生果轉貼員 2023-12-25 09:11
谷導都讚好! 👍🏻 老虎幕前幕後都掂呀!! ❤️🐯[attach]14898695[/attach] [url]https://www.facebook.com/100079177552273/posts/pfbid02Mvi8NrCE8dNJoCtGNhWNHcn7U9RLf7Qr6QrCBhkfUMnjmCGirogc43DMd1bxW4E6l/?mibextid=Nif5oz[/url]
MIRROR爆成員小秘密
AnsonLo愛磨甲 Ian絲質睡衣
JERDAN要Jeremy照顧
姜濤攬實Stanley似樹熊
成員心聲：皮皮、Tiger想更多job
大表哥：好想快啲多啲唔同嘅嘢拍
MIRROR團綜《 MIRRORTime》播出在即，周六（23日）晚《 爆谷一周 》請來了五位成員：皮皮 陳瑞輝 （Frankie）、Tiger 邱傲然 、大表哥 邱士縉（Stanley）、Jer 柳應廷 及Jeremy 李駿傑 （Remy）。谷德昭之前做了不少準備，藉不同細節趣事讓成員分享想法，整個vibe輕鬆舒服。
【皮皮認性格好跳 Remy獲封大暖男】
成員都讚Remy是大暖男，虎說：「任何生物喺身邊佢都會照顧。」皮皮補充：「識郁嘅就會照顧。」柳笑：「佢死物都照顧㗎！」Remy的卸妝還借給 ＃Jerdan 這對三姑六婆共用，借後不還，最後在柳的浴室尋回。谷導問Remy：「咁伴侶照唔照顧㗎？」
只有四天拍拖經驗的Remy笑：「暫時未有經驗話畀你知我照唔照顧到，我真係好想分享畀你知，但我真係分享唔到。希望下次嚟可以分享畀你聽。」柳說：「佢許咗呢個願好多年喇…」
皮皮是隊中軍火庫，帶齊藥物，若要長時間開工，他還會帶齊行軍床、露營被、摺凳等供大家享用。「我好驚去旅行瀨嘢呀！」谷導讚他很會照顧自己，柳又說：「佢無神神會嚇你一驚。」皮皮說：「我都唔知呀，有時會反應好快好想講啲嘢，但通常都唔想咁快。」他平時較laid back，又謂：「我性格係好跳，你估唔到我下一步會講啲咩。」虎點頭：「係呀，我而家都有咁嘅感覺。」他說自己有點難搞：「On track去做緊一件事，我梗係想搞下其他嘢。我都唔想，我有時都想迎合下大家。但sorry做唔到，有時。」
虎平時喜歡小酌兩杯，加上天氣凍，酒能暖身，大表是酒友。虎謂：「夜晚好黑，星星好光，飲兩杯好似好浪漫咁。」大表又指Remy酒品不好，謂玩遊戲輸者罰呷一口酒，Remy堅拒。Remy笑：「咁樣唔叫酒品唔好，係個人唔好。」他謂酒後容易出酒疹，谷導搖頭：「最唔好玩。」柳見過Remy醉後滿臉通紅，大表補充：「佢唔開心先飲。」谷導便勸Remy：「唔飲酒好難搵伴侶，唔肯飲酒難埋手。」大家笑言找到他A0.5的原因。
生果轉貼員 2023-12-25 09:11
【姜濤差啲嘔】
爆料部份，敏感人士會過敏。大表謂 姜濤 易暈浪，坐小型飛機期間幾乎嘔，全程俯身手按前座：「嗰架機真係有啲『浪』，感覺似不停玩過山車，真係有離心力。」他還拍了姜一張黑圖，「樣衰到我唔可以post。佢個樣係準備想嘔，（做表情）因為低炒，呢個位（下巴）圓碌碌咁！」那天是分組活動，任揀。虎柳皮觀鯨，姜認定出海必嘔無疑，又以為小型飛機是民航機，結果他全程不停問：「完未呀？完未呀？」
輪到虎爆同房的 Lokman 趣事，「我哋兩張單人床，咁樣就…」全廠閉氣等他，虎「就…」了數秒，谷導追問有甚麼事發生，虎說：「就係冇事發生！」皮再問：「咁個秘密喺邊？」虎答：「原來阿Man瞓覺係冇鼻鼾嘅！」
生果轉貼員 2023-12-25 09:12
M【Ian的絲質睡衣】
大陳就爆細陳Ian 陳卓賢 秘密，「夜晚我去搵佢，『阿陳，我要沖涼喇喎！你借嚟沖吖！』佢一開房門，着套睡衣，有啲領口、長袖，齋色嘅，藍色，絲質，滑滑地嗰啲。」谷導追問：「佢有冇揸住隻萬壽無疆杯？」據皮皮形容，陳的睡衣是深色，「令」身，質地舒服，也一如以往帶備私家枕頭套。谷導讚畫面令人遐想。柳爆 AnsonLo 盧瀚霆（阿撈）每次用浴室起碼兩小時：「佢浸浴呀，喺度唱歌、開演唱會、磨指甲。」大家打台灣牌，撈磨完甲就會敷mask出來，扒飯觀戰。
【皮皮：好多時間反省 】
12子最近拍片宣傳產品，各有發揮。大表與皮皮那條，回顧今年，大表說很多時間休息，皮就謂：「反省。 #好多時間反省 。」他去年演舞台劇《 #大象的告別式 》，大表本來也有機會做舞台劇，最後公司以綵排演唱會為由推掉。大表曾謂：「失望之後是甚麼，是絕望」又說：「好想好想演戲。」
皮皮平安夜分享派心甜蜜story，大家都關心左手是誰，不過以下這段對話似乎更值得細思。 皮說：「我比較貪心，希望各方面多啲嘗試，尤其drama方面，希望多啲唔同角色可以做下、磨練自己。」谷導就說：「你要話畀大家聽，唔係你想做乜，而係你做啲乜會好睇。你成日話你個人比較被動，咁要主動啲畀我哋做電影呢班人知，咦，佢覺得自己做呢個類型角色會好睇，畀個picture我哋，如果唔係我哋好難諗。你要有主動啲嘅諗法先得。」皮皮後來說：「谷導一定真實畀意見同教我哋，又諗番當時經歷同啟發到嘅嘢，好多謝你，我哋會努力。」
大表今年只拍劇集《島嶼協奏曲》，他說：「好想快啲多啲唔同嘅嘢拍，劇呀戲呀主角又好配角又好。」谷導引導他說出想演類型，大表謂想演能反映社會各階層的角色，又說：「好想跟台灣多啲合作，嗰邊嘅工作環境係好多演員會喜歡，自由度多啲。」
生果轉貼員 2023-12-25 09:13
【虎仔：希望密食當三番，可以多啲嘢做】
虎仔皮皮曾謂要等宇宙粒子撞擊才知出唔出到歌，虎謂：「希望密食當三番，可以多啲嘢做，冇規限乜嘢類型工作，有工作都想試咗先。」谷導看過他的《 #是日精選 》，讚他可以做幕後：「做啦！做幕前好被動，有個做幕後嘅兄弟喺度，好似史泰龍咁度啲嘢畀佢哋做。畀啲心機。」要他幕前幕後都做，虎說：「係，可能音樂上，如果能夠有機會都想嘗試下。」
娛壹
生果轉貼員 2023-12-25 09:22
[attach]14898709[/attach]
生果轉貼員 2023-12-25 09:22
[attach]14898710[/attach]
生果轉貼員 2023-12-25 09:22
[attach]14898711[/attach]