PPWS 2023-5-10 02:59
網上留言：
我都唔轉彎抹角，呢條友真係一啲都唔討好，我就真係好唔鍾意佢，首先蝦條扮大屌就當然係其中一個原因。
叫你唱歌，你末期感冒咁；
叫你跳舞，你跳撚埋落台；
叫你作曲，符你都睇唔撚掂；
叫你填詞，驚你整句「有的沒的」出嚟；
叫你演戲，你戲都未連到；
算喇，行偶像派，行行下變撚埋鄭則仕。
聲色藝全無。
但你上網屌人唔關心你「做」的音樂。
你做藝人廢，做運動健將囉，陽光男孩都吸引。嘩屌你打個籃球都可以瞓低埋lol
仲要係自己出手推人、出腳攝人先。你自己交失波就發癲，趁人地跳起推人其實好仆街。明星賽上白車已經夠柒，但你連格都輸埋。
有啲藝人確實才華有限，亦有啲球員技術粗糙只能做工兵，但都叫做勤勤力力敬業樂業。而你，專業精神係零。
之前季前賽，已經好多人批評你時肥時瘦唔連戲，都已經知你專業極有限。
以為你會改啦，點知叱咤有記者問「公司有冇叫你節食」，你回應竟然係「控制唔到我」，打撚咗個突。
口口聲聲話任何意見都會接受、力求進步，但就依舊我行我素亂食野，完全覺得自己冇問題，仲要以為自己好撚藝術家性格咁。
我好鍾欣桐，本來真係以為係傷搞到做唔到運動，都叫做幫你兜下。但聽到你親口講「控制唔到我」，就大家都知最根本個原因就係你連少少專業同自制能力都冇。
連登有人講得好好：「真正嘅藝術家係會尊重自己做嘅嘢。拍劇會為連戲而執著、會為好嘅表演去練歌練舞。你呢啲唔係藝術家性格，只係自我中心。」
講起自我中心，好多細節都睇到你係一個極度自我中心嘅人，尤其拍埋你啲隊友度，濕鳩本性就出哂嚟，冇得呃。
七月演唱會已經好多人屌你團歌就鳩跳hea唱，到自己歌就出哂奶力，隊咗草先上台咁。
唉算，知你係巨星遲早單飛，但嘩＊＊＊＊1，上年叱咤你攞最男，成班隊友戥你開心諗住同你慶祝，你條撚樣來回兩程都當人透明，目中無人到痴線。
有人話「咁佢望唔到吖嘛」。咁點解會望唔到呀？咪就係因為你條仆街，眼尾由頭到尾都冇睄過你班戰友一眼囉。
好多人話，啲隊友而家好似唔鍾意你咁，AL越嚟越疏遠你，AK同Steven成日陰啲陰啲潤鳩你，其實有冇諗過點解？
舊年諗住同你分享喜悅，你就當人透明，一係就扮大師兄ig笑鳩Stuart唱歌廢，偏偏最冇料但最撚hea嘅又係你，但又要不可一世，連導演都話你連打波都好自我中心，而偏偏又扮到好謙虛咁。
講真，我係你同事都好唔妥你。
其實如果你唔鍾意你啲隊友，不如退出啦，順便一次過炒起成個團。
MJ有白蝕，佢控制唔到，但佢每次見人都用幾個鐘遮哂白斑先，因為佢覺得藝人有責任照顧好自己外型。
濤哥你就相反，肥瘦你控制到，但你嘅心態就係I don't fkn care，「控制唔到我」，幾撚有型。
係咪我太天真，唔應該攞個世一嚟比？但又係邊個咁口響話要做亞一？
口口聲聲話做亞一，口口聲聲話會用自己嘅作品講嘢，但做出嚟嘅行為完全唔覺你有呢個心態。
想打贏日韓，但人地練舞練到五癆七傷嗰陣，你就食緊bigmac；
想用作品講嘢，但當終於有機會展示製成品出嚟俾全香港人睇嗰陣，你就得過且過。
最撚叻就假大空，班傻閪又信到十足出哂水。
唔係馬後砲，但有冇人有同一種感覺？由我第一次聽佢咁講，已經覺得佢呢番說話只係為咗營造自己好有志氣嘅形象出嚟，純粹借叱咤台同個氣氛幫自己加分，落唔落手落腳做就之後先算，反正營銷手段而已，傳媒又會讚。
你呢啲唔係叫用作品講嘢，係叫做用講嘢作品，個作品係你好撚有大志嘅假象。
冇才華、唔自律，咁咪低調啲囉，偏偏唔知點解濤哥你又真係好鬼作狀。作狀唔係淨係講思想言行，仲有外表。真係好想知點解啲表情同動作永遠扮撚哂嘢咁。
笑嗰陣例牌歪嘴扮陳冠希；廿幾歲男人但影相嗰陣硬係要嘟嘴；拍個hpv廣告唔知點解又要麥德羅上身咁扭幾下唔知同個子宮頸有咩關係嘅舞。
啲動作永遠扮哂cutie咁，永遠都咁多多鳩餘嘅表情，成日覺得自己係焦點。其實四四正正做返個男人，擺返個正常樣，係咪真係咁難呀，阿姜man？
睇返當年你攞最男，扮哂錯愕嗰個樣，你夠膽話呢個係真實反應，少少戲都冇？好撚造作呀。
同埋你可摸耳咪撚扮成熟扮長大，乜撚嘢姜man，其實你思想仲好幼稚，好多地方都睇得出你根本仲係隻小學雞。
之前做訪問講你連唔到戲，導演就俾個下台階你，話「我睇戲嘅，唔睇呢啲」，跟住你條傻鳩就即刻插嘴話「所以我好鍾意佢」
其實有少少羞恥心，或者覺得唔好意思，都即刻收嗲啦，聰明少少都明導演俾緊下台階自己啦。乜撚嘢叫「所以我好鍾意佢」 講到自己冇責任保持專業咁，導演縱我、就我就得。
你係一個演員，唔係仲要成個巨嬰咁，連身型都要個導演去縱下話？
可憐人必有可恨處，點解中學咁撚多人唔妥你？真係因為肥咩？人地俾下台階你又唔知，自己有問題又唔知，知你又唔改。
咪撚扮改過自新，咪撚扮成長咗啦，好撚扮嘢。
算喇，見你係表演者，講返表演。
我真係睇咗十幾年叱咤都未見過有得獎者唱唱下衝落台，仲要連續兩年。其實你係咪分唔清「表演嘉賓」同「得獎表演」？
個台唔係你㗎，係商台㗎，你係獲大會邀請借個台分享喜悅㗎咋。
就連平時喺自己show咁鍾意衝落台嘅Sunny，當年靈感床台上台下都high到傻，佢都冇離開過個台。
人地頒個獎俾你，特登俾個台你請你上去，你同人走返落去
同埋幾次叱咤表演都唔知你做乜撚嘢。
上年dmf就唱到咸左，好感動；
今年鏡中鏡就唱到high左，好有台風。
其實你可唔可以正正常常完成一首歌…
不過真心覺得成晚表演，最撚唔討好其實唔係落台打乞嚏嗰段，而係團歌。
本身個表情明明好地地，但一知自己入錯咗，就即刻九秒九變咗谷屎忍喊樣，嗰種敏捷嘅程度連四川高手都嘖嘖稱奇，美中不足只係帶漏眼藥水上去滴。
入錯？唱唔到？以前就隊支咪俾觀眾，而家輕鬆啦，突然諗起牙mo，掂哂！尖叫聲！
上面講起dmf，其實我都好想講下呢首歌。攞嚟派台、出歌、賣碟、賺錢，有幾商業變到幾商業，我覺得都算，當致敬。
屌你個mv係做乜嘢事？一開波就案件重演，搵演員扮一次你老友點死，我以為睇撚緊警訊。跟住就搭哂景搞多場假嘅喪禮，再自己對住個假嘅棺材鍾嘉欣上身咁咇眼淚。
舊年我有一個好愛嘅人突然離開咗，就算到咗而家，我每一日，甚至每一秒都好掛住佢。就係因為咁，我更加唔明白你做乜鳩。我諗我呢世都唔會理解到，點解有個所謂咁重要嘅人離開咗，自己仲可以演場大龍鳳。你過到自己嗰關咩？
要我搵人扮佢當日點死，要我扮多一去佢喪禮，要我用假嘅情感扮喊，我永遠都做唔出，因為我地嘅感情同故事係真實存在過，唔係攞嚟做大戲。
你係珍重呢段友誼嘅，就唔會做得出任何侮辱呢段感情嘅行為。仲要有人望住呢隻戲子覺得好撚感動，究竟發生咩事。
同埋真係我求下你，男人老狗成日扮可憐搏同情，其實真係好核突。
跟咗香港樂壇十幾年，從未見過個男星咁鍾意扮慘。一時又冇人關心自己，一時又要退休，一時又「請真的給我一點空間」，一時又暈低，茅完人又扮到自己受害者咁。
其實我真係好懷疑你條acl究竟有幾傷，斷acl七個禮拜可以好返？定係由始至終都只係放大自己傷勢搏同情？
叱咤嗰晚有記者問你係咪好返哂，你條撚樣竟然夠薑話好返哂。AK都打個突，呆一呆再問咗幾聲「好返哂？」AK潛台詞應該係：「好返哂？！好返哂你頭先團歌唔撚上台？」
真係冇人覺得你好撚鍾意搏同情咩？
仲有你班姜糖呀屌，見到你地就真係頭都痛撚埋，呢班傻閪都係搞到佢咁唔討好嘅原因。
成日歪理當真理，搞到成個樂壇烏煙瘴氣。
歌手唔需要有歌喉㗎，善良乖仔，才係天王條件；
歌曲唔需要順耳㗎，宣揚愛，才係藝術品；
表演唔需要有歌詞㗎，上年喊今年嗌，才係台風。
要乖仔做偶像，你入間小學搵個風紀做偶像is ok，而家講緊一個表演者呀。2022傑青有謝海發教授啦、有麥凱鈞醫生啦，相信都會係好叻叻嘅偶像嚟，反正唔使藝術細胞。
本末倒置都唔緊要，但班姜糖每次見到有批評聲音就起哂鋼，屌人地係hater、覺得人地妒忌惡意攻擊，總之永遠唔會有客觀批評，你唔鍾意姜濤嘅演出同佢個人，係因為你針對佢你hate佢。
Hater係唔理是非黑白，唔理對錯都憎咗你先，但偏偏最唔理是非黑白，最唔理對錯嘅，就係你班姜糖，多麼諷刺。
林家謙唔算有星味但掃哂金獎，MC矮過我但食女多過我，點解唔妒忌佢地呀？因為佢地真係有料囉，因為佢地唔會假大空囉，因為佢地唔會屌冇人關心佢音樂囉，因為佢地唔會目中無人囉，因為佢地專業自律囉，因為佢地唔會咁撚多多餘表情囉，因為佢地會認真對待每個表演囉，傻閪。
都係嗰句，可憐人必有可恨處，唔係妒忌就解釋哂。怪人地點解係hater之前，不如認真問下你偶像有乜野可以令人變成佢liker。
點解香港會出咗個咁撚樣嘅明星出嚟，你同你班邪教徒可唔可以收皮求下你地。
清者自清。
LaLaChow39 2023-5-10 23:59
呢番網上留言唔似係普通網民嘅留言，應該係娛樂圈中人嘅內心說話，但又唔可以公開講只可以扮網民講出嚟
冰涼的月光光 2023-5-11 10:30
所以姜濤出咗到咁多年電視電影都冇人搵佢做男一.....
台灣小榴槤 2023-5-11 10:56
一個文盲，白卡！參加大6比賽又輸到開巷！仲有乜期待
PPWS 2023-5-11 12:22
[quote]原帖由 [i]我太強[/i] 於 2023-5-10 05:57 發表 [url=https://www.discuss.com.hk/redirect.php?goto=findpost&pid=558212595&ptid=31120538][img]https://www.discuss.com.hk/images/common/back.gif[/img][/url]
你咪唔好平囉，冇人迫你平:smile_45: [/quote]
姜B總有可取之處