生果轉貼員 2023-5-12 07:51
完全理解，尊重個人決定!最重要自己都要好好調整自己心靈!一切安好!💪🏻💪🏻💪🏻🙏🏻🙏🏻🙏🏻[attach]14268757[/attach] 😊[url]https://www.facebook.com/104318651932201/posts/pfbid02M1BHesNU65ivtfbBBn3N41jtmcVo1YJAuPtcShSsm7N8nfpoE2abYNE3nRhkT4sNl/?mibextid=Nif5oz[/url]
陪伴阿Mo抓緊5%完全康復機會
So Ching希望自己堅強
「悲觀嘅自己會突然喺崩潰時間出現，想堅強一面大過悲觀。」
有一種女友叫So Ching。
有一種愛情叫阿Mo與So Ching。
27歲So Ching決定退出 COLLAR ，她說得很清楚：「自 2022年7月28日後，當天留下的創傷一直無法被療癒…」
她本來就易哭，過去十個月流了很多眼淚。
今年年頭，她接受Do姐訪問時說：「我覺得如果話有進步，其實係自己睇法同自己內心，都係要堅強，仲要需要進步空間，我本身係悲觀嘅人，有時當你好堅強，悲觀嘅自己會突然喺崩潰時間出現，想自己堅強一面大過悲觀嘅自己，呢個係2023年真正想做到嘅事。」
SoChing 是父母的寶貝女，平日愛在家hea、做貓奴。去年7月之前，人生沒經歷過大風浪，突然面對巨變，已顯出無比韌力。舞者好友Carol曾在社交網分享：「So Ching（蘇芷晴）本來唔係一個好堅強嘅女仔，而呢件事件發生後，我哋所有人超級擔心佢，好怕佢自己一個人面對唔到…但佢每一日都好堅持為身在醫院的Mo作任何準備，陪伴，就算好累，情緒唔OK，好難過，佢每一日都掛住『無事』嘅微笑去面對，去見阿Mo，而我知道佢真係過得一啲都唔容易，試問一個女仔點樣面對到？佢真係好叻。」
【阿Mo轉換到任何地方均需吊機幫助】
就是這樣捱過一個月、兩個月，如今第十個月， 阿Mo 四肢仍未能自主郁動，他只是在「外骨骼」協助下，被動地累積行了13,000步，而非自主站立，更不是自己控制「外骨骼」行路。
阿Mo父親 李盛林 牧師坦言，兒子現每轉換到任何地方，均需要吊機幫助，「暫時仍不能靠自己的能力作任何常人的日常活動或位置的轉移」。醫生指95%是不能完全得醫治，而5%是可以完全康復。Mo父認為，醫學判斷只是人類觀察的結果，但臨床上常有想不到的效果超乎尋常判斷。阿Mo努力抓緊5%的機會，他不放棄，So Ching和李家上下也不放棄。
上周六晚（6號），So Ching 在IG story 轉發一位因意外頸部以下癱瘓，但奇蹟康復的外籍男士Chase Friedman短片，她心裏就是想着這5%的機會。連發兩條Chase Friedman片及Mo父的代禱信後，她便沒再發IG story，直至周三（10日）她上載退團感言。她一直掂記阿Mo的事，她愛阿Mo，她的愛不是一種口號。
【Mo父：So Ching好願意為阿Mo付出】
So Ching最後一次公開活動，是3月12日跟COLLAR成員Winka（陳泳伽）一起舉行音樂會。當時談到請看護分擔照顧阿Mo，她表示不容易請到合適人選，同時她要親自教看護及工人有關阿Mo的需要，熟習一段時間才放心將阿Mo交給他們照顧。
Mo父指So Ching是兒子在信仰以外，最大的支持，欣賞地說：「佢係一個好單純嘅女孩，好願意為阿Mo付出。醫護話佢已經係一個照顧重創病人嘅專家，如果阿Mo要轉姿勢，佢好純熟、好夠力。雖然佢好瘦，但一下子就可以轉到位置。我覺得佢承受好大壓力，外人難以了解。」
【肥仔撮合戀情 對So Ching退團感可惜】
So Ching曾在陳志雲網上節目《Stephen．傾 》分享，跟阿Mo拍拖前，二人在同一個studio教跳舞班。「有互相見過對方跳舞，嗰時有講對方跳舞幾好睇，揀啲歌又幾好聽，playlist入面好多歌都好中，發覺對方鍾意嘅嘢同自己都好似，於是有印象。」
她早已認識ERROR隊長肥仔（梁業），肥仔為《全民造星III》的方方編舞時，找她和阿Mo伴舞，想不到撮合了他們。So Ching很欣賞阿Mo，尤其他有話直說的性格，也感染了她，「佢令到我唔會轉彎抹角，同佢一齊之後就學識講最真實答案。」
她加入COLLAR前，曾向肥仔請教，然而入行之後大家都忙，少了聯絡。對於她退團，肥仔說：「係可惜，但尊重返佢決定。」
【激動落淚說dancer非配角】
So Ching平日說話不多，但她坦率又感性，《娛壹》專訪COLLAR時，她便一時感觸，淚如雨下。事緣前年仍是dancer的她，為C AllStar紅館演唱會伴舞，去年5月，她以COLLAR成員身份，再登上這個大舞台，任張敬軒演唱會嘉賓。問她兩者感受，So Ching眼框一紅，淚水隨隨流下，說︰「之前有人同我講，你而家終於做咗主角！我會忟，因為我唔覺得dancer係配角…」隊長Gao與Marf見狀，拍拍她肩膊說︰「我明，我明。我覺得喜歡跳舞嘅人，都係表演者。」Dancer出身的芯駖亦認同︰「即使我哋係伴舞，都唔會比主角用少咗力量，反而比更加多嘅力去做呢件事。」
平復後，So Ching續說︰「我認識好多dancer係好爭氣，佢哋冇諗自己係咪陪襯，好相信佢哋可以令到成個作品更好睇。好想一直keep住呢個初心，唔想有人同我講，終於有屬於自己嘅射燈照向你，你終於發揮自己，你有咩轉變？其實我係冇。」
【有選擇地去做自己】
阿Mo出事前，So Ching說自己的長期目標是生活得健康和開心，「keep住做自己鍾意嘅嘢，有選擇地去做自己。」她沒有忘記初心，如今也說：「我對接下來的日子未有明確的想法，只想更重視自己的身心，找回快樂的來源，好好調整自己的狀態。我曾以為快樂很容易，但原來不是每個人也能輕易擁有快樂。我或許在未來的日子裏，於舞蹈或其他方面，繼續努力進修、裝備自己，成為一個更好、更快樂、更值得依靠的人。」
曾經，她希望老來在加拿大或澳洲開cafe，自己沖咖啡、整蛋糕給客人，享受慢活人生。這個想望，當然預了阿Mo一份，如今夢想卻好像飄遠了。但她不放棄，繼續陪伴阿Mo走漫長的康復路，等待5%完全康復的機會。如她退團時，寫道：「要相信自己能成為一個帶給別人溫暖的人，多點愛與同理心，多點聆聽與了解，願彼此能成為任何人生活裏的一點暖。」
願一點暖，讓她和阿Mo不孤單。
娛壹