查看完整版本 : 咕哩頭的鬼故【三】: 《人海勾奇 ~ 我寫阿妹的玄幻人生》

今日開呢間新舖真係幾經掙扎， 因為一旦開咗新舖舊舖就會逐漸沉底，所以有種好唔捨得嘅感覺。

無論如何，都希望大家久唔久click下入下面兩條link，讓我們偶爾在哪裏再相會。


《記二十年前往事 阿女差啲被抓交替，好彩阿妹出手救番！》
[url]https://www.discuss.com.hk/viewthread.php?page=200&tid=28815775&utm_campaign=android&utm_medium=share&utm_source=copy[/url]

咕哩頭的鬼故【二】:《人海勾奇 ~ 我寫阿妹的玄幻人生》
[url]https://www.discuss.com.hk/redirect.php?goto=findpost&pid=539273511&ptid=29575627&utm_campaign=android&utm_medium=share&utm_source=whatsapp[/url]

[[i] 本帖最後由 咕哩頭 於 2023-10-4 08:43 編輯 [/i]]

支持新帖! 擔定櫈仔等睇新故仔! :smile_o12:

聲明:

本版所有故事乃跟據真人真事寫成，版權所有，不得轉載或抄襲，違者將予法律追究。

支持師姐新帖:smile_o12::smile_o12:

:smile_38: 支持新帖!

支持樓主👍

留毛支持～

第五十六故    五鬼旺香爐

以下故事要由阿妹少女時代講起 :

當年阿妹有個舊同學花名叫馬尾蘭，因為住屋企附近所以經常會同阿妹一齊返學，畢業後佢哋間唔中都會聯絡下。

成年以後阿妹越嚟越常見到怪雞嘢，佢自己解釋唔到，就會忍唔住話比馬尾蘭聽。

馬尾蘭份人十分八卦，拜神問卜摸骨睇相星座乜都啱，佢對阿妹既靈異見聞特別感興趣，成日追住問東問西。

幾年之後馬尾蘭識咗個男朋友花名叫法拉利，話自己係茅山弟子，學咗一年法已經好有料到，單靠拜下師公廾靚歲就過梗優渥生活，但佢仲嫌唔夠好景，為自己定咗個終極人生目標，就係三十歲前喺九龍塘置業，再加埋揸到架法拉利跑車。

馬尾蘭本身都係好高騖遠之人，同法拉利可謂嗅味相投，二人一拍即合好快就拉埋天窗，開開心心咁去歐洲度蜜月 ~ 而果陣阿妹仲伸長梗條頸，等梗個冇心肝既強仔向佢求婚。

兩年後既某日馬尾蘭通知阿妹，話佢同老公聯名响西貢買果層村屋樓已經入伙，新屋設置神壇，恭請咗觀音菩薩返嚟坐宅，另外為着更催旺運財，法拉利每晚午夜十二㸃都會上壇作法，請五鬼埋壇食香。

' 個觀音像我老公揾師傅開咗光㗎，你嚟感應下，順便睇下我老公㸃樣請五鬼。'

當年既阿妹見識唔多，雖則經常見鬼，但對鬼世界既運作只是半知半解，不免對馬尾蘭屋企個神壇產生好奇，於是便如約應邀前往。

時近半夜，阿妹一入屋就見到一個又高又大既神壇，壇上分成上下兩級，上面一級係又靚又精緻既觀音企像，淨係個像連埋腳下個蓮花座足足有兩呎高，下面一級放着好大一塊牌位，上書:

' 五方五鬼....'

( 之後仲有好長一串字阿妹早已忘記。 )

阿妹心諗:

' 乜鬼牌位可以放到咁近觀音菩薩嘅咩？'

阿妹對道家儀軌一知半解，茅山呢家更加係識佢條鐵，於是不敢多言，專注留意番個觀音像。

阿妹每次入到寺廟，對住觀音像都會感覺到四下既慈悲力量，能令佢自發恭敬地合十頂禮，但係眼前呢尊觀音像卻了無異感，佢極其量只係一尊造工精美既陶瓷塑像而已。

於是佢同馬尾蘭講:

' 你呢個觀音像未開光個喎。'

馬尾蘭聽到隨即面色一沉，指住老公語氣肯定咁話:

' 冇可能，佢師傅係茅山高手，儀軌一定做到足，你㸃會話我個觀音未開光？'

' 吓，我唔識你哋茅山啲嘢㗎，總之我感應唔到觀音菩薩响度咯。'

馬尾蘭皺起眉頭，明顯地心中非常不快:

' 咁五鬼呢？你感唔感應到五鬼呀？'

' 欵，五鬼就真係响度嘞。'

[[i] 本帖最後由 咕哩頭 於 2023-11-10 15:12 編輯 [/i]]

:loveliness: :loveliness: :loveliness:支持

阿妹後生真係厚多士！😂😂😂好多是非都係自招，但好處係成長比較快

繼續支持:loveliness:

支持支持💪

支持支持

又有新故聽, 正:smile_o12:

繼續支持

支持樓主出新故

支持！

多謝樓上各路師兄支持捧場，明日中秋佳節，人月團圓。

我在此引蘇軾名句:

' 但願人長久，千里共嬋娟。'

祝願各位合家康泰，共享良辰。

[[i] 本帖最後由 咕哩頭 於 2023-9-29 06:07 編輯 [/i]]

' 得，咁陣間你千祈咪眨眼咯喎。'

時辰未到，兩個小女子趁相聚話下家常。馬尾蘭講起茅山派既奧妙之處 ~ 話每晚喺屋企做 '五鬼旺香爐' 法，能有效催旺宅內財運，兩公婆好快就可以唔使打工，想要响淺水灣買大屋也不是夢。

阿妹聽聞茅山派最叻係捉鬼收妖，估唔到原來仲可以幫人發大達，難得今晚有機會開此眼界，心入面都非常興奮。

當其時法拉利係九龍某臨海五星級酒店既房務主管，專責做總統套房果層，啲住客唔係阿拉伯油王就係跨國公司CEO，佢每日淨係收美金貼士都收到手軟，今以茅山法去求財，無疑只為錦上添花。

馬尾蘭原本喺安利做傳銷，因收入不及老公豐厚，內心早已有點意興闌珊，佢同阿妹講，話有意唔撈改而歸入茅山門下，只要學識其中兩三套板斧，以後就可以求乜有乜。

阿妹心諗:

' 求乜有乜 ~ 世上真係有咁便宜既事咩？'

此刻時辰已到，'五鬼旺香爐' 馬上開始，只見法拉利著到成個林正英咁款，由房中踏步而出，先從神櫃取出一大紮香枝，捧在雙手之中 (目測起碼有二三百支)，跟住以穿插步法遊走到神壇正中，然後止步凝神肅立。片刻過後，佢將大束香枝高舉至眉心，口中唸唸有詞，唸咗大約兩分鐘，突然單腳大力泵地一下，隨即將手上大紮香枝一次過插晒入壇前個香爐入面 (香爐成個砂煲咁大)，之後以劍指在空氣中比劃了幾下 (狀似畫符)。

以上連串動作節奏明快，流暢得嚟又好有舞蹈感，睇落其實幾賞心悅目，不過唔知點解阿妹越睇越疑惑，硬係覺得當中有啲嘢怪怪地，但怪喺邊度，佢一時之間又講唔出，唯有耐心睇埋落去。不出幾秒，佢腦內靈光一閃:

' 吓，佢紮香未㸃火個啵！'

係喎，此刻插咗入香爐果幾百支香，又真係未點火個喎，咁佢㸃請五鬼呀？

唔通佢有外人睇住，緊張到連㸃香都唔記得？

咪住先 ~ 阿妹睜大雙眼盯實壇上個大香爐，等咗唔夠半分鐘，就見到有火光响爐灰裡面閃燃，接着零星火種迅速漫延，好快就燒着埋插住响爐灰入面果幾百支香雞腳。

' 唔通爐灰底下有㸃火裝置，一插香入去就識得自動點火？'

阿妹百思不得其解，轉頭又諗:

' 就算個香爐入面真係有機關，你都冇理由調轉啲香嚟燒啩？'

但現實果真如是 ~ 宜家啲火係由香尾開始燒起，即係由紅色香雞腳個位一路向香頭逆勢咁燒梗上去。

阿妹咁大個人第一次見人咁燒香法，不由得發自內心驚嘆: ' 真係匪夷所思！呢啲究竟係咩掩眼法嚟？'

只見法拉利裝香之後依然站立壇前，不停地將紛紛倒下既香枝重新再插入爐灰裡面。

( 因香枝係由香雞腳逆方向往上燒，所以每枝香都未能插穩喺爐灰入面，每燒上幾公分便會陸續倒下。)

阿妹完全唔敢相信自己眼睛 ~ 果啲明明係真煙火，㸃解法拉利可以唔使帶手套就直接嗱落去？唔通佢唔驚會比火辣親嘅咩？

[[i] 本帖最後由 咕哩頭 於 2023-10-15 15:19 編輯 [/i]]

【今日分享】

阿妹速繪馬尾蘭屋企個神壇。

[attach]14677180[/attach]


阿妹話放下面個牌寫咗好多嘢，但事隔三十年佢已經唔記得晒，淨係記得頭四個字。

[[i] 本帖最後由 咕哩頭 於 2023-10-5 08:17 編輯 [/i]]

支持新帖! :victory:

期待 :cny2018_01:

' 果啲會唔會係假火嚟呢下？'

那時剛廾歲出頭既阿妹，仲係好稚嫩無知好奇心大於一切，佢想趁香枝未燒完行埋去睇真啲，於是緩步走向法壇，小心翼翼咁將自己個頭哄埋去個大香爐度。

' 咦，行近啲真係感覺到熱個啵。'

咁即係真火嚟啦！

咁近處既煙火唔止帶有強熱度，仲非常攻鼻澀眼，不出幾秒，阿妹已經連馬尿都流埋出嚟 ~ 梗係啦，鬼叫佢慌死執輸哄到咁埋咩？正想彈開，就聽到耳邊傳來一連串好奇怪既聲音:

' 摺摺嘖....嘖嘖....摺摺....嘖....'

' 唧唧....嘖....'

另外有幾把聲响度嗌:

' 行開....嘖嘖摺....唔好阻住....'

' 走開，走開....嘖嘖....唧唧....摺摺...'

' 走啦....'

' 摺摺嘖....摺摺....'

語氣短驟而急促，聽落就似是來自耳邊一組環迴擴音器。

阿妹望住眼前擺放住既五鬼牌位:

' 係佢哋，佢哋做乜咁嘈嘈閉嘅？'

隨即又馬上明白晒:

' 佢哋嬲我阻住佢哋開餐，發惡要趕我走！' 諗諗下突然心寒起嚟: ' 哇，我好驚驚呀！'

阿妹以往見親都係啲大老遠閃閃縮縮既膽小鬼，今次係佢首次近距離同鬼物第三類接觸，仲要比群鬼粗聲驅趕，不由得全身僵硬汗毛直豎，雙腳不由自主地往後退。

與此同時，佢身邊既法拉利卻無知無覺，只係專注於前面個大香爐 ~ 爐內既香枝陸續不停地往下跌，佢就不停地執香，撥香灰，插香。

然後又再跌香 ~ 執香 ~ 撥香灰 ~ 插香 ~ 跌香 ~ 執香 ~ 撥香灰 ~ 插香 ....無限輪迴。大廳之中濃煙漸密，間屋冇開冷氣但係就凍到好似臘月天咁。

阿妹面色變得青白，腳震震後退到原本站立嘅位置。

馬美蘭見佢神色有異，即刻便上前扶住佢:

' 嘩，你做咩塊面白晒嘅？你嚇親牙？'

阿妹仍然驚恐萬分，淨係識得擘大個口:

' 我聽見....聽見....'

跟住已經講唔到落去了，馬尾蘭見狀也不敢怠慢，即刻便丟低老公，揸車送阿妹返屋企。

阿妹幾乎由上車震到落車，直至返抵屋企樓下先至回魂。

此時馬尾蘭再問佢:

' 你頭先到底聽見啲咩啫？'

阿妹深吸幾口氣，才有勇氣將剛才所聽所感述說一遍，馬美蘭聽後不但毫不慌張，仲非常得戚咁笑住講:

' 咦，咁即係我哋師公真係有料到喎。'

阿妹連忙點頭同意:

' 係呀，你呢個壇真係有料到呀。'

' 唓，你又話自己見慣鬼嘅，為乜咁少嘢就嚇到面青呀？'

' 吓，我咁大個女第一次聽見鬼講嘢咋，佢哋咁惡死要趕我走喎，我唔驚就假嘅。'

' 我幾驚你嚟到我屋企咩感應都冇呀，好彩終於都證實咗五鬼响度，呢次真係多得有你。'

' 虧你仲笑得出，呢啲咁濕滯既嘢你以後都係唔好搞我咯。'

[[i] 本帖最後由 咕哩頭 於 2023-10-22 18:09 編輯 [/i]]

好開心。樓主又開新貼同我哋分享:loveliness:

-----------------------------

事隔三十幾年，我聽阿妹講完果晚既事，就同佢講:

' 睇你平時串串貢，又話識同鬼講數又話會同妖魔鬥法，原來以前既你係咁 fragile？'

' 果陣我真係咩都唔識吖嘛，後來我正式皈依咗，之後又潛心修法，日子有功，個人咪漸漸開竅，越嚟越夠膽咯。'

' 咁馬尾蘭兩公婆跟住㸃呀？ 係咪真係拜下拜下拜到發大達呀？'

' 梗唔係啦，佢兩個既結局最後都唔係幾好就真。'

' 點唔好法？'

' 當年法拉利沉迷道術，冇幾耐就辭咗酒店份工在家食老本，馬尾蘭亦唔再做傳銷，揾咗個下茅師傅話要專心學法求財。'

' 吓，咁咪即係兩公婆都唔去做嘢咯？'

' 馬尾蘭自己冇收入不特止，仲要每個月花五千蚊去供養師傅，佢話師傅老早講咗，修下茅法係先要潦倒三年，之後才會真正大富大貴，所以佢唔介意一開始吃啲苦頭咁話。'

' 未發達就要先衰三年牙，咁佢都搏得幾盡喎。'

' 法拉利因為信奉五鬼運財會令佢逢賭必贏，所以好快就沾上咗賭癮，呢一失足，佢從此就沉淪不起嘞。'

' 佢原本係大好青年，搞到如斯田地真係好可惜呀！'

' 兩個都不事生產，生活自然越嚟越坎坷，正所謂貧賤夫妻百事哀，最終佢哋每日互相推責，冷戰指罵，唔夠兩年就離婚收場了。'

' 佢哋唔想攬住一齊死，咪唯有各行各路咯。'

' 法拉利跟住㸃，馬尾蘭就冇再同我講啦 ~ 睇怕佢哋離婚之後都冇再聯絡，一刀兩斷咗咯。'

' 咁馬尾蘭自己又㸃呀？'

' 我一個人捱梗世界果陣，佢已經有樓有車有老公，可能係風光過後唔想比人見到個落拓樣啦，總之佢整整下就冇再揾我，過咗幾年，我就聽人講話佢死咗嘞。'

' 吓，咁後生死咗？'

' 係呀，果陣佢啱啱三十出頭咋，話係肺癆死嘅。'

' 今時今日肺癆有得醫個喎，食半年葯就得啦。'

' 好似係啲併發症引起器官衰竭之類，具體㸃死法我就唔清楚嘞。'

' 唉，呢兩公婆原本係一對璧人，就係因一個貪字，將自己一手好牌打爛晒。'

' 所以我哋一定要記住等價交換呢個道理。'

' 嘩，好彩果晚你比五鬼嚇一嚇走咗返屋企啫，如果唔係以你當年入世未深又咁好勝，話唔定會陪埋佢哋一齊顛一齊拜都唔定。'

' 其實如今我諗番轉頭，對五鬼旺爐呢一幕既睇法已經完全唔同晒。'

' 你參透到當時啲香枝㸃解會調轉嚟燒哩？'

' 呢啲屬於茅山派既秘法，我唔打算深究嘞。'

' 咁你到底想講咩呀？'

' 我係想講番五鬼趕人走果部份....'

' 哦 ~ '

' 我修咗法廾幾年，以我今時今日既理解，其實當時五鬼要驅趕既人並唔係我，而係法拉利。'

' 真係？' 阿妹忽然咁講真係令我意外之極: ' 㸃解你會咁諗嘅呢？'

[[i] 本帖最後由 咕哩頭 於 2023-10-21 19:19 編輯 [/i]]

[quote]原帖由 [i]咕哩頭[/i] 於 2023-10-15 15:09 發表 [url=https://www.discuss.com.hk/redirect.php?goto=findpost&pid=562053576&ptid=31300300][img]https://www.discuss.com.hk/images/common/back.gif[/img][/url]

-----------------------------

事隔三十幾年，某日我聽阿妹講完果晚既事，就同佢講:

' 睇你平時串串貢，又話識同鬼講數又話會同妖魔鬥法，原來以前既你係咁 fragile？'

' 果陣我真係咩都唔識吖嘛，到我正式皈依之後跟住學習修法，個人咪漸漸開竅越嚟越夠膽咯。'

' 咁馬尾蘭兩公婆跟住㸃呀？ 係咪真係拜下拜下拜到發大達呀？'

' 梗唔係啦，佢兩個既結局最後都唔 ... [/quote]
最近睇到一篇講問鬼神求財嘅文章, 同呢個故事好相似:
 
“補財庫”是不是智商稅？
在沒有遇到騙子的情況下，不是智商稅
只是多久產生效果、產生多少效果
因人而異，不好說，不一定[img]https://face.t.sinajs.cn/t4/appstyle/expression/ext/normal/01/2018new_chigua_org.png[/img]
 
先別急着心動
許多 “大師”使用的補財庫方法
其實是拆了東牆補西牆
當人們的內在意識沒有改變時
與之匹配的財富值也不會改變
但可以通過“黑魔法”
讓人們提前享受物質的豐盛
 
這就像花唄給你增加了信用額度
讓你從原來的每月1萬元額度
提升至每月可以花3萬元
不明真相的同學以為自己的財富增加了
其實這只是讓你提前消費了自己未來的財富
而非真的讓你的財富總額有所增加
 
所有的預支消費都有自己的“還款日期”
于現實生活而言
我們可以“以錢還錢”
但在能量層面而言
錢，不再是世界通用的交易貨幣
能量才是
 
所謂的“有錢能使鬼推磨”
只是一種表象
真正能讓鬼願意為你辦事的貨幣
是能量，是生命的能量
 
人活着時最怕死
死之后成為鬼
又開始怕自己消失
所以需要去尋找能量
來延長自己的存留時間
 
為了得到能量的滋養
他們通常會採用兩種方式
那就是“威逼”和“利誘”
 
威逼，是通過恐嚇、驚嚇等方式
嚇出部分生命能，以便于自己去吸食
而利誘，則是通過利益交換來與宿主達成協議
小鬼會幫助宿主完成小我心愿
求財得財，求名得名
宿主以為自己找到了人生的捷徑
卻不知自己是在用生命能提前消費
如果宿主不及時醒悟
未來宿主的身體、生活
會出現各種問題
也就是所謂的“反噬”
 
很多立竿見影的法術、符咒、儀式等等
都是使用了低頻能量的意識團體
通過外在挪移能量的方式
讓求財、求利、求各種小我欲望的人
提前透支自己的未來
 
有人認為這是及時行樂
殊不知這是鬼迷心竅
及時行樂是在自己的能力範圍內
滿足自己的某些欲望
而鬼迷心竅
是讓欲望遠遠超出了自己的能力
成了欲望的奴隸
而非欲望的主人
 
最根本的補財庫方式
是補你的認知、你的思維、你的能力
是由內而外的發生改變
而不是向外尋歪門邪道
（一切使人迷失內在自我
喪失自我力量
誘導人們外求的方式
都可以歸為歪門邪道）
短期來看
這種方式雖然沒有黑魔法見效快
但我們的人生體驗不止幾年、幾十年
甚至不止一世
短期利益在這樣的時空長河中不值一提
自己耍小聰明偷的懶
也會成為未來讓自己陷入困境的因
 
我不願稱之為因果報應
雖然這么說更容易讓大家理解
但因果報應帶着懲罰的邏輯
靈界不存在懲罰
人們眼中的懲罰
不過是靈界安排的對等性體驗
如果你已經體驗了歪門邪道帶來的利益
那么也會為你安排與之對等的反面體驗
在正反之間明白“守中”才是升級之道
 
從人的視角去看人間
處處都是不公平
憑什么他比我有錢？
憑什么他一夜成名？
憑什么我是小人物？
憑什么這樣安排我的命運？
 
老天爺、老天奶瞎了眼嗎？
恰恰正是因為沒有瞎
才有了如此安排
所有的安排都非常公正公平
沒有靈魂可以逃過自己的課題
 
與其帶着嫉妒與不甘去問別人憑什么
不如把注意力拉回自己的內心
問問自己的靈魂團隊
為什么選擇這樣的劇情
你需要從中學習什么課題
當我們開始向內求之時
命運的齒輪
也開始慢慢轉變了原來的運行軌跡

[[i] 本帖最後由 CP-KELVIN 於 2023-10-15 15:49 編輯 [/i]]

支持新貼，多謝樓主有故仔睇

[quote]原帖由 [i]CP-KELVIN[/i] 於 2023-10-15 15:44 發表 [url=https://www.discuss.com.hk/redirect.php?goto=findpost&pid=562054403&ptid=31300300][img]https://www.discuss.com.hk/images/common/back.gif[/img][/url]

最近睇到一篇講問鬼神求財嘅文章, 同呢個故事好相似:
 
“補財庫”是不是智商稅？
在沒有遇到騙子的情況下，不是智商稅
只是多久產生效果、產生多少效果
因人而異，不好說，不一定[img]https://face.t.sinajs.cn/t4/appstyle/expression/ext/normal/01/2018new_chigua_org.png[/img]
 
先別急着心 ... [/quote]
多謝師兄分享呢篇深入淺出發人深省既文章，幫咗我好大忙去闡述箇中道理。

世人駕馭貪念並非易事，也不是單靠信仰或修自心就能成就，外界太多引誘，人與人之間的比較之心亦會驅使犯念。我哋在日常生活之中，稍不留神就會貪咗，最慘係貪完自己都未知。

[[i] 本帖最後由 咕哩頭 於 2023-10-17 10:50 編輯 [/i]]

上面咁多位留言支持既師兄們，請恕懶鬼咕哩頭沒有逐一覆帖，我在此一併多謝你哋呀。



:handshake:handshake:handshake:handshake:fst_011:

[quote]原帖由 [i]CP-KELVIN[/i] 於 2023-10-15 15:44 發表 [url=https://www.discuss.com.hk/redirect.php?goto=findpost&pid=562054403&ptid=31300300][img]https://www.discuss.com.hk/images/common/back.gif[/img][/url]

最近睇到一篇講問鬼神求財嘅文章, 同呢個故事好相似:
 
“補財庫”是不是智商稅？
在沒有遇到騙子的情況下，不是智商稅
只是多久產生效果、產生多少效果
因人而異，不好說，不一定[img]https://face.t.sinajs.cn/t4/appstyle/expression/ext/normal/01/2018new_chigua_org.png[/img]
 
先別急着心 ... [/quote]
很好的切入點看生命軌跡
謝指教