我要做富翁 2023-5-25 14:12
尋日24號五點左右肚餓去咗銅鑼灣文輝墨魚丸大王食碗粉,見到兩單鬧客人嘅事情,掛住食嘢無拍到片,第一單一位男老侍應鬧一位老人家,話望乜嘢望,食碗嘢就食碗嘢啦！比人鬧個阿伯唔敢出聲,嘩！呢位老侍應人哋望吓都唔得,仲以為入咗黑社會惡人谷,惡撚到吖😡,跟住另一單另一個女侍應送錯碗粉去B枱,B枱大陸食客話無叫果碗粉,點知果位阿姐出口大駡,鬧人哋叫咗又唔要,無耐A枱有位食客話果碗粉係佢哎嘅,果位女侍應尷尬到紅鳩晒塊面,知道原來係自己送錯枱或者本身落單寫錯枱,亂咁鬧人又無同B枱大陸食客道歉,全場食客都晒然,個收錢老闆默不作聲當睇唔到聽唔到,竟然任由職員大駡客人,相信已經習以為常,上樑不正下樑歪,從未見過這種服務質素,我哋同枱幾位食客,就大聲話佢哋點可以隨便鬧客人㗎,簡直影衰香港人,佢哋一樣可以返大陸講返出嚟,香港咪就係比呢啲一粒老鼠屎整禍一煲粥囉！無論好唔好食以後都唔會再幫襯呢間惡店！