查看完整版本 : 蝴蝶效應 : 齊魏馬陵之戰 , 導致了秦國崛起???!!!

瑯琊王氏 2022-6-4 08:21

好多人將秦國冒起既功勞 , 放到孝公  商鞅身上 , 咁講當然係無錯
但孝公時期 , 都仲係國土貧瘠 , 而且北有義渠  南有巴蜀 ,
並唔係好似後來見到咁強大 ...

更重要既係 , 佢既東邊係當時第一強國--魏國 , 不要說東出涵谷關
魏國甚至打到入秦國國土 , 搶佔河西之地 ...
因為國力基礎薄弱 , 內部其實無論做得幾大 , 如果無對外既第一步
秦國始終無法逐漸增加自己既體量 , 強大自身 ,
偏偏佢既東面就係強魏 !!!

如果強魏無沒落 , 秦國本身依然無能力自己扳倒佢 , 咁真正既崛起
亦無從談起 ... 但強魏卻真係沒落左 !!!
齊國係馬陵之戰中大敗魏國 , 當然首先迎來自己既盛世來臨 , 但同時
卻拎開左 "潘朵拉盒子" 上既壓蓋石 , 秦國可以東出涵谷關 ,
慢慢侵食六國拉 !!!

[[i] 本帖最後由 瑯琊王氏 於 2022-6-4 09:12 編輯 [/i]]

瑯琊王氏 2022-6-4 13:33

係細個果時,每次秦齊相帝,都係話係秦國既離間六國計謀,齊國沒這實力云云。。。


但係咪真既呢?
e+睇返,齊國大敗魏國,終結魏國霸權,跟住差d 吞左燕,之後再吞埋宋國。。。
以當時計,威勢其實不下於強秦喎!甚至可以話,樂毅五國伐齊,
本質上同魏無忌五國伐秦一樣,就係幾國聯合對最強者攻擊,所以齊國係樂毅之前
的確係同秦國比肩既強國!

jim_jim_s 2022-6-4 18:29

咁不如話當年劉邦滅秦係為了建立今天的中國

瑯琊王氏 2022-6-5 08:00

[quote]原帖由 [i]jim_jim_s[/i] 於 2022-6-4 18:29 發表 [url=https://www.discuss.com.hk/redirect.php?goto=findpost&pid=549087353&ptid=30604485][img]https://www.discuss.com.hk/images/common/back.gif[/img][/url]
咁不如話當年劉邦滅秦係為了建立今天的中國 [/quote]
... J兄 , 小弟呢個例子關連性算好大架拉喎 ^.^"

就好似一戰咁 , 德國一開始就係唸先OK沙俄 , 再集中兵力大炒法國 ,
結果沙俄比想像中抗揍 , 結果就變左兩受敵 ... ^.^"

同齊魏秦一樣 , 東西兩方對德國/魏國而言 , 都係同自己直接相關既
對法國/秦國而言 , 就係對手因為其他問題 , 而保存左自己 ...

瑯琊王氏 2022-6-5 13:10

其實魏國有少少係頂替左晉國當年既位置 ...


如果統一既晉國還在 , 秦國係永遠都唔駛唸稱霸 , 更加唔駛唸統一
三家分晉後 , 情勢己經對秦國好左少少 , 但魏國既強大 ,
其實完全壓制左秦國東出既希望 ...


但魏國衰落左 , 齊國同秦國天各一方 , 根本就互不影響 ... 
趙國未開始強大 , 就比左秦國慢慢侵食韓魏 , 乃至周室領土既機會


呢個亦係孝公變革幾十年 , 但都無法稱霸 ...
到惠文王先可以同齊國並霸東西既原因 , 當然 , 其實楚懷王都好勁

瑯琊王氏 2022-6-5 18:43

呢類型既例子其實好多 ...


就好似後周世宗柴榮 , 可以攻打南唐 , 盡得江北之地 ,
就係因為之前先打服左遼國 ...

jim_jim_s 2022-6-5 22:41

[quote]原帖由 [i]瑯琊王氏[/i] 於 2022-6-5 18:43 發表 [url=https://www.discuss.com.hk/redirect.php?goto=findpost&pid=549118379&ptid=30604485][img]https://www.discuss.com.hk/images/common/back.gif[/img][/url]
呢類型既例子其實好多 ...


就好似後周世宗柴榮 , 可以攻打南唐 , 盡得江北之地 ,
就係因為之前先打服左遼國 ... [/quote]
其實後周策略冇錯,先北後南容易過先南後北,歷史上唯一一次例外就係明朝。

瑯琊王氏 2022-6-6 07:59

[quote]原帖由 [i]jim_jim_s[/i] 於 2022-6-5 22:41 發表 [url=https://www.discuss.com.hk/redirect.php?goto=findpost&pid=549125899&ptid=30604485][img]https://www.discuss.com.hk/images/common/back.gif[/img][/url]

其實後周策略冇錯,先北後南容易過先南後北,歷史上唯一一次例外就係明朝。 [/quote]
我無話榮仔做錯 , 我只係想表達 , 呢種南北/東西同時有強敵既國家 ,
一邊既戰事影響埋另一邊既局勢 , 其實好正常 ...

後周果陣 , 其實遼同南唐其實都有點契 , 就係後周進攻一方 ,
另一方就捅後周後欄 ...
後來後周 , 就係先懲罰性目的(不以失復燕雲為目的)咁打左遼國一鑊 ,
先再攻打南唐  全吞江北之地 ...

明初既例子其實唔太適合 , 當時北方一樣係由元庭軍混戰 ,
根本無人肯分兵搞老朱 , 咁老朱先可以先敗陳友諒 , 再吞埋張士誠 ...

嚴格上來講 , 榮仔先以懲罰性目的咁打左遼國 , 先再吞食南唐既領土 ,
其實總體戰略上 , 都係先南後北喎 ^.^"

[[i] 本帖最後由 瑯琊王氏 於 2022-6-6 08:00 編輯 [/i]]
頁: [1]
查看完整版本: 蝴蝶效應 : 齊魏馬陵之戰 , 導致了秦國崛起???!!!