宋襄 > 晉文 > 秦穆 > 楚莊 齊桓 > 晉文 > 楚莊 > 闔閭/夫差 > 勾踐e+前者應該無咩人會用 ... 首先 , 宋襄就唔知係咩史家地獄梗其次既秦穆 , 其實都只係一次性打破左晉既霸權 ,之後都係修心治理西邊 ... 後者係e+比較普遍既說法 , 但係某程度上 , 我覺得用後者來概括春秋史 , 其實好失真 .... 香港討論區 香港討論區(香討)為全港5大最高瀏覽率的網站之一,主要討論涵蓋新聞時事、娛樂、飲食、潮流、各行各業、地產、財經、股票、汽車、戀愛婚姻、電腦手機、運動體育、興趣、好去處、著數優惠等話題,隨時隨地分享您的生活話題討論及緊貼網民熱話!香港討論區(香討)每月單一訪客人數過千萬,擁有超過550萬位來自不同階層、背景的會員。(純文字版本)"/>

查看完整版本 : 睇返春秋史 ... 覺唔覺得 "春秋五霸" 係一個偽概念???

瑯琊王氏 2022-6-21 08:00

係我既年代 , "春秋五霸" 比較多人認既 , 主要係兩個版本 :
齊桓 > 宋襄 > 晉文 > 秦穆 > 楚莊
齊桓 > 晉文 > 楚莊 > 闔閭/夫差 > 勾踐

e+前者應該無咩人會用 ... 首先 , 宋襄就唔知係咩史家地獄梗
其次既秦穆 , 其實都只係一次性打破左晉既霸權 ,
之後都係修心治理西邊 ...

後者係e+比較普遍既說法 , 但係某程度上 ,
我覺得用後者來概括春秋史 , 其實好失真 ... 事實上吳越爭霸
佔春秋時期既時段好短 , 吳國兩代好似得20年左右 ;
越國稱霸時間雖然無咁短 , 但其實佢稱霸後無耐 , 己經係戰國

係呀 , 越國係整個戰國前期都係度架 , 甚至算係戰國四強之一
係末代越王既一d 騷操作 , 比左機會楚國 ...
算係同吳國一樣  盛極而亡 ^.^"

春秋時期既國際局勢常態 , 其實由晉文崛起開始 ,
就己經係晉楚南北對峙 ... 係一直到最後幾十年晉國六卿內戰
吳國崛起  打敗楚國 , 呢個基礎局勢先改變 ...
甚至要講既話 , 其實齊桓時期都己經係 , 楚國一早係兩霸之一

另外稍為提一提 , 係吳國崛起  晉國因六卿內戰而落時 ,
北方群龍無首 , 其實齊國都正值小中興 , 都想重回霸主地位 ,
就同吳國打左一場 ... 結果係吳國正式稱霸 ,
而正當夫差仲係北方期間 , 老巢就比勾踐捅後欄 ... ^.^"

瑯琊王氏 2022-6-21 13:09

e+唸返轉頭 , 可能 "五霸" 既原始版本可能係第一個 ,
而評價標準其實基本唔係實力 , 而係儒家所謂既道德 ...

齊桓  晉文就唔駛講拉 , "尊王攘夷" 丫麻 , 大拎晒架拉
秦穆一霸好可能係為左對標失德既晉襄 ,
道德勸說意義比實際上大 ...
楚莊一霸 , 可能係對楚國融合中原道德文化既一次讚賞

我甚至懷疑 , 宋襄入選可能開頭唔係諷刺 ,
反而推崇加惋惜 ... 也就是說 , "五霸" 評定標準都係睇
邊個更符合儒家價值觀 !!! ^.^

瑯琊王氏 2022-6-21 19:26

相對於 "春秋五霸" , "戰國七雄" 我倒覺得比較合理

戰國時代除左 "七雄" , 其他國家中存在感比較大既
都有越國  宋國 , 仲有一個唔知點解成日比人無視既蜀國
而 "七雄" 最無存在感既韓國 , 存在感都無比佢地好太多 ,
就算係燕國 , 如果無樂毅五國伐齊既話 , 情況都會一樣 ...

咁點解話 "戰國七雄" 比較合理???
一來 , "七雄" 每一個都可以堅持到最後 , 而且除左秦楚 ,
其他都參與 "五國相王" ...
同時 , "三家分晉" 作為戰國時代既起點 , 都算為韓國保底
而事實上 , 除左韓國既其餘六國都有自己既高光時期 ...

arsenal2046

*** 作者被禁止或刪除 內容自動屏蔽 ***

瑯琊王氏 2022-6-22 08:01

[quote]原帖由 [i]arsenal2046[/i] 於 2022-6-21 21:45 發表 [url=https://www.discuss.com.hk/redirect.php?goto=findpost&pid=549596972&ptid=30630780][img]https://www.discuss.com.hk/images/common/back.gif[/img][/url]

霸應該等於伯
伯即是方伯,也就是
1。周天子所封,中原諸侯之長,
2。有能力會盟中原諸侯


所以鄭莊公雖然強大,但與周天子不和,當不了方伯,
齊恒公為王室平定了子頹之亂,最終葵丘會盟,周天子冊封為方伯,
晉文公為周王室平定子帶之亂,收拾鄭、曹、蔡小國,在踐土會盟,受周襄王的彤弓弧矢的冊封,這兩個才是實錘的方伯,霸主


宋襄公曾率宋、衛、曹、邾之師平定齊亂,送公子昭回國 ... [/quote]
其實以我所知 , 晉國係晉文之前國力己經好強大下 , 只不過係晉文上台之前
晉國正值內亂 , 而事實上齊國係齊桓之前 , 都己經有強大國力基礎 ,
宋襄既宋國根本就無呢個 LEVEL 既國力 ...

最多只係食正齊桓  晉文之間既真空期 , 不過我其實都唔明 , 佢係憑 D咩野
可以會盟其他小國??? 真係因為其他小國夠細???
講真 , 佢既盟友又真係好似無魯  鄭  衛呢 D中型體量國家 ...
定宋既實力其實遠遠被低估左???

另外 , 楚國可能長期都無會盟既習慣 , 但一直有唔少 "盟友"
(呢 D所謂既 "盟友" , 同美國既盟友一樣 , 其實即係馬仔 ... 大家明架拉)

瑯琊王氏 2022-6-22 13:10

唸唸下 ... 宋襄一可以會盟 , 其實就係因為齊桓  晉文既中間真空期 ,
當時齊國內亂 , 連晉惠  晉文既中間期 , 晉國內部都不穩 ...
秦國又始終被晉國擋於西邊

問題係 , 自齊桓建立會盟制度  共抗楚國後 , 我唸北方諸侯呢個時候
自然渴望會有一個共主  整會佢地 , 呢個先宋襄能會盟既主因 ,
即係話宋襄一霸既存在 , 唔係因為其實力 ,
反而係因為弱小諸侯國本身 , 就有會盟抗楚既需求 ... ^.^"

arsenal2046

*** 作者被禁止或刪除 內容自動屏蔽 ***

瑯琊王氏 2022-6-22 21:00

[quote]原帖由 [i]arsenal2046[/i] 於 2022-6-22 15:50 發表 [url=https://www.discuss.com.hk/redirect.php?goto=findpost&pid=549615974&ptid=30630780][img]https://www.discuss.com.hk/images/common/back.gif[/img][/url]

楚國是周天子及姬姓諸侯國最大敵人,也是中原最強大方國,
不列楚國為霸有點說不過去啊 [/quote]
下面個影片 , 雖然名為晉文崛起之路 , 但卻復原左齊桓晉文中間 ,
權力真空期既局勢 ...

順帶一題 , 小弟覺得佢係暫時講春秋戰國 , 講得最好既YOUTUBER ,
不過 , UP主其他時代 , 甚至二戰局勢都會講 ,
但個人覺得佢春秋戰國講得最好 ... 但係 , 佢唔係太跟時序去過 ,
好似岩岩講完戰國時期既秦國崛起 , 又到春秋時期既晉國崛起三部曲

[url=https://www.youtube.com/watch?v=Msvg2_CEPO0]https://www.youtube.com/watch?v=Msvg2_CEPO0[/url]

瑯琊王氏 2022-6-23 08:00

岩岩睇返其他視頻先發現 , 原來係齊桓時期 , 宋桓  宋襄兩代一直係齊桓集團 ,
係第二把交椅 ... 齊桓死後齊國內亂 , 又係由宋國所平定 ,
咁計既話 , 齊桓集團其他小國出於慣性 , 自然選擇捧二佬為新大佬 , 都好合理

yuk777044 2022-6-23 18:28

唔係偽概念,當時個霸主係各諸侯國推舉出嚟,有祭天義式,霸主親手割下牛耳,手執天下牛耳。
類似座館

arsenal2046

*** 作者被禁止或刪除 內容自動屏蔽 ***
頁: [1]
查看完整版本: 睇返春秋史 ... 覺唔覺得 "春秋五霸" 係一個偽概念???