查看完整版本 : 新一代師傅/助技/學徒好醒目

滅富恆者 2023-11-27 19:17

而家好多助技/學徒返工hea做訓教打機,經常遲到病假.比d師傅、站長、甚至乎比經理罵都會駁嘴吊返轉頭,炒佢就轉另一間公司,工作態度照舊.
佢地做夠年資讀完課程升師傅攞牌乜都吾識,壞機吹雞搵人搞,無人幫拖就停機擺低話9知你.
如果比人罵,指指點點做得吾開心隨時轉公司,間間電梯公司缺人爭住請後生有牌師傅,新公司人工可能仲高.
攞住個師傅牌呢度做1-2年果度做1-2年,去到新公司多數拍人做野,唔係帶更hea做無壓力.
如果兜兜轉轉幾年之後去返第一間公司,公司缺人又係要請返佢.人工可能高過做咗好多年無轉公司既師傅.
 
以前有d助技/學徒勤勤力力返工,反而比d蛇王老屎忽師傅搵笨食豬頭骨,又無乜野學到.老屎忽得閒擺款無理取鬧又要忍氣吞聲.人工低每年加人工又少.
攞牌升咗師傅,工作量/壓力/責任多咗,壞機跟吾掂老奉OT吾知幾點收工.
勤力肯做野,識既野比人多.有乜野就搵你去搞,成隻牛咁.
覺得自己做得多,熟手識好多電梯技術好勁好重要?無山頭派系,升職加薪無你份.
死做爛做10幾20年人工隨時低過一過新入職師傅,每年加薪同大圍一樣得幾%.

[[i] 本帖最後由 滅富恆者 於 2023-11-27 19:21 編輯 [/i]]
頁: [1]
查看完整版本: 新一代師傅/助技/學徒好醒目