生果轉貼員 2024-1-25 22:16
雨天家族好好笑，皮皮妹妹好靚女🥰🥰，文文媽媽好媽媽feel, 勁爸好粗獷，虎仔把聲好好聽，畢生江好呆萌😍😍😍😍😍[attach]14988021[/attach] [url]https://m.facebook.com/story.php?story_fbid=pfbid0oUbmxiKS2xbHqywaceM63SnUhxnEsVWdxhesTVczP2m4qDNVdircuH533LQHkcVCl&id=100079177552273&mibextid=Nif5oz[/url]
MIRROR演唱會第八場彩蛋
Tiger邱傲然邀雨天家族re-u
唱豪情版《特_登》
回憶疫下拍「自力更生」系列
Fans表達訴求：我想聽《WARRIOR》
AnsonKong 江𤒹生 solo作《特登》，有多個版本，有dance version、soft version、《特La登》cover（feat.徐浩）、有音樂短片，但最有記憶點是 雨天家族 《 特_登 》。那條1分鐘鬼片一樣的預告片，Alton 王智德 用iMovie剪成。
「雨天家族」成員有AK（飾演細佬畢生江）、Tiger #邱傲然 （飾演Tiger）、王智德（雨天爸爸）、Lokman 楊樂文 （雨天媽媽）及特別演出：皮皮 陳瑞輝 （Frankie）。《特_登》YouTube原片已被王智德收起，不過 Loktonger （Lokman、Alton及Tiger）20年4月1日開live影片仍能找到。
【皮皮飾雨天家姐 周圍撩仔】
《特_登》是 Loktonger 繼惡搞／二創 #陳卓賢 《 正式開始 》後另一cover作，故事與《特登》音樂電影屬平行時空。
皮皮是片中彩蛋，戴假髮反串女角Frankate，回頭撥髮幽怨望鏡，隊友表示驚豬。文哥曾笑言：「佢喺後面企，你唔小心擰轉頭望佢都嚇一嚇！」當日皮皮未埋位已經入戲，周圍調戲隊友，枕在AK肩上撓實，一臉乖巧，真係好嗲。
【感謝家人、哈虎與天衡】MIRROR演唱會 第八場彩蛋是虎仔，彩蛋中的彩蛋是雨天家族。虎甫上台便說：「For大家info，都係嗰句，我係sell唔講嘢㗎（編按：同埋sell低音）。」並逐一致謝，先感謝家人：「我好想多謝父母。我由細到大都唔係一個好叻好聰明嘅人，但喺佢哋栽培、支持同陪伴之下，我先有今日有嘅機會，好多謝佢哋。」又感謝小貓 #哈虎 ，「每晚返到屋企見到哈虎喺度喵我，我嘅力量返晒嚟。我要繼續畀心機搵錢買貓糧畀佢食，養到佢肥肥白白。」
「我好想多謝我妹，《 Alright 》呢首歌，琴係我妹妹彈，呢件事好有意義，我自己第一首歌可以同阿妹一齊合作，好希望將來可以同佢同台表演啦。」並預告《Alright》有bts，又說：「彩蛋呢，好遺憾地小弟嘅個人單曲真係得嗰隻，暫時冇第二隻歌。但我又諗緊，嚟緊又做歌好唔好呢？」台下fans大聲叫好。
虎說：「咁 天衡 要交畀你喇。天衡我要好好多謝佢，呢一兩年佢教識我彈結他，教識我好多嘢，又同我探討咗好多嚟緊、或我以前一啲問題。好衷心多謝天衡，佢令我更加喜歡結他。」又笑：「同埋天衡好好㗎，佢成日導我買結他㗎。」並感謝工作人員辛勞。仲有小虎隊呢……
【疫下拍「自力更生」系列】
之後虎介紹雨天家族出場，又問：「邊個係爸爸邊個係媽媽？」晒肌扮抄煤氣的是爸爸（王智德），陰聲細氣蘭花手的是媽媽（文哥）。大家都說不記得了，「畢生江」AK笑皮皮：「你諗下，今日佢假髮都唔記得戴。」皮說：「由佢啦！」虎就謂：「嗰陣冇budget呀，所以局住要搵皮皮過嚟扮女仔。」
AK又說：「嗰陣拍呢條片都幾開心，啱啱出道，又撞正疫情，大家嘅工作量下降。為增加曝光率，（文哥：有個創作魂出咗嚟喇！）咁大家就話，我哋拍啲片好唔好呀？開頭真係好raw，有啲片係用電話拍。」虎答道：「係呀，我記得嗰個系列叫做 #自力更生 系列。」王智德謂：「咩有啲呀？大部份都係。」
王智德問大家看過《特_登》未，文哥呼籲未看過的人可以找回來看，王智德即別過臉伸脷。條片喺佢度，除非佢放番出嚟…
今早王大人已經將《特_登》在其YouTube channel重新上架。
【皮皮：冇咗個假髮，我都諗唔到做乜】
至於表演項目，AK笑言可以表演打機，虎建議唱歌。AK形容：「呢首歌都幾耳熟能詳㗎，我覺得。」虎回頭問王智德：「咁你負責啲咩㗎？」王答：「我都係睇feel嘅，你想我負責啲咩？今日你主場。」虎說：「好呀，咁你一陣睇下feel睇下負責啲咩啦！」王智德笑：「好呀！」
文哥表示今晚做樂手（沙槌），又說：「光宗耀祖揚名立萬，終於喺咁多人面前表演我最耍家嘅嘢喇！」皮皮呢？他說：「其實冇咗個假髮，我都諗唔到做乜。」
【Fans寫大字報訴求：我想聽WARRIOR】
之後虎彈結他﹐表演《特登》acoustic版。唱了一半AK忽然說有點「齋」，決定改為表演《特_登》bts。AK指著台下觀眾：「你哋話（好）㗎！你哋負責番呀！」虎則說：「嚟喇喎，坐穩喎！」Acoustic版變成豪情版，展現他們日常最有自信最豪邁奔放一面，請自行上MIRROR YT feel下。
第八場有全場大合唱《One And All》，另有生粉寫上「老闆世一 請畀❤」，AK即走到台下與之合照。是夜AK胸前掛著的小卡變成隊長楊樂文的Kicks crew卡，無價。另有fans表達訴求，高舉「 我想聽WARRIOR 」標語，大會cam也正好take到這一幕。
#娛壹