生果轉貼員 2024-2-14 22:50
保錡的感染力越來越利害，希望由他帶領更多人可以注意身體健康，不一定係跑步，做任何一種運動都可以，但跑步係保錡首選。💪🏻💪🏻💪🏻💪🏻💪🏻🤗🤗🤗🤗🤗🤗🤗🤗🤗[attach]15040090[/attach] [url]https://www.facebook.com/share/QKy83C5sJRjfhrdj/?mibextid=oFDknk[/url]
大埔民間體育會
初四funrun跑8.88K
保錡：唔好睇輕跑步呢件事
籲支持香港專業跑手
年初四的樣子，應該是跑步的樣子。 大埔民間體育會 昨日（年初四）在大埔運動場開跑，跑一個8.88K，好意頭。 落場者有 保錡 、《公司冇逼我跑馬拉》導演 Jinny、米露迪、阿神和潘紹聰。「主要係希望大家更加認識跑步，學識磨練自己，因為跑步就像人生係需要磨練，而磨練的過程是辛苦的，希望小小的感染力可以令到大家身心健康，快樂就是這麼簡單。」
有母親在大埔民間體育會TG gp說：「阿仔睇完你哋節目又話想跑，今日終於就到時間帶佢出嚟見識。氹下氹下完成3K，比預期1.5K超額完成。」亦有家長說：「我阿女9歲，行下跑下完成4K。」
有大埔街坊對初四人群聚集表示好奇，引述gp內其中一位跑友所聞，聽到街坊說：「唔知乜乜體育會跑步！」講得出「體育會」，成功一大步。另有參加者表示：「過咗30分鐘後，用意志叫自己跑多10分鐘跑多10分鐘...」
【「加油，跑埋佢！跑埋佢！」】
Funrun就是各人按自己pacing跑，「今天就是你的起步，你已經比原地踏步的人進步了，加油！」「加油，跑埋佢！跑埋佢！」這句，原來真能鼓勵落單的跑友堅持下去；即使未能跑足全程，下次再試，「一開始，一個人跑確實係難，但一班人跑就會好容易。」
一講起跑步，保錡有很多想法分享。柳爺柳俊江與保錡創立大埔民間體育會，就是想更多人了解跑步，逢周二亦有團練。「最重要嘅係，希望大家了解，好多專業運動員、跑手，佢哋係付出咗無比毅力同堅持去訓練，喺佢哋堅持途中係好難好難，所以大家千祈唔好睇輕跑步呢件事。支持多啲香港專業跑手。」
「如果你有鬥嘅心，只要記住，你唔係世界第一，總有人會快過你，總有人會話你慢。所以要記得，唔好同人有鬥嘅心，要突破自己先係最重要。」有人讚他用藝人影響力推動funrun，他說：「我只是一個小人物，為社會做少少，能做多少就做多少。」能持之以恆，係靠你自己。
【保錡講經時間】
保錡自認是個極端的人，因為很多人也這樣形容他。他也經常反思這個問題，極端是好事還是壞事？「做好一件事，就要把所有細節做好，無論如何都要把它呈現得完美和有故事。」
「人生你可以選擇用人工來計算自己的付出，同時你也可以要做得更多更多賺取欣賞來計算；你可以選擇每天空口説自己的大道理不實行，同時也可以選擇每天做不同的實事來進行你的大道理。」保錡講經時間。
「十年前23歲嘅時候，我係一件超級無敵大垃圾，每日收工諗去邊度，去蘭桂坊飲酒；十年後33歲嘅自己，我每日喺度諗點令自己更有內涵更加進步，每日起身我就係諗，我應該晏晝練習做gym先定跑步，或者睇咩YouTube吸收更多知識。呢件事令我明白到人必須反思，唔可以原地踏步。其實呢個世界好簡單，只要你唔進步，原地踏步喺同一個comfort zone，後面嘅人就會追過你。」
「如果你十年前同十年後做同一樣嘢，記得要勇敢踏出第一步。」祝願大家長跑長有，越跑越自由。
娛壹
LaLaChow39 2024-2-15 00:31
咁保錡幾時會叫胖虎跟佢一齊跑步做運動減肥呀？