查看完整版本 : 藥到病除：風癩作祟 紅腫痕癢似蚊叮

風癩是一種常見的皮膚病，患者皮膚會出現如蚊叮的紅腫和痕癢，風癩可發生在任何年齡的人士身上。通常風癩會自行消退，但亦可能會復發。嚴重症狀則較為罕見，例如面部腫脹、呼吸困難、失去意識等，若發生此類症狀，應致電召喚救護車。

風癩的醫學名稱是蕁麻疹，大部分蕁麻疹為急性，如果發作時間超過6星期，即為慢性蕁麻疹。蕁麻疹通常源於身體對某些物質產生過敏反應，如食物（牛奶、雞蛋、堅果、小麥、甲殼類食品等）、藥物、皮屑、動物毛髮、花粉等。雖然病毒、細菌或寄生蟲感染亦可能引致蕁麻疹，但蕁麻疹並不是傳染病。

蕁麻疹通常可用抗組織胺藥物和口服類固醇治療。第一代抗組織胺一般較有效，但是某些病人會出現嗜睡的副作用，常見的例子如氯苯那敏（Chlorpheniramine）、桂利嗪（Cinnarizine）和苯海拉明（Diphenhydramine）等。相反，第二代抗組織胺嗜睡副作用較少，如氯雷他定（Loratadine）。而類固醇則限於短期使用以避免副作用（如水腫、情緒波動、體重增加、影響血壓和血糖等）。若情況嚴重，醫生可能會處方腎上腺素針劑或免疫抑制劑。

除了用藥物治療蕁麻疹，患者應嘗試找出疹誘因並避免再次接觸，同時穿着鬆身衣物，並避免搔抓皮膚、沖熱水澡和食用經發酵、含大量色素或防腐劑的食品。

香港醫院藥劑師學會

藥物教育資源中心


原文網址：醫健：藥到病除：風癩作祟 紅腫痕癢似蚊叮 | 東方日報 | 要聞港聞 [url]https://orientaldaily.on.cc/content/news/odn-20220822-0822_00176_063/[/url]

上個月尾天氣仍然好熱，我早上就去咗公眾泳池游水，游完水之後照常返屋企食飯，下晝去踩單車。發覺條頸近心口位好痕，最初呢就以為嗰件衫唔乾淨，所以引致痕癢。返屋企沖完涼冇再理佢。

但係嗰個痕癢一直冇消退，久唔久雙手甚至腳部都有啲咁嘅情況發生，我唔敢拗佢。因為我屋企附近亦都有地盤驚有啲積水，養咗啲蚊又或者畀其他小昆蟲咬到。我去藥房自己配咗一啲止痕藥膏，搽咗就好似好啲但係效果唔係咁理想，大約都斷斷續續兩個多星期！

直至到上個禮拜，真係頂唔順去睇醫生。醫生聽咗我嘅經歷同埋睇咗我嘅患處，包括心口，雙手，雙腳同埋個身。佢就話呢啲係蕁疹即係風癩！打咗針同埋早晚一次食藥（嗰啲針同埋藥呢好眼瞓，記住千祈唔好揸車）開咗三日藥咁就情況已經好轉，無嗰個痕癢同埋嗰個症狀見到。希望大家都要小心，根據醫生講可能個人嘅狀態唔好，唔夠瞓甚至乎有心理壓力，都會有啲咁嘅情況發生。當然食物都會有，以前小時候食咗啲蝦蟹，有機會會出風癩。嗰陣時就去藥材舖或者藥房，配啲敏感藥食過就好返啲。

我試過塗「無比敵」都可以止痕及去紅腫。