查看完整版本 : 30中應否轉行做social work assistant之類?

本人30中 女 性格比較文靜唔係好識埋堆 但都鐘意幫人

依家番緊份文職 每日重重複複 雖然唔忙唔辛苦 但好冇意義 有諗過讀過social work課程  (睇過2年兼讀制課程 都要接近20萬)

而我讀完出黎都應該接近30尾 應唔應該冒險 跳出去試下？ 同埋係咪要簡field黎讀？

我本身積蓄唔多 加埋大概3x萬左右 讀完個課程可能得番1x萬 麻煩大家認真俾啲意見我 thanks

而家要搵社工位唔容易, 要諗下值唔值得讀. 做其他野好過啦! 

而家搵SWA (Social Work Assistant)位好容易架咋，大把單位唔夠人，fresh graduate 都好多人爭住請。人工大部份跟point, MPS point 9開始。


樓主睇下錢途同工作性質岩唔岩啦! 

如果真係去interview ，千祈唔好淨係話鍾意幫人，實比面試串

[quote]原帖由 [i]薪火[/i] 於 2024-2-17 11:35 發表 [url=https://www.discuss.com.hk/redirect.php?goto=findpost&pid=564666471&ptid=31449065][img]https://www.discuss.com.hk/images/common/back.gif[/img][/url]

而家搵SWA (Social Work Assistant)位好容易架咋，大把單位唔夠人，fresh graduate 都好多人爭住請。人工大部份跟point, MPS point 9開始。


樓主睇下錢途同工作性質岩唔岩啦!  [/quote]
咁social work assistant多數做啲咩

幫助殘疾人士，提供工作機會

本人直屬上司是一位在院舍做的社工。
社工好叻，咩都識咁，唔識都好好學問人，又中意助人教人，關心院友，有耐性傾聽院友心事，不理自己有多辛勞，什麼也以院友幸福利益為第一。
她的工作有跟院友開小組興趣班，跟院友家屬聯繫（通知突然入醫院，院中活動，院友最近發生什麼事，什麼雜費等等），了解院友個人需要，跟護士治療師協調如何更好地幫助院友身心發展（例如有個燥狂症院友，社工要找一個特別的座椅讓他坐，改善其情況）。
以我所見，社工真的訓身投入呢份工去做，院友入院，佢又要撲去醫院探人，了解情況，探完又趕回來。治療師放假，佢不想大家停了做治療（好像做運動）都幫手代下位輔助佢地做治療。閒時又會買D新奇有趣的玩具哄院友。特別節日又會買餸加餸請大家食。搞活動做主持一定想方法哄大家開心投入玩遊戲。
以上是一般院舍社工的工作（我眼看到就是這些，還有不止於此）。當然仲有不同界別的社工，如做學校的，探訪夜青的等等。
大概佢地都係有無私無我的心，為左服務對象，連私人時間也可捨棄。
 
樓主要問下自己，當「幫助人」變成一份正職工作，差不多要時刻On Call，你接受到嗎？
還是只是抱有「工餘時，順便幫下人都幾好」的想法？如果是後者，不如Keep住一份有穩定工資及時間的正職，閒時才去做義工幫下人，這是最理想。
 
本人是在一間大NGO的院舍中做活動幹事，好似樓主咁，之前做了多年文職，覺得太悶了，無野學。
又覺得自己平時都有幫人的心，兼且想試下投身於隨人口老化，而大有發展的社福界醫護界，看自己適合什麼崗位，再進修為佢地填補人手。故此決定辭了文職，去社福機構做幫下人。
之後去院舍中做活動幹事。但當真正變成正職，真的吃不消。為了面對那麼多院友和其家人的需要，又要配合社福署一些規定而作的衛生工作程序，在多個不同職位同事之間作協調，加上人手短缺，工作量之龐大及人事之間互動配合，真的是很大壓力。每天放工回家也身心疲憊。當初偉大的夢想被現實環境壓力折磨掉了。
所以幫助人也是要理性而非感情用事，樓主想一想，你做了那麼多年文職，真的可以轉變成一個無私地，付出精神時間勞力的人嗎？如果考慮過是不可行，倒不如繼續做一份穩定的工，養到家養到自己，有餘時再去進修，做parttime或義工助人。
 
如果樓主看完以上內容，內心一團助人熱火仍在。建議樓主也可在假日，到社福機構做parttime或義工幫忙。看自己適不適合，如接受到，便固定去幫忙，培養自己助人的耐性，恆心和毅力。同時進修社服課程。還有多做運動練大隻點，對日後服務老人及殘疾人士，要扶抱和推輪椅時，有很大幫助。
 

以上是過來人的說話，供樓主參考。

[[i] 本帖最後由 VVincy 於 2024-3-3 20:10 編輯 [/i]]

咁首先你要接受到社福界嘅追數文化
社福界除咗幫人同時都要達到服務數量標準，有時會覺得追數反而仲緊要過幫到人係服務層面上。
你睇下本身你鍾唔鍾意program planning呀寫proposal呀做case work呀同人協調呀，同埋當然有啲固定嘅行政文件嘢啦

同埋而家有啲服務都係project base可能完咗就未必有，要經常轉工作

part time社工都係離不開
暗愛
伍輪x
青年會
港專

睇下如果唔讀可以做咩搵錢

試下做PW/PA 體驗下先
唔駛一黎就嘥十幾萬讀書
想幫人點解唔去做義工?