自傲高雅的背心 2022-9-26 20:39
是咁的，我有一個大約一年前我鍾意嘅人分咗手返嚟搵我玩，起初我鍾意佢係因為佢嘅純真，但係佢拍完拖返嚟，同我call嘅時候，不斷講一啲關於性嘅內容，我好不知所措，但係佢有情緒病，仲要係會𠝹手嗰隻，我怕佢分咗手，又會嚟料，所以我都有配合佢，繼續同佢一齊打機一齊傾偈，但後尾我覺得越嚟越唔對路，佢開始問一啲關於我嘅問題，我大概知道咩事，同時我都開始試探佢，最後佢真係同我表白，但我嗰一刻好不知所措，因為我而家鍾意嘅係佢嘅雙胞胎家姐，佢家姐呢年幾以嚟，我同佢幾乎每晚都一齊打機一齊傾偈咁滯，正常男人如果有個咁嘅異性同你每晚都喺度傾偈，都好難唔鍾意佢啫，但係我覺得佢只係當我係一個樹窿，同時佢亦都係我最好嘅朋友，我諗咗好耐，我最後拒絕咗佢，我嘅原因係，怕同佢拍拖，會令我同佢家姐嘅相處好尷尬，可以話我仆街乜都好，無可否認我都有少少鍾意佢，但係我更加鍾意佢家姐，但係佢都仲係不斷想我揀佢，不斷問我點解唔揀佢，（補充：我未同佢講我鍾意佢家姐，同埋我未拍過拖）喺佢不停嘅追問下，我承認咗我鍾意佢家姐，佢話可以等我回心轉意，但係我同佢講叫佢去搵第二個，佢即刻喺度喊，同時我個心都好痛，我好想喊，但係忍住咗，最後佢話佢放棄我啦，我雖然好似如釋重負，但係又有莫名嘅傷感，雖然我唔知佢係想到我係備胎定係真心但係又有莫名嘅傷感，之後我喺度喊咗好耐，我唔知我係怕佢會自殘？定係我嘅自私？但係一切已經返唔到轉頭。就算我以前幾鍾意佢都好，但而家嘅佢已經唔係以前嘅佢。佢同我講佢以前都係咁樣，只不過冇表露出嚟，不過我到而家呢一刻我都仲係唔敢相信，我希望佢只係為咗引誘我可以講出嚟，唔係真嘅🥲
雖然我唔知佢當我係備胎定真心，但係我都接受唔到自己為咗拍拖而拍，所以我而家教緊我一個我認為幾好嘅朋友俾佢所以我而家教緊我一個我認為個人幾好嘅朋友溝佢，希望佢成功。
同事經過呢件事我喺度諗緊同唔同佢家姐表白，但係我又好怕佢friend zone咗我，因為佢將佢嘅家庭狀況，以前嘅嘢，鍾意咩類型嘅男仔都講晒俾我聽聽，我好怕一表白就冇咗呢個最好嘅朋友。請問你係咪friend zone咗我🥲係咪即係冇機會🥲
內向認真的小鳥 2022-9-28 12:05
[quote]原帖由 [i]自傲高雅的背心[/i] 於 2022-9-26 20:39 發表 [url=https://www.discuss.com.hk/redirect.php?goto=findpost&pid=552402272&ptid=30785410][img]https://www.discuss.com.hk/images/common/back.gif[/img][/url]
是咁的，我有一個大約一年前我鍾意嘅人分咗手返嚟搵我玩，起初我鍾意佢係因為佢嘅純真，但係佢拍完拖返嚟，同我call嘅時候，不斷講一啲關於性嘅內容，我好不知所措，但係佢有情緒病，仲要係會𠝹手嗰隻，我怕佢分咗手，又會嚟料，所以我都有配合佢，繼續同佢一齊打機一齊傾偈，但後尾我覺得越嚟越唔對路，佢開始問一啲關於我嘅問題，我大概知道咩事，同時我都開始試探佢，最後佢真係同我表白，但我嗰一刻好不知所措，因為我而家 ... [/quote]
佢如果當你係frd,你一定感覺到