天生發現了柴犬 2022-10-6 17:00
前前幾日確診左，發現好多野，原來感情愈耐就會愈淡。
當我需要佢一句問候佢唔係我心中，心痛比確診左個段期間仲辛苦..
確診一開始的確冇咁嚴重，又發冷到頭痛之後全身痠痛冇力，個種痛苦的狀態應該確診既人都知道，鼻水係咁流，我仲要係鼻敏感。個刻，我send左張檢測結果比佢，係好深色，已讀不回，（又係忙啦！）佢食飯我打比佢，又冇人聽，甚至可以有幾日一個WhatsApp,電話都冇，我已經病到2046，仲要擔心你放工未，因為佢放11點，後來，第二晏日只係得一句，你點呀你？
我頭幾病得唔嚴重我投訴佢先講食藥啦，訓教啦，食完飯就食藥，快啲好，我之前都係咁。
從來唔會講：休息多啲，飲多啲水。
我冇氣再話佢。
呢個人，自細冇人教佢，乜野唔諗後果就做。
最終，愈大愈hea ,將啲心機擺曬打機身上，買課金買到金錢負擔，銀行得返幾百蚊。
識佢個時，佢鐘意打機，但冇諗過佢會用晒，仲同我講我不嬲唔草錢，你待應做左三年啦，同你一齊三年啦，點解你可以咁叻既？
咁耐先同我講呢件事，你話我幫唔到咩手，咁一早唔應該同你出咁多街..
唔係話睇死你份工呀，你有冇努力過？
你確診時連買藥冇錢買，你仲養唔養活到自己？
唔好話我啦？你自己生活都成問題⋯⋯
而家連佢自己自理生活唔得，出街唔熨衫，見工唔熨衫，屋企冇熨斗，你屋企唔用，得啦，你咪自己買過囉，你又懶唔買，咩叫買完唔再用，唉。自己間房又唔汁，冇位行，衫一個禮拜一兩次..沖涼又沖得唔好，你屋企得個呀婆同你舅父咋，唔好要佢地難做啦好冇？
個人又懶，唔記得呢樣又個樣，比人罵又唔怨，怕煩，cut人咁多線，關心你又白費:')
連你媽係咁，點算吖？
係咪要一世呀？
次次提完佢，傾好左溝通好大家意見，第二日打回原形，話會改第日就話好忙呀全日，態度180轉變，冇理過人，佢又唔鐘意比人幫，自己又搞唔掂，最驚佢比人呃，冇人照顧佢，好多佢以前朋友走曬，就係佢既態度，冇人想幫佢，我知好多野要一步步咁黎，我只係睇到佢愈來愈退步:lDD_004:
:lDD_006::lDD_006:好多講過唔係人人鐘意讀書，但知識可以改變命運，更加可以幫到佢而家財政狀況，呢句野我幾年前已經同佢講了，直至佢無啦啦發生呢啲事先同迫佢上進啲，但可惜勸又勸唔到佢，話佢呢份侍應做住先，咁未來呢？
人地可以組織家庭唔係得個講字，你成日講兩三年之後，會將我娶返屋企，已經過左了，之後你造成咩結果？
買模型槍，發聲（超人）腰帶？買左成千幾，仲要唔只一把..如果當初我知道呢件事，我應該禁止你所有一切事囉..
唔會發生得愈來愈嚴重⋯⋯
咩工你又做唔到，讀免費課程你又唔上，
怕辛苦，怕捱，冇邊份工唔辛苦，地盤、電工學徒？維修人員？酒店員？
呢幾年就算我唔介意就算見親戚或者帶佢見覺得我好慚愧，唔知佢地點諗，當我班親戚問拍左幾耐呀？佢做邊行嫁？佢對你好唔好？
時間耐左，其實我好尷尬，原因係唔答冇禮貌，答左又係死。只係笑一笑去正面回答親戚..
幾年我睇唔到佢變化左咩，改變不了佢自己性格，唔知我將來結婚係點、遇到咩男人？好男人、壞男人？失眠左幾晚，得唔到個肯定既答案，好想同佢好好溝通一下，但完全諗唔到咩方法，你可以話我冇理解佢，但我想講，每次好想關心佢，佢推我落懸崖，當我搵到一啲合適令佢舒服方法：例如：
1.嗰日嘅錢用嗰啲咩，寫係張紙度。（等佢以後記得有呢個過程）
2.set個鬧鐘提醒自己。
3.唔好再亂洗錢。
4.唔好亂及脾氣。
5.唔好再咁「呢啡」。
6.聽吓人哋意見。
7.唔好亂miu人咪同收人線。
8.唔準再講大話，坦白，唔好有隱瞞。
9.上進啲，比啲恆心自己。
10.我認真講野唔好再玩野。
11.唔記得左野就抄筆記
12.去積極啲，做野唔好咁馬虎
我要等到幾時？望住個天真係好想喊[img]https://media.tenor.com/tMRY35MWfYYAAAAM/funny-silly.gif[/img]
lelefung 2022-10-10 06:57
樓主，我則回覆左你另一個留言。
女人青春有限，加油。
低B強 2022-10-14 10:16
1.嗰日嘅錢用嗰啲咩，寫係張紙度。（等佢以後記得有呢個過程）
你自己做唔做到？ 我識既人真係冇乜人做到！
2.set個鬧鐘提醒自己。
提d 乜野？ 一日幾十樣野，響幾十次？
3.唔好再亂洗錢。
點為止亂？ 其實主因唔係亂洗錢。 係因為揾唔到錢。 一個月用1000幾2000買下玩具真係唔係乜錢。拍拖出去食下飯都一餐300-400啦！
4.唔好亂及脾氣。
no comment!
5.唔好再咁「呢啡」。
呢個又係好主觀。 點為之呢啡？ 好多人好光鮮。 週身冇文又點計？ 可能佢冇錢， 點買？
6.聽吓人哋意見。
我相信有聽， 但跟唔跟你講係佢個人自由。 你又有冇聽下佢講佢想點？
7.唔好亂miu人咪同收人線。
no comment
8.唔準再講大話，坦白，唔好有隱瞞。
no comment
9.上進啲，比啲恆心自己。
呢句又好好笑， 點為之上進？ 簡單d 就係揾唔揾到錢。 我想講， 我以前好努力， 日頭返工， 我本身已經讀完學位，係20幾年前。 晚上返學， 仲有好多唔同証書。 但份工揾唔到錢。
現在我好7 lazy, 返工就上網多， 老細比大野我跟， 我都唔太想理。 交到比人就交比人。 但我有2層樓（講堅） 曾經po 過差餉單。 同埋人工唔錯。
咁你覺得我現在上唔上進？定以前上進？
10.我認真講野唔好再玩野。
no comment.
11.唔記得左野就抄筆記
唔記得左仲點抄？ 可能唔記得既又句句抄？ 你講一句炒一句？ 又係唔太可行。簡單d , 重要野叫佢用電話記低,好嗎？
12.去積極啲，做野唔好咁馬虎
又係好主觀， 佢都有積極時候。 佢打機都好積極。 又課金。 仲唔積極？ 簡單講，又係想男人揾多d.
天生發現了柴犬 2022-10-14 10:55
有啲野佢懶就懶，我用過咩錢會記低。連電話提醒佢都唔會做，佢做之前我提佢唔記得，呢樣野連佢媽有講過佢，連佢朋友一樣頂佢唔順，不過我試過搵方法幫佢，好多唔得。
我咁樣講你可能覺得佢冇咁hea,但事實係打機唔係問題，但打到連錢都亂洗，搞到唔夠錢，又唔草錢先係問題。佢唔會理理財問題，而家咪出事囉，佢做野次次三分鐘熱度，唔識去改進，set鬧鐘真係做完可以刪左佢ma,呢個行為係比佢自己記得有主動性咁解，幫到佢，「呢排」指佢衫又唔摺，周圍扔，唔汁房，唔多洗3，明知出汗勁（次數一禮拜一兩次？），唔燙衫（見工就慘）
連佢自己解決唔到問題，自己出事，女朋友唔會擔心，叫左冷靜一排，我聽佢講，自己收收埋埋，我都唔想問佢，後尾佢主動同我講，原來佢瞞住我好多嘢，好方面諗就係佢唔想我擔心先唔講，壞方面諗就係造成好大嚴重後果（你咩唔講啦..）會怪我自己以前應該睇實啲佢就唔會發生…
上進既野唔好當玩，你話你讀過書，日頭返工，但搵唔搵到錢，冇結果，至少你有努力過，你好努力，可惜而家未必得，覺得沒夠完美，人冇完美，但現實就係咁，你有證書，有學位，有邊個唔想過好生活？
早午餐三餐，衣，食、住、行，基本生活..
仲有交通呢？好多要用錢，我都要省得就省。
你有能力還是係咁，往往社會生活難處，將來希望有機會…
你問我而家你上進定以前。
我覺得人唔可以比較，每個人能力唔同，但至少應該努力，去盡力做一樣野。
比信心自己。
先唔計佢上唔上堂，有啲唔鐘意上堂我明，我係到諗佢冇一投旁身以後點算？佢屋企人又吹，我有問過佢鐘意咩，佢都答唔到我。
天生發現了柴犬 2022-10-14 10:56
[quote]原帖由 [i]lelefung[/i] 於 2022-10-10 06:57 發表 [url=https://www.discuss.com.hk/redirect.php?goto=findpost&pid=552767591&ptid=30800284][img]https://www.discuss.com.hk/images/common/back.gif[/img][/url]
樓主，我則回覆左你另一個留言。
女人青春有限，加油。 [/quote]
謝謝你:smile_o06::smile_o06:
現代足球 2022-10-16 14:05
老實，你愛錯人，佢係自閉光譜嘅人，你只有照顧佢，想佢改變好難，因為係DNA刻咗落呢類人，佢哋好固執自我自私，所以我勸樓主一係成世照顧佢，一係好襯後生識個懂得愛嘅人。
天生發現了柴犬 2022-10-18 11:12
[quote]原帖由 [i]現代足球[/i] 於 2022-10-16 14:05 發表 [url=https://www.discuss.com.hk/redirect.php?goto=findpost&pid=552938312&ptid=30800284][img]https://www.discuss.com.hk/images/common/back.gif[/img][/url]
老實，你愛錯人，佢係自閉光譜嘅人，你只有照顧佢，想佢改變好難，因為係DNA刻咗落呢類人，佢哋好固執自我自私，所以我勸樓主一係成世照顧佢，一係好襯後生識個懂得愛嘅人。 [/quote]
知道😭🥹