查看完整版本 : HX SEP trainee

夜間保安 2024-2-4 01:18

有無人apply咗hx  SEP trainee? 
想知道大概薪酬及晉升階梯如何 謝謝
歡迎討論

59rabbit 2024-2-9 13:04

入職一開始要受37日training而且每日都要考試
如果你想走就要賠一萬蚊所以逼你要完成個training
而唔合格三次就拜拜冇得留低所以絕對唔可以失手
不過如果過程中遇到trainer嘅刻意針對就真係唔好彩
小心某Axx八婆trainer好鍾意不停講人是非
未踏入公司大門喺架shuttle bus啲雞皮蒜毛嘅嘢又講
之後認得你又特登grooming嘅時候求其搵嘢針對你
可笑嘅係肉眼所見間課室好多人件衫都皺偏偏淨捉一個
平時啲管理小學雞都算連考個試都小學雞到咁
本身佢睇你唔順眼考考下試都可以搵啲嘢求其fail咗你
平時聲大夾惡要睇佢面色都算連考試都要睇佢面色㗎
考緊試你問佢嘢會扮高高在上咁樣答啲唔答啲
例如問佢應該要serve到邊跟住話聽佢講就得
跟住派餐成程佢坐低翹住手聲都唔出心諗何來聽佢講
之後中間就stop咗你肥你跟住話你冇serve佢同佢擋住嘅人
唔講仲以為考生識讀佢心真實上飛機會有個考官出嚟咁跣人?
而且考試全程一直keep住佢嗰種大聲夾惡嘅tone
甚至俾佢stop完即刻繼續用極差嘅態度同我講嘢
同佢講返佢就理直氣壯屈返你冇問,一早問咗但你唔答姐
人哋投訴完都搵藉口推搪仲要大大聲聲叫我去上訴
早知喺個考試錄晒音同埋事後同佢啲對話留起做證據
完全唔明一個態度惡劣咁不知所謂嘅人點為人師表
開口埋口成個偽君子咁完全冇檢討過自己當考生係佢啲犯
平時已經持住係Trainer就唔尊重人依家仲要黑箱作業
係要幾唔好彩先畀佢哋請咗入去針對受到不禮貌待遇
原本諗住做唔做都算但佢講嘢啲態度同嘴臉真係太嘔心
最後俾晒論據呢間公司咁投訴完都可以冇下文覆都唔覆
真係揭發多啲惡行俾人知道提醒吓大家不吐不快
頁: [1]
查看完整版本: HX SEP trainee