Jojoxo 2022-11-11 23:50
我而家係24歲女 由細到大 成日間唔中會突然行行下菠蘿蓋移位 個種突然扭到係feel到佢扭左一然後自己會扭番正 當扭到個一下我會有種好似透唔到氣既感覺 佢扭完 我通常會無力 係地下攤一陣先起番身 5分鐘左右可以慢慢起身 小小跛下跛下咁行 而每次隔1粒鐘到我通常就冇事 所以次次扭完我都唔處理佢
其實呢啲可以點樣睇醫生/治療 雖則我話經常 但又唔係話每一個月會發生 大概就係可能4個月至半年一次 （有時扭開就有條路 即係例如我上半年完全冇發生過 但下半年只要扭左一次 我個期可能一兩日後又扭 或者果兩個月內會扭第二次）
不過我歸納到我通常扭到之前 例如前一日 可能我做左深蹲 或者做左啲啲跳躍性既運動 又或者個期好攰都會容易扭到 但其實我都唔係做得好劇烈… 但又唔係100%我做完運動就會扭 總之就感覺好似菠蘿蓋唔夠腳骨力會成日扭到 但注意番**我由細細個 小學中學個啲時間已經有 仲經常發生Tim 大個左都偶爾會發生
唔知有冇啲咩訓練可以練下啲腳骨力或者係咪要去睇下骨科醫生
想知有冇人同我一樣成日都會扭到菠蘿蓋 就算行行下都會…
牧夫座 2022-11-23 12:36
四頭肌運動量不足、先天因素及創傷後護理差等，導致膝蓋逐漸移位，提早出現磨蝕，引起痛症問題，當中近90%個案，屬於膝蓋向外移位。
牧夫座 2022-11-23 12:37
菠蘿蓋是靠四頭肌的四條肌肉固定位置，當中三條肌肉負責向外固定，而剩下的一條「內側四頭肌」則向內拉緊，令菠蘿蓋能夠牢固地維持正常位置。不過，當內側四頭肌的力量不足，有機會令菠蘿蓋向外扯出，偏離正常位置，亦因此令周邊的軟骨，被菠蘿蓋磨蝕，若情況持續，可導致軟骨發炎、疼痛。