查看完整版本 : 一場包含齊秦吳越既大外交 ... 晉楚大搏奕 !!!

瑯琊王氏 2022-8-12 08:00

"秦晉之好" 好出名 , 並成為現代兩家結親既代名詞 ,
但其秦晉之間 , 唔好既時間遠比好既多 ...
原因好簡單 , 秦國要東出中原 , 就要突破晉國既崤山通道

所以實際上 , 秦國反而同楚好既時間係最多 ,
秦國王后都多數出自楚國 , 甚至有人認為己經係定制 ...

事實上 , 自邲之戰晉國大敗之後 , 楚國己經成為新霸主 ,
二三流國家中 , 只有距離楚國較遠既衛  魯兩國 ,
仲跟隨晉國 ... 如鄭  宋  陳  蔡等國 ,
都己經係楚國既人 , 秦國更加同楚國結成同盟 ,
連齊國都靜觀其變 , 務求重振其 "春秋第一霸" 既霸業 ...

呢個時候 , 晉國最大既優勢反而係 , 周室並唔承認楚國 ,
而晉國亦開始重振計劃 ...
首先 , 係徹底消滅最後既山西內部戎狄--長治盤地既赤狄
之後再搞一次弭兵之盟 , 唔係咁快想搞事 ,
而是想立確各國傾向 ...
之後就發動左鞍之戰 , 成功迫使齊國重新進入自己陣營 ,
至此 , 晉國先開始取回同楚國相同既實力 !!!

後來 , 晉國又大力扶助東南邊既吳國 , 以牽制楚國 ...
事實上同秦楚同盟一樣 , 一樣互相牽住晉國 ;
吳國封於太湖平原 , 必然會向江淮平原擴張 , 同楚國衝突
都係必然既事 ...

最後 , 因為宋國做調和 , 晉楚兩國握手言和 ,
結果反而係 , 晉國係無需顧及楚國下 , 對秦國壓力大增 ,
相反 , 楚國因應付吳國己經無力北顧 ...
結果 , 晉國就狠狠教訓左呢個成日通佢後眼既秦國 ,
秦楚同盟亦告結束

而楚國為左應對吳國既威脅 , 一樣係吳國背後扶立左越國

[url]https://www.youtube.com/watch?v=ohgNWroG1jk&t=37s[/url]

瑯琊王氏 2022-8-12 13:10

題外話 ... 幾年前睇古裝劇 , 見有人想模仿西方貴族愛戀
(你就當有人想拍中國版<權力的遊戲>吧 ^.^")

結果因為中國史以大一統為主軸 , 所以編劇左右又唸 ,
就寫左五代十國 ... 但按找理解 , 同西式封建唯一相似既
其實只有春秋戰國時代 , 唯有呢個時期 ,
先有咁高數量和質量(影響力)奾聯姻 ...
之後既三國  五胡  五代 , 都完全唔係呢回事 ^.^"

瑯琊王氏 2022-8-12 18:20

其實 , 係整個春秋後期 , 齊國同秦國算係僅僅兩個
有實力 "中立" 既國家 ...
秦國雖然同楚國結盟 , 但係純政治考慮 , 唔係迫於力量
而齊國雖然幾次反抗 , 都被迫服於晉國 ,
但呢種迫服有幾大意義???
唔通晉楚再次對峙既話 , 齊國會全心支持晉國咩???
其實更多只係晉國表明自己霸主地位既做法 ...

有時覺得齊國同秦國其實都幾似 , 除左春秋最後3/40年 ,
突然爆起既吳越兩國之外 , 齊國一直最有力 ,
挑戰晉楚霸權既國家 ... 同秦國一樣 ,
佢既實力一直都係為晉魏兩國所禁固 ... 我甚至覺得 ,
唔係齊國大權己經掌握係田氏之手 , 齊國可能己經成功 ,
始終對田氏而言 , 安排 "田氏篡齊" 比霸權更重要 !!!

咁當然 , 前題係晉國一樣因為三家 , 正為分晉作準傋拉

瑯琊王氏 2022-8-13 08:00

小弟岩岩又聽到一個講法 ...

其實如果晉楚係一直對峙 , 咁迫於對方既威脅 , 反而晉室自己會保持一定既強大
尤其係對楚戰爭 , 無論輸贏其實都會打破卿大夫之間既平衡 ,
咁就唔會有六卿=六大家族既情況 , 更唔會之後既三家分晉 ... 但岩岩相反 ,
過於穩定既晉楚局勢 , 令本來一直變化既國內六卿 ,
得到高度穩定既發展 , 所以係 "六卿" 固化成范  中行  智  趙  魏  韓六家 ,
大家族上升下降 , 往往都係以宮庭陰謀/政變形式出現 ...

但到左 "六卿" 固化之後 , 無論范  中行發起既既滅趙 , 定係最後既三家分智 ,
己經轉化為徹徹底底既晉國內戰拉 ... ^.^"

瑯琊王氏 2022-8-13 13:13

小弟突然係度唸 , 晉有六卿  鄭有七穆  魯有三桓  齊有鮑國慶田 ,
會唔會其實秦國早期 , 都一樣有類似既問題 ,
只係商鞅變法之後KO晒大族???

反而係楚國既大族 , 無出現過呢種烈度既問題 ...

瑯琊王氏 2022-8-13 18:31

... 這個題目好似唔太多人有興趣 ^.^"

不過都補充返 , 影片既內容講到國際情勢一面倒傾向楚國下 ,
晉國點逆轉情勢 ... 但按我理解 , 晉國其實由始至終 ,
都未重獲返對楚國有咩優勢

最多只係後來 , 係晉國大佈局下 , 新崛起既吳國KO左楚國 ,
但事實係 , 吳國跟手就北上爭霸 , 仲係晉國手上搶埋霸主地位
^.^"

瑯琊王氏 2022-8-14 08:09

嗯 ... 睇來各位真係對呢個話題興趣缺缺 ^.^"

唔緊要拉 , 不過小弟會繼續寫 ...
對於春秋時期 , 小弟應該會寫多兩篇完 , 一篇寫吳越爭霸 ,
一篇寫由桓公死後 , 去田氏篡齊既齊國 ^.^
頁: [1]
查看完整版本: 一場包含齊秦吳越既大外交 ... 晉楚大搏奕 !!!