查看完整版本 : #8 與你剖析 , 慕容家族第一次創業(前燕)速興 速亡的原因 !!!

瑯琊王氏 2022-5-22 08:11

岩岩睇到個講法,話苻堅可以統一北方,其實要多謝苻生!苻生,一直被視為嗜殺既昏暴之君。。。但小弟最近睇到,苻生之所以嗜殺,係要剷除勛舊集團等各派勢力,只不過佢越殺越狠,殺埋太后果邊既舅父、自身幹將都開始懷疑,先比人摷殺!所以苻生留比苻堅既,其實係一個權力統一既前秦。。。

但因為苻堅自己,點都算造反上位,所以登基之初就爆發左"五公之亂",平埋亂之後,前秦反而係晉燕秦三國之中,最中央集權既一個!東晉己經比世族把持,前燕既宗室、漢人世族勢力都好強,呢個先係前秦大爆發既真正原因。

王猛當年就係想,前秦係呢個基礎下,用強大既中央權力,強力咁同化各族,等各族基本可以融合為一後,天下一統就不遠矣!問題係,呢個計劃其實短都要幾十上百年,苻堅有生之年都唔會睇到結果。苻堅急功近利,改取各族和諧政策,以為咁就可以短期之內,用各族聯軍南下滅晉。當然,結果就係。。。

[[i] 本帖最後由 瑯琊王氏 於 2022-5-24 07:46 編輯 [/i]]

瑯琊王氏 2022-5-22 13:23

其實後來可以成功統一北方既北魏 ,
就係用左王猛重用本民族既政策 , 慢慢來同化各民族 ...
所以去到後來 , 都唔見係六鎮之亂後 , 匈奴  羌  氐  等民族 ,
出來獨立 ...

[[i] 本帖最後由 瑯琊王氏 於 2022-5-22 13:26 編輯 [/i]]

瑯琊王氏 2022-5-22 18:43

坦白講句 , 小弟覺得十六國史其實可以分兩段 ...
前秦統一北方前 , 以及前秦崩潰後 ,
前者既前趙  後趙  成漢  前燕  前秦  前涼六國 , 每一個都頗有研究價值 !!!

但後面既後涼  南涼  北涼  西秦  後秦  西燕  後燕  南燕  北燕  胡夏十國 ,
不是非常地區性既政權 , 就係興盛期非常短 ...
你說對大局有一定影響意義還好 , 但我個人認為 ,
己經用不著到研究社會  經濟層面

[[i] 本帖最後由 瑯琊王氏 於 2022-5-23 13:28 編輯 [/i]]

瑯琊王氏 2022-5-23 08:00

講真丫 , 人越大越覺得苻堅盛世真係 "狗屎運" ,
佢上台果下國內己經大定 , 而國外方面 , 話就話前秦係三國最弱
但事實係 , 東晉  前燕王權不夠力 , 係真實可控國力上 ,
其實就係前秦遠遠領先 !!!

苻堅盛世本來就先天優勢 , 加上有強人王猛輔助 ,
真談不上苻堅有多能耐(甚至不停拖王猛後腿) ... 而唯一可幸既係 ,
苻堅既行為完全係儒士高潮點之上 ,
所以寫都寫到佢係 "千古一帝" !!! ^.^"

瑯琊王氏 2022-5-23 13:31

嗯 ... 大家對前秦強大既原因無興趣咩??? ^.^"


唔緊要拉 , 小弟明日會出埋前燕早期強大 , 以及後期速亡既原因 ,
希望大家有興趣拉 !!! ^.^

arsenal2046

*** 作者被禁止或刪除 內容自動屏蔽 ***

瑯琊王氏 2022-5-23 19:10

[quote]原帖由 [i]arsenal2046[/i] 於 2022-5-23 13:56 發表 [url=https://www.discuss.com.hk/redirect.php?goto=findpost&pid=548743018&ptid=30587109][img]https://www.discuss.com.hk/images/common/back.gif[/img][/url]

王猛輔助 是否代表漢人鄉兵部曲願意為前秦而戰?
若是的話,為何前秦將領不見漢人身影?
若非的話,為何王猛一去,前秦軍隊馬上走樣?
想不明白 [/quote]
怎會沒有???
王猛本身就算一個 , 嫡系第二大將張蚝又係一個
佢阿叔係當年後趙崩潰  冉魏速亡後 ,
整個北方既第三大勢力

小弟查到既資料 , 連第一大將鄧羌都係漢人 ...

瑯琊王氏 2022-5-24 08:00

作為三國時期後 , 第一個又再次三國鼎立既時期 ,
前燕國力比東晉  前秦都要好 , 甚至係慕容暐時期其實都保持擴張 ,
咁點解之後又咁輕易比前秦統一左呢???

事實上由五胡亂華開始 , 中國就出現大量塢堡武裝  流民帥等勢力 ,
佢地整體實力不俗 , 但由於互不統屬 ,
每一個武裝都需要投靠更大既勢力 , 而慕容鮮卑仲維持部落聯盟性質
甚至前秦早期一直奉東晉為主 , 是漢人武裝最可以接受既君主 ...
相對於前趙  後趙  前秦以胡人為主 , 控制漢人既政權 ,
前燕反而係聯合漢人武裝 , 鎮壓其他民族 ...

上面就係前燕係前期擴張得咁快既原因 ...

但如前所述 , 慕容鮮卑仲維持部落聯盟性質 ,
宗親  藩王  貴族係擔由刺史 , 擁有一大批 "營戶" , 就如軍閥一樣
而塢堡主  流民帥亦同樣私藏隱匿人口 , 有如小王國一樣 ,
前燕剩係係收稅上己經非常困難 ...
另一方面 , 係幕容恪死去 , 漢人將領就再無出兵紀錄 ,
加上慕容垂被排擠 , 軍事上被雙重削弱 ,
同時慕容暐想清查營戶  陰戶 , 又引起前燕同漢人豪強既對立 ...
呢個先係前燕係苻堅面前 , 咁不堪一擊既原因

瑯琊王氏 2022-5-24 13:20

其實睇返前燕係南滅冉魏前既歷史 , 
佢係同宇文部  段部  高句麗競爭 , 
吸引漢人來遷就係其主要政策 ... 有時我都好奇怪 ,
有說慕容鮮卑視漢人為 "兩腳羊" ,
又我E+了解既歷史 , 好似唔係太相近咁 ... ^.^"


呢個係小弟 , 上一個講前燕前期歷史既POST :
<前燕帝國 , 之三 : #17 燕趙對峙>
[url]https://www.discuss.com.hk/viewthread.php?tid=30038223&extra=&page=1[/url]

arsenal2046

*** 作者被禁止或刪除 內容自動屏蔽 ***

瑯琊王氏 2022-5-24 22:51

[quote]原帖由 [i]arsenal2046[/i] 於 2022-5-24 17:39 發表 [url=https://www.discuss.com.hk/redirect.php?goto=findpost&pid=548774621&ptid=30587109][img]https://www.discuss.com.hk/images/common/back.gif[/img][/url]

"兩腳羊" 這典故出自北宋
中古是沒有的,
五胡時著名吃人肉的是氐人 [/quote]
北宋為甚麼要黑慕容鮮卑???
是因為鮮卑和契丹都是出自東胡嗎??? ^.^"

arsenal2046

*** 作者被禁止或刪除 內容自動屏蔽 ***
頁: [1]
查看完整版本: #8 與你剖析 , 慕容家族第一次創業(前燕)速興 速亡的原因 !!!