生果轉貼員 2023-5-14 06:53
大方得體，中英了得，多才多藝😘[url]https://www.facebook.com/104318651932201/posts/pfbid02XqaFBVPscDu2Bm7qJpmYTpYVoGNdqDiM2pkFAperNWa7Kww4jQU6nWGmi1yFzkWEl/?mibextid=Nif5ozViuTV[/url]
「最被低估」女主持
李昭南做唱作歌手出單曲《長髮》
曾任荷里活電影幕後
《Blackhat》負責亞洲選角
“我要飛去湯唯同王力宏屋企，搵佢哋試戲”
《變形金剛4》香港取景遇「收陀地」
“我喺現場叫班大隻佬演員冷靜”
-------------------------------------------
有樣有身材的 李昭南( Mishy Fish/Michelle)， 在ViuTV 5年主力做主持，但擁有甜美聲線的她，歌手才是她真正的夢想。在美國求學時曾在多個歌唱比賽勝出，回港後一邊全職做PR工作，一邊寫歌，週末又帶着電子琴去busking。2019年，Mishy首次推出單曲《勒索》，由她親自填詞，藉歌療情傷，有指內容與舊愛吳浩康有關。
事隔四年，Mishy近日再出單曲《長髮》，曲、詞一手包辦，加上非業餘的唱功，Mishy可謂是被主持耽誤的歌手。精於多種樂器如鋼琴、搖滾鼓、手風琴、動竪琴及結他的她，簽約ViuTV時，已表明歌手是她最想發展的一環，《勒索》自資推出後，苦候四年終於再有新作《長髮》，是她參與的節目《 姊妹們的國際市場》插曲，近日在音樂串流平台上架聽到。
【選美摘亞 做過美國電視台主播】
Mishy曾被網民形容為「最被低估」的女主持，不但有樣有身材亦有學歷，家庭背景也非等閒。她是8、90年代香港知名食府海城大酒樓夜總會及海洋皇宮大酒樓的太子女，其後隨父母移民美國，在加州的大學以高等榮譽成績畢業於傳播及舞台系，之後在美國華盛頓政府總部電視台任職主播，又曾參選全美華埠小姐，得到第二公主的名銜。
【直接收導演Michael Mann指令】
近日她在主持的節目《究竟做緊乜》其中一集「台灣電子花車女郎」，提及自己曾在荷里活電影《變形金剛4》任職幕後。2012年，回流返港發展演藝事業的Mishy，因為精通廣東話、普通話及英文，又做過電視台主播的淡定表現，令她被推薦為幾部荷里活電影，擔任亞洲選角工作，其中一部是來港取景的《#變形金剛4︰殲滅世紀》，還有Michael Mann執導的《Blackhat》、《Downsizing》及《臥虎藏龍2》負責與亞洲演員對戲。
重提做幕後的經歷，Mishy跟《娛壹》說，她首部參與幕後的荷里活電影，是2012年開拍的《Blackhat》(黑客特攻)。她在導演Michael Mann 的製作公司「Legendary Pictures」，任亞洲區Casting Associate。
「《Blackhat》由湯唯同王力宏主演，當時我要飛去佢哋屋企，搵佢哋試戲，呢個係我第一個電影幕後工作。嗰時可能無乜香港女仔能應付廣東話、普通話同英文，同埋對住荷里活星要淡定，所以佢哋覺得我適合呢個崗位。因為呢份工，亞洲一線明星我都差不多見勻。」
【為《變形金剛4》通街物色老演員】
之後《變形金剛4︰殲滅世紀》在港拍攝，她是香港區的Casting Coordinator，Mishy要為大場面，一次過搵過百位香港演員︰「除主角，《變形金剛4》香港演員全由我負責照顧。每個場面都有幾百人喺後面，如扮飛虎隊、警察、普通市民、靚女喺畫面前面經過個啲，全部都係我負責。」
原來在荷里活導演眼中，亞洲人外型總比實際年齡年輕，故要求搵某些年齡層演員時，Mishy碰過釘。「有一場佢哋需要六、七十歲公公婆婆喺戲入面災難場面行過，我已經搵晒六、七十歲特約演員俾佢，但佢都話唔得，因為佢哋眼中香港公公婆婆，六、七十歲，個樣太後生。
「佢哋要求，比實際年齡還要老嘅演員，於是我去搵退晒休嘅演員，喺行內有個被稱做『龜仙人』嘅特約演員，好老嘅老人家，聽覺已經唔太好，佢哋覺得呢啲先係香港嘅老人家。
為要搵啱導演心水的公公婆婆，Mishy踏破鐵鞋，「我甚至試過隨街問老人家，有無興趣拍荷里活大片《變形金剛》，通常佢哋反應係︰『你唔好阻住我買餸，我鬼知咩係『變形金剛！』，所以堂堂大導演，都會俾香港人拒絕，哈哈。」
生果轉貼員 2023-5-14 06:56
【荷里活導演的要求】
普遍荷里活導演，對香港美女演員都有特定要求，Mishy說︰「作為荷里活電影導演，佢哋有咩美女未見過，但揀香港靚女演員，佢哋覺得香港係一個國際大都會，所以會要求搵唔同背景嘅人，除咗亞洲、仲有拉丁血統、非洲、美籍等等。佢哋會認為香港女仔個樣太後生，凍齡唔啱佢哋，所以要搵面孔偏成熟，身材要夠hot嘅女演員。」Mishy有樣，身材亦夠hot，問她任幕後時，有否常被導演要求客串做埋幕前，她說︰「都有。但我分唔到身，要照顧幾百個演員，太多嘢要顧，所以拒絕。」
【《變4》大隻佬「壞人」 Mishy︰我搵返嚟嘅冠軍拳手】
當年《變形金剛4》在港取景，分別在鰂魚涌及土瓜灣兩度遇上「收陀地」滋擾，首天開工在鰂魚涌取景，就被三名惡漢要求收10萬元「保護費」，更威脅劇組，若不付錢就在現場播放高聲量音樂騷擾拍攝，以及用磚頭襲擊工作人員。最後劇組報警求助，15名警員隨即到場，採取行動期間因對方反抗，混亂中導演及三名警員均告受傷。Mishy說︰「我當時都喺現場。」
她當務，是叫在場的大隻佬冷靜！「你見套戲場口，有好多唔同國籍嘅大隻佬，佢哋全部我搵返嚟嘅冠軍級拳手，當佢哋見到導演遇上麻煩，其中幾位超過六呎高嘅拳手演員，問需唔需要幫手處理。因為我負責保護所有香港演員，所以當務我叫嗰四、五個大隻佬冷靜返上車。戲入面啲大隻佬『壞人」，其實全部好有正義感。當下我亦好佩服導演嘅冷靜。」因為Mishy身兼幕前幕後太辛苦，最後決定放棄3年的幕後工作，她說︰「畀我見識過荷里活製作嘅規模同工作手法，已經好滿足。」她曾在IG分享《變形金剛4》片末的工作人員名單，其中Casting Coordinator一項，名字是Michelle Lee。
娛壹