Alanboy2005 2022-5-23 22:05
呢件事係發生在幾年前，我啱入職酒店前台工作嘅某一日翻早更，7點幾翻到前台做好曬早更的準備工作，就接通宵更同事交更。交完更之後，通宵同事就講尋晚有兩間客房好奇怪，搞到成個通宵的工作慢曬，成件事由尋晚半夜一點左右開始。
通宵更同事接到低樓2xxx的住客打電話黎，個女人把聲好緊張好急甘話佢男朋友唔知發生咩事，企咗係房嘅窗邊，望住出面已經好耐，差唔多大半個鐘無反應，叫極佢男朋友都無反應。佢宜家好驚，唔知點做，亦都唔敢行埋去，可唔可以快啲搵人黎。前台通宵更同事聽完之後，笑笑口咁通知通宵經理成件事，半夜三更有情侶嗌交，要你去睇睇。經理就叫埋保安一齊上房去睇睇，心諗，翻通宵想靜靜哋都唔得。好快，經理同保安去到2xxx房間外，敲咗幾次門都無人應。於是，經理打翻電話去前台，叫人打電話上房了解情況。隔咗一陣，前台同事打翻黎，個女客人話無事了，無事了，男朋友正常翻。經理無奈返回前台，大家都覺得係情侶嗌交，耍花槍，無再理了。
又過左大概半個鍾左右，前台同事又收到客房電話，來自高樓的7xxx。男客人喺電話投訴，出面走廊好嘈喔，好多人企喺度，可唔可以叫人快啲黎處理。前台同事又通知經理，房間7xxx客人投訴佢果層有人開party，走廊好多人好嘈。經理唯有再出發，估佢唔到今晚咁多case，無停過，通宵既嘢都未搞掂。
幾分鐘後，經理和保安黎到7xxx房間外，但走廊靜到得翻佢哋既腳步聲，人影都冇個，心諗唔係掛，究竟咩事？於是，經理唯有敲房間7xxx，問清楚客人剛才的情況。房間7xxx的客人都係冇開門，但一把男人聲喺入面嗌出黎話佢唔敢開門，頭先出面好多人企喺度。經理唯有覆客人會check CCTV同盡快覆翻電話俾呢位客人。去到CCTV房check翻頭先record，經理同保安心入面涼咗一下，唔係咁得人驚呀嘛，今晚究竟係甘邪呀定係個客飲醉酒呀！之後經理打翻俾7xxx房但無人聽電話。大家都暫時唔敢上7x樓，等到天光先。
聽完尋晚呢件靈異事件，我就繼續開工。過咗一段時間，有個客交還張房卡退房，我一睇張卡套係7xxx號房，即刻反應抬頭，但都未叫住個客，佢就已經轉身離開咗，我就下意識甘check張房卡。點知，竟然顯示係2xxx房號！心入面充滿疑惑。再即刻check 2xxx號房，原來較早前已經check out咗。突然間自己都覺得尋晚發生的事好靈異同恐怖，究竟高樓的客人同低樓的客人有咩關係，明明都互不相識，點解會7xxx的客的房卡係2xxx，一切都係個謎。
Alanboy2005 2022-5-25 12:49
[quote]原帖由 [i]Alanboy2005[/i] 於 2022-5-23 22:05 發表 [url=https://www.discuss.com.hk/redirect.php?goto=findpost&pid=548754492&ptid=30589525][img]https://www.discuss.com.hk/images/common/back.gif[/img][/url]
呢件事係發生在幾年前，我啱入職酒店前台工作嘅某一日翻早更，7點幾翻到前台做好曬早更的準備工作，就接通宵更同事交更。交完更之後，通宵同事就講尋晚有兩間客房好奇怪，搞到成個通宵的工作慢曬，成件事由尋晚半夜一點左右開始。
通宵更同事接到低樓2xxx的住客打電話黎，個女人把聲好緊張好急甘話佢男朋友唔知發生咩事，企咗係房嘅窗邊，望住出面已經好耐，差唔多大半個鐘無反應，叫極佢男朋友都無反應。佢宜家好驚， ... [/quote]
回想翻成件事，感覺好靈異
Alanboy2005 2022-5-25 13:19
[quote]原帖由 [i]三妻四妾[/i] 於 2022-5-25 05:00 發表 [url=https://www.discuss.com.hk/redirect.php?goto=findpost&pid=548785453&ptid=30589525][img]https://www.discuss.com.hk/images/common/back.gif[/img][/url]
好驚，好恐怖，知道內情果D人最后都俾鬼搞 [/quote]
聽落如果甘，又真係幾恐怖
sailorbb 2022-7-2 13:18
男友呆企半個鐘都冇反應，個女嘅驚到唔敢走埋去但仲打電話唔自己落酒店大堂？😩
我覺得係：
1) 7xxx男 得知 2xxx女 有服務
2) 7xxx男 到2xxx房，但交易出現問題。女著急call櫃台，男嘅驚人多會驚動保安或差佬所以臨急攞錯2xxx房咭敗逃
3) 經理到2xxx，人已走就回答當冇事發生
4) 2xxx女向上頭解釋交易出數問題，負責人發現原來先前客人在7x層，一怒之下疊友上去“找數”
5) 7xxx男見成村人喺門口擾攘，call完櫃台，雙腳震L過貓王就梗係老虎蟹酒店職員都唔敢開門啦
6) 所謂 事一揚，手尾長。2xxx女搬竇。7xxx男退房仲唔急急腳走咩。
Alanboy2005 2022-7-22 00:43
[quote]原帖由 [i]sailorbb[/i] 於 2022-7-2 13:18 發表 [url=https://www.discuss.com.hk/redirect.php?goto=findpost&pid=549907710&ptid=30589525][img]https://www.discuss.com.hk/images/common/back.gif[/img][/url]
男友呆企半個鐘都冇反應，個女嘅驚到唔敢走埋去但仲打電話唔自己落酒店大堂？😩
我覺得係：
1) 7xxx男 得知 2xxx女 有服務
2) 7xxx男 到2xxx房，但交易出現問題。女著急call櫃台，男嘅驚人多會驚動保安或差佬所以臨急攞錯2xxx房咭敗逃
3) 經理到2xxx，人已走就回答當冇事發生
4) 2xxx女向上頭解釋交易出數問題，負責人發 ... [/quote]
🤔🤔