生果轉貼員 2024-1-25 22:14
睇完呢個節目更加欣賞保錡，亦對阿神改觀左，個節目拍得好好睇，唔止講跑步咁簡單[attach]14988018[/attach] [url]https://m.facebook.com/story.php?story_fbid=pfbid0YRaKFpcAVGaQDXZGVymK5rpq4Hfbqy7gv2hr67pHpzUY1JYDSLgTckhKjsifV9hjl&id=100079177552273&mibextid=Nif5oz[/url]
《公司冇逼我跑馬拉松》
阿神曾贊學 同保錡鬧大交得到啟發
「我可以做嘅，就係盡我嘅全力去表演」
收入低難養家 媽咪冇怨言繼續支持
保錡33歲生日照練跑：俾人追過就會退步
ViuTV 用一年時間拍《公司冇逼我跑馬拉松》，紀錄藝人由零開始挑戰馬拉松，過去一年保錡深受影響，成為娛樂圈跑步代表人物之一。節目中保錡經常講，想透過跑步感染更人做運動，最先受他影響的，大概是同一節目的阿神 曾贊學。
今次節目 蔡宛珊、何洛瑤（Sica）、鍾卓穎（Ash）先後退出，阿神 練跑雖然有遲到缺席，但仍努力練習，不過就因為膊頭痛影響練習，與保錡鬧過大交。最終在保錡介紹下，幫阿神搵到物理治療師，證實「半甩臼」，醫生形容阿神每跑一步都痛，手臂活動幅度只剩三成左右。膊頭痛真有其事，想投身演藝事業亦不是口花花，阿神最早參加過《亞洲星光大道3》，直至玩《造星》加入ViuTV，他表示一直缺乏信心，不時質疑自己：「當時有覺得自己晒時間，但演藝事業我係想終身堅持，想喺人眼中係一個唔易放棄嘅人，做到被人淘汰、甘願為止，想捉緊我可以把握嘅機會。」
不過娛樂圈殘酷，努力未必有相應回報，外人亦難以理解。阿神說收入唔穩定，難儲錢，對比以往做保安不過兩萬元的月薪，更難養家，好彩媽媽再難都繼續支持：「佢會幫我唸經、幫我祈禱演藝發展好。」
節目後阿神在IG回顧，細細個被公公讚「好啱氹人開心」，自始對唱歌跳舞着迷，而媽咪辛苦供養自己讀民生書院，希望自己做公務員有穩定收入，但阿神渴望：「好想自己嘅人生可以活得自由啲，條路係啱定錯，我都希望係自己去選擇。」雖然結果未算好，但仍然一直練演戲練跳舞，直至開始練跑才學識表達，讓其他人了解：「我可以做嘅，就係盡我嘅全力去表演，管理好我嘅情緒，永遠都用令觀眾開心嘅角度去表演。」
而今日33歲生日的 保錡，就連生日都要同一班跑友繼續跑步，他拍片紀錄低心靈雞湯，表示十年前是「超級無敵大垃圾」收工諗搵地方玩：「十年後諗點樣令自己更加進步、吸收更多智識，呢件事令我明白到人係必需反思，唔可以原地踏步，人哋追過你就會退步，希望大家都唔好停留喺自己comfort zone。」
娛壹
bigmouth2006 2024-1-25 23:00
我敢講
近年最好睇
最有意思
最好人選既節目👍