losingmyway 2023-7-19 13:57
屋企人照pet ct 時發現腎有4cm 腫瘤同肝有3cm 腫瘤，淋巴都有2粒。
在公立醫院已對淋巴進行抽針，抽左最易抽果粒，話無癌細胞，但另一粒因位置問題就抽唔到，所以唔知有無癌細胞。
腎2星期前已抽針，仲要等多2 星期覆診先有病理報告去確定係唔係癌，泌尿外科之前看過，覺得好大機會係癌。
至于肝，臨床腫瘤醫生話抽針有風險, 所以唔想抽，話除非你take risk開刀拎曬d 野出黎驗。同埋覺得肝果粒似係由腎轉過去，所以現階段唔refer 比肝科。
初步醫生提過方案係，如果腎果粒係惡性，咁‘assume’ 係已擴散，所以唔會做手術，只會用腎藥，看看幾個月後，淋巴同肝對腎藥有無反應，有反應姐係淋巴同肝 個粒係腎轉過去；無反應的話，就要再同肝科傾下一步點做。 如果腎係良性，咁就pass 腎的問題比腎科，然后再refer 比肝科處理肝的問題。
我的問題係
1. 屋企人2 星期後會見泌尿外科同臨床腫瘤科，現階段我好唔好出私家搵second opinion？定應該等多2 星期等病理報告出左先再搵私家？ 2 星期後見公立，會唔會要我地即時決定治療方案？ 如果搵私家，應該搵私家臨床腫瘤？肝外科？泌尿外科？ 唉。。。
但我e+ 得份私家pet ct report 係手，就算出私家，我都無野可以比到私家。公立醫生話，如果要公立的抽針report，要跟正常途徑去檔案部申請（要8星期….）。屋企人有醫健通，但私家應該睇唔曬公立d 報告。
2. 公立assme 左 係擴散，話唔做手術。本身我仲好天真咁諗，不如切左腎同肝的腫瘤，再做化療 ，唔得再食藥，咁可能可以斷尾。但公立e+ 話會assune 係擴散，只靠食藥/免疫治療去處理，我好擔心費用問題。 你地有無意見？
咁樣assume 法，會唔會耽誤肝的問題？同埋可能本身可以用手術斷尾（切腎同肝），e+ 因爲咁ge 方法，就要長期食藥？
就算係擴散，咁切左已擴散的位置，都無用？
我好迷網，講得有d 亂，希望大家比d 意見。謝謝
[[i] 本帖最後由 losingmyway 於 2023-7-19 14:02 編輯 [/i]]
samsam2012 2023-7-19 18:09
[quote]原帖由 [i]losingmyway[/i] 於 2023-7-19 13:57 發表 [url=https://www.discuss.com.hk/redirect.php?goto=findpost&pid=559962811&ptid=31216510][img]https://www.discuss.com.hk/images/common/back.gif[/img][/url]
屋企人照pet ct 時發現腎有4cm 腫瘤同肝有3cm 腫瘤，淋巴都有2粒。
在公立醫院已對淋巴進行抽針，抽左最易抽果粒，話無癌細胞，但另一粒因位置問題就抽唔到，所以唔知有無癌細胞。
腎2星期前已抽針，仲要等多2 星期覆診先有病理報告去確定係唔係癌，泌尿外科之前看過，覺得好大機會係癌。
至于肝，臨床腫瘤醫生話抽針有風險, 所以唔想抽，話除非你take risk開刀拎曬d 野出黎驗。同 ... [/quote]
以下chatgpt嘅回答
良性腫瘤一般不會轉移，因為良性腫瘤的細胞生長相對較為緩慢，形態規則，細胞密度較低，與周圍組織有明顯的分界，並且不會侵入周圍組織或器官，也不會入侵血管和淋巴管，因此不會通過血液或淋巴系統擴散到其他部位。
然而，也有極少數情況下，良性腫瘤會發生轉移，雖然比較罕見，但仍然有可能發生。例如，一些良性腫瘤可能會在某些情況下發生惡變，變成惡性腫瘤。此外，一些良性腫瘤可能會發生局部浸潤，即侵入周圍組織或器官，雖然不會擴散到其他部位，但仍會對周圍組織或器官產生影響。
總的來說，良性腫瘤通常不會轉移，但在極少數情況下可能會發生轉移或局部浸潤。因此，即使是良性腫瘤，也應該密切關注和定期檢查，以及遵循醫生的建議進行治療和隨訪。
samsam2012 2023-7-19 18:27
我確咗癌症後有一次醫生會診, 有7個醫生(當中可能有啲係實習)一齊同我傾, 當然佢哋應該係傾好咗先見我, 咁多個醫生研究完我個病情之後作出嘅判斷, 我諗應該唔會差得去邊掛, 所以我會傾向相信政府醫生嘅判斷。
我嘅情況都係已經擴散咗, 醫生都係話唔做手術, 安排我電療同埋化療, 醫生話如果癌症擴散咗的話理論上係不可能徹底清除, 所以會建議用化療全身滅癌。
需唔需要長期食藥我諗睇情況啦, 我做咗一個療程嘅電療同埋三個療程嘅化療之後, 兩個大嘅腫瘤(有十幾cm), 一個完全消失, 一個縮細咗九成半以上, 體能同埋精神都明顯好咗。醫生話我嘅情況好好, 話如果我頂得順嘅話, 會安排我做多三次化療, 做完之後會幫我照多次, 睇下乜嘢環境, 我個case應該唔需要長期食藥(如果順利的話)。
樂天勤勞的薯仔 2023-8-14 21:58
腎癌醫生都會先睇吓可唔可以用手術清除，如果唔可以，一般會用電療加化療。其實樓主點都拎咗 biopsy報告，知道第幾期先，因為你出去搵私家，佢都會叫你做同相同嘅tests。
如果真係想問 second opinion，如果 confirm 係後期，搵腫瘤科，不過腫瘤科醫生都有分睇唔同器官。
[[i] 本帖最後由 樂天勤勞的薯仔 於 2023-8-14 22:03 編輯 [/i]]