曲明 2022-8-11 20:34
某年七月十四，廿歲仔左右，玩到晚上十一點幾回家，家住公屋一座九樓，一個人住，已不記得為何沒有搭一座電梯，可能因順路，或一座電梯壞了，總之就去了搭二座電梯，搭電梯上九樓，再由二座行去一座，好多時都係咁。個人由細到大都冇咩撞過呢味嘢，七月出夜街都冇諗過冇驚過冇Hi過，但呢次就有D唔同，入二座電梯時已驚驚地，一個人搭，上到九樓 (公屋D電梯係地下直上九樓，中間唔會有樓層停的)，一開電梯門，未行出第一步，就見到一個汽球飄過 (唔記得咩色，一定唔係黑/白色，好大可能係黃色)，好記得由右邊慢慢飄去左邊，高度不在天花，不在地下，剛好在我個頭高度咁上下，當年小朋友要買氫氣球係好貴，好似幾蚊一個， 咁好玩嘅嘢，唔似會有小朋友咁浪費漏係大堂，我見到咁情景，都已知大機會係果味嘢，仲細細聲講咗句：乜咁猛呀！而我就冇打算逃避，大膽走出𨋢門，但好不幸出電梯要轉左才可行去一座，即係要跟住汽球方向，由二座大堂行去一座大堂，要經過一條長走廊，廿米左右，我臨入走廊前，眼尾睇到汽球停在電梯大堂靠牆後不再飄，我沒有跑，慢慢行，因阿媽教見到咩都好，盡量唔好同佢有任何眼神接觸，當冇事發生，當佢係無惡意嘅街坊嚟就OK (我估應該係小朋友嚟)，慢慢經走廊行到去到一座電梯大堂，我才敢回頭望一望，確定汽球有沒有跟來，我才鬆口氣！真人真事，可能好碎料，但我印象好深刻，意識到係果味嘢多！
HeiHeiClara 2022-8-11 22:28
[quote]原帖由 [i]曲明[/i] 於 2022-8-11 20:34 發表 [url=https://www.discuss.com.hk/redirect.php?goto=findpost&pid=551132223&ptid=30713940][img]https://www.discuss.com.hk/images/common/back.gif[/img][/url]
某年七月十四，廿歲仔左右，玩到晚上十一點幾回家，家住公屋一座九樓，一個人住，已不記得為何沒有搭一座電梯，可能因順路，或一座電梯壞了，總之就去了搭二座電梯，搭電梯上九樓，再由二座行去一座，好多時都係咁。個人由細到大都冇咩撞過呢味嘢，七月出夜街都冇諗過冇驚過冇Hi過，但呢次就有D唔同，入二座電梯時已驚驚地，一個人搭，上到九樓 (公屋D電梯係地下直上九樓，中間唔會有樓層停的)，一開電梯門，未行出第一步， ... [/quote]
處變不驚！