離棄左自己,或者我終於真正感受到樂兒嗰種寂寞嘅感受。


係呢個咁寧靜且得自己一個人嘅環境下,往往會令人思緒泛濫,而我正正就係咁,我好似琴日咁坐左係地下挨住張梳發喊,


腦海中控制唔到地不斷浮現出琴日以至以前同佢相處嘅畫面,鬥嘴俾佢打俾佢鬧、接佢放學、唱k、軍營救佢等等,真係好開心好有愛…


最後我喊到開始有倦意就去左沖涼,然後我就上床準備瞓覺,因為倦意來襲我已經合埋左對眼,呢個時候我腦海依然未能停止諗佢,係眼淚不停流下嘅情況下慢慢就瞓著左,


然而阿盈到呢個時候仲未返黎,唔知佢去左邊…
.
.
.
過左唔知幾耐後,我聽到外面有好多嘅雀仔聲吱吱渣渣、耀眼嘅陽光照住我,我慢慢打開雙眼,原來已經日頭,我擰頭向隔離望左一望,驚見阿盈就坐係隔離,我嚇左嚇。


「哇你嚇死我咩,冇啦啦我瞓醒你就坐係隔離。」


「咪玩啦,見我都嚇親,我係有啲野想你起身即刻同你講先坐係你隔離。」


阿盈變得好凝重咁。


「發生咩事?點解你琴晚會唔係屋企嘅?」


「講之前首先我想同你道個歉先,搞到你琴晚自己一個係屋企喊到豬頭咁。」


「冇啦啦道咩歉,你都冇錯,係我控制唔到自己思緒,咪住先,你點知我喊過黎?」


「冇啊,返到黎見你瞓左見你對眼腫晒仲要濕濕地就知你喊過黎。」


「俾你發現左添,咁發生左咩事咁緊要要我起身就即刻同我講?」


「係關於樂兒…」


「關於樂兒?佢係咪發生左啲咩事?」


一聽到樂兒兩字,阿盈未講完我已經變得好激動問發生咩事。


「你冷靜啲先,我都未講完,但你之後都必須要保持冷靜聽埋佢。」


「嗯…你講啦。」


「琴晚我咪出左去唔係度嘅,因為我出左去跟蹤佢,我由7點幾佢出門跟到佢放工。」


唔怪得我返工前都唔見佢出街但放工就唔見左佢,原來佢係我返工後就暗地裡跟蹤樂兒。


「你跟蹤佢?」


「嗯,因為我覺得件事冇咁簡單、一定要蹺蹊,所以我想去跟下佢睇下有咩收埋唔見得光。」


「咁你見到啲咩?」


「件事係咁嘅,因為之前聽你講佢成日都7點幾就出街,所以我琴晚咁上下時間就係屋企門口伏住佢,見到佢真係7點幾就出門,拎住個袋著到靚一靚咁唔知去邊,咁我就開始跟住佢。」


「佢上左部小巴直衝出旺角去左間酒吧,佢換左件酒吧衫、好性感,之後就開始做野,嗰陣我先知原來佢係黎酒吧返工。」


「酒吧…?」


我聽到佢去呢啲地方返工後,先知原來佢係酒吧妹,我對佢了解實在太少了。


「嗯,佢做野唔單止遞下酒水,仲會周不時同啲客陪飲下,間中仲會俾啲客抽下水,然後就俾幾舊水佢做貼士…」

霸氣文哥 2022-5-23 12:10

第九十六章:保護


「癡線抽水係咪有揸波屎忽嗰啲?佢點會係啲咁嘅人…?」


「嗯…的確係,佢仲好主動俾人揸,見到啲客俾錢佢佢會好開心。」


我聽到後有少少崩潰、亦都有少少毀壞左我心目中女神嘅形象,因為佢咁樣係十足啲貪錢臭雞咁用自己嘅身體去賺錢…


「我唔信!佢唔會係呢啲人黎架!」


「你冷靜啲先啦,佢的確係咁,係我親眼見到,但佢咁做係真係有苦衷,你聽我講埋先。」


「到佢放工嗰陣,佢換過衫後就係後門走,一出去就有個男仔等緊佢,佢同個男仔會面,原來係佢男朋友黎,樂兒係銀包度拎左啲錢俾佢,唔係少少,係將佢嗰晚所賺嘅貼士都俾晒佢。」


「但個男仔就好唔滿意咁話得好少錢唔夠,問佢仲有冇,樂兒話冇,個男仔就打左佢一巴,不斷迫佢俾多少少,佢忍唔住喊左出黎。」


[b][i]「屌你咪撚扮啦八婆,你會得咁少貼士,你平時一晚姣仔閒閒地都有過千蚊啦,依家呢度得6舊水咋喎,邊撚度夠?」[/i][/b]


[i][b]「我真係得咁多咋,今晚唔係好多客我賺唔到咁多,我開埋個銀包俾你睇真係得咁多。」[/b][/i]


[i][b]「收皮啦八婆,你收埋左啲錢咋嘛,拎埋出黎啦。」[/b][/i]


「講完男仔又打左樂兒一巴。」


[i][b]「我真係冇啦,我已經拎晒出黎俾你冇收埋…嗚嗚。」[/b][/i]


[i][b]「喊乜撚野啊八婆,我最憎睇到你喊,你咪撚以為自己好矜貴啦,你臭雞黎架咋,你係我身邊嘅作用就淨係負責賺錢俾我洗,你最好乖乖地繼續晚晚R多啲錢俾我,唔係你聽散啦。」[/b][/i]


「男仔再打左樂兒一巴,樂兒一絲反抗都冇,淨係係度喊,顯得好卑微。」


[i][b]「浩正呀唔好散…我會努力搵多啲錢俾你。」[/b][/i]


[i][b]「屌你識咁講就最好啦,不過你今晚真係唔俾晒出呀嘛,我就搜鳩你身睇你係咪真係冇,俾我搜到你有錢嘅我就打撚柒你,你老味閪。」[/b][/i]


「然後個男仔就開始係佢啲衫袋褲袋搜掠,務求搵到錢、就算一蚊雞都好。」


「之後我就睇唔過眼上左樂兒身,我要教訓佢條仔…」


[i][b]「屌你邊撚個俾你搜身啊,我咪講左我冇錢。」[/b][/i]


「說罷我用腳大大力向上踢佢粒睪丸,用大大力打左佢一巴,力度之大令佢瞓左埋側邊幅牆。」


「佢痛到按住佢下面叫左出黎。」


[i][b]「食屎啦你,就算有都唔撚借俾你條賤男,要錢嘅你咪自己搵,憑乜要我係咁俾錢你洗,你照下塊鏡先啦柒頭!」[/b][/i]


「我上左佢身後渾身是膽,打到佢瞓左係幅牆後繼續係咁屌柒佢,我要俾佢知道女人並唔好恰。」


[i][b]「你老味還拖,你個賤女人,我打撚柒你!」[/b][/i]


「然後佢仲唔死心咁起返身走過黎諗住抓住我打我,我當然冇咁易俾佢得逞,我好快咁將佢兩手交叉抓住再一腳向前伸落佢個肚,我呢一下徹底將佢踢到向後仆左落地下。」


[i][b]「仆你個街,今晚你好耶,聽散啦你。」[/b][/i]


「然後佢今次終於俾我打走左,佢露出痛苦嘅表情按住個肚往後巷另一邊走,有我係度佢根本還唔到拖,總算保護左佢。」


「為左樂兒安全,我繼續上佢身送埋佢返屋企,返到去唔經唔覺已經3點幾4點,而我返到黎就見你瞓左,跟住就見你喊過黎。」


我依家先知原來琴晚發生左咁多事。


「多謝你幫我保護左樂兒。」


「但佢將賺返黎啲錢全部俾晒條仔,唔通佢周圍問人借錢都係為左佢…?」


「我唔敢下判斷,但我估應該都係為左佢。」


點解我對樂兒咁好就冇呢啲對待,相反一個渣男就可以受到啲咁好嘅對待,呢個世界公平咩!唔通真係男人不壞、女人不愛?


「我唔信…佢好大膽架,佢點會對住一個渣男卑恭躹膝,仲要變到咁卑微不斷為佢付出…冇可能。」


面對一啲唔好嘅現實,我就只係識得逃避唔敢面對,目的都係想內心好過啲,但現實就係咁殘酷,到最後你都係要面對。


「我估佢真係好愛佢男朋友,愛到就算對佢幾衰幾無情都好都甘願為佢付出一切,已經愛到盲目左。」


係咪就正正好似我愛樂兒咁,就算佢當我係兵、佢呃我、佢對我、對朋友幾衰都好,我都仲係咁鐘意佢放低唔到,


其實我都係一個冇條件為一個hurt我嘅人付出嘅傻仔,我都係佢嘅影子。


「唔得,我依家要過去搵佢傾下!」


「你俾佢冷靜下啦,畢竟佢得罪左佢男朋友都需要時間緩衝下,同埋佢都同你講過話唔想見。」


「不如我同你今晚試下一齊跟住佢,我估佢今晚應該仲會同佢男朋友見面,到時再趕走佢嘅時候你再問清楚佢。」


「都好,我唔可以打草驚蛇,但一人做事一人當,我自己一個跟就得,我唔想咁冇用次次都要麻煩你出黎幫我。」


我覺得我骨子裡係有少少大男人主義,我係一個男人,應該要試下一個人解決問題,而唔係下下都要人幫,


加上樂兒係我鐘意嘅女仔,應該要由我一手保護佢,我女神點可以俾人糟質,連自己鐘意嘅人都保護唔到算咩男人。


「但你一個去好危險架,有咩事點算,我跟埋黎啦…」


「放心啦,我有事會叫你出黎架啦,你就試下俾我一個人去做事。」


「既然你咁講…咁好啦,你要小心,因為佢都幾高大,要同佢打嘅你一定要叫我過黎…我會一直係屋企standby住。」


「嗯嗯,就咁話啦,我有咩事就叫你過黎。」

霸氣文哥 2022-5-24 11:46

第九十七章:跟蹤


睇黎今晚會去食‘大茶飯’幹一番大事,因為我都覺得佢會再同條渣男見面,畢竟琴晚佢係係唔情願情況下俾阿盈上身得罪左佢條仔,佢清醒返一定會再搵佢講返清楚。


雖然樂兒依家就好似我對佢咁、有個影子係度,但條仔係更衰,佢已經唔再當佢係女朋友,而係當佢係雞當佢係提款機咋…


同埋樂兒佢內心根本冇咁衰,一切都係因為佢條仔先會變成咁,我相信呢個就係佢嘅苦衷,


佢唔同我講或者就係唔想我見到佢卑微嘅一面,更加唔想我介入佢地嘅感情事,因為佢知我如果知道左嘅話一定會好激動,就好似依家咁…
.
.
.
好快到左夜晚,我再次同唐生請一日假,然後阿盈俾左樂兒返工嘅地址俾我,我大概知係邊個位,之後我倆就一直係門口伏住佢,阿盈係走廊伏住睇佢幾時出,我就係屋企等待,


雖然佢7點幾先會去返工,但我地由4點幾就開始伏,因為唔知佢會唔會提早出門同條仔見面先,


最後佢同平時一樣7點幾先出,而佢亦都同平時一樣著住件T-shirt、超短熱褲、白色波鞋、孭住鐵鏈斜孭袋就出左門,徹徹底底一個mk look。


「阿洋佢出門啦,你快啲出去跟住佢。」


收到指示後我就開始出去偷偷跟住佢後面。


「阿洋,萬事小心。」


「嗯,知道。」


好快我就跟左佢落樓下,佢如常係小巴站等小巴,好彩出旺角啲小巴班次密,我可以前後腳咁搭後面嗰部小巴跟住佢,咁樣佢就唔會發現我。


等左一陣有一部小巴到站佢上左車,而我等左幾分鐘亦都有車,行車期間可能等燈或者停左陣站,我部小巴好快追上左佢嗰部,


到站嘅時候,我地幾乎係同時間落車,真係話都冇咁好彩,然後我就開始係人來人往嘅旺角從後跟住佢,我要金精火眼咁望住佢唔好走失,但亦因為多人,佢唔會咁易發現我。


行左大約幾條街嘅距離,佢就轉進了一條細街,細街再行前少少有一間吧,然後佢入左去,佢的確係酒吧返工…間吧吧顏色主要以黑色為主,而隔離就正正有條後巷係直通對面街,


跟住落黎將會係一個既漫長又沉悶嘅時間,因為我要等到佢收工,起碼要等5-6個鐘,我要搵啲野自己打發下。


其實我可以等到佢差唔多放工嘅時間先去,但我要想全程暗中保護佢,那怕佢返工前會同條仔見一見面先,不過最後都冇見到,係好事黎。
.
.
.
時間一分一秒地過,我行左陣街、酒吧附近食左個dinner同附近公園坐住打左陣機,終於打發左4個鐘黎到12點,我行返去間吧嘅對面望住條後巷,佢應該仲有一段時間先會走。


又過左10分鐘,我見到後巷有個身影由酒吧後門行左出黎,係餘光照射下,我認得呢個身影就係樂兒,佢早左放工,


而後門嘅隔離唔知幾時開始亦多左個人影係度,佢食住煙,我估應該就係佢條仔,樂兒一出黎就係同佢會合似的,我行過對面馬路後終於清楚見到佢個樣,


佢染金毛釘耳窿塊臉肥肥地,身型就高高大大少少肥,目測180cm,著住件短袖恤衫、牛仔褲同一對波鞋,隻手有紋身,睇落幾惡,原來係mk仔黎。


[b]啪![/b]


正當樂兒行左出黎,條仔二話不說就先大力打左佢一巴,樂兒隨即流下眼淚,見到佢被打嗰刻我好心痛,好想衝出去揼柒條仔,但我要睇定啲先,我係後巷隔離偷聽住佢地講嘅一字一句。


終於知道點解之前放學佢塊臉會多左啲瘀傷,原來都係佢條仔搞成佢咁,佢條仆街…


「八婆,你仲有面叫我出黎咩,你琴晚打撚柒我喎,我地分手啦。」


「浩正唔好散,你聽我講,件事唔係咁…唔係咁架,我琴晚好似斷左片咁我都唔知自己做左啲乜所…所以先傷害左你,嗰個唔係我黎架,你信我,我到清醒嗰陣已經返左屋企。」


原來條仔叫浩正,佢邊忽正,mk仔黎咋嘛,樂兒你大膽啲唔好俾佢食住啦,佢渣男黎架咋。


「你收皮啦死八婆,邊撚個信你作嘅故仔,你知唔知你琴日打得我幾撚痛?」


「浩正你俾多次機會我,我…我唔敢架啦,我唔會再打你,你唔好同我散…我真係好愛你。」


「俾機會?你應該慶幸我仲未將你啲相放上網,呢個已經俾左機會你。」


「你唔想散都得,你連埋琴晚未俾嘅錢俾多兩千五蚊我就唔散住,如果你今晚俾唔到我嘅你上pornhub睇你自己啲片啦八婆。」


「但我今晚賺得一千蚊,連埋我本身銀包啲錢都係得千五蚊,我真係冇咁多,可唔可俾住你先…?」


「食屎啦你得千五蚊?你琴晚仲要打鳩我我唔收你三千你已經偷笑啦,你夠膽同我講得千五咁撚少?你傻撚左呀?」


「我真係得咁多咋,求下你拎住咁多先啦,我之後會搏命啲搵返多啲俾你,求下你唔好同我散、唔好放我啲裸照上網…」


[b]啪![/b]


然後條仔又大大力打左佢一巴。

霸氣文哥 2022-5-25 12:43

第九十八章:搏鬥 


「屌你仆街啦你,我先唔撚信你得咁少,我就睇下你係咪真係得咁撚少,你咪撚再反抗呀你老味!」


說罷條仔怒氣沖沖咁再次搜佢身,樂兒今次冇再反抗,因為阿盈並唔係度。


「屌你老味真係冇錢,食屎啦你,又話搏命但又乜閪錢都冇,要你都冇撚用,同人含多啲撚賺多幾千啦。」


「我會架啦,我會用盡一切方法搵多啲錢俾你,你唔好同我散就得求下你,我今晚真係冇咁多錢俾到你住…」


「手機呢,我唔信你銀行嗰啲冇錢,過撚晒俾我!」


說罷樂兒就俾左部手機條仔check銀行戶口,但佢似乎有啲失望。


「屌你銀行都冇錢嘅,既然你今晚俾唔足錢我地分手啦!…唔單止,你啲相你啲片pornhub見啦八婆。」


「唔好咁,求求你浩正,你俾多少少時間我…」


「食屎啦你!彈撚開。」


說罷條仔一野大大力咁推左樂兒落地下諗住走,屌佢老味我忍唔撚住啦!


見到呢個情境,我咩都唔理咁衝左出黎、握緊拳頭直奔條仔,去到距離條仔一米多啲嘅位置我跳起身用盡全力將握緊嘅拳頭揮落佢塊臉,


因為呢一切黎得太快,佢根本反應唔切,就咁俾我一記鍋左落佢塊臉,呢一下打得應一應,佢隨之就向側邊仆左落地下。


「屌你仆街啦你,女人唔係咁樣俾你糟質架,你唔配做佢條仔。」


「樂兒你有冇事?」


打左條仔一拳後,我立刻彎身慰問同扶起跌在地上嘅樂兒。


「阿洋?點解你係度?」


「因為我唔放心你嘛,我咪跟住你…」


「你老味你邊撚個啊?做嫁娘?我點樣做佢條仔洗唔撚洗你教?」


我未講完之際突然就俾頭先跌在不遠處條仔打斷左,佢慢慢爬返起身,嘴角流出少少血。


「你就係唔撚配,係佢條仔嘅點會叫自己條女賣個身俾人?樂兒係好女仔黎架,點解你要咁糟質佢?」


我好理直氣壯咁駁返條仔,但佢一啲驚訝都冇,反而仲一步步啪著手指、鬆著肩頸地行近我度,仿佛為自己拉筋熱身準備打柒我,佢身型咁高大一定可以好快收我皮。


「哦,原來你就係條八婆之前講嘅嗰隻兵,多謝你之前俾我嘅嗰啲錢喎,你為條八婆個‘籌錢計劃’出左分力。」


「我依家知道原來係俾你條仆街我後悔,你咪撚再纏住樂兒問佢借錢,同埋快啲del撚晒你手機啲裸照,唔係我對你唔客氣!」


「阿洋唔好同佢嘈,你快啲走先,呢啲係我同佢之間嘅事。」


呢個時候樂兒過黎扶住我勸我走。


「死毒撚,你係佢邊個啊?幾時要你管我做野?部手機我嘅我鐘意幾時po就幾時po、我唔會del,你理撚得我。」


係,我真係唔係佢邊個,我就只係佢身邊嘅一隻兵仔、係一隻愛上左佢嘅兵仔;或者就只有我一個盲目地付出而咩回報都冇,但就係因為我愛佢,就算佢對我點樣我都想盡力保護、我唔想佢受到傷害,


古語有云,屬下以下犯上、一定係君主做得唔好,依家我雖然係佢隻兵仔,但我仍然有呢個能力以下犯上,既然呢個大將軍對我鐘意嘅人唔好,我就要造反、救我鐘意嘅人出火海!


「依家你女神、你娘娘係度呀,你啲毒撚都係想屌閪姐,你鐘意屌你咪屌佢囉,反正我係出面都食唔少女,不過你屌完一定要俾返錢,佢收費唔平架。」


睇黎條仔仲未知我已經同樂兒搞過,樂兒冇同佢講。


「你老味,樂兒佢唔係雞啊!我唔俾你咁話我女神!」


我聽到佢一直講樂兒講到成隻雞咁,我即刻嬲到爆炸、再次握緊拳頭向佢塊臉揮去。


果然同一款招式唔可以多次使用,當我揮埋佢度嘅時候,佢好快抓住左我隻手再用另一隻手打向我塊臉、十分有力,我立即感到眩暈地向後退左幾步。


呢個時候我腦海裡浮現出阿盈,我可以叫佢出黎幫手,但呢個念頭我好快打消左,我唔可以咁冇用,我要靠自己!之後我再次向佢揮出拳頭。


感到眩暈嘅我,出嘅拳都有所失準,隨之佢一個側身閃避敏捷地避開左我個拳頭,睇黎佢有啲料,避開後佢好快咁向我塊臉補多一拳,


然後再抓住我衫領,不斷地向我塊臉打去,我感到成個世界都係度天旋地轉、毫無還擊之力。


「死毒撚,做嫁娘?英雄救美?你兵黎架咋。」


「浩正停手呀!唔好再打,會死人架…嗚嗚。」


條仔打緊我之際樂兒行到佢身邊抓住佢隻手勸佢唔好打。


「死開啦八婆,你夠薑夾埋隻兵郁鳩我,我搞掂佢就打撚柒埋你。」


然後條仔再次一下推開左樂兒跌在地上。


「樂兒!死仆街你唔好再傷害佢!」


見到樂兒俾佢推落地後,我大叫一聲,左邊拳頭用力向上揮左一下,正正打中佢右邊臉,但佢隻手並冇鬆開。


「你老母你還拖?食屎啦你。」


然後佢拳頭比頭先更重地繼續一拳拳鍋落黎,最後再用腳向前伸將我踢倒在地上,我已經俾佢打到冇力爬返起身、十分眩暈,嘴角、鼻孔都在流血。


「乜你咁撚廢架,起身還拖啦,你唔係好鐘意還拖咩,依家做乜撚瞓左係度?廢柴,冇料學人出黎英雄救美。」


冇錯,我真係好廢,我竟然連一個我鐘意嘅人都保護唔到,廢到連佢一直發生左咁多事都唔知,我太唔了解佢了…


「你啱先話佢係好女仔下話,我俾啲好野你睇下啦,唔好話我唔益你。」


說罷佢拎出手機掃左一陣就行埋黎show俾我睇。


「嗱你睇下,你女神你娘娘係呢度啊,你睇下佢幾淫騎係人地上面叫得幾爽,呢啲係佢啲客黎架。」

霸氣文哥 2022-5-26 12:43

第九十九章:死裡求救


原來佢俾我睇樂兒同人地扑野啲片同裸照,佢係用一個偷拍角度去影,係樂兒自己屋企黎…應該係佢匿埋係某個位影,


我見到呢啲相同片後感到好驚訝、心裡面隱隱作痛,見住自己鐘意嘅人俾人沾污真係好難受,我不禁地流下了眼淚,


「仲有呢啲啊,係佢同另一個客搞,屎忽都俾佢屌埋架,呢啲大客個個都俾幾千蚊,好撚和味架…」


佢一直俾樂兒同唔同客搞嘅片同相我睇,我對佢女神嘅形象完全係呢啲相同片度破壞晒,有種感覺就係…佢好似公廁…個個都‘入得’。


「仲有呢幅相,佢係酒吧都好撚淫架,坐上個客度又咀又摸佢粒lin,著得又撚性感,引得人幾開心,條八婆撩人真係有一手,事後當然仲同某啲客去埋開房,啲錢就係咁賺返黎架啦。」


「仲有仲有啊,我都唔撚輸蝕,呢條片係我同佢扑野,俾我屌到佢要生要死叫晒救命,之後我地仲玩埋SM,佢做我隻母狗俾我套住個狗圈鞭打得幾撚過癮。」


佢呢條片係第一視角,可以見到樂兒佢赤裸裸咁瞓係張床俾條仔屌緊、合埋眼露出一個痛苦表情。


「不過唔好以為佢好矜貴,佢係我個肉便器黎架咋哈哈,我出面搞嗰啲女大多數都好撚過佢好多,我係咁啱嗰日冇女搞而我又有需要先會搞佢。」


我佢講到好開心笑晒出黎,但我只有一尾地心痛,佢真係變態,完全當左自己條女係生財工具而已,間中仲會‘公器私用’。


「嗚嗚…」


在一旁嘅樂兒聽到呢一番說話亦不禁喊左出黎。


「你唔好再講!」


見到樂兒聽到呢番咁難聽嘅說話喊左出黎,我嘗試搶走佢部手機但唔成功,佢立即退後左幾步。


「心痛你女神想搶走我部機呀?你含撚啦你,條八婆俾唔夠錢我仲諗住搵你黎郁鳩我,我今晚就會將呢啲相同片放上Pornhub公諸於世,你上網慢慢J佢啦,啱晒你呢個死毒撚打飛機。」


說罷我激動到彈起身雙手抓住佢衫領,可能佢見我傷到咁已經冇力反抗冇整開我。


「唔好…你唔好咁做,你放過樂兒好唔好?佢好女仔黎架,佢唔應俾你咁樣糟質,佢已經好慘得自己一個人住、出面啲朋友仲要走晒就係為左你,我求你唔好咁對佢,你放過佢啦好唔好嗚嗚…」


硬嗰套唔受我就試下軟嗰套,既然我唔夠佢打,我就放下尊嚴咁去求佢。


「佢幾慘關我撚事咩,我攞到錢就得啦,同埋我放過佢俾你溝呀?錢都冇要我放過佢?你食屎啦。」


「你要錢姐,我俾你你放過佢。」


「我睬你都on9,就憑你隻兵仔,我放上Pornhub成名唔好?大家都會見到我嘅作品,諗起都開心,你都係收皮啦,我今晚就會擺上網。」


「咁你仆街啦,我唔俾你咁做!」


然後我再次嬲起上黎握實拳向上揮,今次打中佢下巴,呢下偷襲佢根本反應唔切。


「仆你個街仲夠薑還拖?我就打撚死你。」


俾我打左一拳後佢好快反應過黎再次向我伸左一腳,我再次向後仆左落地下,接落嚟佢就行過黎不斷踢我個肚。


「浩正,我求下你唔好再打,唔關佢事架,我會盡快俾到筆錢你…」


樂兒又再走到條仔面前抓住佢隻手墾求佢唔好打我。


「死撚開啦八婆,你咁緊張佢做咩?你鐘意左佢呀?我仲未計你嗰筆啊。」


「我…我…」


說罷樂兒未講完條仔又大大力咁推開左佢撞埋牆跌倒地上,然後條仔又再繼續踢我。


對唔住樂兒,係我廢保護唔到你,靠我呢條廢柴果然冇撚用,我就只可以眼白白咁望住你俾人傷害但我就咩做唔到,


呢一刻,世界漸漸變得昏暗、事物漸漸變得模糊,雙眼變得沉重,仿佛一切都即將結束…


唔係,我仲有阿盈,我突然腦海裡浮現出阿盈嘅畫面,睇黎到最後關頭我都係要叫佢出黎幫手…我真係冇用。


唔得,我唔可以就咁係度結束,條仔會將啲片放晒上網最後樂兒將會受到好大打擊;我唔可以再呈強,就算覺得自己幾冇用我呢一刻都需要阿盈嘅出現。


「周…」


「死毒撚打我啊嗱,打得我咁撚痛…」


條仔有理無理繼續踢我,佢唔知道等陣就會有‘人’出黎收佢皮。


「雪…」


「死毒撚你口up up講乜鳩啊? 」


「盈…」


當我講完佢個名出黎後,一陣風吹過,阿盈就出現左我身邊,見到俾條仔打到半死狀態嘅我,下一刻就立即雙手抓住佢條頸制止佢,仲將佢抓住成個人升左起身。


「你條撚樣夠膽打到阿洋咁嘅樣?我要打死你。」


阿盈露出一個十分猙獰且兇狠嘅面容對住佢。


「你…係邊個?」


條仔好辛苦先講到幾隻字出黎,阿盈竟然現埋身俾佢見到,條仔見到後面露少許驚嚇。


「我係佢阿妹,你打到阿洋咁我依家就要幫佢打撚柒你。」


「阿盈…手機裡面…有片…要del。」


我向阿盈示意條仔手機裡面有片要del,佢見到後就立即明白向我點點頭。


「阿洋你唔好瞓,你唔好有事,一切都係我唔好,點解你要黎呢度搵我…」


樂兒見到前面嘅景象愕然左一下,佢唔知發生左咩事,但佢知道條仔被制止住後都第一時間過黎慰問我。


「因為…我鐘意你,你冇錯架…係我廢保護唔到你,我如果出左咩事嘅話,你以後一定要好好保護自己…」


「你唔會有事,你有咩事邊個教我做功課、邊個陪我去迪士尼,連你呢個對我最好嘅人都冇埋我真係一個朋友都冇,你唔好離開我…」


呢一刻我好眼瞓唔想再講野,好想好好瞓一教,而對眼已經半合埋狀態。

霸氣文哥 2022-5-27 12:15

第一百章:失去意識


「仆你個街打到佢咁傷、踢得佢咁開心?好過癮?你知唔知佢對我黎講有幾重要?」


阿盈邊鬧邊打佢,佢好快就變左個豬頭,果然阿盈一出黎就以壓倒性嘅力量打倒佢,而條仔亦都動彈不得只可以不斷捱打。


「唔好再打,求…求下你放過我,我唔敢啦…」


條仔見呢一刻一直處於下風毫無還手之力都開始死死氣地求饒。


「仆街啦你,啱先阿洋俾你打到半死咁濟有冇諗住放過佢啊,下!?」


阿盈繼續一拳拳地揮向佢度、另一隻手就抓住佢條頸,一滴滴血從佢鼻孔同嘴角滴落地下,依家先知原來阿盈佢赤手空拳都咁好打,女人果然唔可以得罪。


「係我有眼不識泰山,我…我唔敢再打佢架啦。」


「仲有啊你個渣男,當自己個女朋友係雞咁要佢賺錢俾你洗,淨係呢點都應該要打柒你啦。」


然後阿盈又打左佢一拳。


「你唔配做佢男朋友,你快啲離開佢!唔好再纏住佢!」


「知架啦,你俾條生路我行…我應承你唔再搞佢地…」


當條仔應承阿盈後,阿盈從佢褲袋中掏出部手機,再用念力將佢個鎖解開,條仔見到後感到十分慌張,始終呢個係佢最後威脅嘅籌碼。


「你係人定鬼?點解你可以望一眼就開左我個鎖?」


「你睇我個樣你覺得我係人定鬼?」


阿盈繼續露出一個猙獰嘅表情。


「鬼…鬼呀…」


然後條仔一口咬定佢就係鬼,即刻變得好驚,一定係佢平時做得虧心事多先一見到鬼就咁驚。


「你依家驚都冇用,你條仆街原來手機影左咁多樂兒嘅裸照同不雅片,你諗住用呢啲片放上網威脅樂兒?」


「唔…唔係…」


條仔見到阿盈知道佢啲衰野後顯得更驚青。


「去死啦你條渣男!你知唔知一個女仔嘅裸照俾人公開左係對佢幾大傷害、幾羞恥?我地女仔都要受到尊重架!」


阿盈見到樂兒啲裸照後變得激動又打左條仔幾拳。


「我唔敢再再影架啦…我唔會po出去…」


「我實信你唔會po出去啦,我依家幫你del晒佢咪確保唔會外泄。」


說罷阿盈再望住部機仿佛用念力咁將佢啲相都刪得一乾二淨,然後再一下鬆手將成部機跌左落地下,佢部機個mon立即碎左。


「哎呀,唔小心鬆手跌爛左你部機添。」


阿盈變得好串咁同佢講,然後再一腳伸埋去佢度向後仆左落地下。


「今日就揼住你咁多先,咪撚再俾我見到你搞住佢地,否則下次你條命仔就係咁先,拎埋你部機走啦仆街。」


條仔重獲自由後立即拾返部機驚青咁走夾唔抖。


而我睇到呢度亦都正式合埋眼,意識變得模糊,睇黎我終於可以好好地瞓一教啦、一切都經已結束,早抖啦各位…


「阿洋阿洋唔好瞓,唔好掉低我嗚嗚…」


「阿哥你快啲起身唔好瞓…」


最後聽到兩位我重要嘅人對我嘅叫喊後,我就昏倒了…


過左唔知幾耐,我發現自己正身處於一部開緊嘅巴士、外面係夜晚,巴士上空無一人,就只有一個女仔坐係我隔離挨住我…係樂兒。


「樂兒?點解你係度?我地去緊邊?」


「阿洋你醒啦?每個人都有終點站,而我地就係去緊終點站,你願唔願意陪我行到終點?」


「你咁講係咩意思?」


「你仲聽唔明,我鐘意你,我想你陪住我一直行落去直至去到終點,你陪住我唔好走好唔好?」


我聽到樂兒唔單止接受我愛意,原來佢係鐘意我,我頓時感到眼濕濕。


「好!我陪住你唔走,你去邊我都陪住你。」


「阿洋,呢一切都係假象黎架,你唔好俾佢呃到,快啲落車,我地大家都等緊你,去到終站我地就見你唔到。」


正當我陶醉於同樂兒幸福相處之際,突然我聽到一把聲叫我走,呢把聲係阿盈…


但係我隔離嘅樂兒好似聽唔到繼續撓住我手挨住我,仿佛只有我一個聽到呢把聲。


「樂兒,呢個係咪假象?」


「點會係假象,呢一切都係真,我真係鐘意你,去到終點站之後我地就可以以後都係埋一齊、過住幸福嘅日子。」


如果你話呢個係假象,我寧願繼續活係一個幸福嘅假象之中,現實係殘酷的,現實得唔到嘅野我係呢度都可以實現,係我想要嘅景象。


「阿洋你唔可以留係個假象之中,呢個假象只會將你通向死亡,現實中你有家人、有我呢個阿妹、仲有你鐘意嘅人同朋友,我地個個都希望你返返黎,你唔可以咁自私架!」


冇錯,我咁做的確好自私,外面仲有好多我重要嘅人,我一意孤行咁去追求幸福美夢真係好自私,最後一定令所有人都傷心欲絕。


「對唔住樂兒,恐怕我呢段路陪唔到你行到終點,因為出面仲有好多人等我返去,我唔可以咁自私…」


然後我甩開左樂兒隻手行左出座位,樂兒亦喊左出黎。


「你講咩好多人等你返去呀,呢度淨係得我同你咋嘛,就我地兩個一齊過住幸福嘅日子唔好咩…?你應承過我話會陪住我架…嗚嗚…」


「對唔住…」


我亦流下眼淚,堅決忍痛割愛地離開樂兒。


「衰人…點解要連你都掉低我…嗚嗚…」


縱使佢點話我衰人都好,我都冇再回頭望佢,只有一尾流住眼淚咁行落巴士嘅下層,直至去到車門前我直接穿過左去…

霸氣文哥 2022-5-28 13:41

第一百零一章:真愛


就好似一個傳送門,當我穿過去後,我黎到左一個非常耀眼嘅地方,令我一時間打唔開眼…


當我再打開眼時,我就發現我正身處醫院,而樂兒就係係我隔離挨住張病床瞓著左,我冇離開到佢,睇黎我返返現實。


「總算叫返你出黎,好彩你冇跟個假象走,嗰度鬼門關黎架,只係個情境同之前有啲唔同。」


原來阿盈都係度,佢係病床另一邊。


「多謝你阿盈。」


「阿洋你醒啦?」


聽到我發出少少聲,旁邊嘅樂兒亦都醒左,呢個係真正嘅樂兒。


「樂兒你係度嘅…?」


我發出一把虛弱嘅聲線。


「好彩你醒得返咋,你知唔知你已經瞓左兩日,真係擔心死我,如果冇左你點算,我身邊啲人已經走晒架啦…」


佢冇正面回答我,而係激動咁攬住我,而且眼框仲帶點淚光,


原來我已經瞓左兩日,時間過得真係快,照咁睇我傷勢都有啲嚴重。


「傻嘅,我依家咪好地地咁醒返係度。」


「點解你要咁傻黎搵我?我地講過唔再見架嘛…我特登唔講俾你聽就係唔想你擔心、唔想你介入。」


「咁簡單仲洗問,因為我鐘意你、我想保護你,知你有野瞞住我所以我先跟住你,點知就發現條仔對你咁衰…你唔好再離開我好唔好?」


「嗯…我唔走,但你真係好傻,你嗰晚由我返工等到我放工?咁咪等左我好耐?」


「呢啲少少時間唔緊要啦,呢一切都係值得,最緊要係我保護到你,不過都唔係完全由我一個人保護你…」


「你真係太傻,為左我呢個唔值得你付出嘅人搞到自己咁傷,多謝你…」


「但乜野唔係得你一個保護,嗰晚得我同你同浩正三個人咋嘛?」


係喎唔記得樂兒嗰晚應該係見唔到阿盈,只有條仔見到。


「哦…冇野,講返你先啦,你唔係話只係當我朋友當我係兵,點解忽然咁著緊我?」


其實我咁樣問真係好蠢,始終係我為左佢搞到自己咁傷,可能佢只係感到愧疚先咁著緊我,我都係隻兵黎架咋。


「嗰日之後我諗清楚架啦,見到你俾浩正打,最後仲要打到昏迷左,原來我最心痛嗰個係你,我嗰陣先發現我唔可以冇左你、我先發現原來我不知不覺已經鐘意左你…」


我有冇聽錯,樂兒鐘意我!?原來樂兒都鐘意我!但佢唔係好愛佢條仔架咩,點解…


「我之前一直好愛浩正原來都只係唔捨得過去嘅回憶,愛嘅都只係過去嘅佢,係盲目嘅愛,每一次為佢無條件付出都係希望佢可以變返以前好嘅佢,但呢啲都只係奢望、唔會成真,最後仲越黎越衰。」


「你知唔知佢以前對我真係好好,我同佢係經朋友介紹認識,好快我地就一齊左,開頭對我真係好好,錫我寵我、咩都將我擺係第一位,又對我專一又保護我又體貼,成個暖男咁。」


「有一次出街有人𥄫實我佢即刻走去鬧人;之後就算有女埋佢身對佢有意思佢都會刻意保持距離同拒絕佢,佢嗰陣真係好著緊我,我覺得好warm好有愛,我覺得識到呢個男仔真係好幸福。」


「佢仲應承我會以後都咁樣愛錫我,唔會離開我,話要娶我做未來老婆,我好感動。」


「但好境不常,幸福嘅日子隨著時間慢慢消失,可能係過左熱戀期,佢有一次俾朋友帶左上大陸叫雞之後就開始對我冷淡,佢話佢嗰陣先見識到個世界係咁大,佢覺得好有新鮮感。」


唉,對一個渣男黎講,承諾嘅野邊度會可靠,幾多山盟海誓都係假,佢愛嘅只係嗰一刻嘅新鮮感。


「再之後又有朋友帶左佢過澳門賭錢,好快佢就賭上癮,經常都會過大海賭返舖,初頭贏左幾次跟住就係咁輸,佢爭落唔少錢成日都問我借錢,但冇一次還到俾我。」


「佢每次問我借都話佢要拎啲錢贏返舖大,跟住就可以一次過還晒俾我,結果一次都冇。」


「佢問我越借越多,我本身有返part time,我已經將啲錢全部俾晒佢、甚至我向我每一個朋友借錢佢都係唔夠。」


「可能因為佢已經對我冇晒愛意,佢竟然叫我去酒吧做酒吧妹撩客賺錢,不惜一切就算俾佢地摸同佢地開埋房都冇所謂,只要賺到錢俾佢就得。」


「我心諗點解佢可以叫自己女朋友做埋啲咁嘅野,但因為我真係好愛佢,所以我都冇理咁多照做,慢慢佢心裡面對錢嘅重要性就高於我,甚至已經對我一啲愛都冇。」


「因為咁,佢經常都會係後巷等我問我攞錢,唔夠數佢就會打我,仲威脅我唔俾錢佢佢就會將啲裸照放上網同同我分手。」


就係咁,樂兒將以前同佢條仔由好變壞嘅經歷講晒出黎,終於知道點解條仔對佢咁衰都仲咁愛佢。


「回憶總是美好,但呢一刻條仔已經變左係返唔到轉頭、佢已經唔愛你,就只係當你係生財工具,你唔好再搵返佢。」


「嗯,你講得啱,佢只係當我生財工具搵錢俾佢洗,佢對我一啲愛都冇晒,而我亦都認清自己愛嘅都係過往嘅佢,係我唔捨得同佢過去嘅回憶先唔想同佢散、我仲未放得低佢…」


「你就即管離開佢啦,佢呢啲渣男唔值得你留戀,我相信時間會幫你慢慢沖淡。」


「嗯…我唔會再搵返佢,因為我終於知道我依家真正鐘意嗰個係邊個。」


「既然你話你鐘意我,不如…不如我地一齊…?」

霸氣文哥 2022-5-29 11:54

第一百零二章:真相


我呢個時候再次大膽咁向樂兒表白希望可以一齊,作為一個兵仔其實已經越晒界,亦好似我拆散人將人地拉埋同我一齊,但呢個渣男就唔能夠相題並論啦。


「我好矛盾…雖然我認清我自己鐘意嗰個係你,但…但我唔可以同你一齊,我係一個壞左嘅人、我好污糟,俾好多人搞過,我唔值得你去愛…」


「唔緊要架,我鐘意得你就唔會介意呢啲野,我係鐘意你個人、你個心,唔係淨係鐘意你身體,佢俾我睇嘅片我可以忘記晒佢,就當一個新開始。」


我真係好愛樂兒,為左佢就算佢之前做過啲咩、經歷過啲我都可以排除萬難克服佢,佢係第一個令我愛得咁深嘅女仔、亦依然係我心目中嘅女神。


「況且你之前會俾咁多人搞都係為左條仔咋嘛,依家之後你就唔會再俾其他人搞,因為有我係度,我會盡力保護你。」


「佢亦都唔會再返黎搵你借錢,因為佢啲相已經del晒,佢冇得再攞呢樣野黎威脅你。」


話就話盡力保護樂兒,但到最後都要搵阿盈幫手。


「阿洋你真係真係好傻,明明我咁污糟又卑微咁冇用你都仲要鐘意我,仲要我以前對你咁衰…」


「自從嗰晚同你搞左,我就鐘意得你更加深、更加認定你,嗰陣我同自己講無論發生咩事都好我都要你做我女朋友,只係之後聽你講話有男朋友我先絕望左…」


「但到左依家我啲希望就返返晒黎,我只係想你答應我做我女朋友,我愛你,就等我取替個渣男以後由我對你好、痛錫你好唔好?」


說罷樂兒就再次對我流下眼淚。


「點解你可以咁好咩都唔介意,連呢啲咁羞辱嘅事你都肯接受,正常人一定唔會仲要我呢啲咁嘅女仔,你唔正常呀。」


「但你以後真係會對我好、痛錫我,唔會呃我?」


「嗯,我應承你,唔會反口。」


「咁…咁以後你要買更加多野俾我架喎,又要陪我去迪士尼玩又陪我行街周圍去又要教我做功課,你會好忙架喎。」


樂兒開始面露返啲笑容,係咪意味住我即將成功?


「唔洗講,你想買咩我都買俾你;你想去邊我都會陪住你,同你一齊我只會覺得開心,唔會覺得忙。」


「咁你係咪即係答應做我女朋友...?」


「嗯,我就睇下你係咪真係對我咁好,如果俾我發現你對我唔好我即刻唔要你架。」


Yeahs!樂兒答應左我,我表白終於成功左啦!我感到十分興奮。


「好耶!我終於可以同到你一齊!多謝你肯俾機會我,我保證你以後日子都一定會幸福,孔樂兒我愛你!」


說罷我興奮到攬住佢瞓左落黎我度,然後我仲同佢嘴對嘴kiss埋,佢笑得好開心,係佢真情流露嘅笑容,


呢一刻我終於可以真正得到你嘅愛、真正做到你嘅大將軍、係一個攞正牌嘅男朋友,唔再係你身邊嘅一隻‘萬能兵’、只能夠唯命是從,從此亦都有資格去問你野,唔再驚你瞞住我。


「樂兒,你以後唔好再有野瞞住我好唔好?有咩都同我講,唔理有咩事我都一定會幫你。」


「嗯嗯,我有個咁愛我嘅男朋友唔搵你仲搵邊個,我緊係第一時間搵你。」


「抵錫。」


說罷我又錫左佢一陣。


「係呢阿洋,但你係點知浩正唔會再返黎搵我?同埋你又點知佢手機啲相已經del晒?」


「嗰晚其實發生咩事,點解佢識自己升左起身?係咪…係咪關靈異野事?」


我地再錫左一陣之後,樂兒突然一輪嘴問起關於嗰晚啲野,睇黎睇唔到阿盈嘅佢對嗰晚真係好疑惑,


既然佢嘅野我都已經知道晒、亦都成為左我女朋友,我應該都係時候講俾佢聽,我估阿盈應該都唔會介意。


「樂兒你冷靜啲先,其實嗰晚的確有啲野發生左嘅,係你見唔到嘅野…」


「哦,你頭先先叫我有野唔好瞞住你,原來依家你仲有野瞞住我嘅。」


然後樂兒笑住指住我抓我錯處,講返頭先我講嘅野,我眼角望左望企係床尾嘅阿盈,佢向我點點頭,即佢允許我講出黎。


「唔…唔係架,呢樣野我唔可以隨便講出黎,同埋呢樣野一直都有發生先啱,其實我有個阿妹默默咁守護住我,後巷同軍營嗰次都係靠佢幫我地先走得甩。」


「我冇聽過你有阿妹嘅?你指嘅阿妹係…?」


「佢唔係我親生阿妹,係一個死後我認嘅阿妹,佢原本係我嘅中學同學,佢同我以前一樣都係俾人恰嗰啲人,生前因為我幫過佢所以熟絡左。」


「而死後我咁啱搬左入佢生前住嘅地方,就係咁我地重新走埋一齊,經歷左啲事之後我地就正式相認左做兄妹,之後我地就相依為命互相幫助。」


「仲記唔記得我地第一次見面你黎我門口屌我嗰次,嗰陣我第一眼就認定你係mk妹。」


「都話叫你唔好再叫我mk妹。」


我一講佢mk妹三個字,佢就扮嬲咁輕輕打左我一下。


「我一直都唔明點解你咁抗拒mk妹呢三個字?都係講下架姐,係咪又有啲咩隱情?」


「唉,其實我唔想變到咁霸道咁爛口咁衰,我好對唔住我啲朋友,雖然我表面係mk格,但我並唔想咁、我接受唔到我係人地眼中係壞透嘅mk妹,一切都係因為我俾晒啲錢俾浩正。」


「我冇錢但又衰要面同唔想咁寂寞,覺得唔可以俾人睇死,所以先扮到一個大家姐款同埋好高貴周圍買名牌野嘅假象俾人睇、所以先唔想俾人話我mk妹。」

霸氣文哥 2022-5-30 12:06

第一百零三章:現身


呢一刻我終於知道點解佢唔想人地叫佢做mk妹,原來係因為自己本身唔係啲咁嘅人接受唔到呢個稱號,


我覺得仲有一部分係跟條仔有關連,就係近朱者赤、近墨者黑,佢接觸得多佢自然都學左佢啲衰野,就算冇學都因為受虐積住好多壓力需要抒發出黎,


否則我以前都唔會係咁俾佢地同俾佢點,應該唔多唔少都關事,除非唔係。


「對唔住,我以前仲有意無意咁叫你mk妹。」


「算啦唔緊要,咁我自認都真係衰嘅,又串嘴又爛口,我已經冇以前咁接受唔到。」


「講返先,你頭先係講你屋企夜晚好嘈搞到我瞓唔到我過黎屌你嗰次?」


樂兒佢言歸正傳。


「冇錯就係嗰次,嗰次啲聲其實都係我阿妹發出,因為我hurt親佢佢沉睡左,沉睡緊嘅佢發出嘅聲屋內聽唔到,但屋外係好應聲。」


「仲有個香爐,其實都係為佢而設,我嗰陣見有人裝左香以為係你搞,你仲噴到我成塊臉都係口水有陣煙味。」


「Er…其實我嗰排壓力大食左少少煙,跟住我都冇再食過架啦。」


「不過神主位?聲?即係我嗰陣聽到嘅其實係鬼喊聲…?」


樂兒聽到後頓時感到毛骨悚然。


「嗯,可以咁講,一開頭我仲以為你唔信邪所以都冇同你解釋,但你唔洗咁驚架…佢唔會害你,佢係我阿妹黎。」


「開頭我係唔信,但見到你接我放學嗰陣好似識召喚啲野出黎我就慢慢開始信。」


「同埋我點會唔驚,你唔記得軍營嗰次啲皇軍幾恐怖啦咩,成班追住我地,仲要我親眼見到有個人俾個皇軍斬頭。」


唉,一切都係因為我開左個頭俾樂兒見到先令佢之後咁著迷。


「傻豬黎,鬼都有分級數架,啲皇軍個level太低係唔會有意識,只係識得去打,我妹佢高lv啲有意識唔會好似佢地咁淨係識打,同埋嗰晚俾皇軍斬頭嗰個都係鬼黎,佢好快會復活返一直loop。」


「但佢始終都係鬼,係另一邊世界嘅野…」


「放心啦,鬼都有分好同唔好,而我妹佢係好架,仲有軍營嗰次都係靠佢殿後同啲皇軍打鬥我地先可以走得甩。」


「嗰次你唔俾我望後面就係唔想知有佢嘅存在?」


「嗯,其一啦,其二就係唔想嚇親你嘛,仲有後巷嗰次有一大堆靈體衝出黎都係靠佢殿後救左我地。」


聽完咁多阿盈救左我地嘅事跡後,樂兒都開始有少少平復落黎冇咁驚。


「照咁講你係可以見到晒佢地?因為後巷嗰次我咩都見唔到…」


「嗯我見到晒,對唔住我一直瞞住你冇同你講,其實我有陰陽眼,任何鬼怪我都可以睇到,我已經習慣左。」


「而嗰晚其實係有個靈體係度,你講左啲唔好嘅說話之後佢想襲擊你,最後靠阿妹搞掂左佢。」


「原來嗰晚佢地搏鬥緊,唔怪得會有陣風吹埋黎我度。」


「不過你連陰陽眼都有?難怪你可以召喚啲野出黎,唔通你召喚出黎嘅都係佢黎?」


「係啊,就連教你做生物嗰次我都有召喚佢出黎教我教你做功課。」


「哦,原來你出古惑搵人請槍嘅,我仲以為你講得頭頭是道咁真係咁勁,我就諗點解你講到成個機械人咁。」


「咁…咁我想得到你歡心嘛,我點都要扮到自己好勁,我生物唔識姐,但我中史係真係有料架,我真係靠我自己吹出黎。」


「車,不過你生物啲功勞都係屬於你妹架姐。」


「咁佢以前修生物又的確有啲料到嘅。」


「咁其實你平時見到佢實體係點嘅樣?嗰晚浩正升起究竟係發生咩事?我見佢個樣好難受咁,我好好奇。」


果然樂兒對嗰晚嘅事念念不忘,佢又再問返嗰晚嘅野。


「乜你真係好想見到我咩?嗰晚都係由我救左大家,係阿洋叫我出黎,一出到黎我就即刻捏住佢條頸將成個人升起唔俾佢郁,因為邊個夠膽同阿洋作對就即係同我作對。」


「哇鬼呀!」


阿盈突然係床尾現身就將樂兒嚇倒。


「阿盈你做咩冇啦啦現身,你嚇親樂兒啦。」


「唔洗咁驚喎,我又唔會食左你,你好!我就係佢身邊嘅阿妹,我叫周雪盈,你可以叫我阿盈。」


「你…你就係佢阿妹?乜原來你一直都係度架…」


「嗯,我跟埋一齊入醫院架嘛。」


「你真係鬼黎…?點解同人冇分別嘅?」


「我唔單止同人冇分別,仲可以穿牆、上身、入人地夢添,因為我靈力夠高。」


「上身?你唔會上我身架呵,聽講上身可以奪走人地個靈魂。」


「咁又唔係你講到咁危險嘅,上身只係暫時操控人地個身體,不過你又唔洗咁驚訝,因為我已經上過你身。」


「你上過我身?幾時嘅事、點解我唔知?」


「咪就係你打左你前男友都唔知嗰次,我上左你身你會失去意識所以你冇印象係正常。」


「好彩嗰陣我上左你身幫你出頭咋,我真係睇唔慣佢對你咁衰,你已經冇錢借俾佢佢仲要打你鬧你格硬要你俾錢仲搜你身。」


「原來嗰晚你上左我身,我就奇怪點解嗰晚醒左會係屋企,跟住浩正搵我先知發生咩事,我仲即刻同佢道歉。」


「雖然嗰晚你搞到我斷左片事後又俾佢算帳,但都多謝你幫左我一把,因為嗰晚我真係冇晒錢,佢會係咁毒打我。」


「洗咩多謝,大家女人就係要互相照料,嗰晚原本跟蹤你就係睇下你有咩秘物,點知就俾我見到個渣男對你咁衰我都忍唔住出手。」
頁: 1 2 3 [4] 5 6
查看完整版本: [靈異] [愛情] [毒L敦倫外傳]我屋企養左隻女鬼…