franky1321 2022-7-25 09:59
今日同大家分享一位何伯楂夜間的士靈異故事。
何伯今年61歲，這個故事發生何伯工作行業有關，大家都估的士佬鬼故，來來去去都是車個客去墳場跟住收到陰司紙，又或者是車個客去到目的地，跟住擰轉頭望望後面吾見左個客，好啦……故事開始。
何伯最近幾年才轉行揸夜間的士，何伯有一個習慣是深夜3點前揸部的士返屋企留下路邊泊好部的士，然後收工返上屋企瞓覺。
去年8月份，何伯揸住部的士收工去到屋企留下見到又白車又警車，何伯八撚掛慢車睇吓發生乜事，原來是空中飛人（何伯嘆氣一聲，又多一個後生仔跳樓，唉……）
何伯自言自語返到屋企，何太畀何伯嘈醒咗，何太問佢做乜叉野呀自言自語up乜春呀？何伯話見到有個後生仔跳樓，何太就話咪諗咁多啦早d去瞓。
到了第二晚，何伯同樣3點左右收工揸部的士返屋企，何伯去到地下大堂等lift上樓，lift到何伯行入去按關門一刻，有個後生仔衝入來，何伯見到後生仔面青青，多口問佢咁夜返屋企，你屋企人會好擔心，後生仔只會垂下頭沒有回答何伯，這個畫面連續幾晚發生。
過了幾日，大堂保安員見到何太就同佢講，你老公何伯最近好古怪，你老公哩幾晚入咗lift之後，我望住閉路電視見到何伯對住空氣講野，何太聽到半信半疑，保安員仲問你老公是不是最近精神壓力大又或者你有冇留意佢吾妥呀？保安員同何太講如果你不相信，你屋企部電視機有接通lift閉路電視，你知道何伯幾點回家，你可以開著電視睇吓你老公係吾係對住空氣講野，何太聽完保安員咁講，內心好擔心老公撞邪。
到了夜晚，差不多老公回家時間，何太開著電視機按入lift閉路電影畫面，等到何伯入lift，奇怪的有一個後生仔跟住入lift，何太知道後生仔不是人是鬼的，因為何太有陰陽眼，於是何太即刻拎部電話開著錄影對住電視畫面拍攝，跟住何太衝出門口跑到lift口等老公，lift門打開見到老公，何太即時叫老公行過來不要出聲，何太問後生仔靈體點解跟住我老公，何太對住後生仔靈體問了很多問題，鬼是不能説話，何太憑後生仔表情而得知答案是或不是，何太約定後生仔指定時間在屋企附近路邊燒野畀佢。
到了第二晚，何伯何太企在路邊等後生仔靈體出現，等咗一陣間後生仔靈體出現佢哋眼前，何太一邊燒野一邊對住後生仔講咗好多説話，跟著後生仔靈體在何太眼前一舜間消失，何伯何太返到屋企，何太就拎部電話出來播番之前老公係部lift入面對住空氣講野畫面出來。 完結。
原文出處~靈異人生group [url]https://www.facebook.com/groups/828823794749653/permalink/832719044360128/[/url]
iamthe1ulook4 2022-7-27 17:15
不錯，老作嗎？