北潭坳 2022-6-9 17:34
屋企人前年十月定期抽血發現肝指數同排尿唔正常要入院,其實嗰時塊面已經黃黃地但冇留意到,入院後照到膽管塞要落支架通返,跟住照PET發現胰臟頭有個約3cm腫瘤,suvmax去到8,胰臟隔離粒淋巴都有少少唔正常,發現病徵一個月後(11月)抽組織驗到係惡性,雖然醫生冇提係幾期,上網睇應該二期,嗰陣先啱啱享受到兩蚊乘車優惠,真係個好諷刺嘅禮物
由於半邊腫瘤貼住血管,腫瘤科建議做化療縮細腫瘤再做手術,化療分12次,每次留院三日,一踏入2021年就做第一次化療,除咗第一次化療後副作用比較大之外,進展理想,CA19-9由化療前4xx跌到2x,第六次化療後做次中期電腦掃描,直至四月做完第八次化療再覆診時,外科醫生話腫瘤細咗但更加貼住血管,建議改電療
五六月大約做咗30次電療,後期身體比較差,有幾日發燒同抖氣唔係好得,完咗電療半個月後又冇乜事,到七月到九月又做返剩低幾次化療,感覺成效冇咁明顯
上年11月再照PET,見胰臟瘤細咗一半,suvmax跌返落4.x,附近淋巴正常,但肺有幾點粒粒,好在suvmax都係2樓下,得一粒1.x,當時諗係咪純粹之前做完電療抵抗力差(冇升白針)令個肺有少少發炎,因為嗰輪發過幾次燒,12月腫瘤科覆診再建議開另一套化療,每次療程住三次院,為期半日,住院期隔一個禮拜
覆診前又係因為指數唔正常先驗到膽管塞,原來本身個膠架夠期要換,最後換咗金屬架,但未知係咪心理作用,個胃開始成日唔舒服,嗰時抽血驗到CA19-9已經升到120左右
覆診後好快做依家套化療,點知成效唔理想,做咗兩次抽血發現CA19-9繼續升,副作用越來越明顯,到今年踏入今年4月7號做第三次療程week 3,做完副作用持續好長,過幾日唔單止面黃仲發埋高燒,終於4月12號送佢入返院,但估唔到入完院就出唔返嚟
4月14號驗到四個月前裝完金屬架嘅位又生多咗個瘤,結果導致發炎,20號再喺另一個位加個新支架,本來預28-29號出院,點知臨出院嗰日腹膜炎發作加嘔血,因為個新支架整傷咗個胃
搞下搞下到5月中,本來諗住就快出院,點知又驗到個肺好多積水,23號開始抽積水,31號情況急轉直下,嗰朝朝早醫生打電話嚟話抽完積水冇乜特別就過一兩日抆走條管,傍晚再打嚟已經半昏迷狀態,夜晚血氧跌同開始要用呼吸機,6月2號情況進一步轉差,一直插喉到今日6月9號,今個6月每一日都去醫院探佢,盡最大能力同佢對話,琴晚醫生同我哋加埋親戚開會,話插完喉肺功能冇明顯好轉,要有定心理準備
見到上個月做咗兩次電腦掃描,原來報告話個肺擴散情況比之前嚴重咗好多,唔知今套化療係咪反而導致癌細胞加速擴散定咩,再加埋長期住院令肺功能進一步惡化,本來佢係生命鬥士,而且咁多年都冇乜點享過福,咩苦痛都捱過咁滯,佢好多身後事未同大家交代就已經昏迷咗,自己亦估唔到差得咁快,我未到30歲就已經要見證至親嘅生離死別,好唔慣,雖然已經每一日都陪到佢(因為仲係同住),而且多謝第五波疫情,近幾個月可以WFH先可以再多咗時間陪佢,但難免後悔自己未對得佢夠好就要離別
[[i] 本帖最後由 北潭坳 於 2022-7-2 00:26 編輯 [/i]]
我要真發達復活 2022-6-9 17:57
每 個 人 都 有 要 走 的 一 日
先 後 次 序 問 題 .
命 運 有 安 排 , 只 能 平 常 心
DVaderforce 2022-6-9 19:08
一切順其自然,平常心。加油
山中不安的魚蛋 2022-6-9 20:09
樓主應該正面面對,陪伴到最後!盡力陪佢多啲!
東方中心的肥豬 2022-6-9 21:08
條路確實唔易行,同醫生傾下有冇方法可以令病人舒服D。樓主也要保重。
北潭坳 2022-6-9 21:31
[quote]原帖由 [i]東方中心的肥豬[/i] 於 2022-6-9 21:08 發表 [url=https://www.discuss.com.hk/redirect.php?goto=findpost&pid=549241700&ptid=30612712][img]https://www.discuss.com.hk/images/common/back.gif[/img][/url]
條路確實唔易行,同醫生傾下有冇方法可以令病人舒服D。樓主也要保重。 [/quote]
醫生話情況唔樂觀,同埋繼續插只會延長病人痛苦,但我哋兩個屋企人始終好難放得低,親戚之間又未有定案,同埋盼望真係有奇蹟
頭先探病探咗個半鐘,同房有個先痛到不停叫足個半鐘,唔知屋企人係咪都曾經試過咁,覺得情況好淒涼
[[i] 本帖最後由 北潭坳 於 2022-6-10 09:18 編輯 [/i]]
nicena 2022-6-9 21:35
[quote]原帖由 [i]北潭坳[/i] 於 2022-6-9 21:31 發表 [url=https://www.discuss.com.hk/redirect.php?goto=findpost&pid=549242237&ptid=30612712][img]https://www.discuss.com.hk/images/common/back.gif[/img][/url]
醫生話情況唔樂觀,同埋繼續插只會延長病人痛苦,但我哋兩個屋企人始終好難放得低,親戚之間又未有定案
頭先探病探咗個半鐘,同房有個先痛到不停叫足個半鐘,唔知屋企人係咪都曾經試過咁,覺得情況好淒涼 [/quote]
癌症是最痛苦的… 加油呀 樓主
我們雖然不識 但一定支持您同您屋企人
God bless to your family
北潭坳 2022-6-9 23:14
[quote]原帖由 [i]nicena[/i] 於 2022-6-9 21:35 發表 [url=https://www.discuss.com.hk/redirect.php?goto=findpost&pid=549242355&ptid=30612712][img]https://www.discuss.com.hk/images/common/back.gif[/img][/url]
癌症是最痛苦的… 加油呀 樓主
我們雖然不識 但一定支持您同您屋企人
God bless to your family [/quote]
最痛苦恐怖係佢成個家族都冇人中過cancer,同埋化療藥對個個人唔同
佢上年完成到成個folfirinox療程,腫瘤算控制到,後期仲可以做完化療第二日照常出街飲茶,係最後一次先對其中一隻藥敏感
到今年轉用gemzar就出晒事,12月尾第一cycle前CA19-9係110左右,2月21號抽血上到230,到3月22號再抽血直程升到過500,而CEA始終維持5左右,所以唔知隻藥係咪反而加速佢腫瘤嘅擴散
nicena 2022-6-9 23:24
[quote]原帖由 [i]北潭坳[/i] 於 2022-6-9 23:14 發表 [url=https://www.discuss.com.hk/redirect.php?goto=findpost&pid=549245449&ptid=30612712][img]https://www.discuss.com.hk/images/common/back.gif[/img][/url]
最痛苦恐怖係佢成個家族都冇人中過cancer,同埋化療藥對個個人唔同
佢上年完成到成個folfirinox療程,腫瘤算控制到,後期仲可以做完化療第二日照常出街飲茶,係最後一次先對其中一隻藥敏感
到今年轉用gemzar就出晒事,12月尾第一cycle前CA19-9係110左右,2月21號抽血上到230,到3月22號再抽血直程升到過500,而CEA始終維持5左右,所以唔知隻藥係咪反而加速佢腫瘤嘅 ... [/quote]
命也呀 不要想太多 最緊要好好珍惜餘下您地的日子
生 離 死 別 是人生一定經過的階段
離別真係不是單單說再見咁簡單
無人知道邊隻藥對病人係好 也不能控制藥物控制不了病情
就算連醫生也沒有辦法
好好道別 問問自己盡了力沒有 盡左力就無悔了
好好哭 好好發洩 讓時間沖淡一切 加油
秋天清涼的流彈 2022-6-10 00:04
摟主家人也要保重身體,人身很多事都不能控制,只能活在當下,努力💪
白鴿眼黨2 2022-6-10 10:50
[quote]原帖由 [i]北潭坳[/i] 於 2022-6-9 17:34 發表 [url=https://www.discuss.com.hk/redirect.php?goto=findpost&pid=549236626&ptid=30612712][img]https://www.discuss.com.hk/images/common/back.gif[/img][/url]
屋企人前年十月定期抽血發現肝指數同排尿唔正常要入院,其實嗰時塊面已經黃黃地但冇留意到,入院後照到膽管塞要落支架通返,跟住照PET發現胰臟頭有個約3cm腫瘤,suvmax去到8,胰臟隔離粒淋巴都有少少唔正常,發現病徵一個月後(11月)抽組織驗到係惡性,雖然醫生冇提係幾期,上網睇應該二期,嗰陣先啱啱享受到兩蚊乘車優惠,真係個好諷刺嘅禮物
由於半邊腫瘤貼住血管,腫瘤科建議做化療縮細腫瘤再做手術,化療分 ... [/quote]
說再見, 是人生中一句要學懂的說話 (一位中學校長對學生的訓戒)
無耐
波濤橙色獅子 2022-6-10 12:24
保重身體健康
anitalo 2022-6-10 18:58
樓主自己要保重,好明白唔想見到至親咁早走,但又唔希望佢受苦,好難選🙄
9個老遊艇 2022-6-10 22:29
傷心。。快多見朋友飲多杯,處理好忘記的事。
即刻紅色的頭巾 2022-6-11 10:09
珍惜餘下的日子💪
tailo88 2022-6-11 12:47
[quote]原帖由 [i]北潭坳[/i] 於 2022-6-9 17:34 發表 [url=https://www.discuss.com.hk/redirect.php?goto=findpost&pid=549236626&ptid=30612712][img]https://www.discuss.com.hk/images/common/back.gif[/img][/url]
屋企人前年十月定期抽血發現肝指數同排尿唔正常要入院,其實嗰時塊面已經黃黃地但冇留意到,入院後照到膽管塞要落支架通返,跟住照PET發現胰臟頭有個約3cm腫瘤,suvmax去到8,胰臟隔離粒淋巴都有少少唔正常,發現病徵一個月後(11月)抽組織驗到係惡性,雖然醫生冇提係幾期,上網睇應該二期,嗰陣先啱啱享受到兩蚊乘車優惠,真係個好諷刺嘅禮物
由於半邊腫瘤貼住血管,腫瘤科建議做化療縮細腫瘤再做手術,化療分 ... [/quote]
科技日報北京6月9日電 美國紐約紀念斯隆凱特琳癌症中心進行的一項小型臨床試驗發現,14名接受實驗性免疫治療的直腸癌患者全部康復。所有這些受試者均患有帶有罕見突變(錯配修復缺陷,dMMR)的局部晚期直腸癌。研究人員稱,這是癌症治療史上第一次發生這種情況。研究結果發表在《新英格蘭醫學雜誌》上。
患者接受了葛蘭素史克公司研製的一種免疫治療藥物dostarlimab的治療。研究人員說,每位患者的癌症都神奇地消失了,體檢、內窺鏡檢查、PET掃描或MRI掃描都無法檢測到癌症。
據英國《泰晤士報》報導,該藥物每劑成本約為11000美元。每3周給患者服用一次,持續6個月。
研究人員說,人體的免疫細胞包含一種稱為「檢查點」的保護措施,以防止它們攻擊正常細胞。但是癌細胞可以影響這種保護並關閉免疫細胞,從而使腫瘤得以隱藏生長。此次這種新方法是一種免疫療法,通過阻斷癌細胞「不要吃我」信號,使免疫系統能夠消除它們。該治療方法針對的是DNA修復系統不起作用的直腸癌亞型。當修復系統不起作用時,蛋白質中會產生更多錯誤,免疫系統會識別這些錯誤並殺死癌細胞。
經過實驗結束後6個月至25個月的隨訪,參與研究的所有患者都沒有癌症復發的跡象,無需再進行手術、放療和化療等標準治療。該研究的另一個驚喜是,沒有一個患者出現嚴重的副作用。
研究人員表示,結果令人驚訝,臨床試驗中的所有患者都對藥物有反應,幾乎是聞所未聞的。他們為這種單獨使用免疫療法靶向特定腫瘤的方法創造了一個術語「免疫消融」,意味著使用「免疫療法代替手術、化療和放療來消除癌症」。
研究人員稱,直腸癌手術和放療對生育能力、性健康、腸道和膀胱功能有永久性的影響,對生活質量的影響巨大。隨著年輕人直腸癌發病率的上升,新方法可能會產生重大影響。
研究人員一致認為,這項試驗現在需要在更大的研究中重複進行,並指出該小型研究只關注腫瘤中具有罕見遺傳特徵的患者。但他們說,在100%的受試患者中看到完全緩解,是一個非常有希望的早期信號
雨中灰達人 2022-6-11 15:10
順其自然,願安好,人始終有死既一日。
東豪大少 2022-6-11 19:49
樓主保重.
北潭坳 2022-6-11 20:40
踏入六月,每日入院探屋企人成為例行公事,頭先佢一醒睜開眼就感覺擺出副好痛嘅表情,只係出唔到聲,大家都開始消化病情急轉直下嘅現實,佢要永遠離開純粹時間問題
順便問埋姑娘,ca19-9入院當日約700,兩星期後已經上到1000,再過一個月嘅5月30號更加到4300,而cea上落就唔大,入院後身體虛弱嘅情況進一步令癌細胞繼續生長同擴散
[[i] 本帖最後由 北潭坳 於 2022-6-11 20:41 編輯 [/i]]
productdesigner 2022-6-11 23:47
🍎 Steve Jobs 刀係胰臟癌過身:funk::cr_02:fst_005:
東方中心的肥豬 2022-6-13 10:09
[quote]原帖由 [i]北潭坳[/i] 於 2022-6-11 20:40 發表 [url=https://www.discuss.com.hk/redirect.php?goto=findpost&pid=549297961&ptid=30612712][img]https://www.discuss.com.hk/images/common/back.gif[/img][/url]
踏入六月,每日入院探屋企人成為例行公事,頭先佢一醒睜開眼就感覺擺出副好痛嘅表情,只係出唔到聲,大家都開始消化病情急轉直下嘅現實,佢要永遠離開純粹時間問題
順便問埋姑娘,ca19-9入院當日約700,兩星期後已經上到1000,再過一個月嘅5月30號更加到4300,而cea上落就唔大,入院後身體虛弱嘅情況進一步令癌細胞繼續生長同擴散 [/quote]
同醫生反映下,有網友分享嗎啡/嗎啡貼,電療等可以減輕痛楚。家父最後日子因為骨痛不能活動,我當年唔識問醫生拎強力止痛藥,到現在都覺得很遺憾。
陳滔滔 2022-6-13 11:58
我都經歷過同一情況,我覺得要相信醫生嘅判斷,因為佢哋見太多了,所以知道身體機能嘅訊號代表還有無機會及多長時間。
癌症病人最辛苦係痛,無論在世人幾唔捨得,幾咁想有奇蹟,但你哋嘅每一次決定,可能會換來病人更長嘅痛苦。大家有無想過病人可能連轉過身都好痛呢。尤其昏迷咗嘅病人,大家根本無可能知病人會幾痛。就算注射緊嗎啡都無用。
所以,問一問醫生,那種處理對病人係最好,那樣能令病人更少負擔。就算真係無希望,都希望病人能舒服地走完吧。
nicena 2022-6-13 17:51
如果太痛 可否叫醫生加藥 媽啡 等佢無咁痛苦
要放手 如果太痛苦的活著 大家都辛苦 您不如趁屋企人清醒時問下佢 如果加媽啡 佢同唔同意 加油
大口手手 2022-6-14 16:35
兩年前我媽媽因胰臟癌離開!
喺醫院最後的日子,同醫生講首要的治療是"止痛",癌未的痛係另病人最大的折磨!
當病人清醒時只有"痛",離開才是真正的解脫!
雨中小樹根 2022-6-18 21:53
[quote]原帖由 [i]productdesigner[/i] 於 2022-6-11 23:47 發表 [url=https://www.discuss.com.hk/redirect.php?goto=findpost&pid=549303635&ptid=30612712][img]https://www.discuss.com.hk/images/common/back.gif[/img][/url]
🍎 Steve Jobs 刀係胰臟癌過身:funk::cr_02:fst_005: [/quote]
癌症之中胰臟癌係癌皇,存活率很低,有同事因患此病,已經身故,唉!
弱智五姑娘 2022-6-19 09:48
希望香港早日有安樂死:smile_39::smile_39: 夾硬要個病人咁辛苦真係好慘
venus040911 2022-6-20 09:31
請問樓主喺私家醫院定公立醫院?有冇申請紓緩治療?
[[i] 本帖最後由 venus040911 於 2022-6-20 09:35 編輯 [/i]]
venus040911 2022-6-20 09:44
樓主可唔可以講係邊隻化療藥?