查看完整版本 : 同你分析 , 春秋三強既地理優勢 : #1 晉國 #9 齊國 #18 楚國

瑯琊王氏 2022-7-20 08:02

[img]https://upload.cc/i1/2022/07/19/Laq6TB.jpg[/img]

晉國初封唐叔虞 , 初國號其實係 "唐" , 雖然唐叔虞時期就改為 "晉"
但係商朝時期 , 該地區其實就己經叫 "唐" ...

晉國所在並以此為基本領土既山西地區 , 由三條南北走向既既山脈構成
當中又形成左 6個盤地 , 由北向南分別為 :
大同盤地  沂定盤地  太原盤地  臨汾盤地  運城盤地 ,
以及係東邊既長治盤地 ... 晉國初封既係臨汾盤地 , 係運城盤地以外
第二南  靠近黃河既既盤地

西周係山西既封國 , 實際上都係北不過臨汾盤地 ,
因為臨汾盤地  運城盤地與關中 , 除左有河套相隔 , 其實地勢係相連
所以順理成章 , 好容易就係兩地殖民建國

因為 6大盤地有河流相連 , 所以係半封閉下 , 都會慢慢被統為一體 ,
加上其作為盤地既防守優勢 , 就成為晉國強大既基礎 ...
不過 , 周人係臨汾盤地  運城盤地其實封左好多封國 ,
北面太原盤地有山戎 , 東面長治盤地有赤狄

其實 , 晉國係西周時己經係臨汾盤地  運城盤地最強既國家 ,
加上平王東遷時有勤王之功 , 所以係東周之初 ,
係政治威信及周室支持下  , 好快吞併左山西既其他諸侯 ; 但另一方面
盤地既有防守優勢 , 也有容易割據既問題 ...
由早期既 "曲沃代晉" , 到後既晉國六卿 , 到最後既三家分晉 ,
都可以話係呢個問題既體現

[url=https://www.youtube.com/watch?v=96Rv8Tj8Yvc]https://www.youtube.com/watch?v=96Rv8Tj8Yvc[/url]

[[i] 本帖最後由 瑯琊王氏 於 2022-7-29 10:10 編輯 [/i]]

瑯琊王氏 2022-7-20 13:25

小弟最近睇到資料 , 話係鄭國小霸時期 ,
晉國  秦國之所以好似看不到踨影 , 其實係因為 ...
晉國仲打緊晉室與小宗曲沃(後來成功代晉)既內戰 ,
秦國就仲同犬戎打緊 ... ^.^"

arsenal2046

*** 作者被禁止或刪除 內容自動屏蔽 ***

瑯琊王氏 2022-7-20 18:41

[quote]原帖由 [i]arsenal2046[/i] 於 2022-7-20 13:29 發表 [url=https://www.discuss.com.hk/redirect.php?goto=findpost&pid=550454559&ptid=30675878][img]https://www.discuss.com.hk/images/common/back.gif[/img][/url]
臨汾是產糧區
運城是鹽池
中條山是銅礦鐵礦產地
更可虎視潼關中原
而且西周的山西有一大批中原化的鬼戎
地理上山西的確很優秀 [/quote]
係呀 ... 另外有個視頻講過 , 係汾河線北面幾個盤地果 D ,
就係山戎 ; 而住係長治盤地果 D就係赤狄

話時話 , 小弟都係睇完呢系列視頻先明白 , 原來係列國時期
完全身處於大平原 , 那管就算有一兩面係挨住坐山 ,
其實都好難發展開來 ...
除非面對既都係開發程度較低  兼且散居既夷狄 ^.^

就好似鄭莊小霸咁 , 佢好似都強左一下咁 , 其實真係死好彩
一下佢有代天子征伐天下之權 ,
二來就多得秦國仲打緊犬戎 , 晉國又內戰緊 ...
佢先有機會扮下霸主 , 但其實衛國都一直同佢對著幹 ^.^"

而 "春秋初年三小霸" 既另外兩個 ,
齊僖  楚武就做緊更加實際既野 ... 瘋狂吞併東夷系既領土 ,
當然 , 因為鄭莊位處大平原之中 , 其實好多吞併行為 ,
都會比如衛國等鄰國阻止 ...

鄭莊仲要白痴到同周王室反面 ^.^"
基本上 , 鄭國既地理位置己經決定左 ... 佢無可能真正坐大

瑯琊王氏 2022-7-21 08:00

其實小弟一直有個小問題 ... 睇春秋史 ,
成日都話秦國好難先出到崤山通道 , 咁講法小弟就好好奇勒 ,
歷史多咁多關中政權 , 好似前秦  北周 ,
點解又唔會比前燕  北齊輕鬆拿掐呢??? ^.^"

瑯琊王氏 2022-7-21 13:10

其實小弟呢個POST , 主要會講晉齊楚幾大強國既地理優勢 ,
不過因為秦國既地理優勢 , 實在太似宗周(或者係伐商前既周國)
所以唔會再出文講 ...

另外 , 正正因為秦國同伐商前既周國咁似 , 小弟又開始好奇 ,
周國當年又係點突破崤山既呢???
會唔會係 , 崤山通道要保守得好 , 其實要點係係山西???

arsenal2046

*** 作者被禁止或刪除 內容自動屏蔽 ***

瑯琊王氏 2022-7-21 22:56

[quote]原帖由 [i]arsenal2046[/i] 於 2022-7-21 16:21 發表 [url=https://www.discuss.com.hk/redirect.php?goto=findpost&pid=550490034&ptid=30675878][img]https://www.discuss.com.hk/images/common/back.gif[/img][/url]

殷商有太多人背叛討王去了投靠有周
所以殷商對周人的軍事行動沒有攔截 [/quote]
a兄,小弟係fb睇到有人話,前秦、北周好似秦國咁難出崤山,係因為秦朝係基建狂魔,
馳道四通八達,唔會再有崤山係唯一通道之說,咁理解岩口岩?

瑯琊王氏 2022-7-22 08:08

又係春秋首霸主  又與秦國並稱 "東西二帝" ... 齊國位置到底強在那???

[img]https://upload.cc/i1/2022/07/17/3rFqwz.jpg[/img]

現代中國稱山東係 "齊魯文化" , 但其實齊同魯 , 係有頗大既地理相隔
呢個就係泰山 ... 佢甚至係廣大關東平原中 , 最大既山脈

而魯國就係封係泰山既西南側 , 齊國就係封係泰山既東北側 ,
頗為接近渤海沿岸 ... 兩國為泰山相隔 , 兩國都背靠泰山  向外發展 ,
因為泰山唔算太大 , 兩國競爭最終不能避免 ...

其中泰山東南面 , 與山東半島東南沿海之間 , 又有一條較小既山脈 ,
與泰山又唔算太近 , 以至僅僅成為崤山通道一樣既要道 ,
反而成為左一個河谷 ... 而係呢個河谷 , 就由東夷人建立左莒國 ...
無錯 , 莒國既原址就係日後樂毅伐齊 ,
齊國僅僅剩下兩城--莒  即墨中既莒 , 呢個河谷 , 就係由西南方向進攻
既唯一一條通道

齊國既地理優勢 , 就係在於 , 只係將呢個河谷守好 ,
自己就可以放心 , 向東面既山東半島擴張 ... 對自己唯一既威脅就只有
來自西北一個方向 ...
而且西北既對手又有黃河相隔 , 不過提一提 , 其實當時果度仲未係黃河
當時黃河未改道 , 仲係由今日既濟水入海 ...

事實上 , 黃河同濟水間既河濟平原 , 亦係齊國統一山東半島後 ,
自然既發展方向 ... 齊國另外兩個發展方向 ,
就係多次打敗魯國  讓魯國徹底臣服後 , 向中原發展 ; 又或者穿過河谷
向黃淮平原發展 ... 不過 , 中原之地就係各國競爭既中心 ;
而向黃淮平原發展既話 , 又一定會同楚國發生衝突

相反 , 魯國除左可以背靠泰山之外 , 其他三面都要面對敵人 , 地理上
就同之前講過既鄭國  衛國  宋國差唔多

[url=https://www.youtube.com/watch?v=oKaQ84Uq3lI]https://www.youtube.com/watch?v=oKaQ84Uq3lI[/url]

瑯琊王氏 2022-7-22 13:22

其實從#9去睇 , 齊國至少都吞左1/3個關東大平原 ,
以前齋睇地圖 , 其實唔明齊國有咩咁勁 ...
E+了解地形 , 先知道齊國領土利用率咁高 !!!

最大劣勢係三面邊界都係平地 , 防守要花費多一 D

arsenal2046

*** 作者被禁止或刪除 內容自動屏蔽 ***

瑯琊王氏 2022-7-22 20:20

[quote]原帖由 [i]arsenal2046[/i] 於 2022-7-22 15:08 發表 [url=https://www.discuss.com.hk/redirect.php?goto=findpost&pid=550517971&ptid=30675878][img]https://www.discuss.com.hk/images/common/back.gif[/img][/url]

東周甚至戰國早期的秦國並不強大,
相信還沒有能力當基建狂魔 [/quote]
我意思係秦代基建之後,無論十六國時既前秦、南北朝時既北周,唔會再只得崤山,
一條路出關東

arsenal2046

*** 作者被禁止或刪除 內容自動屏蔽 ***

鬼神辟易

*** 作者被禁止或刪除 內容自動屏蔽 ***

瑯琊王氏 2022-7-23 13:01

[quote]原帖由 [i]arsenal2046[/i] 於 2022-7-22 22:14 發表 [url=https://www.discuss.com.hk/redirect.php?goto=findpost&pid=550528868&ptid=30675878][img]https://www.discuss.com.hk/images/common/back.gif[/img][/url]

漢末因為黃河改道,露出新的土地,讓曹操找到新的路線入關,崤山天險自此被廢功了 [/quote]
係呢。。。之前見過一個講法,話山西有皇氣,好似唐高祖李淵就係太原起兵,
仲有五代既三代一國,仲有十六國前後都出現過劉琨、張平、西燕幾大山西割據政權,
可唔可以話,如果北方係分裂情況下,係山西割據仲好過係關中,話晒關中天險已失麻

arsenal2046

*** 作者被禁止或刪除 內容自動屏蔽 ***

瑯琊王氏 2022-7-23 21:57

小弟突然明白,點解十六國時,北方諸國個都速生滅,但五代時南方諸國就高度穩定拉!


因為中國南方基本全係丘陵,中間夾雜到平原既話,周圍基本都係山地。。。
對於小政權割據、保境安民好有利;但北方就唔同勒,關東係超級大平原,
雖然都有關中、山西兩個易守難攻既地區,但結果往往一係,等關東混戰後出現霸主,
以絕對實力吞埋關中、山西,一係兩個既是但一方,趁關東仲混戰緊,就以地利為後盾,
對關東諸勢力逐個擊破!

瑯琊王氏 2022-7-24 08:09

由春秋到戰國 , 從來未跌出前三強既楚國 ... 地理上到底有多強???


[img]https://upload.cc/i1/2022/07/19/z5RPTA.jpg[/img]


楚國初封及核心地帶 , 都係係江漢平原 , 即係三國迷口中既荊州地區 ,
事實上 , 係江漢平原既楚國 , 以及係江東太湖平原既吳國 ,
係西周時無法有大表現 , 係因為長江流域都係粘土 ,
係金屬廣泛運用前頗難開墾既


但到左東周 , 金屬就變得廣泛 , 兩國亦先後崛起 ...
當中吳國係長江以南 , 南面又係群山 , 有基本既地理優勢 ; 但楚國呢
江漢平原大半係長江以北 ...
但佢北面又係作為秦嶺支脈既伏牛山  大別山等環繞 ,
係呢個基礎下楚國係江漢平原 , 就如同吳國係太湖平原既擴張一樣 ,
又安全  又放心咁吞併其他諸國 / 夷狄 !!!


而楚國比吳國更好既 , 係北面雖然有山脈阻隔 ,
但係不遠既地方又有一個南陽盆地 ... 而且江漢平原同南陽盆地之間 ,
仲有幾條算幾好走既道路 , 所以係楚國統一完江漢平原後 ,
南陽盆地就自然成為下一個目標 ...
南陽盆地雖然比江漢平原較細 , 大概只有江漢平原體量既1/3 ,
但佢同江漢平原一樣 , 楚國可以無對手咁放肆擴張 !!!


其實周王室為左防範楚國坐大 , 都係南陽盆地封左 "漢陽諸姬" 既封國
問題係 , 南陽盆地本來體量就比較細 ,
"漢陽諸姬" 又互相分散 , 無統合成為一個中型大國 ,
咁楚國方面梗係可以慢慢消化拉


楚國同吳國既另一個共同優勢 , 係周王室完全無分封既江淮平原 ,
甚至係東部都無咩分封既黃淮平原 ...
所以江漢平原  太湖平原除左有長江  山脈既天險 , 就算連天險既對面
亦都無諸侯國威脅到佢地 , 而江淮平原  黃淮平原之上 ,
就只有淮夷  徐夷等夷人 ...


但基於同一原因 , 楚國  吳國分別完成佢地係自己地界既擴張後 ,
也必然將擴張既目光 , 投注於江淮平原之上 ,
呢個係 , 吳楚戰爭既必然性原因 ... 順帶一提 , 越國起家既寧波平原
其實只係一條非常狹小既沿海平原 ,
體量只有太湖平原1/10左右 , 所以越國取代吳國 , 倒係有好大偶然性
越國之後可以強大 , 依仗既其實都係吳國既遺產 !!!


[url]https://www.youtube.com/watch?v=vb6iCDeRr4M&t=148s[/url]
[url]https://www.youtube.com/watch?v=e_PuVaC17QM[/url]

瑯琊王氏 2022-7-24 13:20

[quote]原帖由 [i]arsenal2046[/i] 於 2022-7-23 16:55 發表 [url=https://www.discuss.com.hk/redirect.php?goto=findpost&pid=550548021&ptid=30675878][img]https://www.discuss.com.hk/images/common/back.gif[/img][/url]

山西有煤有礦有鹽,接近產馬地,而且易守難攻,只是耕地太小了,但作為割據地盤真的很好 [/quote]
小弟突然唸到,以山西割據,會有一個重大地理劣勢。。。就係好易比關中、關東夾擊


相反,關中就只需要睇一面。。。不過,關東大平原係內部統一之前,應該都唔會打你先
就睇你係佢打你前,夠唔夠能力掃清佢地;又或者好似李淵咁,直接吞左關中先。。。

瑯琊王氏 2022-7-24 18:34

一直有一個講法,北方打南方,最好係經荊楚地區打,尤其係要打襄陽。。。
但我其實唔係好明


因為係地圖睇,係東面南下、吞左黃淮平原後,渡江打埋太湖平原,唔係成個南朝
都崩潰拉咩?由孫吳到南陳既六朝,乃至南宋,中國所有偏安南方既政權,
首都都係蘇浙,先取蘇浙唔係更好咩?定係考慮埋之後,水師好難逆流而上打荊楚?
但如果蘇浙都吞左,單獨但支援荊楚,唔通會更會更難打咩?

瑯琊王氏 2022-7-25 08:02

唸唸下,自從有其社會、文化因素影響既春秋戰國,以及外速生速滅既十六國外,
如果北方本身都有分裂既話,主要有兩種形式:
1,關中vs關東,例子有前秦、前燕,北周、北齊
2,河東vs其他,例子有後梁、李克用,後周、北漢。。。
可見山西都真係幾好守

瑯琊王氏 2022-7-25 13:09

小弟突然係唸 , 既然視頻主講到齊楚位置咁好 ,
咁後世有無政權復返佢地既割據策略???

齊國既話 , 大至好似佢咁割據既有段齊  南燕 ,
但都係只可以短期割據 , 好快就比人吞左 ...

而好奇怪 , 後世南方統一政權 ,
都係建康  杭州建都 ... 唯一坐鎮荊楚既梁元帝 ,
都好快比北周KO , 點解戰國時地緣優勢 ,
係世都唔好駛???

arsenal2046

*** 作者被禁止或刪除 內容自動屏蔽 ***
頁: [1]
查看完整版本: 同你分析 , 春秋三強既地理優勢 : #1 晉國 #9 齊國 #18 楚國