查看完整版本 : 我應唔應該繼續學琴?

Mmmm2108 2023-10-23 23:50

我係一個中四學生
屋企係單親家庭
4年前開始學,而家準備考四級
一開始學琴是因為對鋼琴有興趣同埋想教琴
但係而家已經都中四,感覺自己學得好慢
屋企賺得唔多,感覺自己係負擔
如果唔學有感覺浪費咗阿媽啲錢
但係學落去,又唔知道學到幾時先可以教琴
越往上,用嘅錢越多,依家仲要學埋樂理
感覺好似無底洞咁樣吸緊我阿媽啲錢
同埋感覺上教琴又唔係好賺錢
我要唔要放棄學琴?

獅佛龍 2023-10-24 00:42

坦白講,你彈琴能力是冇乜可能在可見的將來達到能夠教琴維生的程度,甚至可能這一世也達不到最低要求。從良心角度去看,你應該避免以教琴為職業,以免害了你僅有的學生。從賺錢角度去看,你應該專心讀書,一定會有更好的出路;又或者發掘一下自己其他長處,甚至睇吓自己係咪靚仔/靚女,以上都可以為你帶來更好的賺錢出路。如果純係為興趣,你可以停止現在考琴,然後繼續自學,如果你有天份又勤力的話,你一樣可以在將來能夠自食其力的時候再認真學琴/考琴。這世上冇人會阻到你的興趣,就只看你能否堅持。

獅佛龍 2023-10-24 00:55

但係而家已經都中四,感覺自己學得好慢 -->✅ 係學得好慢
屋企賺得唔多,感覺自己係負擔 -->✅ 係負擔
如果唔學有感覺浪費咗阿媽啲錢 --> ❌ 唔學反而可以慳返阿媽啲錢
但係學落去,又唔知道學到幾時先可以教琴 -->✅ 學到2047都未必得
越往上,用嘅錢越多,依家仲要學埋樂理 -->✅ 講得十分之正確
感覺好似無底洞咁樣吸緊我阿媽啲錢 -->✅ 絕對係無底深潭
同埋感覺上教琴又唔係好賺錢 -->✅世事都被你看透了

ltclpianoforte 2023-10-24 09:29

[quote]原帖由 [i]Mmmm2108[/i] 於 2023-10-23 23:50 發表 [url=https://www.discuss.com.hk/redirect.php?goto=findpost&pid=562246431&ptid=31338012][img]https://www.discuss.com.hk/images/common/back.gif[/img][/url]

我係一個中四學生
屋企係單親家庭
4年前開始學,而家準備考四級
一開始學琴是因為對鋼琴有興趣同埋想教琴
但係而家已經都中四,感覺自己學得好慢
屋企賺得唔多,感覺自己係負擔
如果唔學有感覺浪費咗阿媽啲錢
但係學落去,又唔知道學到幾時先可以教琴
越往上,用嘅錢越多,依家仲要學埋樂理
感覺好似無底洞咁樣吸緊我阿媽啲錢
同埋感覺上教琴又唔係好賺錢
我要唔要放棄學琴? [/quote]
如果你學琴的目的是為了教琴的話
建議你盡快放棄
香港出生率已跌到世界第一低
現在才計劃入行是完全沒有出路的


如果學琴純粹為興趣,建議將來在社會工作後,工餘去學,學費負擔會輕得多。

cu2hk 2023-10-25 14:42

先搞清楚自己點解學琴. 
如果鋼琴/音樂你係夢想, 那請你堅持學習. 你怕媽媽辛苦, 可先跟她商量(做母親通常會盡能力去支持自己兒子的夢想, 自己辛苦多數不會太計較, 前提是你都珍惜她為你的犧牲).
而如果你既目標純粹只是想教琴, 你就要先問自己對教琴老師生涯嘅理解 - 如果你以為佢個個星期上你一堂就可以袋錢走好happy, 你要理解佢背負甚麼: 學生不夠擔心又不夠生活, 學生多時,日日就活在琴室中,活像移動監獄; 去中心做, 又要睇怪獸家長面色, 自己做又要捱租; 而且都困身, 想放假不易; 沒有公司保障, 手停口停, 一個大病入醫院, 小則儲落學生無晒, 萬一手受傷更可能要被迫退休 .... 我可能負面咗小小, 你可以去跟多些人談論, 增加自己認知.
點都好, 你都要有一個覺悟: 音樂都係一件好洗錢既事.  無論你是磨練自己技術, 買樂器器材, 租地方, 跟其他音樂人合作, 全部都係錢.  回報豐厚的例子係有嘅, 但比率係其低, 可能是1:10000, 即係你要比一萬個音樂人更有成就, 才能成為成功音樂人, 當中滿足感極大! 這也是音樂行業令人著迷嘅地方.
追尋夢想的路從來不易走, 千其唔好為咗想走一條容易嘅路而放棄!

人弓火木 2023-10-25 17:35

中四. 讀好D書. 搵份好工. 照顧好家人. 之後有錢有時間先學返. 

遲起步. 天份唔高. 只能坦白承認學琴只可以成為興趣, 教琴搵唔到食. 

或者唔教琴. 做YOUTUBER 殺條血路. 可能有得諗.

小卡梅 2023-10-26 09:51

你問得 "要唔要放棄學琴",即係內心想放棄,咁不如暫時放棄。
因為真對玩音樂有熱情,唔一定為教琴,你係應該搵方法 減少家庭負擔 又可半自學練琴...大前題係時間要分配好,唔好影響學業。

llun99 2023-10-27 13:26

如樓主係男既。。要來教琴就真係放棄。。

如係女既。。我覺學來PT教都冇所謂。。只小有多樣野搵錢。。

如諗住長教就真係唔好入行。。:smile_40:

sallycake10 2023-11-11 22:00

一句講晒,唔好用教琴做正職

hunched

*** 作者被禁止或刪除 內容自動屏蔽 ***

CherylLee 2023-12-30 22:41

任何同藝術有關嘅,唔使諗賺錢,只為興趣。冇家底更加唔使諗住靠任何藝術賺錢。當無資源無多餘時間,讀好書搵工仲實際。當你賺到錢,再重拾興趣學返仲好。一定唔好諗住考到演奏級係為賺錢。學琴所付出嘅錢同時間跟賺錢唔成正比。樓上啲comment好啱。手停口停,無福利,睇怪獸家長面色。教琴只可以係兼職,做全職,自己都養唔到。又要周圍走教琴,好嘥時間。固定係琴行教,要拆一半。唔好諗住賺錢。專心讀書好過。

阿斗 2024-1-25 14:31

好灰...:smile_42:

海邊小小達人 2024-1-26 00:44

教琴比你想像中難百萬倍,生存比你想像中難百萬倍。學四年黎講唔算慢,計埋初級共四年五級其實唔算慢,正常一般人都一年一級,因為多數都唔會好勤力,但你有目標,理應好勤力練習,應該可以快一兩年。你首要讀好書,大把好路你行,學琴放在次要,唔好當音樂係一個搵食工具,真係唔得。十個九個話比你知條路難行,行行出狀元,你會是狀元嗎?


我得八級,有考到丁架,都另外有學緊演奏級,而假日都有「兼職」教琴,真係想像唔到要有幾出色的人先可以生存到,三思!
頁: [1]
查看完整版本: 我應唔應該繼續學琴?