查看完整版本 : Lokman楊樂文開波鞋咖啡吧未敢入坑儲波鞋

恭喜呀!可以嘆咖啡買波鞋[attach]15093984[/attach] [url]https://www.facebook.com/share/p/4SaZMoavC5sUQkVm/?mibextid=oFDknk[/url]

有片｜Lokman楊樂文開波鞋咖啡吧
未敢入坑儲波鞋
預告年中有新project 《IT狗2》押後拍
AK呼籲勿於停車場追星 文哥自爆曾為避fans撞車

▶請到留言撳link睇片
Lokman（ 楊樂文 ）與友人合資開設波鞋主題咖啡吧「 SOLEBREW 」，今日（5日）開張，SOLE解作波鞋，BREW指咖啡。選址在中環。他笑言只是「嘍囉」，負責點頭和擰頭（決策），有時又會拋點「小諗頭」鬼主意。

新店籌備半年，最初原意是開酒吧，「大家有個開心玩嘅地方，將大家喜歡嘅嘢擺埋一齊再share，聚集下啲同好、打個躉咁囉。」新店投資約七位數，波鞋佔重要部份，部份是股東們的珍藏，最貴一對接近六位數。

【未敢入坑儲波鞋：返唔到轉頭㗎！】
儲波鞋是很少男士夢想，文哥卻未入坑，「返唔到轉頭㗎！遲啲先！」會否邀請 #AnsonKong 江𤒹生「捐」幾對做展品？他笑：「AK嗰啲都未去到呢啲級數。呢啲真係非常非常非常愛，我未開始儲啲會擺但唔着嘅鞋，遲啲先。」他最喜歡店裏1985 Air Jordan 1「Chicago」，「我好想擁有，好想着佢，但已經唔着得㗎喇！佢係用嚟擺嘅波鞋！」

文哥另與好兄弟Chris、DeeGor何啟華及Alton王智德開泰國菜「泰鳩」，兩間店會否分身不暇？「嗰邊partner又係好好，我又係負責up頭同擰頭，幾舒服幾幸福呀！」惟力不到不為財，他也認同：「要親力親為囉。呢個project係半年前開始，嗰段時間我比較得閒，所以參與比較多啲，但呢幾個月真係分身不下。」惟有做生招牌，「希望得閒落下嚟啦，落嚟買杯咖啡外賣攞走。」

【Tiger邱傲然酒量最好】
雖然是酒吧，但文哥不算「好」酒，「鍾意飲囉，有機會就會飲。」他說 #MIRROR 酒量最好是年紀最小的 Tiger #邱傲然 ，又笑謂如隊友光顧，一律免費：「入我數！」 #頭巾兵團 （文哥fans）呢？「我爭取下！」新店會否也成為頭巾應援熱點，他說：「應援可以唔使咁辛苦，擺喺個心度，我已經收到。」so sweet。

【MIRROR世界巡迴 rundown有改動】
文哥表示MIRROR正忙於為世界巡迴演唱會綵排，rundown方面亦會「加加減減」，「單頭嘅solo會有啲改動」。上次團con，不少fans舉大字報，希望MIRROR多唱極具代表性的舊團歌，問12子會否回應訴求主動爭取？「團嘅歌會有少少改動…大家想知就到時留意下啦！」

【曾為避fans撞車 呼籲勿再於停車場等候】
AK昨日再於IG story鄭重呼籲fans勿再於停車場等候，免生意外。文哥稱因為MIRROR近日忙於排練，不少fans特地來等候偶像。「停車場真係危險，有啲轉角位真係睇唔到，我都試過因為咁撞過一次車，撞自己部車呀…所以大家真係要小心，要等嘅上番地面等，因為真係冇眼㗎，整親你真係唔好，所以真係唔好喺危險地方等喇。安全緊要，開心第二。」希望fans及私追們會聽到正副隊長呼籲。

【新髮型為拍MV 年中有新計劃】
除了團con，文哥的工作大計亦排得滿滿，「而家收到最新消息，年中已經有project喇，所以《IT狗2》年初應該未必開到，希望睇下年尾得唔得啦，對唔住呀阿簡（導演簡君晉），sorry呀！」文哥最近再轉「奇異果」髮型，還穿鼻環，可是新劇或演唱會造型？他笑：「呢個頭本身係for我自己MV（《 #如果電話亭 》）個頭嚟嘅…至於仲有啲乜嘢花款，就要留意三月中MV就會出街喇！（即係仲有得玩？）仲有得玩！髮型師好犀利㗎！」

娛壹

[quote]原帖由 [i]生果轉貼員[/i] 於 2024-3-5 23:12 發表 [url=https://www.discuss.com.hk/redirect.php?goto=findpost&pid=565032154&ptid=31494756][img]https://www.discuss.com.hk/images/common/back.gif[/img][/url]

恭喜呀!可以嘆咖啡買波鞋[img]https://img.discuss.com.hk/d/attachments/day_240305/20240305_c0c80aec010c4a912a9b1hPfNmecZc8o.jpg[/img] https://www.facebook.com/share/p/4SaZMoavC5sUQkVm/?mibextid=oFDknk

有片｜Lokman楊樂 ... [/quote]
會唔會同error班蛋散19樣唔識做生意搞到欠債唔還比人貼街招呀？

個樣衰到

▶足本訪問：[url]https://youtu.be/MEz5niuoihA[/url]