查看完整版本 : 要唔要去睇醫生

我4月27日覆診.
醫生話如果發炎, 流濃要去睇急診, 到時考慮切左佢.
昨日係無痛的情況下斷左. 無流血, 又好似無傷口. 係唔係唔洗睇醫生?



[quote][color=seagreen]已刪去不安照片 - 請勿再張貼[/color][/quote]

[[i] 本帖最後由 jiero 於 2023-3-21 22:10 編輯 [/i]]

成截嘅手指頭甩咗呀？

嘩！你壞死成嚴重。我不知你有無糖尿病，有的話仲麻煩，因為一旦感染，好易入血，有血毒症，係急症之一，好易出事，建議係看醫生比較好。因為化膿已經代表有感染，醫生先叫你去急症處理。

唔係糖尿病，醫生話係紅斑狼瘡，舊年住左成個月醫院，要食好多藥，最後手指頭醫唔返，剛剛過左1年，遲d中指都會斷

[quote]原帖由 [i]ckahome[/i] 於 2023-3-19 23:54 發表 [url=https://www.discuss.com.hk/redirect.php?goto=findpost&pid=556886237&ptid=31042080][img]https://www.discuss.com.hk/images/common/back.gif[/img][/url]

唔係糖尿病，醫生話係紅斑狼瘡，舊年住左成個月醫院，要食好多藥，最後手指頭醫唔返，剛剛過左1年，遲d中指都會斷 [/quote]
咁你紅斑狼瘡都係幾嚴重下，除左關注手指感染問題，還有腎功能問題，如果出現水腫，臉黑，你就千萬要去治療原發病

其實初初睇的時候係隻腳小腿好腫，總之又腫又痛，我以為係水腫，點知係血栓，醫生都只係俾薄血藥我食，當時疫情好嚴重，我又keep住發燒，醫生都唔想睇我，後尾行路都無氣，先幫我照肺，一照大件事，連肺都有少少血塊，先call我要即刻住醫，要掉薄血藥水，因為我發燒，所以只可以住單人房，又要做測試先俾我住。最後咁係陰性可以住，不過只係住左3日就趕我走，話一時間都醫唔好，係醫院不如返屋企啦，走之前幫我照埋個心，報告要成個月後先出，之後有個血管科的醫生來同我講，寫左封介紹信我去公立醫院血管科睇下，話我血有問題，因為食咁薄血藥，可能唔清楚，等食完去睇。

我等唔到食完，我就因為手指頭勁痛就去左急症室，我本來想攞d止痛藥食，結果醫生要我即刻入院，當時手指頭黑黑地，以為我夾到，推左我去骨科病房，照左骨，又無事，跟住去左內科病房，醫生初步檢查心肺,見到醫生好緊張，又call左第二個醫生來睇，好似係心臟科的，跟住嗱嗱聲又推左我去照超聲波，跟住就話我心肌積水，佢地話有新藥醫得好，叫我放心。

咁睇啦!你所有症狀還是紅斑狼瘡引發,如果西藥食不好,有無想過睇中醫?