嵐瓜 2022-6-30 16:10
話説我工人姐姐係我屋企做咗將近14年，佢今日走唔會再返香港。佢就9點半機。咁啱學校又有畢業禮舞台劇彩排，我彩排5點半先完，所以尋日就問導演
「我聽日要送機，可唔可以早走？」
佢話「要早幾多？」
我就話「早45分鐘…」
「咩話？」
「30分鐘啦」
我以為送機唯一一次機會佢會體諒我話okay啦，結果佢話「嗯…可唔可以唔早走？因為聽日阿sir話要嚟睇彩排，同埋你知你d演技…有d不足，一係我今晚問阿sir夜晚再覆你」
其實我已經知道一定唔會俾，坐小巴返屋企個陣已經眼濕濕，返到屋企厠所忍唔住喊撚咗。(唔好問我點解喊我都唔知)
夜晚個陣不出所料同我講唔可以早走
跟住今日就直程唔翻(同學校&班主任請假ed，但佢話學校好似唔會同負責老師&同學講，屌學校係唔係廢到咁)
跟住今日個負責同學問我點解唔翻，話唔翻其實好唔負責任，今日第一次上台練個個都好忙，依家又要搵人代我，佢明我想送機但係都希望我負返做演員嘅責任。
但問題係，佢連早走都唔俾，我話唔翻佢會俾d咩説話我聽？
其實我都知我唔同佢講係我問題，但係早走都唔得我真係唔敢同佢講我唔返，罪惡感好撚大好辛苦😔
其實我係唔係真係做錯咗😔