被打壓的小網民 2023-5-13 19:50
得罪Mirror任何一個就算係事實都要道歉
爆粗嘲處理動物屍體騰雞
浪浪送行者稱曾親自道歉
Alton：點為之道歉，見仁見智，唔討論
因MIRROR成員Alton #王智德 ( #王勁 ）節目《 #勁騎26 》廣受注意的 #浪浪送行者 ，近日被爆拍攝時「玩」Alton，據流出的浪浪送行者負責人阿峰夫婦錄音，兩人嘲笑他處理屍體時騰雞，阿峰譏謂：「佢老x驚到呀！直情將隻腳離隻狗三呎遠，將個身烏前哄埋去剪索帶拎出嚟。」「佢驚啲漂白水好熔岩咁，你都係踩吓漂白水同有屍蟲啫，X行幾行都冇嘢，佢擘到大字馬烏前，拉筋咁倒落去，X佢老X驚有毒咁，幾X肉酸！」
阿峰自認玩 #Alton ：「最搞笑呢，係嗰隻狗呀，我哋拎咗隻狗上會所呀嘛，我畀把鉸剪佢，（叫佢）嚟呀，拆開佢呀。嘩！佢老X驚到呀！直情將隻腳離隻狗三呎遠，跟住將個身烏前，鬨埋去剪索帶拎出嚟。跟住我其實唔教佢，我冇直接叫佢剪爛個袋，我要佢慢慢拎返出嚟。」「最搞笑真係，佢根本就覺得好污糟、好X驚。跟住最大反差係咩呢，我踎咗喺隻狗隔離噴水，好X近距離。」對話中更嘲笑Alton假喊，「佢真係夾硬谷出嚟啲眼淚，好X流。」
阿峰太太Sammi透過浪浪送行者發文承認，錄音是去年1月8日、首日拍攝《勁騎》後發生，「我哋唔會否認講過，因為呢個係確實當時嘅感覺。」自言已就錄音向Alton親自道歉。
不過，今日中午Alton在IG story發文：「我係話，的確係有人解釋返"時間點"嘅，但至於私下有無道歉，點為之道歉，見仁見智，唔討論。」
【Alton開live：件事就算唔係我做，都應該係要鼓勵】
昨日Alton開live有談及事件，全文如下：「早幾日都有關於《勁騎》拍過嘅一集、我做咗一個動物義工，大家都知道。之後應該就係佢哋（浪浪送行者）發生咗一啲事情，嗰啲事情大家應該自己都有睇啦，我都唔單獨去回應。
咁但係有好多訊息到最後係投射咗落我度，甚至以我做一個標題，去變成呢件事嘅發展同發酵。我自己個IG係收到好大嘅信息量，嗰個信息量我都唔能夠統稱嗰啲係關心、even滋擾，我都唔能夠咁講，係因為好多信息量，入面好多……
我知道用『滋擾』呢個字可能係誇張咗，點講呢？好多關心同好多人覺得我係咪應該要回應吓，因為而家嗰件事發酵得多人關注。我唔係逃避，我係需要啲時間去了解，希望我嘅沉默冇為大家帶來太多過分嘅解讀。
我覺得件事嘅焦點應該係放喺……唔係放喺個人嘅本身，而係應該放喺件事嘅本身。我有好盡量宏觀去睇多啲大家嘅反應同睇法。我覺得應該放喺件事嘅本身，係因為有好多人討論我、企喺支持或唔支持我呢邊，用咗我用咗出發點，去咗講Alton本身係有潔癖㗎啦。大家都可能用咗本身對我嘅認識，做一個前設，然後再做任何嘅回應。
咁但係，亦都有另一批人用咗我公眾人物呢個身份，就覺得，我係咪有特權、唔可以笑呀？係咪就唔可以咁樣對佢呀？我覺得大家用咗我做出發點，而我覺得係唔恰當。」
他認為焦點應回到事件本身，「因為嗰件事係講緊……你問我，我覺得嗰件事係好有意義，嗰件事就算唔係我做嘅，可能嗰個係老人家、陳小明張大文，甚至係黃伯，佢哋去做可能都做得好出色，可能都做得好騰雞，好多甩漏，亦都可能做得好專業，但無論做成點都好，但都應該係要鼓勵，無論做成點都好，都應該係要支持。」
【擔心影響所有處理流浪動物屍體組織「因為我好支持呢件事」 】
Alton坦言令他「比較唔開心嘅唔係講緊關事嘅人，係講緊所有參與討論，無論留言又好，純粹係我嘅fans又好，普通嘅觀眾又好，甚至係街邊一個當睇新聞嘅人都好，我都希望大家可以用番一個合適嘅角度去處理呢件事。」
他指自己點解會覺得有少少唔舒服，「係因為我好支持呢件事，我覺得大家對動物關注﹐呢件事係好有意義，所以佢係值得有發展、值得多人關注；但係我會驚，如果有呢啲事發生咗，我相信係一定會影響到一啲人，大家會覺得，風頭火勢喎，少討論為妙。我相信一定有人係咁樣，但我覺得咁樣係唔好囉。
唔好因為呢啲可能係……因為網絡而產生嘅事端，而減低大家對呢件應該要關注嘅事情減低關注同熱情。
我驚唔講係變咗係間接投射咗另一種訊息出嚟，我唔想有誤會。唔好抹煞咗一件好事嘅發展。」
他承認：「我係有收到當事人嘅訊息嘅，佢係有解釋返件事嘅時間點，詳情同其他公開資訊一樣，我冇必要喺度公開回應。」
「我覺得唔係淨係話蛋白粉處理得好唔好，而係我覺得……如果覺得呢件事係新聞咁樣睇，所有讀者都應該要做得好，get唔get到？我希望大家快啲繼續過住開心愉快嘅生活囉，然後集氣囉，希望《勁騎》有第二季。
但嗰件事係好㗎，大家唔好俾呢件事情影響到。」
對於Alton初次處理動物屍體被玩同被嘲，網友替他不值：「如果我第一次做我都好驚，要處理屍體談何容易？必定有好多心理關口要過.. 如果我有心做但我知道背後咁俾人睇唔起，我會好唔開心。」、「一個人有意思想幫手，點解會有打算玩人？如果你睇人唔起嘅，覺得藝人係用自己過橋嘅，咪一早推咗佢囉」、「如果做人冇品到呢個地步，好難想像佢哋係真心為浪浪善終。」
#娛壹