查看完整版本 : See you in our dreams ❤️

Babe 分開咗2個幾月了 你幾好嗎 有想起過我嗎 如果我地無分開 今日係我地一齊咗嘅第300日 如果我地仲係一齊 你會同我講Happy 300th Day 我或者又會大頭蝦唔記得 20230321 20230330 20231106 都係我唔會忘記嘅日子


喺埋一齊嘅呢幾個月 我好感受到你嘅包容 你嘅愛 你帶比我幸福感 比到我嘅安全感 你令我安心到再次相信愛 我好感受到被愛 同你一齊真係好開心 搵返戀愛嘅感覺 我感覺到大家都好投入件事 大家都付出真心


我一開始就知道自己嘅位置 理性話比我知 我唔可以諗要取代任何人 唔可以做一啲傷害你同你家庭嘅事 萬一有呢樣情況發生 我唔可以因為自己貪玩而要令其他人受傷 我會自動消失 但係 當大家都付出咗真心 呢一日黎到嘅時候 原來係好難受好難受 到今日 我都係仲好難過


最近聽一首歌 佢係咁寫 「重啓不了人生 畫面永遠黑暗 損毀了的我 試圖微笑⋯⋯沒神韻」 「沒靈魂 沒有心 這空殼已經 不𢤦再熱吻」 歌詞好似就係寫緊我呢刻嘅狀態咁 

如果有一日 可以的話 可以再見嗎

[[i] 本帖最後由 tobeabettermeee 於 2024-2-1 12:56 編輯 [/i]]

Babe 唔知係性格關係 定係星座影響 痛夠了諗通咗做好咗決定 原來我都可以好灑脫 


你記唔記我地最後一次見 係我食完公司dinner 我地約喺近你屋企嗰MTR站等 然後一齊行返我屋企 我好記得你一見到我就問 我要幾多點返到屋企 同埋嗰晚你送咗份禮物比我 其實呢件事 我諗咗好多嘢 我總係覺得你嗰晚同平時有d唔同 有少少冷淡 唔知係咪你攰或者係咩 同埋我記得 係我開口講想kiss 如果喺平時 我地一見面就會kiss 跟住我地搵地方坐低咗 你送禮物比我 跟住同平時一樣 你送我到屋企樓下 之後返自己屋企 但係喺同平時唔同嘅係 你無主動text我話返到屋企 平時你都有呢個習慣 會text我話比我知你到屋企 之後過咗2日 你就同我講要分開 時間上好巧合 我諗咗好多嘢 會唔會係你plan咗分開？定係真係純碎時間上巧合送完禮物就出事？如果你plan咗分開咁喺一齊嘅時候你係咪真係愛我？我眼前呢個人對我有幾真？我越諗越多 越諗越痛苦 你記唔記得我講過我係一個好無安全感嘅人 如果你係plan咗我會好心寒 好難以置信 一個一直表現得好愛自己嘅人 原來心裡面盤算緊分開 佢仲約緊自己月尾一齊放假去玩 咁究竟呢個眼前嘅人係唔係真係愛自己？之前做嘅事 對自己係唔係認真？又會覺得點解自己咁蠢點解唔察覺 好多好多唔知係唔係真嘅嘢好多負面嘅嘢充斥喺個腦海度 好多懷疑出咗黎 好可怕 好恐怖 呢個完全無徵兆嘅突然死亡 對無安全感嘅我黎講 係一個好大好大嘅打擊同惡夢 我要用好長好長嘅時間先可以釋懷 


分別有幾個人同我講過 話如果你真係夠愛我 你一定會搵到方法聯絡我 可以有更好嘅方法處理我地之間嘅關係 我當初聽到嘅時候 總會幫你搵著口 麻醉自己點解你唔搵我 一直以來 我對你都係100%信任 而家回想返 或者佢哋講得啱 你無我想像中咁honest 唔係我想像中咁愛我 而家諗返起你連真正嘅電話號碼都無比過我 可能係我比唔到你覺得我係做事有分寸嘅人 ？可能係我比唔夠信心你？而家我終於明白佢地所講嘅嘢 只係我stupid地一直唔想去承認 


我決定咗 我唔會再做怨婦 唔再呻分手 唔會再唔開心 呻掛住你嗰d  唔會再比舊黑雲纏住喺自己頭頂 事實上 有其他更多嘅事情需要我去關心 有其他更多事情可以令自己開心 或者 好似我之前最後比你個WhatsApp咁講 亦都係最卑微嘅願望 只要我地一齊嘅時候 你曾經對我真心就夠


我無諗過自己會投入到呢個程度 無諗過自己可以對一個人咁loyal 我WhatsApp講嘅嘢 我keep到做到 多謝你改變咗我 多謝你picture咗好多好美好嘅畫面比我 亦都多謝上天安排我遇到你 不論你對我真唔真都好 一齊嘅時間雖然短 但係過程精彩


將來嘅事 無人可以知道或者預計到 你講過我地可以做好朋友 我都希望可以做到 不過隨緣啦 不過我好肯定 喺我生命裡面你係其中一個最重要嘅人


今日聽返嗰首歌 已經無晒感覺 我諗可以重啟我嘅人生了

今日 分手第100日了 希望你過得好 新年快樂

你同我講過 叫我想move on的話就去做 我唔想 我唔想同你距離越黎越遠 但我都一試 我好努力去試下move on 呢個move on未必係要接受其他人 只係想自己可以overcome到呢場斷崖式分手 我真係好努力好努力去嘗試 反反覆覆 你仍然喺我心裡面好重要好重要嘅位置 嗰心都係喺你度 都未可以接受到新嘅關係 你仍然係我嘅first priority 既然係咁 我就將你放喺心裡面一個好特別嘅位置 

今日 我去咗食你最鍾意嘅沙爹牛肉麵 今日 好想同你講 情人節快樂 

[[i] 本帖最後由 tobeabettermeee 於 2024-2-15 17:52 編輯 [/i]]

[attach]15043105[/attach]

我唔再死撐了 Babe 我好掛住你 我真係好掛住你 我曾經試過 喺我屋企向住你屋企嘅方向 同你講嘢 好似個傻瓜咁 如果我地仍然有緣嘅 我相信你會感應到 我係咪好傻呀？ 我知我係呀 不過 我鍾意就得 你都講過 叫我做返自己就得 我知嘅 或者我地以後都唔會再見 但係我好想心存希望 等唔等到你都好 我會努力做好自己 提升自己 若果有同你見返面嘅一日 我都希望到時候我係你心裡面鍾意嘅模樣喺你面前出現 我知道你唔會在乎 但我只想做好自己 令自己更好 就好似我識你嘅時候你個account名咁 

[[i] 本帖最後由 tobeabettermeee 於 2024-2-21 08:28 編輯 [/i]]

最痛苦嘅係 明知道你嘅選擇係正確 明知道唔會再見 但都繼續同自己講 要心存希望

Babe 你嘅睡眠窒息情況有無改善呀？你講過要買呼吸機 有無買呀？記得要好好照顧自己

[attach]15074725[/attach]

我會搬離開而家住嘅地方 以後你都可以舒舒服服喺呢區生活 我地唔會再見

我有睇婚後事 睇到男主角面對老婆同個囡嘅時候 我將你套入咗個角色度 我更加明白你難做嘅地方 更加唔希望令你有煩惱 所以當初我無喺你面前勉強挽留你 我覺得自己都係做得正確 縱使我真係真係好想同你喺埋一齊 但萬一你有咩事沾污咗你人生 我會好內疚 所以我請願自己一個痛苦

諗返起 你好似無講「分手」呢2個字

唔知你記唔記得 我地每次見面 情況容許的話 第一時間我地總係會kiss一啖先 唔知你有無呢個感覺 我地喺埋一齊 所有嘢都好快好快 好自然就好似一齊咗好耐咁 大家嘅感覺就好似一對熱戀咗好耐嘅couple咁 所有嘅事都係甜蜜嘅 有你出現嘅moment 我嘅眼裡就只係有你 只係需要你 你令我有返初戀嘅感覺 好sweet 所以而家更加唔捨得

你講過  「我會諗，如果早啲認識你，成件事可能好唔同」「都應該同居，睇下會唔會結婚」 「星期六日可能返沙田同藍田食飯」


多謝你比咗好美好嘅畫面我

[[i] 本帖最後由 tobeabettermeee 於 2024-3-2 23:32 編輯 [/i]]

4個月了 


呢4個月 我嘅情緒keep住反反覆覆 時好時壞 到最後 都係懷念我地嘅一切 希望你過得好 過得幸福


我好掛住你

我唔想喊 我真係唔想做喊包 我好想放低 但係就係會不停咁諗起 不停咁loop 究竟我可以點做 點解你可以幫其他任何人 除咗我？

「你本來是一位善良，有動力，有主見，對自己生活有要求的人就是因為陷入了一段對自己冇益處的關係難以忘懷，而失去咗真正的自己你還記得真正的自己開心快樂的自己嗎？」

啱啱喺櫃桶搵返d嘢出黎 本來諗住慢慢著比你睇 不過無機會了

我估唔到 會有呢一日 你黎巴士站搵我嘅呢一日 雖然呢個念頭喺我腦海出現咗好耐 但我無諗過會成真 一見到你 個感覺返晒黎 我仍然好愛你

舊年今日 我地相識的日子 好想可以好似佢地咁[attach]15131524[/attach]

死心了 再見

[quote]原帖由 [i]tobeabettermeee[/i] 於 2024-3-31 21:32 發表 [url=https://www.discuss.com.hk/redirect.php?goto=findpost&pid=565563179&ptid=31448557][img]https://www.discuss.com.hk/images/common/back.gif[/img][/url]

死心了 再見 [/quote]
咁深情，終於放下