前晚義羊羊 2022-12-12 18:20
個人睇好 阿根廷對摩洛哥 最後摩洛哥奪冠
首先 講下點解我唔睇好正路 阿根廷對法國 如果係呢個組合 咁四強兩場都會係正路波 如果係正路波 咁就唔符合莊家特性 四年一次既難得收割機會 一定會好好把握 所以可以排除依家組合 加上去到決賽 依個強強組合會令到投注量平衡 冇辦法側重去另一邊而導致錯失收割機會 所以只會係看似一強一弱既組合
再者 我都唔睇好弱弱組合 克羅對摩洛 兩隊都係攻弱守強既球隊 球星就冇啦 反而就係實而不華既球員 如果佢哋兩隊入決賽 我相信好多人都會選擇唔睇 咁樣投注量就會減少 要多啲人投注 必須要有球星最後 美斯或者麥巴比在陣 先可以吸引多啲人投注 所以呢個組合都可以排除
第三個組合 克對法國 如果維持一強一弱原則 就會有50%機會係呢個組合 但係我都唔睇好 因為呢個正正係2018年世界盃決賽既戲碼 如果又係呢個劇碼 等左四年之後又上演一樣既比賽係莊家最唔樂意見到既 因為人們既激情會大減 對呢個組合會完全唔期待 咁樣就唔會達到投注量最大化
其實 我哋玩呢啲大型比賽 要以莊家利益最大化既角度去預測一些比賽結果 先係最準 因為其實我地所成日分析既陣容 往績 近況狀態 都已經反映左係個賠率上 只需要分析莊家意向就可 同股票一樣
點樣先可以找出令莊家利益最大化既結果？就係喺呢四隊入面搵一隊可以吸飛吸得最犀利既球隊 呢隊應會係阿根廷 因為以我所知 阿根廷呢隊野係全世界各地既粉絲數量係最多嘅 人氣值一直高企 甚至比巴西更高 而球內球星美斯更是家喻戶曉既球王 相信如果阿根廷入到決賽既話 全世界80%既人都會買阿根廷 因為這是信仰 因為呢屆正正係美斯最後一次世界盃 好多人都想睇到佢攞冠軍 但正正就係期望越大 失望越大 阿根廷就係偏偏攞唔到冠軍 到時莊家順便可以收割一波 大部分賭徒只會被狗血淋頭 你要知道莊家係無情的 佢哋只會有利益 沒有感情