查看完整版本 : 睇演唱會遇過嘅冇品行為

山櫻草 2023-6-9 10:56

最近好多演唱會!又有張敬軒軒公,又有太妍嚟香港開演唱會,姜濤又要開演唱會。
睇演唱會真係好唔鍾意遇到某種人。
[olist][*]隔離位唱得勁大聲,搞到似聽佢嘅演唱會多啲。我睇演唱會係想聽個歌手唱歌[*]演唱會嘉賓出場就唔應援,燈又唔揮,明明岩岩都仲揮緊,咁樣真係好唔尊重個嘉賓,都好失禮[*]遇到種人邊睇邊食電子煙,雖然個場係喺戶外,但有冇諗過其他人唔係咁想聞呢?[/olist]大家仲有冇遇過啲冇品嘅人睇演唱會?

天意弄人 2023-6-9 16:01

買麥當勞食,搞到我都好想食

啊呀啊哈啞? 2023-6-9 17:32

我都好唔鍾意人唱得勁大聲,仲要唔好聽!好聽我都算

我係癲佬 2023-6-9 17:38

好唔鍾意啲人全程企起身

lpj88 2023-6-11 02:44

上月睇HANA菊梓喬, 後面幾條友系公司送飛, 就話全場得前幾排系真買飛.
聽左一個鐘佢地走左, 但9成9人聽足全場.

密食當三餐 2023-6-12 13:50

咪嘴!做假!

波波大波波 2023-6-12 14:10

前後左右用電話傾計:smile_42:

球皇美斯又騎C朗 2023-6-12 16:20

做陪唱丶鳩叫丶舉牌丶排人牆丶閃燈丶踢櫈背丶傾電話丶周身臭。我只遇過鳩叫。

吉村先生 2023-6-12 17:35

舉牌真心無品

西門官人07 2023-6-13 08:45

坐前面舉大大塊燈牌擋住晒,或者戴閃燈頭飾閃到你暈

後面碌ponpon棒一晩扑你個頭幾次

ZuiR 2023-6-13 11:12

即場播返岩岩偷拍完既錄音!大佬啊,人地唱緊第二隻歌啦,你做乜播返岩岩影果段!!!!

SOHEUNG 2023-6-14 12:07

當年演唱會好興入場前每人派兩條吹條拍拍膠捧搞氣氛, 話說一次譚詠麟只派一條甘我同老婆講好啦唔做拍再霸霸聲聽唔到歌啦, 點知一開唱隔離排有阿嬸羅左佢屋企人個支黎拍, 頭兩首快歌都算, 第3首唱舒情歌譚十生係到如真, 如假時, 個阿毛又拍拍到好似樓上鑽地裝修甘點聽歌呀, 難為附近d人又唔出聲, 最後第4首我頂唔順越過4張椅行上去叫佢拍細聲d
頁: [1]
查看完整版本: 睇演唱會遇過嘅冇品行為