逃難的挪亞方舟 2023-7-20 16:32
做咗廿幾年野, 啱啱quit咗份工, 開始退休.(不過唔知會唔會遲啲悶得滯又揾工).
暫時退休咗半個月左右啦, 每日都好充實好多嘢整. 可能因為做咗廿幾年野而家先開始放長假, 啱啱7月頭就去咗日本玩咗八日, 返嚟就搞下電話啲嘢又搞銀行啲嘢, 都冇左兩日而且又打左風.
而家諗住計劃下每日啲時間點樣分佈,
目標係每日兩三個鐘頭睇youtube, 睇興趣學嘢啦, 再約下舊同事舊朋友聚餐. 之前因為做嘢有藉口話忙就全部人都冇乜聯絡. 其實都應該見下啲人試下吸收下啲新思維.
另外就計劃下點樣慳錢, 例如點樣調動啲資金可以賺多啲息啦, 或者整理下啲強積金, 整理下啲投資portfolio,唔好用冇時間做藉口乜都唔搞乜都唔喐.
另外再涉獵多啲知識點樣做啲新嘅投資.
呢個年紀真係最緊要保本為主啦.
我發現退休前一定要做定幾樣嘢:
第一就係借好曬錢, 例如樓宇按揭.
第二就係要出定啲信用卡, 因為冇人工其實出唔到新嘅信用卡. 我見到啲mileage流曬口水🥲🥲🥲, 但係我已經冇資格喇😭
yancbk 2023-7-24 07:29
提早退休，我想你都有啲錢，你試吓在有戶口的銀行申請信用卡，我想通常都會批，而AE 通常你申請或交年費就批，AE explorer 更可入lounge, 好正。