查看完整版本 : 個人靈異經歷(有少少佛教野)

先交代一些個人背景資料：
半泰混血70後中佬一名，佛門弟子，先是學習顯宗，師傅往生後因緣際會下跟了一位尼泊爾僧人修藏密。
細個好中意去佛廟貢僧。已婚有1子，讀書多數考包尾，性格懶散，不會放過任何偷懶的機會，但算是正直:smile_34:(隨了咸濕1點，間中睇下AV:smile_47:), 成日出街睇靚女:lol，中三畢業後做了十年廚房，2004年IT 不景氣，當時轉職IT

我同個仔都有敏感體質有時見到靈體，佛像旁邊的護法都見過1次，我見果位護法個樣好威武，印象深刻的是他的眼晴比我們普通人長一倍。阿仔細個果陣可以和土地和神像溝通，後來比暢懷法師封了天眼(即我第1位師傅)。我個人覺得凡人妄用神通是會消耗很多魂力(我指的是真身的能量，又可以話本體能量)，本體能量唔夠會引致身體機能退化稱之為病，凡夫雜念太多所以多病，由其香港人。

廿幾年前老豆起屋企了結生命，13年前阿仔出世，識講野之後佢成日對住空氣叫爺爺(比相佢睇，佢指得出邊個係阿爺)，而我老豆就開始不停報夢比我，話我知佢好辛苦。:smile_24:
阿仔細個果陣成日病有次差唔多死，8個月大時高燒41.6度持續4日不退，醫院查唔出原因說要抽脊髓化驗但被我拒絕，之後醫院要我簽紙負責，我簽了之後lee 埋在厠所哭哭:'):')(這是我後來學中醫的原因)。
因為已到了醫無可醫的地步了，我唯有求神拜佛，經人介紹去左元朗一間紙札鋪，同老闆講了我個仔高燒不退和老豆報夢的事，老闆去左佢鋪內個神壇品神，之後我就跟老闆的指示去左派水飯燒街E, 燒完街E阿仔唔洗一個鐘即退燒，過多30分鐘醫生就話驗到是咩病菌引致腎臟發炎(吹L 脹)，之後長期食抗生素。經此一疫我開始研究科學解釋唔到的東西來解救我老豆，和停止阿仔西醫的治療，我替他醫。

剛開始學法科知識和搵人救我老豆時，我不停搵師傅和不停地比錢(好貴)，做了很多法事老豆仲keep住好慘地報夢。最後一次去搵某師傅，我對空氣說：老豆，我明天搵阿贊X幫你。之後果晚我同老婆發了同一個惡夢，夢中在那個本打算去的佛堂比人追斬，兩個一齊半夜嚇到彈起，我見我老婆突然好驚咁起左身，
我問：你係咪發夢比人追斬呀，
我老婆答：係呀。你點知架？
我答：你起阿贊的佛堂比人追斬ma
我老婆答：你點解又知既？
我答：因為我頭先同你一齊比人追斬囉。

唉！心諗又要另找高人了，個心好灰。:fst_004::fst_005:

[[i] 本帖最後由 hh002 於 2022-8-14 19:19 編輯 [/i]]

謝謝分享

支持⋯有下文嗎？

謝謝分享
期待樓主更新

中三畢業做it:smile_30:

因為阿仔出世開始就病多，之前又要不停fall水比"師苦"，自己又開始周身病痛，我心諗我都已經咁慘，點解你地就冇一點測忍心，可憐下我幫下我呢T_T 幫唔到手都唔好呃我啦 (淚在心裡流)。當時戶口連1千蚊積蓄都冇，所以只能在討論區問人，有位香討的ching回覆可以自己在家讀地藏經回向，讀7次就得。因為已經山窮水盡，牙痛都要問朋友借錢睇醫生，所以唯有試試免費的方法。
首先去佛具店請尊地藏菩薩，當時身上得幾百蚊，又要買香買生果買燈，個心都好忑忐。我行入鋪頭一陣，老闆問我想搵咩，我話想請尊地藏返屋企，佢就上閣樓拎左幅地藏菩薩畫像出來比我，我問佢幾錢，佢答唔洗錢@_@" 我即時O晒嘴，心諗乜香港仲會有好心人架咩，佢係咪搵其他野呃9我？定話人窮真係有樣睇呢？在我胡思亂想既時候老闆同我講：唔洗開光架喇，十方諸佛，千處祈求千處應。因為真心冇錢，所以我講句多謝9秒9拎埋幅畫就走出鋪頭了。
當晚讀了地藏經和念地藏聖號，果晚發夢去左一個星球，果度黃沙萬里，周圍好多兩層高既平房，只有男人，服飾好似阿拉伯人咁個個包住個頭，抬頭望天，居然可以望到隔離既星球，你可以想像下近距離望月球既感覺。再滑行去海邊睇下(不是行路)，好靚，我生平未見過咁靚既寶藍色，再返去村莊，周圍充滿祥瑞，我唔想離開，所以努力回憶，突然有個好好好慈祥的男人問我：你返來喇？？跟住其他人都一齊圍上來睇我，我知道我是認識佢地，但我同個男人講左一句野就醒了。跟住耳邊傳來好響亮既雀仔唱歌聲好好聽，可以用美妙呢兩個字來形容，我起身望一望鬧鐘，當時是淩晨4點，我老婆比我嘈醒左，我問佢呢D 係咩雀仔聲，跟住佢答我邊有聲呀，我話有冇搞錯呀，咁大聲你都聽唔到，佢話真係冇wow,  於是我知道原來只有我一個聽到，雀仔唱歌聲持續左幾分鐘之後我就再冇聽過了。往後念多十幾次地藏經，我老豆笑住來搵我報夢。

[quote]原帖由 [i]三妻四妾[/i] 於 2022-8-15 01:45 發表 [url=https://www.discuss.com.hk/redirect.php?goto=findpost&pid=551224063&ptid=30719117][img]https://www.discuss.com.hk/images/common/back.gif[/img][/url]
中三畢業做it:smile_30: [/quote]
起初入Microware,  出街送零件裝機之ma,  6300 一個月
做左差唔多18年，而家over 40K 了

[quote]原帖由 [i]hh002[/i] 於 2022-8-15 09:58 發表 [url=https://www.discuss.com.hk/redirect.php?goto=findpost&pid=551228797&ptid=30719117][img]https://www.discuss.com.hk/images/common/back.gif[/img][/url]

起初入Microware,  出街送零件裝機之ma,  6300 一個月
做左差唔多18年，而家over 40K 了 [/quote]
:smile_o12:樓主苦盡甘來

[quote]原帖由 [i]never@say[/i] 於 2022-8-15 00:00 發表 [url=https://www.discuss.com.hk/redirect.php?goto=findpost&pid=551221787&ptid=30719117][img]https://www.discuss.com.hk/images/common/back.gif[/img][/url]
支持⋯有下文嗎？ [/quote]
出左下文了。

大概2012年我在天台精舍受3皈5戒，皈依第一位師傅是釋暢懷法師(上一任住持)，師傅年紀比教大，當時八十幾歲了。有一次我地短期出家的宿舍鬧鬼，據好多參加者所講，佢地見到飛頭。師傅知道後佢老人家就打算去睇下咩事，但行到半路佢突然叫人返去精舍拎佢大殿果張櫈上山，之後在美孚的某一個山頭坐低對住空氣開示，從此宿舍就再冇鬧鬼了。

我皈依之後會成日去佛教青年會或天台精舍讀經拜杉參加法會聽法師開示等等，就是一般善信的活動，後來參加了天台精舍的禪修班，之後成日自己一個lee 埋在大殿的角落打坐和跟隨一位火神派的醫師學習中醫(每6星期來香港1次)，這火神派大有來頭，這醫師本身都唔簡單，佢可以3星期唔食野就在廟裡打坐，間中出來幫人睇病。

其實打坐的時候好容易會見到星空間不同的種族的生命體，有D全身有光既，有D 著住白袍帶太陽眼鏡兩個人手挽手飄下飄下，因為佢地對眼接觸到陽光會有問題，所以一定要帶"超",  所謂靈體有好多是震動頻率高的生命體，很多來自其他星系的，地球的靈體精魅妖魔是飛不出"天幕"不能入地，只可穿牆過壁。出過體的人都知道。(注意：因我道行尚淺，我同而家的師傅講呢D佢即刻笑，佢笑我咁渣都好意思周圍同人講呢D啦。)所以純分享，各位別太認真。

回正題，有次醫師贊我對黃帝內經理解得很深，師傅(暢懷法師)說我悟性高，有次我又lee 埋左去殿內的角落打坐，我起坐之後佢老人家贊我功夫好之後教了我入靜之後的觀想方法(但我不知功夫好在那裡)，過冇幾耐大概2018年突然起其他師兄弟面前叫我去學密法，有弟子問他為什麼不親自教我但師傅沒有回答，再之後他就去了療養院直至2019年6月往生。師傅走後我去了學拳術劍術，不想再談佛法了，覺得有D煩。當時心諗佛法談的是出世間法，但我們身處的世界是相對的，不知入世何談出世(現在的想法是：佛法是入世出世法)? 而且新任住持比較學者風格，我個人覺得佛法不是一種理論或思想或學問，佛陀所說的是一種親證真如自性(或說本體，英文叫being) 的方法，如果將佛陀的說教當做一門學問來用思想研究那就永遠不可能開悟成道，因為所謂開悟就是超越思想，把佛法用思想心智來理解不就是緣木求魚嗎？思想心智不可能理解思想之外的東西，正如地球人不可能用生活在地球的經驗來思考推理宇宙一樣，科學家把所有能量用在思考，太有腦太用腦的人根本不可能生智慧，因為他的心智頭腦已經綁架了本體的真如智慧，眾生唯有在禪定中或生命受威脅時才能夠把思想暫時停止，短暫讓本體來接管這身體，所以禪定能夠開智慧。

可能新任住持想用學術來包裝佛法，讓佛法不會讓人覺得是迷信的東西，所以有1次我見到山精起座山慢慢飛過來，我望住佢(一堆野)慢慢化形變左我老婆個樣，我都費時出聲，因為佢話佛門弟子成日講神講鬼，人地會話佛弟子是傻的。因為同新住持不太岩嘴形，跟隨他的弟子不是法官律師醫生，就是些有地位的人，我本身很市井氣，同我講日本動漫AV女優:lol，online game 之類我是OK 的，學術投資軍政我識條鐵咩，我老婆和我D同事話我個樣兇神惡煞一D 都唔似IT人，話我是佛弟子真係可能有辱佛門，同佢地一齊顯得格格不入，果刻我不想再回精舍了(果天又灰了:fst_004:)。但我也很多謝新住持過往多年的指導和鼓勵，畢竟緣盡了。以上是我修行顯宗的一些往事。

到了2020年，唔記得幾時開始，成日見到有隻成個頭咁大既蜘蛛類或者是網狀物體，在我眉心對出1尺浮下浮下，之後飛返入我眉心，有時會發光。DLLM, 嚇9死我了，到底是否太耐冇卜野精蟲上腦呀(我發覺卜野係會消耗很多元氣的，卜完功力下降周身唔舒服所以忍得就忍，對手如果是AV女優可考慮一下破戒:smile_47:)。
下集是我跟一位尼泊爾高班寺的藏密法師結緣，隨後跟他修學直到現在。
謝謝收看。

[[i] 本帖最後由 hh002 於 2022-8-15 20:26 編輯 [/i]]

命由心轉，福至善來！

[quote]原帖由 [i]hh002[/i] 於 2022-8-15 15:38 發表 [url=https://www.discuss.com.hk/redirect.php?goto=findpost&pid=551237147&ptid=30719117][img]https://www.discuss.com.hk/images/common/back.gif[/img][/url]
大概2012年我在天台精舍受3皈5戒，皈依第一位師傅是釋暢懷法師(上一任住持)，師傅年紀比教大，當時八十幾歲了。有一次我地短期出家的宿舍鬧鬼，據好多參加者所講，佢地見到飛頭。師傅知道後佢老人家就打算去睇下咩事，但行到半路佢突然叫人返去精舍拎佢大殿果張櫈上山，之後在美孚的某一個山頭坐低對住空氣開示，從此宿舍就再冇鬧鬼了。


我皈依之後會成日去佛教青年會或天台精舍讀經拜杉參加法會聽法師開示等等 ... [/quote]
好睇，謝謝分享

謝謝分享:smile_o12::smile_o12:

支持

多謝分享

期待:smile_o12:

[quote]原帖由 [i]never@say[/i] 於 2022-8-15 23:56 發表 [url=https://www.discuss.com.hk/redirect.php?goto=findpost&pid=551249858&ptid=30719117][img]https://www.discuss.com.hk/images/common/back.gif[/img][/url]
期待:smile_o12: [/quote]
下集應該係先講 "小魔身現".  不過諗梗點寫。

今集標題叫 "小魔身現"。


因為如果唔先講我魔身現相的事，就唔會跟到而家呢位來自高班寺的出家人修行了。


浩翰宇宙，無限星空。點會只得地球有生命體呢。肉眼睇唔到其他域界的生命是因為頻率問題，比如風扇葉轉得快果陣，你都唔會見到風扇塊葉啦。大家可以去問問一D真修茅山六壬法科的人(不是下下講錢性交轉運果D)有冇見過龍。因為內容係有D靈異科幻(我會輕手D寫)，所以先此聲明一下，我寫的是真人真事，這"大蜘蛛"的事我年幾之前已經whatsapp問過鬼板的板友"我是殺破狼"，不是臨時作故仔的，有興趣fact check的可以pm問佢。言歸正傳。


想起當日在佛像面前的誓言：我"XX"願生生世世護持正法。
看到地藏菩薩的發願：
眾生度盡，方證菩提，
地獄未空，誓不成佛。
眾生何止億萬，明知不可為而為之，這份氣概，我係從心裡面佩服，值得我捨命相隨。
但眾生真的能度盡嗎？眾生顛倒以假為真(將個思想心智當係自己)，絕大部份的人已經迷失本性了，滅丟不就完了嗎？


其實果陣我已入魔了，隻蜘蛛就是證明(之後藏密師傅講的)。所以入世修行係好艱難既事。祖師爺啊！佛弟子在俗世行走，同人講經說佛法，但多數人當我是on9仔。眾生真的能渡化嗎？我每次同人講完佛法都悲從中來。唉！其他弟子切勿似我。


又回正題。你諗下夜媽媽訓訓下睜開眼見到咁L大隻蜘蛛起你眉心對開浮下浮下你會點，有時仲有LED 燈效果tim，我試過十幾次拎張被9秒9包住佢，跟手即刻開燈去檢查，次次都係冇野，之後慢慢意識到它不是實體，終於有1次我鼓起勇氣望住果隻類似的東西，先發現佢原來返入我眉心。


DLLMCFH, 我打從心底diu左出黎，點解我身上咁多呢D奇L怪事架，其實我係咪患左思覺失調自己唔知呀diu。但睇醫生要錢囉，專科仲要好L貴，內心一連串問題。唉，我覺得天台新任住持多數會叫我有病就及早求醫，唔好成日講神講鬼。
無奈之下我搵左一位脾氣唔係咁好既舊同事，佢起道門修法術負責修妖既(個壇起荃灣)，佢可以從上界借法，例如望一望你可以知道頭先去左邊度食飯咁囉。


老實講，唔到真係冇晒辦法我都唔會搵呢位老哥，佢法力係就係高強但本體意識程度麻麻地，意識程度(或說本體力量)高的人是不會脾氣暴躁的，佢脾氣暴躁果刻代表左本體意識被思想騎劫了，思想心智是一件好利害既工具(話係武器都得), 9成人都駕馭唔到呢件工具，駕馭唔到呢件工具而又對它投入力量(即被動思考),  最後呢件工具會反客為主(變左有"我"),  變成怪獸，再到最後反噬主人。有一點要注意的是：思想心智只是你本體(或說真身)的一件工具，它用來運算的，世界根本沒有"我",  這個"我"本身只是一堆妄念，當停用頭腦，"我"就滅了。人同動物最大既分別就係，人可以輕易運用呢個思考心智。
有D變左靈性教學了 =.=


因為修行人在觀念/睇法和普通人是有根本性的分別，如真身/假身，什麼是實相，什麼是虛妄，唔解釋一下可能引起混亂，而且我地修行既宗旨係想眾生覺醒，所以間中會加插d 佛教野渡化群迷(呵呵).
下集先寫我同個道兄既對話。
因為寫到有D攰了。抱歉。

謝謝分享

萬千紅塵，芸芸眾生，渡人向善，功德無量，佛法無邊！

very good sharing... expecting the next

題外話

已經好多人講左，其實靈探好危險，唔好彩遇上鬼王大妖，或我呢D人形魔身(我是講之前的狀態)。
大家記住：愛恩斯坦講左，物質=能量=震動，物質可以阻擋音聲既震動，有左物質身我連耳塞都唔洗用就破到你的"大顯靈威"或驅邪咒了，因為肉身本來就係一件盔甲，鬼魅妖邪成日要霸佔人身，佢地要霸佔或附身，就會先令你驚，心神一亂你身體周圍既能量牆就會弱，能量牆弱左會多病，多病之後能量牆更弱，咁妖魔就有機可乘喇。我地如果平時多做善事多發善念，個人happy氣脈一通，能量牆都會厚D。

所以平時D靈探師傅多數都係去欺負D遊魂餓鬼或靈界難民，有大鬼妖魔的山頭佢地唔會去架。如果係咁，你講一句DLLM都得啦。
你有你既忙碌，靈界有靈界既生活，河水不犯井水，何必搞人地呢？

如果真係咁不幸奶左dirty野，我建議大家去法會寫牌位回向就得了，例如佛青每個月都在地藏閣誦經，寫兩個牌位是免費的。
如果真係錢多我建議你捐D比我，我洗唔晒會幫你拎去做善事。

要問事求物質的可去黃大仙廟車公廟龍母廟這些大廟(福報用晒就有求不應了), 我本人就中意去拜車公，因為我好中意拜神。要解冤息結個人認為佛法最徹底。

[[i] 本帖最後由 hh002 於 2022-8-16 20:03 編輯 [/i]]

Thanks for sharing!

*** 該帖被屏蔽 ***

留名,有興趣！

[quote]原帖由 [i]hh002[/i] 於 2022-8-14 19:12 發表 [url=https://www.discuss.com.hk/redirect.php?goto=findpost&pid=551213859&ptid=30719117][img]https://www.discuss.com.hk/images/common/back.gif[/img][/url]
先交代一些個人背景資料：
半泰混血70後中佬一名，佛門弟子，先是學習顯宗，師傅往生後因緣際會下跟了一位尼泊爾僧人修藏密。
細個好中意去佛廟貢僧。已婚有1子，讀書多數考包尾，性格懶散，不會放過任何偷懶的機會，但算是正直:smile_34:(隨了咸濕1點，間中睇下AV:smile_47:), 成日出街睇靚女:lol，中三畢業後做了十年廚房，2004年IT 不景氣，當時轉職IT

我同個仔都有敏 ... [/quote]
Support 

好深奧嘅佛學
多謝分享

[quote]原帖由 [i]三妻四妾[/i] 於 2022-8-15 01:45 發表 [url=https://www.discuss.com.hk/redirect.php?goto=findpost&pid=551224063&ptid=30719117][img]https://www.discuss.com.hk/images/common/back.gif[/img][/url]
中三畢業做it:smile_30: [/quote]
哈哈我都係咁諗😂😂好衰，不過個故仔幾好睇，睇吓佢跟住點先😂😂

[quote]原帖由 [i]sowina[/i] 於 2022-8-17 02:09 發表 [url=https://www.discuss.com.hk/redirect.php?goto=findpost&pid=551278628&ptid=30719117][img]https://www.discuss.com.hk/images/common/back.gif[/img][/url]

哈哈我都係咁諗😂😂好衰，不過個故仔幾好睇，睇吓佢跟住點先😂😂 [/quote]
廿年前好普遍，而家聽落會覺得有D 吹水。
2000年果陣Microware 中三未畢業都請，不過叫你去送spare parts 之ma,  唔夠人就臨時拉夫搵你裝機，之後跑埋field。
有個隔離team 跑field 的師兄，佢讀到中五，比美林挖角，月薪1.9萬，仲要17個月糧。我之後就比一間法國公司挖角。

吸引力法則:smile_o12: