查看完整版本 : 孝公之前 , 秦國有幾弱??? (#7 魏國 "四戰之地" 既局 , 其實有無得拆???)

哈堡斯堡王朝 2022-9-14 07:59

係傳統印象中 , 秦國一直都係一國貧國形象 , 即使歷代君主勵精圖治 ,
但係整體國力都係不如山東六國 , 一直到商鞅變法 ,
行軍國體制先開始扭轉情況 ...

其實呢個印象係錯既 ... 自秦國打敗犬戎  全取關中平原 ,
佢既綜合國力就從來未跌出前五強 , 佢唯一最大既問題只係出唔到崤山
如果唔係 , 都唔會將秦穆公列作春秋一霸拉 !!!

問題係 , 係春秋之末  戰國之初 , 又的的確確係秦國既中衰期 ...
如果話 , 楚國係被秦國滅國之前既至暗時期 , 就係春秋之末被吳國所破
咁秦國既至暗時期 , 就係懷公至出公既呢幾十年 ,
由舊貴族控制既時期 !!!

懷公本身就係被舊貴族所殺 , 佢地又迎立左靈公 ,
但靈公死去又不讓靈公之子獻公繼位 , 反而扶立左簡公 , 之後係惠公 ,
再之後既出公 , 又係被大臣所殺 , 最終先迎回獻公 ...

事實上 , 秦國自係晉國手上重奪既河西之地 , 亦正正係係呢段時間中 ,
被魏國所攻佔 !!!

[[i] 本帖最後由 哈堡斯堡王朝 於 2022-9-16 07:49 編輯 [/i]]

哈堡斯堡王朝 2022-9-14 13:08

小弟係睇資料果陣見到 , 懷公  出公兩次被弒君 ,
都係由 "庶長" 出手 ...

所謂 "庶長" , 就係指國君庶出諸子中既領袖 ,
不過小弟睇到既資料比較簡短 , 所以唔知嚴格定義
係上一代國君既庶子丫 , 定指歷代庶出之子???
嫡出但最終沒繼位既呢???

小弟係以前睇楚國史時見到 , 楚國都係將權臣之位
固定係近支王室之上 ... 小弟覺得或者係咁 ,
先令秦楚兩國無出現 "鄭國七穆"  "魯國三桓" 等情況
(最多係換國君姐 ^.^")

哈堡斯堡王朝 2022-9-14 18:20

其實小弟一直有一個問題 ... 韓國會唔會一直(戰國中期以後) ,
都係魏國既附庸???

小弟咁講唔無原因 , 一來係因為魏國既領土其實係東西兩塊不連接
中間被韓國所阻隔 ...
二來兩國領土犬牙交錯 , 而且魏國同齊  楚  趙  秦間都有過爭端
但好似唯獨同韓國相處融洽 ...

無論係係魏國保障自身安全考慮 , 或者實際既表現結果去睇 ,
韓國真係好似魏國附庸既存在咁喎 ...

哈堡斯堡王朝 2022-9-15 08:09

睇來 ... 大家對呢個題材 , 好似無咩太大興趣 ^.^"

其實秦國之所以 , 最大問題係出唔到崤山 , 係因為佢自獨佔關中平原後 ,
就無一個可能容易發展既方向 ...
山東既晉  楚  齊  吳任何一個 , 都可以向發展潛力大既關東大平原擴張
偏偏係秦國被頂住係崤山以西 , 唔打敗晉國 / 魏國 ,
都分享唔到關東大平原既紅利

如果咁樣 , 秦國只可以向申戎既陝北高原  犬戎既隴東高原擴張 ,
但果度既既地緣潛力 , 又真係同關東大平原差太遠 ...
呢個就係穆公點解 "不撞南牆心不死" , 到最後先乖乖定霸於西戎既原因 ,
咁亦惠文王南下滅蜀既重要原因 , 因為係滅蜀之前 ,
秦國對周邊既地緣發展可能性 , 一早己經耗盡拉 !!! ^.^"

哈堡斯堡王朝 2022-9-15 13:19

小弟唸唸下又有一樣野唔係太明白 ...

點解齊國一次差 D吞左燕國 , 會比列國聯合制止 ;
一次吞左宋國 , 結果差 D比人打到亡國 ...

但係係楚國滅越  秦國滅蜀上 , 列國又無反應???
我覺得越國  蜀國體量唔會比燕國  宋國細喎 ... ^.^"

哈堡斯堡王朝 2022-9-15 18:35

其實小弟都好唔明白 , 古蜀國係春秋戰國 ,
甚至係西周係點樣既存在???

我記得之前睇過文話 , 其實早係周滅商果陣
古蜀國己經存在 ...
但整個春秋戰國中 , 各國又好似當佢唔存在

如果地緣結構 , 楚國同秦國都有可能會滅 ,
但唔同既係 , 楚國可以好容易咁進入關東平原
相反 , 秦國就頂晉國/魏國頂死係崤山 ...

到幾百年後 , 秦蜀之間建立左一定交通基礎 ,
秦國先可以滅蜀 ...
如有更好發展空間 , 單係蜀道之難可能己經
令秦國放棄南下策略拉 ^.^"

哈堡斯堡王朝 2022-9-16 07:50

魏國 "四戰之地" 既局 , 其實有無得拆???

魏國雖然係 "戰國首霸" , 但佢東有齊  西有秦  南有楚  北有趙
可以話係真真正正既 "四戰之地" , 某程度上講 ,
其地理劣勢程度 , 不下於韓國 , 係七雄中最差一檔既存在 ...

係早期 , 魏國仍然維持住 "三晉盟主" 既身份 ,
至少減少一係北方既威脅 ... 但到左武侯時 , 就己經開始鬧翻拉
所以後來魏霸權既崩潰 , 就係來自 "圍魏救趙"

好多人話武侯ON居 , 但事實上 , 魏國當時己經將非七雄既領土 ,
除左宋國之外 , 可吞併既都吞併晒 ...
魏國正處於一唔知點繼續擴張 , 甚至唔知點霸權既狀態 ,
始終 , 你唔可能一直做霸主 , 但又一直唔敢同鄰國開戰架麻 ^.^"

而且 , 佢係正四戰之地 , 企定定咩都唔郁 , 一定唔會係好選擇
^.^"

如果真係要突破呢種 "四戰之地" , 小弟唸到唯一方法 ,
就係對住其中一邊徹底將其吞併 , 咁少左一面受敵 ...
咁做既話 , 對齊對楚開戰 , 其實就極不明智既 , 合理既選擇會係
攻趙或者攻秦 ...

係武靈王之前既趙國 , 七雄之中好可能係同燕國同 LEVEL 既存在
算係僅比墊底既韓國好少少 ...
而秦國 ... 正如#1所講 , 佢正正經歷打敗犬戎後 ,
最黑暗既低潮期 , 河西之地己經比魏國攻佔 , 處於亡國危機之中

如果你係魏國 , 你會點做???

哈堡斯堡王朝 2022-9-16 13:06

如果係小弟既話 , 我會選擇攻秦 ...

因為如果可以一直維持 "三晉同盟" 既話 ,
魏國四戰之地中既北方威脅 , 就不會存在 ... 而且
如果攻趙既話 , 可以比到其他國家干涉既機會 ,
事實上 , 魏國既崩潰亦係以齊國既 "圍魏救趙" 為始

而按道理 , 攻秦就係風險最少既選擇 !!!

哈堡斯堡王朝 2022-9-16 18:17

不過又坦白咁講 , 魏國四面環敵 , 即使可以攻滅秦國
佢都仲有三面 ... 除非佢可以一直維持 "三晉同盟" ,
但如果係咁既話 , 其實都某程度上宣告左佢放棄大規模擴張
因為如果 "三晉同盟" 一直持維  一齊行動 ,
戰果都係要分享 , 咁係魏國強大既同時 , 趙韓都會同步強大
頁: [1]
查看完整版本: 孝公之前 , 秦國有幾弱??? (#7 魏國 "四戰之地" 既局 , 其實有無得拆???)