查看完整版本 : 老豆前妻

bettychan07 2023-5-28 21:19

呢排屋企差不多日日都嘈,因為有人的前妻係3個月前揾返佢,佢地已經分開左二十幾年,我媽無耐前先發現。
皆因每個週末有人都話有約,話同鄉下親戚食飯,成日都打電話過來,我媽追問之下先知原來係前妻,借口話要搬屋揾人幫手,順便見下自己個孫 (因為我未婚未有孫),我們以為個前妻同男人分左手所以要揾契家佬,再追問之下"果個人"話前妻未同男友分手但唔係一齊住,"果個人"仲要每個星期都入錢去人地個戶口話要養返自己個孫,又話分開左咁多年要補貼返自己個女,我媽勸佢又同佢嘈,佢指住我媽叫我媽唔好講前妻壞話,又話我們陰毒係到罵人,問佢關於前妻的野就話佢唔知唔清楚關我們X事(粗口都出埋)。
 
我知一個巴掌拍唔響,但我們同佢生活左咁多年都比唔上個前妻+女+孫,最傷我媽心的係果個人話我們先係外人,依家人地不知對佢幾好,佢話會將所有錢留俾果一邊,大把人支持佢同前妻復合。佢講到咁果刻我們點講都無用,我最擔心係我媽的身體,我唔知依家應該點做...........

究竟係咪應該叫果個人搬走? 但我媽又未必想,日日對住日日佢都會胡思亂想..........其實果個人係唔係到對我的影響都唔太大,因為佢只會講D難聽的說話,例如女人讀咁多書有咩用,最後咪又係要嫁人之類一D貶低女人的言語,係因為我媽我先會忍佢咁耐。

[[i] 本帖最後由 bettychan07 於 2023-5-28 21:36 編輯 [/i]]

dartarrow 2023-5-29 00:47

老豆幾多歲?佢有好多$分比人?
佢個孫?人哋究竟叫邊個做阿爺?
咁Kai 嘅人都有嘅?!

bettychan07 2023-5-29 19:07

60以上啦, 又唔係有好多錢, 但都去供養人地

alexhon 2023-5-30 16:13

男人,覺得自已果頭近,想法有d唔同的...仲有孫玩,就更加唔同

mrshohoho 2023-5-31 20:55

如果個女係親生既
個孫又係親生既我覺得好正常喎
話哂都有血緣關係

bettychan07 2023-6-2 14:30

係親生但過份左, 我們唔介意佢俾零用錢個孫去買野食, 但我們一齊生活左廿幾年, 人地一回頭就對我們態度極差,一返到屋就指住我們鬧。
佢俾埋錢人地去供樓, 係到指責我媽係家庭主婦只係識問佢拎錢唔俾錢佢洗, 俾錢佢洗定俾錢佢幫人地供樓丫?? 最簡單問佢收工未, 要開飯,都可以係個電話到罵我們, 話我們迫佢返屋企, 原來佢係一早約左果堆人去食buffet, 連一句唔返來食都唔肯講只係對住個電話罵人,身有屎的人就係咁。
條友仲唔肯自己走要留係到, 又話人地會收留佢? 做咩仲唔走??

[[i] 本帖最後由 bettychan07 於 2023-6-2 14:31 編輯 [/i]]

牧夫座 2023-6-4 15:29

關你咩事;P

現代足球 2023-6-4 17:45

其實樓主都大個成年,支持媽咪所有決定吧。
頁: [1]
查看完整版本: 老豆前妻